Mateusi 14
14
Kovenatu Eroti okyje remẽwarà
(Maku 6.14-29; Rukasi 9.7-9)
1Ãmẽ manyvo Jesu ekoi mã'ẽ rè omã'ẽ mãe kõ omovyvy wete erokwa. Ajawyi Jesu rewarà erãkwẽ ywete. Ajaate kovenatu Eroti pè ojenu ky'y. 2[A'e ojimonyi enu ãmẽ.] Ajawyi kee e'i tite opãtavõarà kõ pè:
– Ajukaoka maekwerà tè rõwã põkõ opoera? Juwão poromojãmorĩ mã'ẽ? Ajawyi rõwã põkõ ikasiay wete mãrãnà jikuwa e'ã reinõgarà rè? e'i tite ikuwa e'ã.
3Kõitokõ Eroti opyyoka Juwão imopã'ãoka. Ma'e rewarà mõ. Weke'yry Piripi werekwarekyi maekwerà tè Eroti. Erotiasi eu erekwarà pè. 4A'evoa rè Juwão poromojãmorĩ mã'ẽ kee e'i epe Eroti pè:
– Ni'ei nereke'yry rerekwarà neekyi! Nivoi neiko Janejare'e pè! e'i ijupe.#Ruk. 3.19-20
5Ajawyi aepo wenu kovenatu Eroti remẽ, ojikõ'õ Juwão rè. Opota ojukaoka tite mijã. Ajamã'ẽ okyje jane kõ wyi, aty wasu wyi, a'e kõ “Janejare'e ayvu mojenuarà tè Juwão”, e'i rewarà mõ.#14.5 Ajawyi Eroti ojukaoka sõ remẽ, aty wasu ojikõ'õ aità ee. Ojimoãpãtà ee teve ãmẽ kupa. Ajawyi nojukaokai Juwão. Omono kõrijõ tè jimopã'ãga pupe tatui upa.
6Ãmẽ a'evo paire kovenatu Eroti oja'a osakyawerà rè. [Ijaty mõropãrà kõ uu ojimoaty ipyri okawa.] Ãmẽ Erotiasi memyry oike ojimomyu ovake kõ, tomã'ẽ ee kupa. Kõjãmuku tè a'e. Ãmẽ Eroti oryvay ee omãjã. Ajawyi e'i ijupe, werekwarà rã'ãga memyry pè:
7– Moma'e põ nepota nejimomyua repy rõmõ? e'i. Ere ije tame'ẽ neupe, e'i. Aje ywete nepota mã'ẽ ame'ẽtà neupe, e'i. Janejare'e reminu mõ ewari rõwã aepo a'e ene, e'i ywe'e tite.
8Aepo e'i ijupe remẽ, oo oporanu oy pè. Ijy kee e'i:
– “Juwão poromojãmorĩ mã'ẽ ãkãgwerà apota, parapi pupe”, ere ijupe, e'i.
Aepo e'i kovenatu Eroti pè ãmẽ. 9Ãmẽ Eroti ojimopirai tesõ aepo renu, [nopotai ojukaoka rewarà mõ.] Kee e'i oupe:
– Pirujẽ emõropãrà kõ wenu eayvukasia, “Janejare'e reminu mõ ewari rõwã a'e”, a'e ywe'e tite remẽ. [Ajawyi manyvo na'e'ãi ajipijarĩ mõ ky'y], e'i.
10Ajawyi omono sota kõ jimopã'ãga kyty, toãkãgo Juwão kupa ky'y. 11A'e kõ ijãkãgwerà weru parapi wasu pupe ime'ẽ kõjãmuku pè. A'e weraa ãmẽ ime'ẽ oy pè tomã'ẽ ee.
12A'evo paire Juwão remimo'ekwerà kõ uu oõvijã reãgwerà pijarà mõ eraa ijaty kupa. Ajaire oo Jesu pè imomewa kupa.
[Aja rewarà mõ tè kãramõ Jesu kasia ojenu kovenatu Eroti pè remẽ, ojimonyi. “Ajukaoka maekwerà tè sipõ opoera?” e'i tite wenu remẽ.]
Jesu omoypa katu ja'umã'ẽ aty wasu rè remẽwarà
(Maku 6.32-44; Rukasi 9.10-17; Juwão 6.1-14)
13Ãmẽ Juwão jukaawerà ojenu Jesu pè remẽ, ojisyry rã'ĩ jane kõ pytery pe wyi oo, yarà rupi. Tekoe'ãma kyty ootà, wemimo'ekwerà kõ reve. Ajamã'ẽ aty wasu kõ okuwapa maty oopa Jesu kõ remẽ. Ajawyi taa taa kõ pe wyi oo akypy rupi kupa. Ajamã'ẽ pee rupi tè oo kupa. 14Ãmẽ Jesu ovãe a'e pè. Ãmẽ yarà pupe wyi oẽ remẽ, aty wasu kõ a'e pè tui upa. A'e kõ rè Jesu omã'ẽ erokwa. Oporijauesa kõ tesõ ãmẽ. Itekorã mãe kõ omokatu, a'e pè tui mãe kõ.
15Ajaire karumẽ emimo'ekwerà kõ oo Jesu kyty javo. Kee e'i ijupe kupa:
– Ike tekoe'ãma tè. Ajawyi aã jane kõ manyvo noereko'ãi wemi'õ rã pyy. Karupa ky'y. Emono kõ ajawyi too wãime, taa kõ pè, wemi'õ rã topyy pãtõ e'ãve kupa, e'i kupa.
16Ãmẽ Jesu e'i ijupe kõ:
– Ãnĩ. Nijamono kõ'ãi. Pejẽ tè tapeapoi kõ, e'i.
17Ãmẽ e'i ijupe kupa:
– Emã'ẽ. 5 rõmõgà kõrijõ tè meju sireko ike. Ãmõ, mõrijõgà teve pira jimiirerà, e'i kupa.
18Ãmẽ Jesu e'i ijupe kõ:
– Peeru ajawyi ije, e'i.
19Weru kupa remẽ, Jesu e'i ijupe kõ:
– Jane kõ toapy okwa kwãkwã kykyre 'aryvo, e'i.
Wapy ãmẽ kupa. Ãmẽ Jesu meju opyy. Ãmõ, pira jimiirerà opyy. Ãmẽ oyvatesa omãjã Janejare'e pè oporegeta. Kee e'i:
– Papa! Nekatuay! Aã ja'umã'ẽ neme'ẽma toro'u. I'ete, e'i oporegeta.
A'e si ajaire openo peno meju ime'ẽ wemimo'ekwerà kõ pè tomosãi aty wasu kõ pè kupa. [Pira jimiirerà wayko yko imosãi kupa.]
20A'evo jane kõ ojimi'u pirujẽ. Ikasi katu ãmẽ kupa ky'y. Jareve jẽ opyta ja'umã'ẽ. No'upai kupa. Ajawyi ja'umã'ẽ kure kurerà Jesu remimo'ekwerà kõ omoaty ijã rykyry pupe [ajairewarà rã]. 12 rõmõ oõjã kupa ky'y.
21A'evo Jesu temi'õ omoypa katu aty wasu kõ rè. Kwaima'ekwerà kõ. Wãivĩgwerà kõ. Ja'yrerà kõ. Ãmẽ kwaima'ekwerà kõ kõrijõ tè jamoirõ irõ remẽ, 5.000 rõmõ tesõ ojimi'u ipyri mãe kõ.
Jesu yy rova'arà rupi wata remẽwarà
(Maku 6.45-52; Juwão 6.16-21)
22Ãmẽ ajaire Jesu e'i mijẽ wemimo'ekwerà kõ pè:
– Pe'yasa amãtejẽ peo yarà rupi erenone rupi, e'i. Aty wasu kõ amojivytà rã'ĩ imono, e'i.
“Hoõ” e'i kupa. Opo ãmẽ yarà rupi oo kupa. Ojisyry kupa paire, Jesu e'i aty wasu pè:
– Awyjepa rã'ĩ poromo'e, e'i. Pejivy peo ãmẽ, e'i.
23Ãmẽ omojivy imono kõ paire, Jesu ojiupi yvytyry rè oo oporegeta Uu pè, Janejare'e pè. Ãmẽ pãtõma remẽ Jesu rõmõ'ĩte a'e pè tui.
24Ãmẽ jakatu emimo'ekwerà kõ oopa pãranã mytery pè iko yarà rupi. Ãmẽ yvytu ikasiay opeju peju tesõ yarà kytyre. Yy opipo pipo tesõ ee. Ajawyi ãpẽi yarà oo.
25Ajaire kõ'ẽsĩma remẽ, Jesu uu ikoty kõ. Yy rova'arà rupi wata uu iko. 26Ãmẽ omã'ẽ ee kupa, yy rova'arà rupi wata iko remẽ. Ãmẽ ojimonyijay ee omãjã kupa.
– Eeee! Taywerà tè rõwã pãkãwĩ! e'i tite okyje ai rõmõ kupa.
Eamamai omã'ẽ ee kupa remẽ. 27Ajamã'ẽ ameve Jesu e'i ijupe kõ:
– Pekyje sõ ewyi! Pejimokasi jẽsi! Ije tè ajo, e'i ojikuwa ijupe kõ.
28Ãmẽ Peturu aepo jaa wenu remẽ, kee e'i Jesu pè:
– Ene tè si, jõvijã! Ajawyi emonooka rejupa, yy rova'arà rupi nekoty, e'i.
29– Ejo awi ekoty! e'i Jesu ãmẽ ijupe.
Aepo e'i remeve Peturu owyjy yarà pupe wyi, yy rova'arà 'aryvo watatà oo Jesu kyty mijã. 30Yvytu ikasiay jẽ a'evo remẽ. Nojipy'amogetai rã'ĩ tite yvytu kasia rè mijã. Ajawyi py'awarà mõ oja'a remeve okyje ai tè ky'y. Ameve oyvypy iko ky'y. Ajawyi wapukai Jesu pè.
– Erõvijã! Epyy rejupa, tamãnõ e'ã! e'i.
31Ameve kuise'ẽ Jesu opojai ipopyy imuu javo ijupe.
– Haa! “Aje ywe'e” nerei sipõ eayvukasia rè nemãjã? e'i.
32Ãmẽ yarà pupe opo kupa ky'y. Jesu. Peturu. Ameve yvytu opipa ky'y. 33Ameve emimo'ekwerà kõ omoe'e ywete ky'y.
– Haa! Aje ywete Janejare'e Ra'yry tè ene! e'i ijupe kupa.
Jesu mõa'ãrõwã omokatu jane kõ erokwa remẽwarà
(Maku 6.53-56)
34Ajaire oo jẽ pãranã ovae kyty kupa. Jenesare yvy pè ovãema kupa. [A'e pè oẽ oẽ oo yarà pupe wyi kupa.] 35Ãmẽ a'e wãnà kõ omã'ẽ Jesu rè remẽ,
– Jesu si ovãe! e'i kupa.
Ameve aepo jaa omono mono pirujẽ taa taa miti kõ rupi. Aepo wenu mãe kõ weru eru itekorã mãe kõ Jesu kyty, tomokatu kõ, pirujẽ.
36Kee e'i e'i Jesu pè kupa:
– Jesu, epota tè itekorã mãe kõ neyru poko retoapy rè ojipy okatupa rõmõ kupa, e'i ijupe kupa.
Ameve itekorã mãe kõ Jesu yru rè ojipy remeve ikatupa. Pirujẽ ikatupa kupa ky'y.
Currently Selected:
Mateusi 14: oymNT
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Mateusi 14
14
Kovenatu Eroti okyje remẽwarà
(Maku 6.14-29; Rukasi 9.7-9)
1Ãmẽ manyvo Jesu ekoi mã'ẽ rè omã'ẽ mãe kõ omovyvy wete erokwa. Ajawyi Jesu rewarà erãkwẽ ywete. Ajaate kovenatu Eroti pè ojenu ky'y. 2[A'e ojimonyi enu ãmẽ.] Ajawyi kee e'i tite opãtavõarà kõ pè:
– Ajukaoka maekwerà tè rõwã põkõ opoera? Juwão poromojãmorĩ mã'ẽ? Ajawyi rõwã põkõ ikasiay wete mãrãnà jikuwa e'ã reinõgarà rè? e'i tite ikuwa e'ã.
3Kõitokõ Eroti opyyoka Juwão imopã'ãoka. Ma'e rewarà mõ. Weke'yry Piripi werekwarekyi maekwerà tè Eroti. Erotiasi eu erekwarà pè. 4A'evoa rè Juwão poromojãmorĩ mã'ẽ kee e'i epe Eroti pè:
– Ni'ei nereke'yry rerekwarà neekyi! Nivoi neiko Janejare'e pè! e'i ijupe.#Ruk. 3.19-20
5Ajawyi aepo wenu kovenatu Eroti remẽ, ojikõ'õ Juwão rè. Opota ojukaoka tite mijã. Ajamã'ẽ okyje jane kõ wyi, aty wasu wyi, a'e kõ “Janejare'e ayvu mojenuarà tè Juwão”, e'i rewarà mõ.#14.5 Ajawyi Eroti ojukaoka sõ remẽ, aty wasu ojikõ'õ aità ee. Ojimoãpãtà ee teve ãmẽ kupa. Ajawyi nojukaokai Juwão. Omono kõrijõ tè jimopã'ãga pupe tatui upa.
6Ãmẽ a'evo paire kovenatu Eroti oja'a osakyawerà rè. [Ijaty mõropãrà kõ uu ojimoaty ipyri okawa.] Ãmẽ Erotiasi memyry oike ojimomyu ovake kõ, tomã'ẽ ee kupa. Kõjãmuku tè a'e. Ãmẽ Eroti oryvay ee omãjã. Ajawyi e'i ijupe, werekwarà rã'ãga memyry pè:
7– Moma'e põ nepota nejimomyua repy rõmõ? e'i. Ere ije tame'ẽ neupe, e'i. Aje ywete nepota mã'ẽ ame'ẽtà neupe, e'i. Janejare'e reminu mõ ewari rõwã aepo a'e ene, e'i ywe'e tite.
8Aepo e'i ijupe remẽ, oo oporanu oy pè. Ijy kee e'i:
– “Juwão poromojãmorĩ mã'ẽ ãkãgwerà apota, parapi pupe”, ere ijupe, e'i.
Aepo e'i kovenatu Eroti pè ãmẽ. 9Ãmẽ Eroti ojimopirai tesõ aepo renu, [nopotai ojukaoka rewarà mõ.] Kee e'i oupe:
– Pirujẽ emõropãrà kõ wenu eayvukasia, “Janejare'e reminu mõ ewari rõwã a'e”, a'e ywe'e tite remẽ. [Ajawyi manyvo na'e'ãi ajipijarĩ mõ ky'y], e'i.
10Ajawyi omono sota kõ jimopã'ãga kyty, toãkãgo Juwão kupa ky'y. 11A'e kõ ijãkãgwerà weru parapi wasu pupe ime'ẽ kõjãmuku pè. A'e weraa ãmẽ ime'ẽ oy pè tomã'ẽ ee.
12A'evo paire Juwão remimo'ekwerà kõ uu oõvijã reãgwerà pijarà mõ eraa ijaty kupa. Ajaire oo Jesu pè imomewa kupa.
[Aja rewarà mõ tè kãramõ Jesu kasia ojenu kovenatu Eroti pè remẽ, ojimonyi. “Ajukaoka maekwerà tè sipõ opoera?” e'i tite wenu remẽ.]
Jesu omoypa katu ja'umã'ẽ aty wasu rè remẽwarà
(Maku 6.32-44; Rukasi 9.10-17; Juwão 6.1-14)
13Ãmẽ Juwão jukaawerà ojenu Jesu pè remẽ, ojisyry rã'ĩ jane kõ pytery pe wyi oo, yarà rupi. Tekoe'ãma kyty ootà, wemimo'ekwerà kõ reve. Ajamã'ẽ aty wasu kõ okuwapa maty oopa Jesu kõ remẽ. Ajawyi taa taa kõ pe wyi oo akypy rupi kupa. Ajamã'ẽ pee rupi tè oo kupa. 14Ãmẽ Jesu ovãe a'e pè. Ãmẽ yarà pupe wyi oẽ remẽ, aty wasu kõ a'e pè tui upa. A'e kõ rè Jesu omã'ẽ erokwa. Oporijauesa kõ tesõ ãmẽ. Itekorã mãe kõ omokatu, a'e pè tui mãe kõ.
15Ajaire karumẽ emimo'ekwerà kõ oo Jesu kyty javo. Kee e'i ijupe kupa:
– Ike tekoe'ãma tè. Ajawyi aã jane kõ manyvo noereko'ãi wemi'õ rã pyy. Karupa ky'y. Emono kõ ajawyi too wãime, taa kõ pè, wemi'õ rã topyy pãtõ e'ãve kupa, e'i kupa.
16Ãmẽ Jesu e'i ijupe kõ:
– Ãnĩ. Nijamono kõ'ãi. Pejẽ tè tapeapoi kõ, e'i.
17Ãmẽ e'i ijupe kupa:
– Emã'ẽ. 5 rõmõgà kõrijõ tè meju sireko ike. Ãmõ, mõrijõgà teve pira jimiirerà, e'i kupa.
18Ãmẽ Jesu e'i ijupe kõ:
– Peeru ajawyi ije, e'i.
19Weru kupa remẽ, Jesu e'i ijupe kõ:
– Jane kõ toapy okwa kwãkwã kykyre 'aryvo, e'i.
Wapy ãmẽ kupa. Ãmẽ Jesu meju opyy. Ãmõ, pira jimiirerà opyy. Ãmẽ oyvatesa omãjã Janejare'e pè oporegeta. Kee e'i:
– Papa! Nekatuay! Aã ja'umã'ẽ neme'ẽma toro'u. I'ete, e'i oporegeta.
A'e si ajaire openo peno meju ime'ẽ wemimo'ekwerà kõ pè tomosãi aty wasu kõ pè kupa. [Pira jimiirerà wayko yko imosãi kupa.]
20A'evo jane kõ ojimi'u pirujẽ. Ikasi katu ãmẽ kupa ky'y. Jareve jẽ opyta ja'umã'ẽ. No'upai kupa. Ajawyi ja'umã'ẽ kure kurerà Jesu remimo'ekwerà kõ omoaty ijã rykyry pupe [ajairewarà rã]. 12 rõmõ oõjã kupa ky'y.
21A'evo Jesu temi'õ omoypa katu aty wasu kõ rè. Kwaima'ekwerà kõ. Wãivĩgwerà kõ. Ja'yrerà kõ. Ãmẽ kwaima'ekwerà kõ kõrijõ tè jamoirõ irõ remẽ, 5.000 rõmõ tesõ ojimi'u ipyri mãe kõ.
Jesu yy rova'arà rupi wata remẽwarà
(Maku 6.45-52; Juwão 6.16-21)
22Ãmẽ ajaire Jesu e'i mijẽ wemimo'ekwerà kõ pè:
– Pe'yasa amãtejẽ peo yarà rupi erenone rupi, e'i. Aty wasu kõ amojivytà rã'ĩ imono, e'i.
“Hoõ” e'i kupa. Opo ãmẽ yarà rupi oo kupa. Ojisyry kupa paire, Jesu e'i aty wasu pè:
– Awyjepa rã'ĩ poromo'e, e'i. Pejivy peo ãmẽ, e'i.
23Ãmẽ omojivy imono kõ paire, Jesu ojiupi yvytyry rè oo oporegeta Uu pè, Janejare'e pè. Ãmẽ pãtõma remẽ Jesu rõmõ'ĩte a'e pè tui.
24Ãmẽ jakatu emimo'ekwerà kõ oopa pãranã mytery pè iko yarà rupi. Ãmẽ yvytu ikasiay opeju peju tesõ yarà kytyre. Yy opipo pipo tesõ ee. Ajawyi ãpẽi yarà oo.
25Ajaire kõ'ẽsĩma remẽ, Jesu uu ikoty kõ. Yy rova'arà rupi wata uu iko. 26Ãmẽ omã'ẽ ee kupa, yy rova'arà rupi wata iko remẽ. Ãmẽ ojimonyijay ee omãjã kupa.
– Eeee! Taywerà tè rõwã pãkãwĩ! e'i tite okyje ai rõmõ kupa.
Eamamai omã'ẽ ee kupa remẽ. 27Ajamã'ẽ ameve Jesu e'i ijupe kõ:
– Pekyje sõ ewyi! Pejimokasi jẽsi! Ije tè ajo, e'i ojikuwa ijupe kõ.
28Ãmẽ Peturu aepo jaa wenu remẽ, kee e'i Jesu pè:
– Ene tè si, jõvijã! Ajawyi emonooka rejupa, yy rova'arà rupi nekoty, e'i.
29– Ejo awi ekoty! e'i Jesu ãmẽ ijupe.
Aepo e'i remeve Peturu owyjy yarà pupe wyi, yy rova'arà 'aryvo watatà oo Jesu kyty mijã. 30Yvytu ikasiay jẽ a'evo remẽ. Nojipy'amogetai rã'ĩ tite yvytu kasia rè mijã. Ajawyi py'awarà mõ oja'a remeve okyje ai tè ky'y. Ameve oyvypy iko ky'y. Ajawyi wapukai Jesu pè.
– Erõvijã! Epyy rejupa, tamãnõ e'ã! e'i.
31Ameve kuise'ẽ Jesu opojai ipopyy imuu javo ijupe.
– Haa! “Aje ywe'e” nerei sipõ eayvukasia rè nemãjã? e'i.
32Ãmẽ yarà pupe opo kupa ky'y. Jesu. Peturu. Ameve yvytu opipa ky'y. 33Ameve emimo'ekwerà kõ omoe'e ywete ky'y.
– Haa! Aje ywete Janejare'e Ra'yry tè ene! e'i ijupe kupa.
Jesu mõa'ãrõwã omokatu jane kõ erokwa remẽwarà
(Maku 6.53-56)
34Ajaire oo jẽ pãranã ovae kyty kupa. Jenesare yvy pè ovãema kupa. [A'e pè oẽ oẽ oo yarà pupe wyi kupa.] 35Ãmẽ a'e wãnà kõ omã'ẽ Jesu rè remẽ,
– Jesu si ovãe! e'i kupa.
Ameve aepo jaa omono mono pirujẽ taa taa miti kõ rupi. Aepo wenu mãe kõ weru eru itekorã mãe kõ Jesu kyty, tomokatu kõ, pirujẽ.
36Kee e'i e'i Jesu pè kupa:
– Jesu, epota tè itekorã mãe kõ neyru poko retoapy rè ojipy okatupa rõmõ kupa, e'i ijupe kupa.
Ameve itekorã mãe kõ Jesu yru rè ojipy remeve ikatupa. Pirujẽ ikatupa kupa ky'y.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.