San Lucas 18
18
Nuila bidabi nu ugía arlo xuedaha
1Jesús‑ni utixxi'anie ka benne rudhetinieha ttu tisa. Aníha benie kini utte dáke deki satía teeki ilhapike tisa len Tata Do Yebáha, abittu edí lireke. 2Nianna tti rabie ke:
―Lhe'e ttu yiesi udo ttu xueda. Labí ria leni Tata Do Yebáha, nigaba a ria leni ka benne. 3Lhe'e yiesiha‑gaba nna udo ttu benne nuila bidabi riabie lo xuedaha, ree na: “Benchi lo ni'a gelu xa tata. Beni elhuxtisi ge nu ritilha laniaha.” 4Isába gwadána, labí bedo naga xuedaha ge benne nuilaha. Ttaka delola nna belaba leni, rana: “Meskiba a ria lasia Tata Do Yebáha lhe meskiba a ria lasia ka benne lhe, 5ttaka nuila bidabi‑ni birula ribi'ettana, dudi dúbana. Tserula ganna udo nagaa geni. Uinlaa elhuxtisi geni kini ibi'ettana nii, kini guttisinna neti.”
6Jesús benne anke Xxanari'iha nna ree:
―Gwaluyúruga bí ra xueda re satsa leniha. 7Anágaba Tata Do Yebáha, ¿katte gwalu abí gwa unie elhuxtisi ge ka benne chi bekwebie ki akake gebie, ganna ttixka ka benneha rela resába se'eke rinnabake lenie? Lhe anágaba, ¿katte gwalu abí gwa udiuba lebie aka lenie ke? 8Neti ria, nnela unie elhuxtisi ge ka benneha. Sun tteba nna neti benne daya yebáha ganna chi besiayaha, la'ania nna yiesi lo yu‑ni, ¿si gwetexxakarua ka benne ria leke neti?
Fariseo‑ni lhe gwekixaha lhe rinnekana len Tata Do Yebáha
9Ka nu rákana deki ankakana ka nu ruin tseru tti adí ka benne de nuha nna rigu'u ni'akani ke, ka nuha nuní utixxi'ani Jesús‑ni kana ttu tisa, benie kini utte dákana bí diani nu raka lebie kixxi'anie kanaha. Nianna ree:
10―Chupa ka nubiyú ugíakana ata do yotu ge Tata Do Yebáha gwalhapikana tisa lenie. Ttu nuha ankana fariseo, attu nuha nna ankana gwekixa. 11Fariseo‑ni nna udúna rana: “Tata Do Yebáha kia, ixkixaru rugwea kwinalu kumu neti labí ankaa tti anka adí ka benne. Ka nuná ankakana ubana lhe ankakana ka nu abittu runi nu dika ixú lhe. Anágaba nna ankakana ka nu rido lenkana ka nuila subi subi lhe nigaba labí ankaa tti anka gwekixa du naa. 12Neti rutte ubina lhe'a chupa lidú lhe'e ttuxmanu lhe rutegabaa len kwinalu tsii por ciento ge iyá belhiu ridía.” 13Ttaka gwekixaha nna idittuliba duna nna nigaba a reyaxinna elhidha loni gwetsá. Sunruba rudhen ro'o lastoni nna rana: “¡Tata Do Yebáha kia, gwatuachi lelu neti de ankaa benne runi nu satsa!” 14Netiru ria, gwekixaha gwa bixúla elha xen lasi ge nuha deyyana besinna lisini; ttaka fariseo‑ni nna labí bixú elha xen lasi geni. Kumu ttu nu ruinna inná xxeni leni, elhida gaala Tata Do Yebáha nuha nna ttu nu rorexxa gaa leni nna uinlee kini inná xxeni leni.
Jesús‑ni unnabe len Tata Do Yebáha kini aka lenie ka nutoha
(Mt. 19:13-15; Mr. 10:13-16)
15Bisingaba ka benne cheke ka nuto geke kini ixxua ná Jesús‑ni ikikabi. Ttaka tti bilani ka benne rudhetinieha, nianna bedhaka disake ka benneha. 16Nianna tti uxi Jesús‑ni ke, ree ke:
―Gwalugwelha ka binto‑na itakabi len neti. Bittu usunale, kumu ka benne runi tti runi ka binto‑na, luesi ka benne‑na nuná ralhake akake ka benne innabia Tata Do Yebáha ke. 17Netiru ria, ganna ttu benne abíba unie tti runi ttu nuto, ugwelhe innabia Tata Do Yebáha bie, benneha labí ake nu innabia Tata Do Yebáha bie.
Ttu nubiyú tee xxatta belhiu geni unne lenna Jesús‑ni
(Mt. 19:16-30; Mr. 10:17-31)
18Ttu ka nu loni ge ka nu Israel‑ni unnaba tisana Jesús‑ni, rane:
―Maestru, lu ankalu benne tse. Utixxi'achu, ¿bí anka nu unia kini satíaba aka bania arlo Tata Do Yebáha?
19Jesús‑ni nna bekabie geni, ree na:
―¿Beaka ralu deki ankaa benne tse? Lanú ttu benne do anke benne tse, sunruba Tata Do Yebáha anke benne tse. 20Lu chiba yulu nu boka'an Tata Do Yebáha uinri'i tti ree: “Bittu dho lenlu nu abittu anka latselalu. Bittu akalu nu runi elhutti lhe bittu lhanalu lhe. Anágaba nna bittu kwentaba usialu iki ttu benne deki benie ttu bixa lhe anágaba nna tsia lelu ka tata nan gelu lhe.”
21Nubiyúha nna rane:
―Ttili ankaa kwitiha gwa rudobaa tisa ge iyá nuná.
22Tti biyieninie nu ra nuha, nianna bekabie geni, ree:
―Sa riyasabalu uinlu attu nu uinlu: betto'o iyá nu tee gelu nna utidhi belhiu ge nu betto'oluha nna begwe ka benne abittu geke tee. Ganna aníha uinlu nna gwattaba elha tse gelu yebáha. La'anialigaba nna chinka utá, tenalha neti.
23Ttaka tti biyienin nubiyúha nu reeha, nianna yalhá si'i bedúna leni kumu yalhá tee xxatta geni. 24Tti bilani Jesús‑ni deki si'iba udú le nubiyúha, nianna ree:
―¡Gáruba tsitsi anka ki isin ka nu tee gekinna akakana benne innabia Tata Do Yebáha! 25Adírula satti ga'a ttu camellu lhe'e yieru do xan ttu yoxa attichula ttu nu tee geni ga'ana akana nu innabia Tata Do Yebáha.
26Ka nu biyienkinna nu reeha nna rákana:
―Ganna aníha nna, ¿nú dhaana esin lenna Tata Do Yebáha?
27Jesús‑ni nna bekabie geni, ree:
―Nu labí ridaa ka benne se'e yiesi lo yu‑ni uinke, Tata Do Yebáha nna gwa ridaabe runie nuha.
28Pedro‑ni nna rane:
―Ri'itu chiba bedhá ikitu iyá nu tee getu nna danalhatu lu.
29Labie nna bekabie gekani, ree:
―Netiru ria le, nuxaba benne ganna chi bedhá ikie yo'o geeha lhe nuila geeha lhe ka betsieha lhe ka tata nan geeha lhe o ka xi'inieha de anke benne rinnabia Tata Do Yebáha, 30benneha xxenirula dhie yiesi lo yu‑ni nnanna, nu si daa nna satíaba aka benbie arlo Tata Do Yebáha.
Jesús‑ni beyonna libela rigixxi'abie deki teeki uttikane
(Mt. 20:17-19; Mr. 10:32-34)
31Jesús‑ni uxie ka benne tsi'inu (12) rudhetinieha attu ta subi, nianna ree ke:
―Nnannaligaba nna tsiari'i lhe'esi Jerusalén‑ni ata aka iyá nu ra lo ka yetsi ben ka profeta ge Tata Do Yebáha tti utixxi'ake gasina teeki satea, neti benne daya yebáha. 32Kumu teeki taga'akana neti lo ná ka nu abittu ankakana nu Israel nna udhaka xiikana neti lhe ulisakana neti lhe. Anágaba uttuttu xxenkani loa lhe 33ukulhakana neti lhe uttikana neti lhe. Ttaka ganna chi beyonna ubisaha nna eyaka benbaa.
34Ka benne tsi'inuha (12) nna labí yuke bixa ge nuha rinnebie, kumu tee ttu nu rusuna na kini abittu rite dákanie nu reeha.
Jesús‑ni bedhalie iyya lo ttu benne anke lo xua
(Mt. 20:29-34; Mr. 10:46-52)
35Uka nuha, tti chi dabiga Jesús‑ni isine lhe'esi Jericó, ro'o nedaha do ttu benne anke lo xua rinnabe belhiu. 36Tti biyieninie rite xxatta ka benne lo nedaha, nianna tti unnaba tise bixa nuha raka. 37Ka benneha nna ráke bie:
―Jesús ge Nazaret‑niba nuná ute nii.
38Benneha nna uresi'a ttebe, ree:
―¡Jesús benne datia David, gwatuachi lelu neti!
39Ka benne daneruha nna rudhaka disalake benneha ki eyaka siibie, ttaka benneha nna adírula idisa uresi'e, ree:
―¡Benne datia David, gwatuachi lelu neti!
40Nianna uleda Jesús‑ni nna udhelhe kini gwaxxíkana benneha. Tti chi bisine ata du Jesús‑ni, nianna unnaba tise benneha, ree bie:
41―¿Bí raka lelu udhakaa lu?
Benne lo xuaha nna bekabie, ree:
―Tata to kia, raka lasia eyali ka iyya loa‑ni.
42Jesús‑ni nna rabie benneha:
―¡Bedhali ka iyya lolu‑na! Kumu de ugía lelu nna gwa beyakabalu.
43Looraha nna belá ttebanie nna gwanalha ttebe Jesús‑ni. Nianna rinnebie ree:
―¡Xxeniba ra le Tata Do Yebáha!
Iyágaba ka benne danalhaha, tti bilákanie nu ukaha nna rágabake:
―¡Xxeniba ra le Tata Do Yebáha!
Currently Selected:
San Lucas 18: zae
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
San Lucas 18
18
Nuila bidabi nu ugía arlo xuedaha
1Jesús‑ni utixxi'anie ka benne rudhetinieha ttu tisa. Aníha benie kini utte dáke deki satía teeki ilhapike tisa len Tata Do Yebáha, abittu edí lireke. 2Nianna tti rabie ke:
―Lhe'e ttu yiesi udo ttu xueda. Labí ria leni Tata Do Yebáha, nigaba a ria leni ka benne. 3Lhe'e yiesiha‑gaba nna udo ttu benne nuila bidabi riabie lo xuedaha, ree na: “Benchi lo ni'a gelu xa tata. Beni elhuxtisi ge nu ritilha laniaha.” 4Isába gwadána, labí bedo naga xuedaha ge benne nuilaha. Ttaka delola nna belaba leni, rana: “Meskiba a ria lasia Tata Do Yebáha lhe meskiba a ria lasia ka benne lhe, 5ttaka nuila bidabi‑ni birula ribi'ettana, dudi dúbana. Tserula ganna udo nagaa geni. Uinlaa elhuxtisi geni kini ibi'ettana nii, kini guttisinna neti.”
6Jesús benne anke Xxanari'iha nna ree:
―Gwaluyúruga bí ra xueda re satsa leniha. 7Anágaba Tata Do Yebáha, ¿katte gwalu abí gwa unie elhuxtisi ge ka benne chi bekwebie ki akake gebie, ganna ttixka ka benneha rela resába se'eke rinnabake lenie? Lhe anágaba, ¿katte gwalu abí gwa udiuba lebie aka lenie ke? 8Neti ria, nnela unie elhuxtisi ge ka benneha. Sun tteba nna neti benne daya yebáha ganna chi besiayaha, la'ania nna yiesi lo yu‑ni, ¿si gwetexxakarua ka benne ria leke neti?
Fariseo‑ni lhe gwekixaha lhe rinnekana len Tata Do Yebáha
9Ka nu rákana deki ankakana ka nu ruin tseru tti adí ka benne de nuha nna rigu'u ni'akani ke, ka nuha nuní utixxi'ani Jesús‑ni kana ttu tisa, benie kini utte dákana bí diani nu raka lebie kixxi'anie kanaha. Nianna ree:
10―Chupa ka nubiyú ugíakana ata do yotu ge Tata Do Yebáha gwalhapikana tisa lenie. Ttu nuha ankana fariseo, attu nuha nna ankana gwekixa. 11Fariseo‑ni nna udúna rana: “Tata Do Yebáha kia, ixkixaru rugwea kwinalu kumu neti labí ankaa tti anka adí ka benne. Ka nuná ankakana ubana lhe ankakana ka nu abittu runi nu dika ixú lhe. Anágaba nna ankakana ka nu rido lenkana ka nuila subi subi lhe nigaba labí ankaa tti anka gwekixa du naa. 12Neti rutte ubina lhe'a chupa lidú lhe'e ttuxmanu lhe rutegabaa len kwinalu tsii por ciento ge iyá belhiu ridía.” 13Ttaka gwekixaha nna idittuliba duna nna nigaba a reyaxinna elhidha loni gwetsá. Sunruba rudhen ro'o lastoni nna rana: “¡Tata Do Yebáha kia, gwatuachi lelu neti de ankaa benne runi nu satsa!” 14Netiru ria, gwekixaha gwa bixúla elha xen lasi ge nuha deyyana besinna lisini; ttaka fariseo‑ni nna labí bixú elha xen lasi geni. Kumu ttu nu ruinna inná xxeni leni, elhida gaala Tata Do Yebáha nuha nna ttu nu rorexxa gaa leni nna uinlee kini inná xxeni leni.
Jesús‑ni unnabe len Tata Do Yebáha kini aka lenie ka nutoha
(Mt. 19:13-15; Mr. 10:13-16)
15Bisingaba ka benne cheke ka nuto geke kini ixxua ná Jesús‑ni ikikabi. Ttaka tti bilani ka benne rudhetinieha, nianna bedhaka disake ka benneha. 16Nianna tti uxi Jesús‑ni ke, ree ke:
―Gwalugwelha ka binto‑na itakabi len neti. Bittu usunale, kumu ka benne runi tti runi ka binto‑na, luesi ka benne‑na nuná ralhake akake ka benne innabia Tata Do Yebáha ke. 17Netiru ria, ganna ttu benne abíba unie tti runi ttu nuto, ugwelhe innabia Tata Do Yebáha bie, benneha labí ake nu innabia Tata Do Yebáha bie.
Ttu nubiyú tee xxatta belhiu geni unne lenna Jesús‑ni
(Mt. 19:16-30; Mr. 10:17-31)
18Ttu ka nu loni ge ka nu Israel‑ni unnaba tisana Jesús‑ni, rane:
―Maestru, lu ankalu benne tse. Utixxi'achu, ¿bí anka nu unia kini satíaba aka bania arlo Tata Do Yebáha?
19Jesús‑ni nna bekabie geni, ree na:
―¿Beaka ralu deki ankaa benne tse? Lanú ttu benne do anke benne tse, sunruba Tata Do Yebáha anke benne tse. 20Lu chiba yulu nu boka'an Tata Do Yebáha uinri'i tti ree: “Bittu dho lenlu nu abittu anka latselalu. Bittu akalu nu runi elhutti lhe bittu lhanalu lhe. Anágaba nna bittu kwentaba usialu iki ttu benne deki benie ttu bixa lhe anágaba nna tsia lelu ka tata nan gelu lhe.”
21Nubiyúha nna rane:
―Ttili ankaa kwitiha gwa rudobaa tisa ge iyá nuná.
22Tti biyieninie nu ra nuha, nianna bekabie geni, ree:
―Sa riyasabalu uinlu attu nu uinlu: betto'o iyá nu tee gelu nna utidhi belhiu ge nu betto'oluha nna begwe ka benne abittu geke tee. Ganna aníha uinlu nna gwattaba elha tse gelu yebáha. La'anialigaba nna chinka utá, tenalha neti.
23Ttaka tti biyienin nubiyúha nu reeha, nianna yalhá si'i bedúna leni kumu yalhá tee xxatta geni. 24Tti bilani Jesús‑ni deki si'iba udú le nubiyúha, nianna ree:
―¡Gáruba tsitsi anka ki isin ka nu tee gekinna akakana benne innabia Tata Do Yebáha! 25Adírula satti ga'a ttu camellu lhe'e yieru do xan ttu yoxa attichula ttu nu tee geni ga'ana akana nu innabia Tata Do Yebáha.
26Ka nu biyienkinna nu reeha nna rákana:
―Ganna aníha nna, ¿nú dhaana esin lenna Tata Do Yebáha?
27Jesús‑ni nna bekabie geni, ree:
―Nu labí ridaa ka benne se'e yiesi lo yu‑ni uinke, Tata Do Yebáha nna gwa ridaabe runie nuha.
28Pedro‑ni nna rane:
―Ri'itu chiba bedhá ikitu iyá nu tee getu nna danalhatu lu.
29Labie nna bekabie gekani, ree:
―Netiru ria le, nuxaba benne ganna chi bedhá ikie yo'o geeha lhe nuila geeha lhe ka betsieha lhe ka tata nan geeha lhe o ka xi'inieha de anke benne rinnabia Tata Do Yebáha, 30benneha xxenirula dhie yiesi lo yu‑ni nnanna, nu si daa nna satíaba aka benbie arlo Tata Do Yebáha.
Jesús‑ni beyonna libela rigixxi'abie deki teeki uttikane
(Mt. 20:17-19; Mr. 10:32-34)
31Jesús‑ni uxie ka benne tsi'inu (12) rudhetinieha attu ta subi, nianna ree ke:
―Nnannaligaba nna tsiari'i lhe'esi Jerusalén‑ni ata aka iyá nu ra lo ka yetsi ben ka profeta ge Tata Do Yebáha tti utixxi'ake gasina teeki satea, neti benne daya yebáha. 32Kumu teeki taga'akana neti lo ná ka nu abittu ankakana nu Israel nna udhaka xiikana neti lhe ulisakana neti lhe. Anágaba uttuttu xxenkani loa lhe 33ukulhakana neti lhe uttikana neti lhe. Ttaka ganna chi beyonna ubisaha nna eyaka benbaa.
34Ka benne tsi'inuha (12) nna labí yuke bixa ge nuha rinnebie, kumu tee ttu nu rusuna na kini abittu rite dákanie nu reeha.
Jesús‑ni bedhalie iyya lo ttu benne anke lo xua
(Mt. 20:29-34; Mr. 10:46-52)
35Uka nuha, tti chi dabiga Jesús‑ni isine lhe'esi Jericó, ro'o nedaha do ttu benne anke lo xua rinnabe belhiu. 36Tti biyieninie rite xxatta ka benne lo nedaha, nianna tti unnaba tise bixa nuha raka. 37Ka benneha nna ráke bie:
―Jesús ge Nazaret‑niba nuná ute nii.
38Benneha nna uresi'a ttebe, ree:
―¡Jesús benne datia David, gwatuachi lelu neti!
39Ka benne daneruha nna rudhaka disalake benneha ki eyaka siibie, ttaka benneha nna adírula idisa uresi'e, ree:
―¡Benne datia David, gwatuachi lelu neti!
40Nianna uleda Jesús‑ni nna udhelhe kini gwaxxíkana benneha. Tti chi bisine ata du Jesús‑ni, nianna unnaba tise benneha, ree bie:
41―¿Bí raka lelu udhakaa lu?
Benne lo xuaha nna bekabie, ree:
―Tata to kia, raka lasia eyali ka iyya loa‑ni.
42Jesús‑ni nna rabie benneha:
―¡Bedhali ka iyya lolu‑na! Kumu de ugía lelu nna gwa beyakabalu.
43Looraha nna belá ttebanie nna gwanalha ttebe Jesús‑ni. Nianna rinnebie ree:
―¡Xxeniba ra le Tata Do Yebáha!
Iyágaba ka benne danalhaha, tti bilákanie nu ukaha nna rágabake:
―¡Xxeniba ra le Tata Do Yebáha!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.