Psalmyn 148
148
PSALM CXLVIII.
1Reamyn yn yrjey vooar,
Moylley-jee nyn ver-croo,
Insh-jee magh mooads e ghloyr
2Shiuish ainleyn smoo as sloo:
Trog-jee coraa,
O Cherubim,
As Seraphim
Cur moylley da.
3Uss eayst ta reill ny hoie,
As ghrian leeideil y laa;
Rollageyn sollys choie,
Cur-jee nyn geeshyn da;
4Eeck-jee e chair,
O shiuish niaughyn,
As vodjallyn
Getlagh ’syn aer.
5Lhig daue shoh ennym Yee
Y voylley dagh unnane;
E ghoo hug daue nyn mree
Tra nagh row veg jeu ayn;
6Bee ad er-mayrn,
Seyr veih caghlaa
Er son dy bra
Shassee leigh’n Chiarn.
7Moyll-jee eh whaleyn mooar
As eeast ’sy diunid heese;
Eïllit lesh scailley creoi,
Cur-jee cair dasyn neesht.
8Aile, sniaght’ as rio,
Druight, sterm as geay,
Cheet tra t’eh gra
Cooilleeney ’ghoo.
9Sleityn as croink as coan
E voylley ta diu jesh;
Cedaryn liauyr nyn gione
As biljyn gymmyrk mess.
10Beiyn feïe as meen,
Snauee er laare,
As eeanlee’n aer
Jannoo cooilleen.
11Ree'ghyn as princeyn ard,
Marish dagh theay ta foue;
Briwnyn y theihll dagh raad,
Cur-jee da ’voylley feeu.
12Dy wooiys Jee,
Lhig aeg as shenn
Dooinney as ben
Cur chengey’s cree.
13Lhig da’n slane chroo cordail
Dy hoiagh seose e ghoo;
E ennym smoo gloyroil
Ta toilchin moylley voue.
King foddey’n theihll
Ta bial da,
E ghloyr dy bra
T’erskyn dagh reill.
14E nooghyn hene ta eaït
T’eh soiagh seose dy bra,
As Isr'el e chloan reiht
Ta kinjagh ’gerrey da.
Nish ayns arrane
Trog-jee coraa
Gennal dy bra
Dy voylley’n Chiarn.
Currently Selected:
Psalmyn 148: PS1761
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
Psalmyn 148
148
PSALM CXLVIII.
1Reamyn yn yrjey vooar,
Moylley-jee nyn ver-croo,
Insh-jee magh mooads e ghloyr
2Shiuish ainleyn smoo as sloo:
Trog-jee coraa,
O Cherubim,
As Seraphim
Cur moylley da.
3Uss eayst ta reill ny hoie,
As ghrian leeideil y laa;
Rollageyn sollys choie,
Cur-jee nyn geeshyn da;
4Eeck-jee e chair,
O shiuish niaughyn,
As vodjallyn
Getlagh ’syn aer.
5Lhig daue shoh ennym Yee
Y voylley dagh unnane;
E ghoo hug daue nyn mree
Tra nagh row veg jeu ayn;
6Bee ad er-mayrn,
Seyr veih caghlaa
Er son dy bra
Shassee leigh’n Chiarn.
7Moyll-jee eh whaleyn mooar
As eeast ’sy diunid heese;
Eïllit lesh scailley creoi,
Cur-jee cair dasyn neesht.
8Aile, sniaght’ as rio,
Druight, sterm as geay,
Cheet tra t’eh gra
Cooilleeney ’ghoo.
9Sleityn as croink as coan
E voylley ta diu jesh;
Cedaryn liauyr nyn gione
As biljyn gymmyrk mess.
10Beiyn feïe as meen,
Snauee er laare,
As eeanlee’n aer
Jannoo cooilleen.
11Ree'ghyn as princeyn ard,
Marish dagh theay ta foue;
Briwnyn y theihll dagh raad,
Cur-jee da ’voylley feeu.
12Dy wooiys Jee,
Lhig aeg as shenn
Dooinney as ben
Cur chengey’s cree.
13Lhig da’n slane chroo cordail
Dy hoiagh seose e ghoo;
E ennym smoo gloyroil
Ta toilchin moylley voue.
King foddey’n theihll
Ta bial da,
E ghloyr dy bra
T’erskyn dagh reill.
14E nooghyn hene ta eaït
T’eh soiagh seose dy bra,
As Isr'el e chloan reiht
Ta kinjagh ’gerrey da.
Nish ayns arrane
Trog-jee coraa
Gennal dy bra
Dy voylley’n Chiarn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society