Jean 13
13
Jésus fala nanga hio *wan-yambimɔ pɛa
1Ha gangli yenga *Pake, Jésus ingɔ nde, a tɛ bo sanga-sanga mɛ lak nu ɛngɛ gde, hazu kifiri si ha pɛ Bafa wa. Swe fɛt wɛnɛ ngoya hio wi pɛa ha nzan, nɛ sising a gbasi nde, a ngoya mbwa wɛ ɛ.
2Nɛ mbolo, Jésus dungɔ ha yɔngamɔ hinɛ hio wan-yambimɔ pɛa. *Satan bagde se takaramɔ ha sila Judas bem pɛ Simon Iskariote nde, ka wɛnɛ agdongi Jésus ha hio ngana pɛa. 3Jésus ingɔ nde, Sɔ gdea mɔ fɛt ha kɔ wa. A ingɔ fin nde, a bagutɛ ha pɛ Sɔ tɛnɛ, nɛ nde, a bekifiri si ha pɛ Sɔ. 4Ha ngimɔ yɔngamɔ Jésus guotɛ, a kpɔsa gasa la pɛa gde ha nu. A baa ma la limbitɛ libhiki ha guntini wa. 5Hapata, a aa li ha ma toy. A angara fala nanga hio wan-yambimɔ pɛa, nɛ wɛnɛ dio yo nɛ la limbitɛ ɛngɛ, ka wɛnɛ libhoko ha guntini wa. 6Nɛ ka Jésus hɔa ha tɛ Simon Pierre, a ana Jésus: «*Kongawan, yo nê mɛ ka befal nanga mi kpasawen nde?» 7Jésus kiforo wen ha wɛnɛ: «Mɔ ka mi ha dea, mɛ lɛm ing gotoa sising na. Ma, mɛ being bin yo hapata.» 8Pierre kiforo wen ha wɛnɛ: «Way! Mɛ lɛm fal nanga mi ndang nɛ ndang na.» Mɛgi, Jésus tɔa ha wɛnɛ: «Ka mi fal nanga mɛ na, ki mɛ lɛm dung wi pɔm fin na.» 9Nɛ Simon Pierre tɔa ha wɛnɛ: «Kongawan, ka bo mɛgi, ka mɛ afal sɔna nɛ nanga mi na. Ma, mɛ fal fin hio kɔ mi nɛ zu mi fɛt.» 10Jésus kiforo wen ha wɛnɛ: «Wi ka zoya li kari, lɛma fal sɔna nɛ nanga wa hazu olo tɛ wa nɛ saa kari. Nɛ ɛnɛ dung nɛ saa, ma, yo bo nê ɛnɛ fɛt mburr na.» 11Jésus tɔa mɛgi, hazu a ingɔ wi kɛ ka begdongi wɛnɛ ha hio ngana pɛa. Yo nê ɛngi ka wɛnɛ tɔa nde, yo bo nê mbwa fɛt mburr ka dung nɛ saa na.
12Ka Jésus fala nanga hio wan-yambimɔ fɛt kari, a kuo gasa la pɛa yol, nɛ wɛnɛ dungɔnu hapɛtɛ yɔngamɔ nɛ mbinga. Mɛgi, a ana mbwa: «Ɛnɛ ingɔ goto mɔ ka mi ha dea ha tɛ ɛnɛ nde? 13Ɛnɛ ha saa mi nde, Wan-osimɔ, nɛ nde, Kongawan. Ɛnɛ sa yo nɛdedea, hazu mi dung mɛgi tɛwen. 14Mɛgi, ka mi, Kongawan pɛ ɛnɛ nɛ Wan-osimɔ pɛ ɛnɛ fal nanga ɛnɛ, lɛma nde, ɛnɛ fin afal nanga may. 15Mi dea ɛngɛ ha li ɛnɛ tuka wekamɔ nde, ɛnɛ ade fin gbesi tuka mi dea. 16Kpasawen mi tɔ ha ɛnɛ nde, wan-tom bo nɛ zioa pen wan pɛa na. Nɛ wan-nɛkasara bo nɛ zioa pen wan-tomsi wɛnɛ na. 17Sising ɛnɛ ingɔ mɔ ndɔng kari. Ka ɛnɛ de mɛgi, ki ɛnɛ bedung nɛ totɛ.
18«Mi tɔ wen ɛngɛ bo hazu ɛnɛ fɛt na. Mi ingɔ wi ndɔng ka mi weka. Ma, lɛma nde, wen ɛngɛ ha zang takarata pɛ Sɔ alɛmsiri tɛ:
‹Wi kɛ ka mi yɔngamɔ hinɛ may,
tɛ bo nê kɔmbɛ pɔm.›
19Mi tɔ wen ndɔng ha ɛnɛ bingiri tuka nde, ka mɔa behɔ, ɛnɛ amɛkiri nde, mi nê *Mesi. 20Kpasawen mi tɔ ha ɛnɛ nde, wi ka ba wi ka mi tomsi nɛ dede kɔ, a baa mi kari. Nɛ wi ka ba mi nɛ dede kɔ, a baa wan-tomsi mi kari.»
Jésus tɔa nde, Judas beha kasatɛ wa
21Ka Jésus tɔa wen ndɔng fɛt kari, sila wa dona nɛ ngɔtɛ nɛ wɛnɛ tɔa: «Kpasawen, mi tɔ ha ɛnɛ nde, ma wi ndang ha soko ɛnɛ beha kasatɛ mi.» 22Hio *wan-yambimɔ zɔka li may hɛrr, hazu mbwa ing wi kɛ ka Jésus tɔa nɛ mɔ na. 23Wan-yambimɔ ɛngɛ ka wɛnɛ ngoya pentɛ dungɔ hapɛtɛ wa. 24Simon-Pierre yɔnga li ha wan-yambimɔ ɛngɛ mɛ ani Jésus nde, yo nê nge wi ka wɛnɛ tɔ wen pɛa, o nde? 25Mɛgi, wan-yambimɔ ɛngɛ gɛngala tɛ ha li sila Jésus, nɛ a ana mɔ: «*Kongawan, wia nê o?» 26Nɛ Jésus tɔa ha wɛnɛ: «Wia nê wi kɛ ka mi beku mampa dubhi nɛ likpo ha wɛnɛ.» Hapata, Jésus kuo mampa dubhi ha likpo ha Judas bewei pɛ Simon Iskariote. 27Ha ngimɔ ka Judas kuo nɛ mampa ɛngɛ, *Satan lea sila wa. Jésus tɔa ha wɛnɛ: «Mɔ ka mɛ bheka mɛ de, mɛ de yo nɛhasa.»
28Ma, hio olo wan-yambimɔ ka dungɔ ha yɔngamɔ hinɛ Jésus, ing goto wen ka Jésus tɔa ha wɛnɛ na. 29Tuka Judas nê wan-pam mbɔli pɛ mbwa, hio ma takara pɛ mbwa nde, Jésus tɔa ha wɛnɛ mɛ hɛ ma mɔ, ka kɔpa mbwa hazu yenga, mana mɛ ha ma mbɔli ha hio fabha wi. 30Ka Judas yɔnga mampa ki kari, a gboa nɛ ha dɛl nɛhasa. Ha ngimɔ ɛngi, tutum baa nu kari.
Jésus haa mbombe *mbonga
31Ka Judas gboa kari, Jésus tɔa: «Sising, ngimɔ lɛma kari, ka hio wi bezɔk mi, *Bewei pɛ Wi, ha zang *lɛkɛ-lɛkɛmɔ. Nɛ mbwa bezɔk lɛkɛ-lɛkɛmɔ pɛ Sɔ nɛ wal deamɔ pɔm. 32Hazu hio wi bezɔk lɛkɛ-lɛkɛmɔ pɛ Sɔ nɛ wal deamɔ pɔm, Sɔ beosi lɛkɛ-lɛkɛmɔ pɔm ha mbwa fin. Nɛ a bede yo nɛhasa. 33Hio dan mi, mi lɛm dung hinɛ ɛnɛ pata yɛ fin na. Ɛnɛ beki mi. Ma, mi tɔ ha ɛnɛ ndangtɛ mɔ ka mi tɔa ha hio wan-le *zuife nde, ɛnɛ lɛm nɛ ha bhandi ka mi nɛ ang na. 34Mi ha mbombe mbonga ha ɛnɛ nde, ɛnɛ ngoy may gbesi tuka mi ngoya ɛnɛ, nɛ ɛnɛ ngoy may ha soko may. 35Ka ɛnɛ ngoy may ha soko ɛnɛ, ki hio wi being nde, ɛnɛ nê hio *wan-yambimɔ pɔm.»
Jésus tɔa nde, Pierre bekafi wɛnɛ
(Mt 26.31-35; Mc 14.27-31; Lc 22.31-34)
36Simon Pierre ana Jésus: «*Kongawan, mɛ nɛ ha ndo?» Jésus kiforo wen ha wɛnɛ: «Sising, mɛ lɛm mɛ ndari mi nɛnɛ ha bhandi ka mi nɛ ang na. Ma, mɛ bendari mi bin hapata.» 37Pierre tɔa ha wɛnɛ: «Kongawan, hazu ge mi lɛm ndari mɛ sising na, ge nde? Mi nê gdungɛ-gdungɛ mɛ fe ha wen zu mɛ.» 38Jésus kiforo wen ha wɛnɛ: «Mɛ nê gdungɛ-gdungɛ mɛ fe ha wen zu mi nde? Kpasawen, mi tɔ ha mɛ nde, mɛsɛ, sɔngsi ka gɔlɛ tɛ dɔm ka na, mɛ bekafi mi zetar nde, mɛ ing mi na.»
Currently Selected:
Jean 13: NTGBY
Highlight
Share
Copy
Want to have your highlights saved across all your devices? Sign up or sign in
© Societe Biblique en Centrafrique
Jean 13
13
Jésus fala nanga hio *wan-yambimɔ pɛa
1Ha gangli yenga *Pake, Jésus ingɔ nde, a tɛ bo sanga-sanga mɛ lak nu ɛngɛ gde, hazu kifiri si ha pɛ Bafa wa. Swe fɛt wɛnɛ ngoya hio wi pɛa ha nzan, nɛ sising a gbasi nde, a ngoya mbwa wɛ ɛ.
2Nɛ mbolo, Jésus dungɔ ha yɔngamɔ hinɛ hio wan-yambimɔ pɛa. *Satan bagde se takaramɔ ha sila Judas bem pɛ Simon Iskariote nde, ka wɛnɛ agdongi Jésus ha hio ngana pɛa. 3Jésus ingɔ nde, Sɔ gdea mɔ fɛt ha kɔ wa. A ingɔ fin nde, a bagutɛ ha pɛ Sɔ tɛnɛ, nɛ nde, a bekifiri si ha pɛ Sɔ. 4Ha ngimɔ yɔngamɔ Jésus guotɛ, a kpɔsa gasa la pɛa gde ha nu. A baa ma la limbitɛ libhiki ha guntini wa. 5Hapata, a aa li ha ma toy. A angara fala nanga hio wan-yambimɔ pɛa, nɛ wɛnɛ dio yo nɛ la limbitɛ ɛngɛ, ka wɛnɛ libhoko ha guntini wa. 6Nɛ ka Jésus hɔa ha tɛ Simon Pierre, a ana Jésus: «*Kongawan, yo nê mɛ ka befal nanga mi kpasawen nde?» 7Jésus kiforo wen ha wɛnɛ: «Mɔ ka mi ha dea, mɛ lɛm ing gotoa sising na. Ma, mɛ being bin yo hapata.» 8Pierre kiforo wen ha wɛnɛ: «Way! Mɛ lɛm fal nanga mi ndang nɛ ndang na.» Mɛgi, Jésus tɔa ha wɛnɛ: «Ka mi fal nanga mɛ na, ki mɛ lɛm dung wi pɔm fin na.» 9Nɛ Simon Pierre tɔa ha wɛnɛ: «Kongawan, ka bo mɛgi, ka mɛ afal sɔna nɛ nanga mi na. Ma, mɛ fal fin hio kɔ mi nɛ zu mi fɛt.» 10Jésus kiforo wen ha wɛnɛ: «Wi ka zoya li kari, lɛma fal sɔna nɛ nanga wa hazu olo tɛ wa nɛ saa kari. Nɛ ɛnɛ dung nɛ saa, ma, yo bo nê ɛnɛ fɛt mburr na.» 11Jésus tɔa mɛgi, hazu a ingɔ wi kɛ ka begdongi wɛnɛ ha hio ngana pɛa. Yo nê ɛngi ka wɛnɛ tɔa nde, yo bo nê mbwa fɛt mburr ka dung nɛ saa na.
12Ka Jésus fala nanga hio wan-yambimɔ fɛt kari, a kuo gasa la pɛa yol, nɛ wɛnɛ dungɔnu hapɛtɛ yɔngamɔ nɛ mbinga. Mɛgi, a ana mbwa: «Ɛnɛ ingɔ goto mɔ ka mi ha dea ha tɛ ɛnɛ nde? 13Ɛnɛ ha saa mi nde, Wan-osimɔ, nɛ nde, Kongawan. Ɛnɛ sa yo nɛdedea, hazu mi dung mɛgi tɛwen. 14Mɛgi, ka mi, Kongawan pɛ ɛnɛ nɛ Wan-osimɔ pɛ ɛnɛ fal nanga ɛnɛ, lɛma nde, ɛnɛ fin afal nanga may. 15Mi dea ɛngɛ ha li ɛnɛ tuka wekamɔ nde, ɛnɛ ade fin gbesi tuka mi dea. 16Kpasawen mi tɔ ha ɛnɛ nde, wan-tom bo nɛ zioa pen wan pɛa na. Nɛ wan-nɛkasara bo nɛ zioa pen wan-tomsi wɛnɛ na. 17Sising ɛnɛ ingɔ mɔ ndɔng kari. Ka ɛnɛ de mɛgi, ki ɛnɛ bedung nɛ totɛ.
18«Mi tɔ wen ɛngɛ bo hazu ɛnɛ fɛt na. Mi ingɔ wi ndɔng ka mi weka. Ma, lɛma nde, wen ɛngɛ ha zang takarata pɛ Sɔ alɛmsiri tɛ:
‹Wi kɛ ka mi yɔngamɔ hinɛ may,
tɛ bo nê kɔmbɛ pɔm.›
19Mi tɔ wen ndɔng ha ɛnɛ bingiri tuka nde, ka mɔa behɔ, ɛnɛ amɛkiri nde, mi nê *Mesi. 20Kpasawen mi tɔ ha ɛnɛ nde, wi ka ba wi ka mi tomsi nɛ dede kɔ, a baa mi kari. Nɛ wi ka ba mi nɛ dede kɔ, a baa wan-tomsi mi kari.»
Jésus tɔa nde, Judas beha kasatɛ wa
21Ka Jésus tɔa wen ndɔng fɛt kari, sila wa dona nɛ ngɔtɛ nɛ wɛnɛ tɔa: «Kpasawen, mi tɔ ha ɛnɛ nde, ma wi ndang ha soko ɛnɛ beha kasatɛ mi.» 22Hio *wan-yambimɔ zɔka li may hɛrr, hazu mbwa ing wi kɛ ka Jésus tɔa nɛ mɔ na. 23Wan-yambimɔ ɛngɛ ka wɛnɛ ngoya pentɛ dungɔ hapɛtɛ wa. 24Simon-Pierre yɔnga li ha wan-yambimɔ ɛngɛ mɛ ani Jésus nde, yo nê nge wi ka wɛnɛ tɔ wen pɛa, o nde? 25Mɛgi, wan-yambimɔ ɛngɛ gɛngala tɛ ha li sila Jésus, nɛ a ana mɔ: «*Kongawan, wia nê o?» 26Nɛ Jésus tɔa ha wɛnɛ: «Wia nê wi kɛ ka mi beku mampa dubhi nɛ likpo ha wɛnɛ.» Hapata, Jésus kuo mampa dubhi ha likpo ha Judas bewei pɛ Simon Iskariote. 27Ha ngimɔ ka Judas kuo nɛ mampa ɛngɛ, *Satan lea sila wa. Jésus tɔa ha wɛnɛ: «Mɔ ka mɛ bheka mɛ de, mɛ de yo nɛhasa.»
28Ma, hio olo wan-yambimɔ ka dungɔ ha yɔngamɔ hinɛ Jésus, ing goto wen ka Jésus tɔa ha wɛnɛ na. 29Tuka Judas nê wan-pam mbɔli pɛ mbwa, hio ma takara pɛ mbwa nde, Jésus tɔa ha wɛnɛ mɛ hɛ ma mɔ, ka kɔpa mbwa hazu yenga, mana mɛ ha ma mbɔli ha hio fabha wi. 30Ka Judas yɔnga mampa ki kari, a gboa nɛ ha dɛl nɛhasa. Ha ngimɔ ɛngi, tutum baa nu kari.
Jésus haa mbombe *mbonga
31Ka Judas gboa kari, Jésus tɔa: «Sising, ngimɔ lɛma kari, ka hio wi bezɔk mi, *Bewei pɛ Wi, ha zang *lɛkɛ-lɛkɛmɔ. Nɛ mbwa bezɔk lɛkɛ-lɛkɛmɔ pɛ Sɔ nɛ wal deamɔ pɔm. 32Hazu hio wi bezɔk lɛkɛ-lɛkɛmɔ pɛ Sɔ nɛ wal deamɔ pɔm, Sɔ beosi lɛkɛ-lɛkɛmɔ pɔm ha mbwa fin. Nɛ a bede yo nɛhasa. 33Hio dan mi, mi lɛm dung hinɛ ɛnɛ pata yɛ fin na. Ɛnɛ beki mi. Ma, mi tɔ ha ɛnɛ ndangtɛ mɔ ka mi tɔa ha hio wan-le *zuife nde, ɛnɛ lɛm nɛ ha bhandi ka mi nɛ ang na. 34Mi ha mbombe mbonga ha ɛnɛ nde, ɛnɛ ngoy may gbesi tuka mi ngoya ɛnɛ, nɛ ɛnɛ ngoy may ha soko may. 35Ka ɛnɛ ngoy may ha soko ɛnɛ, ki hio wi being nde, ɛnɛ nê hio *wan-yambimɔ pɔm.»
Jésus tɔa nde, Pierre bekafi wɛnɛ
(Mt 26.31-35; Mc 14.27-31; Lc 22.31-34)
36Simon Pierre ana Jésus: «*Kongawan, mɛ nɛ ha ndo?» Jésus kiforo wen ha wɛnɛ: «Sising, mɛ lɛm mɛ ndari mi nɛnɛ ha bhandi ka mi nɛ ang na. Ma, mɛ bendari mi bin hapata.» 37Pierre tɔa ha wɛnɛ: «Kongawan, hazu ge mi lɛm ndari mɛ sising na, ge nde? Mi nê gdungɛ-gdungɛ mɛ fe ha wen zu mɛ.» 38Jésus kiforo wen ha wɛnɛ: «Mɛ nê gdungɛ-gdungɛ mɛ fe ha wen zu mi nde? Kpasawen, mi tɔ ha mɛ nde, mɛsɛ, sɔngsi ka gɔlɛ tɛ dɔm ka na, mɛ bekafi mi zetar nde, mɛ ing mi na.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Societe Biblique en Centrafrique