Ruk Khe fharav ganɨnga buni khare.
Khe fharav ganɨnga buni khare.
Ruk khergi kaman vhuuŋ khaŋ nzuai, “Zisas ana taagiap Isreriŋ ndiap, vhɨra mba harigi fhaiŋ ŋgui gumgi ndi guma ma. Zisas won ŋaara bakɨme khavɨr za mbuav, ana khaŋ mba gumgi gu mbigi ga nzuai, ‘Fhe Bakɨmen Ŋina Ŋaar Fhe Bakɨme buni vhuuiŋ bun bigi sosuagi gumgi ga suan zav na faraserigi.’ ”
Ndu sapta 4. 8 ganɨri. Khueŋ guigi guarara Ruk Zisas kha gumgi gu mbigi vhɨrve simtɨgi vhɨrve ndim, ana guigira mbe kora mbui, buni vhɨrve bun nzuai. Ana guigira mbe kora mbuav, mben kurkurav, tɨvar vhuun mbe muuŋgi. Zisas kha bigi vhɨrve ga mbuim, ana ntɨɨri guigira anan ndikndigi. Maria, ana tegi tugen, gumgi vhɨrve ana ndikndigi. Ndu sapta 1.42 kegɨp ganɨ ŋgɨp 48 thɨgɨri, ndu vhɨra sapta 2 ves 10 ganɨri. Kha gavar vhɨzi ganiven ndu ganɨnga, Zisas taagia Hevenan ndaim, mbe guigira ndikndiga mbatɨga mbui. Ndu 24.52 ganɨri.
Zisas muuŋgi bigi vhɨrve, Ruk nduara kherav, nta bun suaŋgi. Mba bigi neŋgi buni harigi gavar ki fhuvara. Ruk nduara, Zisas kha nuianan kim, anan hɨgi bigi vhɨrve, ana nta neŋgegi. Ruk nduara mba Samaria guma, ana pana gumgi tuavar shogi guman kurigi ne neŋgegi. Ana Zisas ne vhunama sav suaŋgi ne neŋgegi. Ana vhɨra mba tar won ndia tha vugi ne, ana ne vhunama si kameŋ neŋgegi. Ana vhɨra Zisas vhunaa ga segi bigi vhɨrve, ana vhɨra nta neŋgegi. Ruk vhɨra Sakius, ŋkɨɨa ndia ruigi guma, ana vhɨra ana neŋgegi.
Bigi mbari Ruk buni vhɨrver nta suan za mbui. Mba bigi khare. Ruk Fhe Bakɨme phorgɨ suanga tɨva havharɨr za nzuav, ana vhɨra Fhe Bakɨmen Ŋina Ŋaar mbui ŋaara nzuai. Ruk vhɨra Fhe Bakɨme gumgi mbui tɨvi mbatɨgi vhɨzi ne nzuai. Ruk vhɨra mba gumgi gu mbigi muuŋgi tɨvi, ana buni vhɨrver nta suan zav mbui. Ruk suaŋgi buni kha gavar vhɨzgi fhuvara. Ruk khergi gava mbera khare, nza kha zɨn ana rɨgi Farasegi Gumgi, ana Zisas taagia Hevenan ndagim, ana farasegi ŋaara gumgi, mbe nduarira kav muuŋgi ŋaari neŋgi gap ma.
Currently Selected:
Ruk Khe fharav ganɨnga buni khare.: KirNT
Highlight
Share
Copy
Want to have your highlights saved across all your devices? Sign up or sign in
The copyright is jointly held by:
Copyright © 2004 by the Bible Society of Papua New Guinea
Copyright © 2004 by Pioneer Bible Translators
Ruk Khe fharav ganɨnga buni khare.
Khe fharav ganɨnga buni khare.
Ruk khergi kaman vhuuŋ khaŋ nzuai, “Zisas ana taagiap Isreriŋ ndiap, vhɨra mba harigi fhaiŋ ŋgui gumgi ndi guma ma. Zisas won ŋaara bakɨme khavɨr za mbuav, ana khaŋ mba gumgi gu mbigi ga nzuai, ‘Fhe Bakɨmen Ŋina Ŋaar Fhe Bakɨme buni vhuuiŋ bun bigi sosuagi gumgi ga suan zav na faraserigi.’ ”
Ndu sapta 4. 8 ganɨri. Khueŋ guigi guarara Ruk Zisas kha gumgi gu mbigi vhɨrve simtɨgi vhɨrve ndim, ana guigira mbe kora mbui, buni vhɨrve bun nzuai. Ana guigira mbe kora mbuav, mben kurkurav, tɨvar vhuun mbe muuŋgi. Zisas kha bigi vhɨrve ga mbuim, ana ntɨɨri guigira anan ndikndigi. Maria, ana tegi tugen, gumgi vhɨrve ana ndikndigi. Ndu sapta 1.42 kegɨp ganɨ ŋgɨp 48 thɨgɨri, ndu vhɨra sapta 2 ves 10 ganɨri. Kha gavar vhɨzi ganiven ndu ganɨnga, Zisas taagia Hevenan ndaim, mbe guigira ndikndiga mbatɨga mbui. Ndu 24.52 ganɨri.
Zisas muuŋgi bigi vhɨrve, Ruk nduara kherav, nta bun suaŋgi. Mba bigi neŋgi buni harigi gavar ki fhuvara. Ruk nduara, Zisas kha nuianan kim, anan hɨgi bigi vhɨrve, ana nta neŋgegi. Ruk nduara mba Samaria guma, ana pana gumgi tuavar shogi guman kurigi ne neŋgegi. Ana Zisas ne vhunama sav suaŋgi ne neŋgegi. Ana vhɨra mba tar won ndia tha vugi ne, ana ne vhunama si kameŋ neŋgegi. Ana vhɨra Zisas vhunaa ga segi bigi vhɨrve, ana vhɨra nta neŋgegi. Ruk vhɨra Sakius, ŋkɨɨa ndia ruigi guma, ana vhɨra ana neŋgegi.
Bigi mbari Ruk buni vhɨrver nta suan za mbui. Mba bigi khare. Ruk Fhe Bakɨme phorgɨ suanga tɨva havharɨr za nzuav, ana vhɨra Fhe Bakɨmen Ŋina Ŋaar mbui ŋaara nzuai. Ruk vhɨra Fhe Bakɨme gumgi mbui tɨvi mbatɨgi vhɨzi ne nzuai. Ruk vhɨra mba gumgi gu mbigi muuŋgi tɨvi, ana buni vhɨrver nta suan zav mbui. Ruk suaŋgi buni kha gavar vhɨzgi fhuvara. Ruk khergi gava mbera khare, nza kha zɨn ana rɨgi Farasegi Gumgi, ana Zisas taagia Hevenan ndagim, ana farasegi ŋaara gumgi, mbe nduarira kav muuŋgi ŋaari neŋgi gap ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly held by:
Copyright © 2004 by the Bible Society of Papua New Guinea
Copyright © 2004 by Pioneer Bible Translators