Luka 21
21
Kokkal yayriijo mo gorko muuɗum maayi
(Markus 12.41-44)
1Yeesu ɓanti gite yi'i riskuɓe e mba'ata kokkal mu''en nder to ɗum resata ceede gam *Wuro Allah Seniingo. 2O yi'i goɗɗo yayriijo cooyɗo mo gorko muuɗum maayi e wa'ata tammahon ɗiɗon. 3Sey Yeesu vi'i :
— Emi vi'a on goonga : ko o'o debbo cooyɗo hokki, ɓurii ko horiiɓe fuu kokki. 4Gam horiiɓe fuu kokkii seɗɗa gada nder ɗuuɗal risku mu''en, ammaa kanko nder cooyndam ma'ako o hokkii ceedon kon o marortoo fuu.
Yeesu vi'ii Wuro Allah Seniingo no yibbintee
(Matta 24.1-2 ; Markus 13.1-2)
5Woɓɓe puɗɗi volvugo haala no *Wuro Seniingo sinngitiraa kaaƴe booɗɗe e ku'uje ɗe ɗum saahanii Allah. Ammaa Yeesu vi'i ɓe :
6— Ko ngi'oton ɗo'o, wakkaci no warey nde walaa haayre ɗaleteende dow woɗnde, ɗe fuu ɗum yibbiney ɗe.
Torraaji e caɗeele gareyɗum
(Matta 24.3-14 ; Markus 13.3-13)
7Ɓe ƴami mo, ɓe mbi'i :
— Moodibbo, ndeye ku'uje ɗeen waɗata ? Kaye alaama hollata ɗum ɓadake waɗgo ?
8O vi'i :
— Kakkilee, to' on majjinee. Gam yimɓe ɗuuɗɓe no ngarey e innde am, eɓe mbi'a : « Miin woni Almasiifu », « Wakkaci ɓadake. » To' on tokku ɓe. 9To on nanii habaru konuuji e fitinaaji, to' on kul, gam doole ku'uje ɗeen mbaɗa tawo, ammaa naa ɗum timmoode duuniyaaru.
10O tokki vi'igo ɓe :
— Lenyol no ummanto lenyol, laamu no ummanto laamu. 11Dimmbaaki lesdi cemmbiɗki no waɗey nder jaaje feere-feere, ɗum waɗey veelooji e nyawuuji kalluɗi. Ku'uje kulniiɗe e alaamaaji mawɗi no mbanngey dow asama. 12Ammaa ko hokka hu'unde ndeen fuu waɗa, yimɓe no nanngey on, ɓe torra on, ɓe kokka on nder juuɗe mawɓe *cuuɗi-ga'ajorɗi, ɓe omnda on nder kaso, ɓe njahara on yeeso laamiiɓe e mawɓe lesdi, gam on tokkuɓe yam. 13Kanjum ɗum hokkey on laawol saaydingo ɓe habaru am. 14Ndesee nder ɓerɗe mooɗon on ngaannataako dow no mburtinirton ko'e mooɗon nder wakkaci ɗuum, 15gam mi hokkey on baawal bolle e anndal, faa walaa koo go'oto nder wanywanyɓe mooɗon baaweyɗo do''irgo on haala, koo yeddugo ko mbiiɗon. 16Koo danyooɓe mooɗon e rimdaaɓe mooɗon e banndiraaɓe mooɗon e higooɓe mooɗon no njammboto on, ɓe mbaɗa ɗum wara woɓɓe mooɗon. 17Koo moye no wanyey on, gam on tokkuɓe yam. 18Ammaa koo laasol ko'e mooɗon go'otol halkataa. 19To on munyii faa timmoode, on kisey.
Gibbineeki Urusaliima
(Matta 24.15-21 ; Markus 13.14-19)
20— To on ngi'ii honooɓe e kowi si'ire *Urusaliima, ndeen tabbitinee halkere ma'are ɓadake. 21Ndeen ɓe ɗum tawi nder lesdi *Yahuudiya no nyaardu baamle, ɓe ɗum tawi nder si'ire Urusaliima fuu no mburto nde, ɓe ɗum tawi nder ladde boo to' nattu si'ire ndeen. 22Gam balɗe ɗeen ɗum balɗe mba'ataari, sabu ko vinndanoo nder *Deftere fuu no heevey. 23Kayco rewɓe saawɓe e bambuɓe nder balɗe ɗeen ! Gam torraaji kalluɗi no njooftoto dow lesdi ndiin, huunƴere Allah boo no jippoto dow yimɓe ma'ari. 24Woɓɓe no mbardete kaafaaje, woɓɓe boo nanngee njaharee nder lesɗe duuniyaaru fuu ɓe laatinee maccuɓe. *Leƴƴi ɗi laataaki Yahuudu'en no njaaɓey Urusaliima, faa nde wakkaci maɓɓe heevi.
Bittoyki Ɓii-Neɗɗo
(Matta 24.29-31 ; Markus 13.24-27)
25Alaamaaji kulniiɗi no mbaɗey dow naange e lewru e koode. Dow lesdi boo, kulol no nanngey leƴƴi duuniyaaru fuu, faa ɓe majja ko ɓe mbaɗata gam iido maayo e ɓoggi muuɗum. 26Kulol no warey yimɓe to ɓe nyumii ko warata dow duuniyaaru, gam baawɗeeji gonɗi dow fuu no ndimmboto. 27Wakkaci ɗuum, ɓe ngi'ey Ɓii-Neɗɗo e wara nder duule e baawɗe e teddungal manngal. 28To ku'uje ɗeen puɗɗii waɗgo, ummee ndaree tiggee dow, gam kisndam mooɗon ɓadake.
Ko ƴibbi ekkitinta
(Matta 24.32-35 ; Markus 13.28-31)
29Ndeen o valndani ɓe ngo'ol balndol, o vi'i :
— Ndaaree ƴibbi e leɗɗe koriiɗe fuu. 30To on ngi'ii ɗe mbiliti, on anndi ndunngu ɓadake. 31Noon boo, to on ngi'ii ku'uje ɗeen e mbaɗa, too, anndee *laamu Allah ɓadake. 32Emi vi'a on goonga : yimɓe ndu'u jaamaniiru timmataa, sey to ku'uje ɗeen fuu mbaɗii. 33Dow e lees no timmey, ammaa bolle am timmataa faa abadaa.
Ndeenee ko'e mooɗon
34— Ndeenee ko'e mooɗon, gam to' yiɗde nyaamki e yare-yare e laluuraaji duuniyaaru hooy ɓerɗe mooɗon, faa nyanndeere ndeen ruddoo on, on anndaa. 35Gam nyanndeere ndeen no warey dow koo moye poofeyɗo nder duuniyaaru kama tarkewol. 36Gam ma'ajum, to' on ɗaano. Mbaɗee do'aare koo ndeye, gam keɓon kison ɗen ɗoon ku'uje gareyɗe fuu, kadimaa keɓon wargo yeeso Ɓii-Neɗɗo ndarooɗon.
37Nyalawma Yeesu e ekkitina nder *Wuro Allah Seniingo, to hiiri o vurtoo o yaha *vaamnde Jaytunje o waaloya. 38Yimɓe fuu e njaha Wuro Allah ila fajiri, gam yewanaago mo.
Currently Selected:
Luka 21: fuq
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Luka 21
21
Kokkal yayriijo mo gorko muuɗum maayi
(Markus 12.41-44)
1Yeesu ɓanti gite yi'i riskuɓe e mba'ata kokkal mu''en nder to ɗum resata ceede gam *Wuro Allah Seniingo. 2O yi'i goɗɗo yayriijo cooyɗo mo gorko muuɗum maayi e wa'ata tammahon ɗiɗon. 3Sey Yeesu vi'i :
— Emi vi'a on goonga : ko o'o debbo cooyɗo hokki, ɓurii ko horiiɓe fuu kokki. 4Gam horiiɓe fuu kokkii seɗɗa gada nder ɗuuɗal risku mu''en, ammaa kanko nder cooyndam ma'ako o hokkii ceedon kon o marortoo fuu.
Yeesu vi'ii Wuro Allah Seniingo no yibbintee
(Matta 24.1-2 ; Markus 13.1-2)
5Woɓɓe puɗɗi volvugo haala no *Wuro Seniingo sinngitiraa kaaƴe booɗɗe e ku'uje ɗe ɗum saahanii Allah. Ammaa Yeesu vi'i ɓe :
6— Ko ngi'oton ɗo'o, wakkaci no warey nde walaa haayre ɗaleteende dow woɗnde, ɗe fuu ɗum yibbiney ɗe.
Torraaji e caɗeele gareyɗum
(Matta 24.3-14 ; Markus 13.3-13)
7Ɓe ƴami mo, ɓe mbi'i :
— Moodibbo, ndeye ku'uje ɗeen waɗata ? Kaye alaama hollata ɗum ɓadake waɗgo ?
8O vi'i :
— Kakkilee, to' on majjinee. Gam yimɓe ɗuuɗɓe no ngarey e innde am, eɓe mbi'a : « Miin woni Almasiifu », « Wakkaci ɓadake. » To' on tokku ɓe. 9To on nanii habaru konuuji e fitinaaji, to' on kul, gam doole ku'uje ɗeen mbaɗa tawo, ammaa naa ɗum timmoode duuniyaaru.
10O tokki vi'igo ɓe :
— Lenyol no ummanto lenyol, laamu no ummanto laamu. 11Dimmbaaki lesdi cemmbiɗki no waɗey nder jaaje feere-feere, ɗum waɗey veelooji e nyawuuji kalluɗi. Ku'uje kulniiɗe e alaamaaji mawɗi no mbanngey dow asama. 12Ammaa ko hokka hu'unde ndeen fuu waɗa, yimɓe no nanngey on, ɓe torra on, ɓe kokka on nder juuɗe mawɓe *cuuɗi-ga'ajorɗi, ɓe omnda on nder kaso, ɓe njahara on yeeso laamiiɓe e mawɓe lesdi, gam on tokkuɓe yam. 13Kanjum ɗum hokkey on laawol saaydingo ɓe habaru am. 14Ndesee nder ɓerɗe mooɗon on ngaannataako dow no mburtinirton ko'e mooɗon nder wakkaci ɗuum, 15gam mi hokkey on baawal bolle e anndal, faa walaa koo go'oto nder wanywanyɓe mooɗon baaweyɗo do''irgo on haala, koo yeddugo ko mbiiɗon. 16Koo danyooɓe mooɗon e rimdaaɓe mooɗon e banndiraaɓe mooɗon e higooɓe mooɗon no njammboto on, ɓe mbaɗa ɗum wara woɓɓe mooɗon. 17Koo moye no wanyey on, gam on tokkuɓe yam. 18Ammaa koo laasol ko'e mooɗon go'otol halkataa. 19To on munyii faa timmoode, on kisey.
Gibbineeki Urusaliima
(Matta 24.15-21 ; Markus 13.14-19)
20— To on ngi'ii honooɓe e kowi si'ire *Urusaliima, ndeen tabbitinee halkere ma'are ɓadake. 21Ndeen ɓe ɗum tawi nder lesdi *Yahuudiya no nyaardu baamle, ɓe ɗum tawi nder si'ire Urusaliima fuu no mburto nde, ɓe ɗum tawi nder ladde boo to' nattu si'ire ndeen. 22Gam balɗe ɗeen ɗum balɗe mba'ataari, sabu ko vinndanoo nder *Deftere fuu no heevey. 23Kayco rewɓe saawɓe e bambuɓe nder balɗe ɗeen ! Gam torraaji kalluɗi no njooftoto dow lesdi ndiin, huunƴere Allah boo no jippoto dow yimɓe ma'ari. 24Woɓɓe no mbardete kaafaaje, woɓɓe boo nanngee njaharee nder lesɗe duuniyaaru fuu ɓe laatinee maccuɓe. *Leƴƴi ɗi laataaki Yahuudu'en no njaaɓey Urusaliima, faa nde wakkaci maɓɓe heevi.
Bittoyki Ɓii-Neɗɗo
(Matta 24.29-31 ; Markus 13.24-27)
25Alaamaaji kulniiɗi no mbaɗey dow naange e lewru e koode. Dow lesdi boo, kulol no nanngey leƴƴi duuniyaaru fuu, faa ɓe majja ko ɓe mbaɗata gam iido maayo e ɓoggi muuɗum. 26Kulol no warey yimɓe to ɓe nyumii ko warata dow duuniyaaru, gam baawɗeeji gonɗi dow fuu no ndimmboto. 27Wakkaci ɗuum, ɓe ngi'ey Ɓii-Neɗɗo e wara nder duule e baawɗe e teddungal manngal. 28To ku'uje ɗeen puɗɗii waɗgo, ummee ndaree tiggee dow, gam kisndam mooɗon ɓadake.
Ko ƴibbi ekkitinta
(Matta 24.32-35 ; Markus 13.28-31)
29Ndeen o valndani ɓe ngo'ol balndol, o vi'i :
— Ndaaree ƴibbi e leɗɗe koriiɗe fuu. 30To on ngi'ii ɗe mbiliti, on anndi ndunngu ɓadake. 31Noon boo, to on ngi'ii ku'uje ɗeen e mbaɗa, too, anndee *laamu Allah ɓadake. 32Emi vi'a on goonga : yimɓe ndu'u jaamaniiru timmataa, sey to ku'uje ɗeen fuu mbaɗii. 33Dow e lees no timmey, ammaa bolle am timmataa faa abadaa.
Ndeenee ko'e mooɗon
34— Ndeenee ko'e mooɗon, gam to' yiɗde nyaamki e yare-yare e laluuraaji duuniyaaru hooy ɓerɗe mooɗon, faa nyanndeere ndeen ruddoo on, on anndaa. 35Gam nyanndeere ndeen no warey dow koo moye poofeyɗo nder duuniyaaru kama tarkewol. 36Gam ma'ajum, to' on ɗaano. Mbaɗee do'aare koo ndeye, gam keɓon kison ɗen ɗoon ku'uje gareyɗe fuu, kadimaa keɓon wargo yeeso Ɓii-Neɗɗo ndarooɗon.
37Nyalawma Yeesu e ekkitina nder *Wuro Allah Seniingo, to hiiri o vurtoo o yaha *vaamnde Jaytunje o waaloya. 38Yimɓe fuu e njaha Wuro Allah ila fajiri, gam yewanaago mo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.