Luka 23
23
Yeesu yaharaama to Bilaatus
(Matta 27.1-2 ; Matta 27.11-14 ; Markus 15.1-5 ; Yahayya 18.28-38)
1Ndeen *Kawtal Sernooɓe ɓeen fuu ummii njahari Yeesu yeeso Bilaatus gomnaajo. 2Ɓe puɗɗi wullaago mo, eɓe mbi'a :
— Min tawii o'o neɗɗo e jiɓa lenyol amin. Emo haɗa ɓe biyaago laamiiɗo *Rooma janngal, emo vi'a hoore ma'ako o Almasiifu, laamiiɗo.
3Sey Bilaatus ƴami Yeesu vi'i :
— Aan woni laamiiɗo *Yahuudu'en naa ?
Yeesu toontii mo vi'i :
— Ee, noon no mbiiɗaa.
4Bilaatus vi'i mawɓe aardiiɓe diina e jama'aare fuu :
— Mi yi'aay layfi ɗum nanngirɗon o'o neɗɗo.
5Ammaa ɓe mbaɗi ga volvugo e semmbee, eɓe mbi'a :
— Ko o ekkitinta e jiɓa yimɓe lesdi Yahuudiya fuu. O fuɗɗirii lesdi Gaaliili, jo'oni o warii faa ɗo'o.
Yeesu yaharaama to Hiruudus
6Nde Bilaatus nani noon, o ƴami o vi'i :
— O'o neɗɗo o Gaaliilankeejo naa ?
7Nde o nani Yeesu ivii nder laamu *Hiruudus, o waɗi ɗum yahari mo to Hiruudus, gam e wakkaci ɗuum Hiruudus e ɗoon nder *Urusaliima. 8Nde Hiruudus yi'i Yeesu, o nani belɗum korey, gam o neeɓii emo yiɗi o yi'a Yeesu, sabu ko o nani dow muuɗum. Kadimaa emo yiɗnoo o heɓa o yi'a to Yeesu waɗi goɗɗum kaayniiɗum. 9O ƴami Yeesu ƴamɗe ɗuuɗɗe, ammaa Yeesu toontaaki mo koo kaye. 10*Mawɓe aardiiɓe diina e *moodiɓɓe Tawreeta dariiɓe ɗoon ngullii mo e semmbee mu''en fuu. 11Hiruudus e soojeeji muuɗum cemtini mo, njaltiniri mo, ɓe ɓorni mo koltal booɗngal. Ndeen Hiruudus liltiri mo to Bilaatus. 12Hiruudus e Bilaatus ngiɗngiɗtiraano, ammaa nyanndeere ndeen ɓe kiggiri.
Yeesu taƴanaama ceri'a maayde
(Matta 27.15-26 ; Markus 15.6-15 ; Yahayya 18.39–19.16)
13Bilaatus noddi *mawɓe aardiiɓe diina e arɗuɓe Yahuudu'en e yimɓe fuu. 14O vi'i ɓe :
— On ngaddanii yam o'o neɗɗo, on mbi'ii emo jiɓa yimɓe. Rah, mi ƴamii mo yeeso mooɗon, ammaa ko ngulloriiɗon mo fuu mi tawraay mo koo go'otum. 15Hiruudus maa tawraay mo ɗum, gam o liltiroyii mo to meeɗen. Pahamee o'o neɗɗo waɗaay koo ɗume ko foti wargo ɗum. 16Gam ma'ajum mi waɗey o fiyee o yoofee.
[17Too, ndeen maa koo ndeye hitaande Bilaatus e voovi yoofango ɓe kaɓɓaaɗo go'oto.]
18Ammaa ɓe fuu ɓe ngulli gaba go'o, ɓe mbi'i :
— War mo, njoofanaa min Barabas !
19Barabas boo omndaama nder kaso gam emo nder umminɓe haɓre e laamu si'ire Urusaliima, kadimaa o warii goɗɗo.
20Bilaatus ɓesdi volvango ɓe, gam e yiɗi yoofgo Yeesu. 21Ammaa ɓe mbaɗi ga wullugo eɓe mbi'a :
— Ɓil mo ! Ɓil mo dow *gaafagal !
22Bilaatus vi'i ɓe tataɓre :
— Gam ɗume ? Ndeye halleende o waɗi ? Mi yi'aay ko o waɗi ko foti wargo mo. Gam ma'ajum, mi waɗey o fiyee o yoofee.
23Ammaa ɓe ɓesdi wullugo e semmbee, ɓe mbi'i :
— Ɓil mo dow gaafagal !
Gullaali maɓɓe tampini Bilaatus. 24Gam ma'ajum o jaɓi waɗango ɓe ko ɓe ngiɗi. 25O yoofani ɓe neɗɗo omndanooɗo nder kaso gam war-hoore e haɓdugo e laamu, mo ɓe torii o yoofana ɓe. Ndeen o waɗi Yeesu nder juuɗe maɓɓe, gam ɓe mbaɗana ɗum ko ɓe ngiɗi.
Ɓileeki Yeesu dow gaafagal
(Matta 27.32-44 ; Markus 15.21-32 ; Yahayya 19.17-27)
26Wakkaci ɓe njaharata Yeesu to warete, ɓe potti e goɗɗo mo si'ire Sireene, bi'eteeɗo Simon, e warta gada ladde. Sey ɓe nanngi mo ɓe mbakkini mo gaafagal, ɓe mbaɗi o tokkiri Yeesu ɓaawo.
27Yimɓe ɗuuɗɓe e tokki Yeesu hawtaade e woɓɓe rewɓe. Rewɓe ɓeen e mboya e piya gabaaje mu''en gam ma'ako. 28Yeesu yeeƴii ɓe vi'i :
— Rewɓe Urusaliima, ngooree voyango yam, ammaa mboyanee ko'e mooɗon e ɓiɓɓe mooɗon. 29Gam balɗe no ngarey ɗe yimɓe mbi'ata : « Rewɓe rimarɓe ɓe deedi mu''en meeɗaay saawgo, ɓe enɗi mu''en meeɗaay musineego no keɓey barkaa. » 30Wakkaci ɗuum yimɓe no mbi'ey baamle : « Njanee dow amin ! » Ɓe mbi'a ƴoole boo : « Uvee min ! » 31Gam to ngulu ummake caka ndunngu, ndeen noye ɗum laatotoo to ƴaavi ?
32Ɓe njaharidi Yeesu e halluɓe ɗiɗo, gam ɓe mbardoya ɓe. 33Nde ɓe njottii yaayre vi'eteende Gumbal Hoore, ɗoon ɓe ɓili mo dow gaafagal, kanko e halluɓe ɗiɗo ɓeen, go'oto e nyaamo ma'ako, go'oto e nano ma'ako. 34Ndeen Yeesu vi'i :
— Baaba am, ya'afana ɓe, gam ɓe anndaa ko ɓe mbaɗata.
Soojeeji mbaɗi cuɓol gam ɓe cennda kolte ma'ako. 35Yimɓe ndarii ɗoon e ndaara. Darvooɓe Yahuudu'en boo mbaɗi ga jaltinirgo mo e mbi'a :
— O hisniino woɓɓe. Ee, o hisnu hoore ma'ako, to o *Almasiifu cuɓaaɗo Allah.
36Soojeeji maa njaltiniri mo, ɓe ɓattii mo, ɓe kokki mo *innaboojam lammuɗam, ɓe mbi'i mo :
37— To nii a laamiiɗo Yahuudu'en, hisnu hoore maaɗa !
38Ɓe mbinndi dow hoore gaafagal ma'ako ɗi'i binndi : « O'o kam woni laamiiɗo Yahuudu'en. »
39Go'oto nder halluɓe ɗiɗo ɓe o ɓildaa naawani mo vi'i :
— Wanaa a Almasiifu ? Hisnu hoore maaɗa, kisnaa min, minon maa !
40Ammaa ɗiɗaɓo feli banndum vi'i :
— Koo Allah a hulataa ? A yi'ataa aan e ma'ako fuu ceri'a ngo'ota taƴanaaɗon ? 41Enen en keɓii ko kaanduɗen, gam ko mbaɗɗen mbiyaaɗen. Ammaa o'o neɗɗo, o waɗaay koo ɗume ko halli.
42Ndeen o vi'i :
— Yeesu, ta'a yeggitanam wakkaci nattuɗaa laamu maaɗa.
43Yeesu vi'i mo :
— Emi vi'i maa goonga, hannde a wondey e am nder Aljanna.
Maayde Yeesu
(Matta 27.45-56 ; Markus 15.33-41 ; Yahayya 19.28-30)
44Wakkaci ɗuum, ɗum caka nyalawma, ammaa niɓre suddi lesdi fuu, faa yahago njamndi tati, 45naange niɓɓi, wudere wonnde nder *Wuro Allah Seniingo#23.45 E woodi wudere senndunde yaayre seniinde e yaayre ɓurnde senaago. Wudere ndeen no tekkunde korey. seeki cende ɗiɗi. 46Sey Yeesu wulli e semmbee vi'i :
— Baaba am, mi hokkii yonki am nder junngo maaɗa !#23.46 Jabuura 31.5
Nde o vi'i noon o maayi.
47Nde mawɗo soojeeji Rooma yi'i ko waɗi, o maalti Allah, o vi'i :
— Goonga, o'o neɗɗo o aadaliijo !
48Nde jama'aare warnde daargol yi'i ko waɗi, ɓe kooti eɓe ndoondii juuɗe mboya. 49Ammaa annduɓe mo e rewɓe tokkoyɓe mo gada lesdi Gaaliili ndarii to woɗɗi e ndaara ko waɗata.
Uveeki Yeesu
(Matta 27.57-61 ; Markus 15.42-47 ; Yahayya 19.38-42)
50-51E woodi goɗɗo bi'eteeɗo Yusufu mo si'ire Aramaatiya nder lesdi Yahuudiya, o neɗɗo geeto, goongaajo, deentuɗo garol *laamu Allah. O go'oto nder *Kawtal Sernooɓe Diina, ammaa o jaɓaay ko ɓe ndarvi e ko ɓe mbaɗi. 52Kanko yahi to Bilaatus, o torii ɗum hokka mo ɓanndu Yeesu. 53O jippini ɓanndu nduun dow gaafagal, o taari ndu, o wallini ndu nder yenaande wasaande nder haayre, nde ɗum meeɗaay wallingo goɗɗo nder muuɗum. 54Ɗum fotootirii e nyannde siryaago#23.54 Nyannde siryaago ndeen ɗum nyannde teddunde., horii seɗɗa ɗum natta *nyannde-fooftiinde.
55Rewɓe wardunooɓe e Yeesu gada lesdi *Gaaliili tokki Yusufu, ɓe ngi'i yenaande ndeen, e no ɗum walliniri ɓanndu ma'ako. 56Sey ɓe co''ii wuro, ɓe ciryii nebbam mbelɗam luuɓngol, ndeen ɓe poofti nyannde-fooftiinde, noon no Tawreeta vi'i.
Currently Selected:
Luka 23: fuq
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Luka 23
23
Yeesu yaharaama to Bilaatus
(Matta 27.1-2 ; Matta 27.11-14 ; Markus 15.1-5 ; Yahayya 18.28-38)
1Ndeen *Kawtal Sernooɓe ɓeen fuu ummii njahari Yeesu yeeso Bilaatus gomnaajo. 2Ɓe puɗɗi wullaago mo, eɓe mbi'a :
— Min tawii o'o neɗɗo e jiɓa lenyol amin. Emo haɗa ɓe biyaago laamiiɗo *Rooma janngal, emo vi'a hoore ma'ako o Almasiifu, laamiiɗo.
3Sey Bilaatus ƴami Yeesu vi'i :
— Aan woni laamiiɗo *Yahuudu'en naa ?
Yeesu toontii mo vi'i :
— Ee, noon no mbiiɗaa.
4Bilaatus vi'i mawɓe aardiiɓe diina e jama'aare fuu :
— Mi yi'aay layfi ɗum nanngirɗon o'o neɗɗo.
5Ammaa ɓe mbaɗi ga volvugo e semmbee, eɓe mbi'a :
— Ko o ekkitinta e jiɓa yimɓe lesdi Yahuudiya fuu. O fuɗɗirii lesdi Gaaliili, jo'oni o warii faa ɗo'o.
Yeesu yaharaama to Hiruudus
6Nde Bilaatus nani noon, o ƴami o vi'i :
— O'o neɗɗo o Gaaliilankeejo naa ?
7Nde o nani Yeesu ivii nder laamu *Hiruudus, o waɗi ɗum yahari mo to Hiruudus, gam e wakkaci ɗuum Hiruudus e ɗoon nder *Urusaliima. 8Nde Hiruudus yi'i Yeesu, o nani belɗum korey, gam o neeɓii emo yiɗi o yi'a Yeesu, sabu ko o nani dow muuɗum. Kadimaa emo yiɗnoo o heɓa o yi'a to Yeesu waɗi goɗɗum kaayniiɗum. 9O ƴami Yeesu ƴamɗe ɗuuɗɗe, ammaa Yeesu toontaaki mo koo kaye. 10*Mawɓe aardiiɓe diina e *moodiɓɓe Tawreeta dariiɓe ɗoon ngullii mo e semmbee mu''en fuu. 11Hiruudus e soojeeji muuɗum cemtini mo, njaltiniri mo, ɓe ɓorni mo koltal booɗngal. Ndeen Hiruudus liltiri mo to Bilaatus. 12Hiruudus e Bilaatus ngiɗngiɗtiraano, ammaa nyanndeere ndeen ɓe kiggiri.
Yeesu taƴanaama ceri'a maayde
(Matta 27.15-26 ; Markus 15.6-15 ; Yahayya 18.39–19.16)
13Bilaatus noddi *mawɓe aardiiɓe diina e arɗuɓe Yahuudu'en e yimɓe fuu. 14O vi'i ɓe :
— On ngaddanii yam o'o neɗɗo, on mbi'ii emo jiɓa yimɓe. Rah, mi ƴamii mo yeeso mooɗon, ammaa ko ngulloriiɗon mo fuu mi tawraay mo koo go'otum. 15Hiruudus maa tawraay mo ɗum, gam o liltiroyii mo to meeɗen. Pahamee o'o neɗɗo waɗaay koo ɗume ko foti wargo ɗum. 16Gam ma'ajum mi waɗey o fiyee o yoofee.
[17Too, ndeen maa koo ndeye hitaande Bilaatus e voovi yoofango ɓe kaɓɓaaɗo go'oto.]
18Ammaa ɓe fuu ɓe ngulli gaba go'o, ɓe mbi'i :
— War mo, njoofanaa min Barabas !
19Barabas boo omndaama nder kaso gam emo nder umminɓe haɓre e laamu si'ire Urusaliima, kadimaa o warii goɗɗo.
20Bilaatus ɓesdi volvango ɓe, gam e yiɗi yoofgo Yeesu. 21Ammaa ɓe mbaɗi ga wullugo eɓe mbi'a :
— Ɓil mo ! Ɓil mo dow *gaafagal !
22Bilaatus vi'i ɓe tataɓre :
— Gam ɗume ? Ndeye halleende o waɗi ? Mi yi'aay ko o waɗi ko foti wargo mo. Gam ma'ajum, mi waɗey o fiyee o yoofee.
23Ammaa ɓe ɓesdi wullugo e semmbee, ɓe mbi'i :
— Ɓil mo dow gaafagal !
Gullaali maɓɓe tampini Bilaatus. 24Gam ma'ajum o jaɓi waɗango ɓe ko ɓe ngiɗi. 25O yoofani ɓe neɗɗo omndanooɗo nder kaso gam war-hoore e haɓdugo e laamu, mo ɓe torii o yoofana ɓe. Ndeen o waɗi Yeesu nder juuɗe maɓɓe, gam ɓe mbaɗana ɗum ko ɓe ngiɗi.
Ɓileeki Yeesu dow gaafagal
(Matta 27.32-44 ; Markus 15.21-32 ; Yahayya 19.17-27)
26Wakkaci ɓe njaharata Yeesu to warete, ɓe potti e goɗɗo mo si'ire Sireene, bi'eteeɗo Simon, e warta gada ladde. Sey ɓe nanngi mo ɓe mbakkini mo gaafagal, ɓe mbaɗi o tokkiri Yeesu ɓaawo.
27Yimɓe ɗuuɗɓe e tokki Yeesu hawtaade e woɓɓe rewɓe. Rewɓe ɓeen e mboya e piya gabaaje mu''en gam ma'ako. 28Yeesu yeeƴii ɓe vi'i :
— Rewɓe Urusaliima, ngooree voyango yam, ammaa mboyanee ko'e mooɗon e ɓiɓɓe mooɗon. 29Gam balɗe no ngarey ɗe yimɓe mbi'ata : « Rewɓe rimarɓe ɓe deedi mu''en meeɗaay saawgo, ɓe enɗi mu''en meeɗaay musineego no keɓey barkaa. » 30Wakkaci ɗuum yimɓe no mbi'ey baamle : « Njanee dow amin ! » Ɓe mbi'a ƴoole boo : « Uvee min ! » 31Gam to ngulu ummake caka ndunngu, ndeen noye ɗum laatotoo to ƴaavi ?
32Ɓe njaharidi Yeesu e halluɓe ɗiɗo, gam ɓe mbardoya ɓe. 33Nde ɓe njottii yaayre vi'eteende Gumbal Hoore, ɗoon ɓe ɓili mo dow gaafagal, kanko e halluɓe ɗiɗo ɓeen, go'oto e nyaamo ma'ako, go'oto e nano ma'ako. 34Ndeen Yeesu vi'i :
— Baaba am, ya'afana ɓe, gam ɓe anndaa ko ɓe mbaɗata.
Soojeeji mbaɗi cuɓol gam ɓe cennda kolte ma'ako. 35Yimɓe ndarii ɗoon e ndaara. Darvooɓe Yahuudu'en boo mbaɗi ga jaltinirgo mo e mbi'a :
— O hisniino woɓɓe. Ee, o hisnu hoore ma'ako, to o *Almasiifu cuɓaaɗo Allah.
36Soojeeji maa njaltiniri mo, ɓe ɓattii mo, ɓe kokki mo *innaboojam lammuɗam, ɓe mbi'i mo :
37— To nii a laamiiɗo Yahuudu'en, hisnu hoore maaɗa !
38Ɓe mbinndi dow hoore gaafagal ma'ako ɗi'i binndi : « O'o kam woni laamiiɗo Yahuudu'en. »
39Go'oto nder halluɓe ɗiɗo ɓe o ɓildaa naawani mo vi'i :
— Wanaa a Almasiifu ? Hisnu hoore maaɗa, kisnaa min, minon maa !
40Ammaa ɗiɗaɓo feli banndum vi'i :
— Koo Allah a hulataa ? A yi'ataa aan e ma'ako fuu ceri'a ngo'ota taƴanaaɗon ? 41Enen en keɓii ko kaanduɗen, gam ko mbaɗɗen mbiyaaɗen. Ammaa o'o neɗɗo, o waɗaay koo ɗume ko halli.
42Ndeen o vi'i :
— Yeesu, ta'a yeggitanam wakkaci nattuɗaa laamu maaɗa.
43Yeesu vi'i mo :
— Emi vi'i maa goonga, hannde a wondey e am nder Aljanna.
Maayde Yeesu
(Matta 27.45-56 ; Markus 15.33-41 ; Yahayya 19.28-30)
44Wakkaci ɗuum, ɗum caka nyalawma, ammaa niɓre suddi lesdi fuu, faa yahago njamndi tati, 45naange niɓɓi, wudere wonnde nder *Wuro Allah Seniingo#23.45 E woodi wudere senndunde yaayre seniinde e yaayre ɓurnde senaago. Wudere ndeen no tekkunde korey. seeki cende ɗiɗi. 46Sey Yeesu wulli e semmbee vi'i :
— Baaba am, mi hokkii yonki am nder junngo maaɗa !#23.46 Jabuura 31.5
Nde o vi'i noon o maayi.
47Nde mawɗo soojeeji Rooma yi'i ko waɗi, o maalti Allah, o vi'i :
— Goonga, o'o neɗɗo o aadaliijo !
48Nde jama'aare warnde daargol yi'i ko waɗi, ɓe kooti eɓe ndoondii juuɗe mboya. 49Ammaa annduɓe mo e rewɓe tokkoyɓe mo gada lesdi Gaaliili ndarii to woɗɗi e ndaara ko waɗata.
Uveeki Yeesu
(Matta 27.57-61 ; Markus 15.42-47 ; Yahayya 19.38-42)
50-51E woodi goɗɗo bi'eteeɗo Yusufu mo si'ire Aramaatiya nder lesdi Yahuudiya, o neɗɗo geeto, goongaajo, deentuɗo garol *laamu Allah. O go'oto nder *Kawtal Sernooɓe Diina, ammaa o jaɓaay ko ɓe ndarvi e ko ɓe mbaɗi. 52Kanko yahi to Bilaatus, o torii ɗum hokka mo ɓanndu Yeesu. 53O jippini ɓanndu nduun dow gaafagal, o taari ndu, o wallini ndu nder yenaande wasaande nder haayre, nde ɗum meeɗaay wallingo goɗɗo nder muuɗum. 54Ɗum fotootirii e nyannde siryaago#23.54 Nyannde siryaago ndeen ɗum nyannde teddunde., horii seɗɗa ɗum natta *nyannde-fooftiinde.
55Rewɓe wardunooɓe e Yeesu gada lesdi *Gaaliili tokki Yusufu, ɓe ngi'i yenaande ndeen, e no ɗum walliniri ɓanndu ma'ako. 56Sey ɓe co''ii wuro, ɓe ciryii nebbam mbelɗam luuɓngol, ndeen ɓe poofti nyannde-fooftiinde, noon no Tawreeta vi'i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.