Exodus 18
18
Jethro-m Nunataa Moses-aaq
1Moses-aam cakian Jethro-m, Midian-aam agayulirtiin, niitai tamalkuita Agayutem pillri Moses-aamun Israel-aam-llu yuinun anutellermini Egypt-aamek. 2Moses-aaq-llu ullagaa, malikluku nulirra Zipporah, tamaavet unitellra, 3qetunraak-llu malruk, aipaa aterluni Gershom-aamek, qanellruami, “Allanrullruunga nunami nunakumanrilngurmi.”#18.3: Gershom: Una ateq Hebrew-tun waten ayuquq, “allaneq.” 4Qanertuq-llu, “Atama Agayutiin ikayullruanga anirturlua-llu tuqutauyallemnek angayuqrakun Egypt-aam”; taumek aciraa aipaa Eliezer-aamek.#18.4: Eliezer: Hebrew-tun una ateq nepengqertuq “Agayutem ikayularaanga.” 5Jethro taiguq malikluku Moses-aam nulirra, qetunraak-llu malruk, qavartaumallratnun tanqilriami ingrimi. 6Iliita-llu Moses-aaq qanrutaa, “Cakin Jethro agiirtuq maligluni nuliarpenek qetunraagpenek-llu.” 7Moses-aam-llu cakini pairrsaagaa ciuqerranun-llu pull'uni, cingarluku-llu. Atunem-llu apqaurullutek qaillun ayuqucirmegnek. Moses-aam-llu pelatekaanun iterlutek. 8Moses-aam-llu Jethro-mun qanemcikai cat tamalkuita Atanrem pillri Pharaoh-mun yuinun-llu Egypt-aam, Israel-aam yui anirtuumallerkaat pitekluku. Qanrutaa-llu yuut cakviulallratnek tumemeggni qaillun-llu Atanermun anirtulallratnek. 9Jethro-m makut niicamiki angnirtuq, 10qanerluni-llu, “Nanraumali Ataneq anirturtekellren Pharaoh-mek yuinek-llu Egypt-aam! Nanraumali Ataneq anirtullruaki yun'i teguarullratnek. 11Watua nallunriraqa Atanrem angenrucia tamalkuitni agayutni, tua-i-wa yuut anirtullruaki Egypt-aarmiutgun caunrilkumallratnek.” 12Tua-llu Jethro taituq tamalkuuluki ekuagarkanek Agayutmun; Aaron-aam tamarmeng-llu ciuliqagtaita Israel-aat maligtaat nerellgucirnaluku Moses-aam cakia Agayutem ciuqerrani.
Cuqcistekanek Pillerkiullrat
13Unuaquan Moses-aaq arenqigciuq piyunailliqutaitnek yuut ellmeggnun, yagarcetevkaraat-llu yuut unuakumek ayagluku atakullranun. 14Jethro-m tangrramiki Moses-aam caarkai aptaa, “Ciin waten caliaqsiki ukut yuut? Ciin kiivet calisit yugnun yagarcetevkarluten unuakumek ayagluten atakuq tekilluku?”
15Moses-aam kiugaa, “Tua-i-wa yuut tailaata nallunrirnaluteng Agayutem piyullranek. 16Piyunailliqutelgek tailartuk wangnun, wiinga-llu cuqtelaragka nallunrirtellukek-llu Agayutem picirkiutainek alerquutainek-llu.”
17Jethro-llu qanertuq, “Man'a elluarrluku caliaqenritan. 18Elpenek nangciiquten yuut-llu tapqulluki. Arturnarquq man'a elpenun kiimenak. 19Niicugniqernga assilriamek ayuqucirturnaamken Agayutem-llu nayurciqaaten. Atawauyaaquq cingilgullren yugnun Agayutmun, arenqiallugutait ullautaqluki elliinun. 20Elitnauyunarqaten Agayutem alerquutainek nalqigulluki-llu qaillun ayuqucirkaatnek, qaillun-llu pillerkaatnek. 21Cali tau͡gaam cucuklirniartuten piyugngalrianek angutnek, qigcikestainek Agayutem pengegnailngurnek iqlutuunrilngurnek; ciuliqaggniarait tiissitsaaruqa'aqluki (1,000), yuinaq tallimauqaqluki (100), yuinaak malruk qulnek ciptaqluki (50), qulnguqa'aqluki-llu. 22Cuqcisten͞guniartut yugnek cimiqetaarpek'nateng. Arturnarqellriit tau͡gaam elpenun taitaqluki, tau͡gaam ellaita ellmeggnek artunrilketeng arenqiallugutait yuut arenqigtaqluki. Tuaten pikuvet qaciglikanirciquten caliarkarpet ilait caliaqelangekatki. 23Waten pikuvet, Agayutem alerquutiinek, elpenek navgurngaituten, yuut-llu makut utertelarniartut umyuamegteggun uitanqegciluteng.”
24Moses-aam tua-i cakimi qanellra niilluku tuaten piuq. 25Cucukiluni-llu piyugngalrianek angutnek Israel-aam yuin ilaitnek, ciulirnerurrluki yugnun, atanirturilriarurtelluki tiissitsaanun, yuinarnun tallimanun, yuinaak malruk qulnek ciplukek, qulnun-llu. 26Caliut-llu cucukellri cuqcisten͞guluteng yugnun, cimiqetaararkauvkenateng, artuqteng taitaqluki Moses-aamun, arturnailnguut ellmeggnek piaqluki.
27Moses-aam-llu cakini Jethro ayagcetaa, tauna-llu ayiimi nakmiin nunaminun ayagluni.
Currently Selected:
Exodus 18: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Exodus 18
18
Jethro-m Nunataa Moses-aaq
1Moses-aam cakian Jethro-m, Midian-aam agayulirtiin, niitai tamalkuita Agayutem pillri Moses-aamun Israel-aam-llu yuinun anutellermini Egypt-aamek. 2Moses-aaq-llu ullagaa, malikluku nulirra Zipporah, tamaavet unitellra, 3qetunraak-llu malruk, aipaa aterluni Gershom-aamek, qanellruami, “Allanrullruunga nunami nunakumanrilngurmi.”#18.3: Gershom: Una ateq Hebrew-tun waten ayuquq, “allaneq.” 4Qanertuq-llu, “Atama Agayutiin ikayullruanga anirturlua-llu tuqutauyallemnek angayuqrakun Egypt-aam”; taumek aciraa aipaa Eliezer-aamek.#18.4: Eliezer: Hebrew-tun una ateq nepengqertuq “Agayutem ikayularaanga.” 5Jethro taiguq malikluku Moses-aam nulirra, qetunraak-llu malruk, qavartaumallratnun tanqilriami ingrimi. 6Iliita-llu Moses-aaq qanrutaa, “Cakin Jethro agiirtuq maligluni nuliarpenek qetunraagpenek-llu.” 7Moses-aam-llu cakini pairrsaagaa ciuqerranun-llu pull'uni, cingarluku-llu. Atunem-llu apqaurullutek qaillun ayuqucirmegnek. Moses-aam-llu pelatekaanun iterlutek. 8Moses-aam-llu Jethro-mun qanemcikai cat tamalkuita Atanrem pillri Pharaoh-mun yuinun-llu Egypt-aam, Israel-aam yui anirtuumallerkaat pitekluku. Qanrutaa-llu yuut cakviulallratnek tumemeggni qaillun-llu Atanermun anirtulallratnek. 9Jethro-m makut niicamiki angnirtuq, 10qanerluni-llu, “Nanraumali Ataneq anirturtekellren Pharaoh-mek yuinek-llu Egypt-aam! Nanraumali Ataneq anirtullruaki yun'i teguarullratnek. 11Watua nallunriraqa Atanrem angenrucia tamalkuitni agayutni, tua-i-wa yuut anirtullruaki Egypt-aarmiutgun caunrilkumallratnek.” 12Tua-llu Jethro taituq tamalkuuluki ekuagarkanek Agayutmun; Aaron-aam tamarmeng-llu ciuliqagtaita Israel-aat maligtaat nerellgucirnaluku Moses-aam cakia Agayutem ciuqerrani.
Cuqcistekanek Pillerkiullrat
13Unuaquan Moses-aaq arenqigciuq piyunailliqutaitnek yuut ellmeggnun, yagarcetevkaraat-llu yuut unuakumek ayagluku atakullranun. 14Jethro-m tangrramiki Moses-aam caarkai aptaa, “Ciin waten caliaqsiki ukut yuut? Ciin kiivet calisit yugnun yagarcetevkarluten unuakumek ayagluten atakuq tekilluku?”
15Moses-aam kiugaa, “Tua-i-wa yuut tailaata nallunrirnaluteng Agayutem piyullranek. 16Piyunailliqutelgek tailartuk wangnun, wiinga-llu cuqtelaragka nallunrirtellukek-llu Agayutem picirkiutainek alerquutainek-llu.”
17Jethro-llu qanertuq, “Man'a elluarrluku caliaqenritan. 18Elpenek nangciiquten yuut-llu tapqulluki. Arturnarquq man'a elpenun kiimenak. 19Niicugniqernga assilriamek ayuqucirturnaamken Agayutem-llu nayurciqaaten. Atawauyaaquq cingilgullren yugnun Agayutmun, arenqiallugutait ullautaqluki elliinun. 20Elitnauyunarqaten Agayutem alerquutainek nalqigulluki-llu qaillun ayuqucirkaatnek, qaillun-llu pillerkaatnek. 21Cali tau͡gaam cucuklirniartuten piyugngalrianek angutnek, qigcikestainek Agayutem pengegnailngurnek iqlutuunrilngurnek; ciuliqaggniarait tiissitsaaruqa'aqluki (1,000), yuinaq tallimauqaqluki (100), yuinaak malruk qulnek ciptaqluki (50), qulnguqa'aqluki-llu. 22Cuqcisten͞guniartut yugnek cimiqetaarpek'nateng. Arturnarqellriit tau͡gaam elpenun taitaqluki, tau͡gaam ellaita ellmeggnek artunrilketeng arenqiallugutait yuut arenqigtaqluki. Tuaten pikuvet qaciglikanirciquten caliarkarpet ilait caliaqelangekatki. 23Waten pikuvet, Agayutem alerquutiinek, elpenek navgurngaituten, yuut-llu makut utertelarniartut umyuamegteggun uitanqegciluteng.”
24Moses-aam tua-i cakimi qanellra niilluku tuaten piuq. 25Cucukiluni-llu piyugngalrianek angutnek Israel-aam yuin ilaitnek, ciulirnerurrluki yugnun, atanirturilriarurtelluki tiissitsaanun, yuinarnun tallimanun, yuinaak malruk qulnek ciplukek, qulnun-llu. 26Caliut-llu cucukellri cuqcisten͞guluteng yugnun, cimiqetaararkauvkenateng, artuqteng taitaqluki Moses-aamun, arturnailnguut ellmeggnek piaqluki.
27Moses-aam-llu cakini Jethro ayagcetaa, tauna-llu ayiimi nakmiin nunaminun ayagluni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.