Exodus Nallunairun
Nallunairun
Aperyaraq Exodus-aaq kangingqertuq, “ayagluni”. Uum aperyaram nallunairluku arcaqalria Israel-aat qaillun pillrat avani ciuqvani yuugurallratni. Man'a-llu pillrat ukuni kalikarni igausngauq, imna qanemcikluku Israel-aat ayallrat Egypt-aamek, tuani teguarurraarluteng. Ukuni-llu kalikani cetamainguut qanemcit mat'umek, ukuuluteng: 1) angicimallrat Hebrews-aat teguarullermeggnek; 2) ayallrat Ingrimun Sinai-amun; 3) Agayutem akquyutii yun'i-llu Sinai-ami, uuggun elliin cikillruluki alerquutnek aturarkaitnek yuullermeggni. Alerquutnguluteng ellualriakun yuullerkaatnun, nunaita picirkiutekaitnun, agayumaciata-llu alerquutaikun yuullerkaatnun; 4) Agayuviim piliaqumallerkaa iluani-llu canek aklungqellerkaa, cali-llu alerquutet agayulirtet piluki, qaillun-llu agayulallerkaat Agayutmun.
Ukut tau͡gaam kalikat qanrutkaat arcaqerluku Agayutem caliara ellaitni, teguarunrircetlerminiki yun'i allakaita-llu atanruvigpaurcetlerminiki neryuniurutkangqertelluki uk'umi yuugurallerkaatni.
Wani kalikani atauciq yuk arcaqerluni qanemciuguq, imna Moses-aaq, Agayutem cucukellra ciuliqagtesqelluki yun'i anellratni Egypt-aamek. Cali wani kalikani chapter 20-mi uitaut imkut qulen alerquutet Agayutem cikiutekellri yum'inun, ukut-llu alerquutet yuut amlleret nallunritait.
Kalikam Imaa
Israelite-at angicimallrat Egypt-aamek 1.1—15.21
a. Teguarullrat Egypt-aami 1.1-22
b. Moses-aam yuurtellra anglillraa-llu 2.1—4.31
c. Moses-aankuk Aaron-aaq-llu aguagcartullrak atanranun Egypt-aam 5.1—11.10
d. Kituutem atuqerraallra ayallrat-llu Egypt-aamek 12.1—15.21
Ayallrat Red Sea-mek Ingrimun Sinai-amun 15.22—18.27
Alerquutet Akquyun-llu 19.1—24.18
Kenciknarqelria Pelatekaq picirkiutai-llu agayuyaram 25.1—40.38
Currently Selected:
Exodus Nallunairun: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Exodus Nallunairun
Nallunairun
Aperyaraq Exodus-aaq kangingqertuq, “ayagluni”. Uum aperyaram nallunairluku arcaqalria Israel-aat qaillun pillrat avani ciuqvani yuugurallratni. Man'a-llu pillrat ukuni kalikarni igausngauq, imna qanemcikluku Israel-aat ayallrat Egypt-aamek, tuani teguarurraarluteng. Ukuni-llu kalikani cetamainguut qanemcit mat'umek, ukuuluteng: 1) angicimallrat Hebrews-aat teguarullermeggnek; 2) ayallrat Ingrimun Sinai-amun; 3) Agayutem akquyutii yun'i-llu Sinai-ami, uuggun elliin cikillruluki alerquutnek aturarkaitnek yuullermeggni. Alerquutnguluteng ellualriakun yuullerkaatnun, nunaita picirkiutekaitnun, agayumaciata-llu alerquutaikun yuullerkaatnun; 4) Agayuviim piliaqumallerkaa iluani-llu canek aklungqellerkaa, cali-llu alerquutet agayulirtet piluki, qaillun-llu agayulallerkaat Agayutmun.
Ukut tau͡gaam kalikat qanrutkaat arcaqerluku Agayutem caliara ellaitni, teguarunrircetlerminiki yun'i allakaita-llu atanruvigpaurcetlerminiki neryuniurutkangqertelluki uk'umi yuugurallerkaatni.
Wani kalikani atauciq yuk arcaqerluni qanemciuguq, imna Moses-aaq, Agayutem cucukellra ciuliqagtesqelluki yun'i anellratni Egypt-aamek. Cali wani kalikani chapter 20-mi uitaut imkut qulen alerquutet Agayutem cikiutekellri yum'inun, ukut-llu alerquutet yuut amlleret nallunritait.
Kalikam Imaa
Israelite-at angicimallrat Egypt-aamek 1.1—15.21
a. Teguarullrat Egypt-aami 1.1-22
b. Moses-aam yuurtellra anglillraa-llu 2.1—4.31
c. Moses-aankuk Aaron-aaq-llu aguagcartullrak atanranun Egypt-aam 5.1—11.10
d. Kituutem atuqerraallra ayallrat-llu Egypt-aamek 12.1—15.21
Ayallrat Red Sea-mek Ingrimun Sinai-amun 15.22—18.27
Alerquutet Akquyun-llu 19.1—24.18
Kenciknarqelria Pelatekaq picirkiutai-llu agayuyaram 25.1—40.38
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.