Genesis 28
28
1Isaac-aam tua-i taisqaa Jacob-aaq atawaqaasqerraarluku-llu qanrutaa, “Canaan-aarmiut iliitnek nulirturyaqunak. 2Ayakina Paddanaram-aamun apa'urlurpenun Bethuel-aamun, nulirturluten-llu Laban-aam aanavet amaqlian paniin iliitnek. 3Agayutem Artuqailnguum atawaqertelliten yugyangevkarluten-llu, atanruvigpiit amlleret nauniartut elpenek. 4Atawaqertelliten Abraham-aaq atawaqercetellrucimitun, man'a-llu nuna uitavikellren piksagutniaran, Agayutem cikiutekellra Abraham-aamun!” 5Isaac-aam ayagcetaa Jacob-aaq, ayagluni-llu Mesopotamia-mun, Laban-aamun Bethuel-aam qetunraanun Aramean-aamun anelgutiinun Rebecca-m, aaniignek Jacob-aankuk Esau-llu.
Esau Allamek Nulirturtuq
6Esau-m nallunriamiu Isaac-aamun atawaqercessucia Jacob-aaq ayagtelluku-llu Mesopotamia-mun nulirkaanek pisqelluku, nallunriraa-llu atawaqercetlermini alerqullrucia Canaan-aarmiumek nulirtuusqevkenaku. 7Nallunriraa-llu Jacob-aam niisngalukek angayuqaagni ayallrucia Mesopotamia-mun. 8Taumek Esau-m kangingamiu ataminun Canaan-aarmiut arnat assikenriluciat, 9ayagtuq Ishmael-aamun qetunraanun Abraham-aam. Nulirturluni-llu panianek Mahalath-aam, anelgutiinek Neboiath-aam.
Jacob-aam Qavangua Bethel-aami
10Jacob-aaq ayagtuq Beersheba-mek tungiinun Haran-aam. 11Akerta teviqanrakun tekituq tanqilriamun nunamun, tuani-llu qavartarluni. Inarrluni qavangcartuq teggalqumek akicirluni. 12Qavangurturtuq mayuryaranek tekisngaluteng nunamek qilagmun, an'gilat mayurluteng atrarluteng-llu taukutgun. 13Tangrraa-llu Ataneq nangengqaluni canimini. Qanrutaa-llu, “Wiinga Atanruunga, Agayutii Abraham-aam Isaac-aam-llu. Cikirciqamken kinguveten-llu uumek nunamek inangqavigpenek. 14Kinguveten amllertaciqut urraitun nunam. Nunautseng ilangeciqaat negetmun, ungalatmun, calaratmun, kanavatmun-llu. Elpegun kinguverpegun-llu atawaqerceciiqanka tamalkuita nunarpiit. 15Neq'akekiu camun pivkarngaitamken ayallren tamalkuan, uterceciiqamken-llu wavet nunamun. Unisngaitamken akqutkellrenka tamalkuita pimarivailemki.”
16Jacob-aaq tupiimi qanertuq, “Ataneq wantelliniuq! Wani nunami uitalliniuq, wiinga-llu wanlucia nalluluku!” 17Alingluni qanertuq, “Nuna una irr'inarqelriarulliniuq! Agayutem una enekellia. Iteryarauyugnarquq amiiguluni qilagmun.”
18Jacob-aaq maktuq unuakuarmi, teggalquq-llu teguluku ellia alailngurmun umyuaqutngurrluku. Uqumek-llu kuvaa allakaumalriarurrluku Agayutmun. 19Tauna nuna aciraa Bethel-aamek.#28.19: Bethel: Una ateq Hebrew-tun ayuquq “enii Agayutem.” (Nunat taukut aterpagcimatullruut Luz-amek.) 20Jacob-aaq akqut'liuq Atanermun, “Nayurarkaukuvnga camun pivkarpek'nii maa-i ayallemni cikiumalua neqkamnek aturarkamnek-llu, 21ataam-llu ut'reskuma atama eniinun cavkenii, wiinga Agayutkeciqamken. 22Una-llu umyuaqun teggalquq ellilqa piicalarviugarkauguq elpenun, cikiutvet-llu tamalkuita qulngurutait tunlarciqanka elpenun.”
Currently Selected:
Genesis 28: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Genesis 28
28
1Isaac-aam tua-i taisqaa Jacob-aaq atawaqaasqerraarluku-llu qanrutaa, “Canaan-aarmiut iliitnek nulirturyaqunak. 2Ayakina Paddanaram-aamun apa'urlurpenun Bethuel-aamun, nulirturluten-llu Laban-aam aanavet amaqlian paniin iliitnek. 3Agayutem Artuqailnguum atawaqertelliten yugyangevkarluten-llu, atanruvigpiit amlleret nauniartut elpenek. 4Atawaqertelliten Abraham-aaq atawaqercetellrucimitun, man'a-llu nuna uitavikellren piksagutniaran, Agayutem cikiutekellra Abraham-aamun!” 5Isaac-aam ayagcetaa Jacob-aaq, ayagluni-llu Mesopotamia-mun, Laban-aamun Bethuel-aam qetunraanun Aramean-aamun anelgutiinun Rebecca-m, aaniignek Jacob-aankuk Esau-llu.
Esau Allamek Nulirturtuq
6Esau-m nallunriamiu Isaac-aamun atawaqercessucia Jacob-aaq ayagtelluku-llu Mesopotamia-mun nulirkaanek pisqelluku, nallunriraa-llu atawaqercetlermini alerqullrucia Canaan-aarmiumek nulirtuusqevkenaku. 7Nallunriraa-llu Jacob-aam niisngalukek angayuqaagni ayallrucia Mesopotamia-mun. 8Taumek Esau-m kangingamiu ataminun Canaan-aarmiut arnat assikenriluciat, 9ayagtuq Ishmael-aamun qetunraanun Abraham-aam. Nulirturluni-llu panianek Mahalath-aam, anelgutiinek Neboiath-aam.
Jacob-aam Qavangua Bethel-aami
10Jacob-aaq ayagtuq Beersheba-mek tungiinun Haran-aam. 11Akerta teviqanrakun tekituq tanqilriamun nunamun, tuani-llu qavartarluni. Inarrluni qavangcartuq teggalqumek akicirluni. 12Qavangurturtuq mayuryaranek tekisngaluteng nunamek qilagmun, an'gilat mayurluteng atrarluteng-llu taukutgun. 13Tangrraa-llu Ataneq nangengqaluni canimini. Qanrutaa-llu, “Wiinga Atanruunga, Agayutii Abraham-aam Isaac-aam-llu. Cikirciqamken kinguveten-llu uumek nunamek inangqavigpenek. 14Kinguveten amllertaciqut urraitun nunam. Nunautseng ilangeciqaat negetmun, ungalatmun, calaratmun, kanavatmun-llu. Elpegun kinguverpegun-llu atawaqerceciiqanka tamalkuita nunarpiit. 15Neq'akekiu camun pivkarngaitamken ayallren tamalkuan, uterceciiqamken-llu wavet nunamun. Unisngaitamken akqutkellrenka tamalkuita pimarivailemki.”
16Jacob-aaq tupiimi qanertuq, “Ataneq wantelliniuq! Wani nunami uitalliniuq, wiinga-llu wanlucia nalluluku!” 17Alingluni qanertuq, “Nuna una irr'inarqelriarulliniuq! Agayutem una enekellia. Iteryarauyugnarquq amiiguluni qilagmun.”
18Jacob-aaq maktuq unuakuarmi, teggalquq-llu teguluku ellia alailngurmun umyuaqutngurrluku. Uqumek-llu kuvaa allakaumalriarurrluku Agayutmun. 19Tauna nuna aciraa Bethel-aamek.#28.19: Bethel: Una ateq Hebrew-tun ayuquq “enii Agayutem.” (Nunat taukut aterpagcimatullruut Luz-amek.) 20Jacob-aaq akqut'liuq Atanermun, “Nayurarkaukuvnga camun pivkarpek'nii maa-i ayallemni cikiumalua neqkamnek aturarkamnek-llu, 21ataam-llu ut'reskuma atama eniinun cavkenii, wiinga Agayutkeciqamken. 22Una-llu umyuaqun teggalquq ellilqa piicalarviugarkauguq elpenun, cikiutvet-llu tamalkuita qulngurutait tunlarciqanka elpenun.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.