Genesis 37
37
Joseph-aaq Anelgutni-llu
1Jacob-aaq-llu uitaurtuq Canaan-aami atami uitavikellrani. 2Man'a qanemciuguq Jacob-aam ilainek.
Joseph-aaq allrakungluni akimiaq malrugnek cipluku qusnginek qusngirngalngurnek-llu qaunqiuq anelgutni-llu Bilhah-nkuk Zilpah-llu irniakek. Atani-llu qanrucartularaa anelgutni inerciigalliqaqata.
3Jacob-aam-llu kenkenrullrua Joseph-aaq ilaini, irniaqsagutellruamiu angutngurrnermikun; aturalia-llu akurtulriamek alilegmek. 4Anelgutain tau͡gaam nallunriamegteggu atameggnun kenkenrucia ellmeggni e'quyagutaat qancurlagaqurangluku-llu.
5Caqerluni Joseph-aaq qavangurturtuq, anelgutminun-llu qavanguni qanemcikellrani nutaan eq'ukevsiaraat. 6Waten qanemcitai, “Niiciu qavangurtulqa: 7Naucetaarvigmi tamamta mukaarkanek qillerqiukut, wiinga-llu qillerqaanka ellmeggnek napartut; elpeci-llu qillerqaaci qillerqaama avatiinun quyurrluteng ciktaarvikluki qillerqaanka.”
8Anelgutain qanrutaat, “Angayuqrurteqatalliuten atanirturluta-llu?” Nutaan anelgutain eq'ukekaniraat qavangui pitekluki, tuaten-llu ayuqelriakun qanrutkucirteng pitekluku.
9Allamek cali qavangurtunqigtuq qanemcikluku-llu anelgutminun, qanerluni, “Allamek cali qavangurturtua, akertem̄un, iralumun, qula-llu ataucimek cipluku agyanun ciktaarvikevkarlua.”
10Tau͡gaam ataminun qanemcikellrani qavanguni, atiin nunuraa, qanrulluku-llu, “Cauga man'a qavangurtullren? Wangkuta-qaa ilavni tamalkumta ciktaarvikciqamteggen?” 11Anelgutain ciknakaat, tau͡gaam atiin qanellri umyuaqurarai.
Joseph-aam Tunumallra Ayaucimallra-llu Egypt-aamun
12Caqerluteng anelgutai Joseph-aam atameng katngautai auluknaluki ayaggaartelluki Shechem-aamun, 13Jacob-aam qanrutaa Joseph-aaq, “Ayaasqumaamken anelgutevnun katngagnek aulukilrianun Shechem-aami.”
Joseph-aaq kiuguq, “Upingaunga.”
14Jacob-aam qanrutaa, “Ayagluten paqeski anelgutvet qaillun ayuquciat, katngat-llu; tailuten qanrucarturniarpenga.” Tua-i ayagcetaa kuignayuanek Hebron-aam, tekilluni-llu Shechem-aamun. 15Angutet-llu iliita tangrraa tarratellrani yuilqumi; apluku-llu, “Camek yuarcit?”
16Joseph-aam kiugaa, “Anelgutemnek yuartua qaunqilrianek katngameggnek. Qanrusnga nallunrilkuvgu nanluciat.”
17Angun qanertuq, “Ak'a ayallruut. Niitellruanka qanellratni Dothan-aamun ayakatarniluteng.” Joseph-aam-llu kingunrirturluki nalaqai Dothan-aami.
18Yaaqsigluku anelgutain tangrraat, canimellivailgan-llu picirkiurtut tuqutnaluku. 19Qanruyutut, “Qavangurturta agiirtuq. 20Tuquskilaut, petmiit-llu iliitnun igtelluku; qanerniartukut yuilqurmiutarmun ungungssimun nerniluku, tangerrniarput qaillun qavanguin iqungqerrarkauciat.”
21Tau͡gaam Reuben-aam niicamiki anirtungnaqsaaqaa Joseph-aaq qanerluni, “Tuqutevkenaku. 22Igceciu tau͡gaam petmigmun maani yuilqumi. Akngircaqunaciu.” Tuaten qanertuq nuggnaluku petmigmek ut'rulluku-llu atiinun. 23Joseph-aaq tekican ilain matartaat aturaa alilek akurtulria yuuvkarluku. 24Igcetaat-llu petmigmun. Petmik tauna imaituq mertaunani-llu.
25Aqumluteng ner'ut, kiarcameng-llu tangertut Ishmaelite-anek agiirtellrianek Gilead-aamek, ungungssit atmagluteng tepkegcilrianek ayuqenrilngurnek, ayagluteng Egypt-aamun. 26Tua-llu Judah-m ilani qanrutai, “Camek wangkuta unangengaitukut tuquskumteggu anelgutvut, aassaqutekluku-llu. 27Ishmaelite-anun tunenaurput wangkuta tuqutevkenaku, anelgutekngamteggu nakmiin ilakluku.” Ilai-llu qanellranun maligarutut. 28Midianite-at kupcaat tamaaggun kitullratni Joseph-aaq nugtaat petmigmek, tunluku-llu Ishmaelite-anun yuinarnun (20) qerrirlinun. Taukut-llu ayautaat Egypt-aamun.
29Reuben-aam paqcamiu petmik Joseph-aaq tuantenrilan aturani allgurai cakneq angniinani. 30Uterrluni-llu ilani qanrulluki, “Tan'gaurluq tayima cataituq, qaillun tua-i wiinga waniwa piciqsia?”
31Joseph-aam aturaa piamegteggu qusngirngalngurmek tuqucirraarluteng, auganun akurqauraat. 32Aturaq-llu tauna atameggnun ayaulluku qanrutaat, “Nataqerput una tailluku-llu elpenun elitaqnayukluku qetunrarpet pikekaku.”
33Jacob-aam elitaqaa qanerluni-llu, “Qetunrama aturaqaa; yuilqurmiutaam ungungssim nerrlinia; Joseph-aaq tua-i nallunaunani caunriumauq.” 34Jacob-aam-llu aturani allgurai, missuullermek-llu all'uni angniilutkaa qetunrani amllerni ernerni. 35Tamarmeng qetunrain paniin-llu qarutengnaq'laryaaqaat, tau͡gaam qarutesciigatuq qanerluni, “Tuqumalriit nuniitnun ayagciqua qetunraqa angniiluteknginanemni.” Tuaten atiin angniilutkaa.
36Tuaten piinanratni imkut Midianite-at ak'a Joseph-aaq tunellrurtaat Egypt-aami Potiphar-aamun, angayuqam Pharaoh-m atanerruarin iliitnun. Tauna atanruviim murilkestaini ciuqliuluni.
Currently Selected:
Genesis 37: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Genesis 37
37
Joseph-aaq Anelgutni-llu
1Jacob-aaq-llu uitaurtuq Canaan-aami atami uitavikellrani. 2Man'a qanemciuguq Jacob-aam ilainek.
Joseph-aaq allrakungluni akimiaq malrugnek cipluku qusnginek qusngirngalngurnek-llu qaunqiuq anelgutni-llu Bilhah-nkuk Zilpah-llu irniakek. Atani-llu qanrucartularaa anelgutni inerciigalliqaqata.
3Jacob-aam-llu kenkenrullrua Joseph-aaq ilaini, irniaqsagutellruamiu angutngurrnermikun; aturalia-llu akurtulriamek alilegmek. 4Anelgutain tau͡gaam nallunriamegteggu atameggnun kenkenrucia ellmeggni e'quyagutaat qancurlagaqurangluku-llu.
5Caqerluni Joseph-aaq qavangurturtuq, anelgutminun-llu qavanguni qanemcikellrani nutaan eq'ukevsiaraat. 6Waten qanemcitai, “Niiciu qavangurtulqa: 7Naucetaarvigmi tamamta mukaarkanek qillerqiukut, wiinga-llu qillerqaanka ellmeggnek napartut; elpeci-llu qillerqaaci qillerqaama avatiinun quyurrluteng ciktaarvikluki qillerqaanka.”
8Anelgutain qanrutaat, “Angayuqrurteqatalliuten atanirturluta-llu?” Nutaan anelgutain eq'ukekaniraat qavangui pitekluki, tuaten-llu ayuqelriakun qanrutkucirteng pitekluku.
9Allamek cali qavangurtunqigtuq qanemcikluku-llu anelgutminun, qanerluni, “Allamek cali qavangurturtua, akertem̄un, iralumun, qula-llu ataucimek cipluku agyanun ciktaarvikevkarlua.”
10Tau͡gaam ataminun qanemcikellrani qavanguni, atiin nunuraa, qanrulluku-llu, “Cauga man'a qavangurtullren? Wangkuta-qaa ilavni tamalkumta ciktaarvikciqamteggen?” 11Anelgutain ciknakaat, tau͡gaam atiin qanellri umyuaqurarai.
Joseph-aam Tunumallra Ayaucimallra-llu Egypt-aamun
12Caqerluteng anelgutai Joseph-aam atameng katngautai auluknaluki ayaggaartelluki Shechem-aamun, 13Jacob-aam qanrutaa Joseph-aaq, “Ayaasqumaamken anelgutevnun katngagnek aulukilrianun Shechem-aami.”
Joseph-aaq kiuguq, “Upingaunga.”
14Jacob-aam qanrutaa, “Ayagluten paqeski anelgutvet qaillun ayuquciat, katngat-llu; tailuten qanrucarturniarpenga.” Tua-i ayagcetaa kuignayuanek Hebron-aam, tekilluni-llu Shechem-aamun. 15Angutet-llu iliita tangrraa tarratellrani yuilqumi; apluku-llu, “Camek yuarcit?”
16Joseph-aam kiugaa, “Anelgutemnek yuartua qaunqilrianek katngameggnek. Qanrusnga nallunrilkuvgu nanluciat.”
17Angun qanertuq, “Ak'a ayallruut. Niitellruanka qanellratni Dothan-aamun ayakatarniluteng.” Joseph-aam-llu kingunrirturluki nalaqai Dothan-aami.
18Yaaqsigluku anelgutain tangrraat, canimellivailgan-llu picirkiurtut tuqutnaluku. 19Qanruyutut, “Qavangurturta agiirtuq. 20Tuquskilaut, petmiit-llu iliitnun igtelluku; qanerniartukut yuilqurmiutarmun ungungssimun nerniluku, tangerrniarput qaillun qavanguin iqungqerrarkauciat.”
21Tau͡gaam Reuben-aam niicamiki anirtungnaqsaaqaa Joseph-aaq qanerluni, “Tuqutevkenaku. 22Igceciu tau͡gaam petmigmun maani yuilqumi. Akngircaqunaciu.” Tuaten qanertuq nuggnaluku petmigmek ut'rulluku-llu atiinun. 23Joseph-aaq tekican ilain matartaat aturaa alilek akurtulria yuuvkarluku. 24Igcetaat-llu petmigmun. Petmik tauna imaituq mertaunani-llu.
25Aqumluteng ner'ut, kiarcameng-llu tangertut Ishmaelite-anek agiirtellrianek Gilead-aamek, ungungssit atmagluteng tepkegcilrianek ayuqenrilngurnek, ayagluteng Egypt-aamun. 26Tua-llu Judah-m ilani qanrutai, “Camek wangkuta unangengaitukut tuquskumteggu anelgutvut, aassaqutekluku-llu. 27Ishmaelite-anun tunenaurput wangkuta tuqutevkenaku, anelgutekngamteggu nakmiin ilakluku.” Ilai-llu qanellranun maligarutut. 28Midianite-at kupcaat tamaaggun kitullratni Joseph-aaq nugtaat petmigmek, tunluku-llu Ishmaelite-anun yuinarnun (20) qerrirlinun. Taukut-llu ayautaat Egypt-aamun.
29Reuben-aam paqcamiu petmik Joseph-aaq tuantenrilan aturani allgurai cakneq angniinani. 30Uterrluni-llu ilani qanrulluki, “Tan'gaurluq tayima cataituq, qaillun tua-i wiinga waniwa piciqsia?”
31Joseph-aam aturaa piamegteggu qusngirngalngurmek tuqucirraarluteng, auganun akurqauraat. 32Aturaq-llu tauna atameggnun ayaulluku qanrutaat, “Nataqerput una tailluku-llu elpenun elitaqnayukluku qetunrarpet pikekaku.”
33Jacob-aam elitaqaa qanerluni-llu, “Qetunrama aturaqaa; yuilqurmiutaam ungungssim nerrlinia; Joseph-aaq tua-i nallunaunani caunriumauq.” 34Jacob-aam-llu aturani allgurai, missuullermek-llu all'uni angniilutkaa qetunrani amllerni ernerni. 35Tamarmeng qetunrain paniin-llu qarutengnaq'laryaaqaat, tau͡gaam qarutesciigatuq qanerluni, “Tuqumalriit nuniitnun ayagciqua qetunraqa angniiluteknginanemni.” Tuaten atiin angniilutkaa.
36Tuaten piinanratni imkut Midianite-at ak'a Joseph-aaq tunellrurtaat Egypt-aami Potiphar-aamun, angayuqam Pharaoh-m atanerruarin iliitnun. Tauna atanruviim murilkestaini ciuqliuluni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.