Genesis 39
39
Joseph-aankuk Potiphar-aam-llu Nulirra
1Joseph-aaq ayaucimallruuq Egypt-aamun, Potiphar-aam-llu Egypt-aarmiut angayuqrata atanerruaran kiputaa Ishmaelite-anek ayaucestellrinek tuavet. 2Atanrem nayuraa Joseph-aaq piluaqaraluni-llu yuuluni, eniini-llu angayuqami Egypt-aarmium uitaluni. 3Taum-llu nallunriraa Agayutmun nayuucia Joseph-aaq piluaqaravkarluku callra tamalkuan. 4Potiphar-aam ilukegcitkaa elliin-llu nakmiin pisteksagulluku, qaunqesten͞gurrluku eneminun cautminun-llu tamalkuita. 5Tuaken ayagluku Joseph-aaq pitekluku Atanrem atawaqercetai enelgutai cat-llu tamalkuita eniinelnguut naucetaarvii-llu taum Egypt-aarmium. 6Taumek cat tamalkuita Joseph-aamun aulukevkarai umyuarniuruteksuunaki, elliin tau͡gaam neqkani.
Joseph-aaq yun'erraqegtaarauguq kenegnarluni. 7Kinguqvaarni angayuqran nulirran aglumakengaa unayaqluku-llu inartellguteksugluku. 8Tau͡gaam Joseph-aaq qessauq qanrulluku angayuqami nulirra, “Maanlama uin camek umyuarniuqsaitelartuq, cautminun-llu tamalkuita qaunqesten͞gurrlua. 9Ellmitun pitavkarlua maancetaanga, cat tamalkuita umyugiurutkevkarluki elpet tau͡gaam, tua-i-wa nuliqngamiten. Qaillun tua-i wiinga waten piciqsia assiilngurmek, Agayutmun assiilngirlua.” 10Joseph-aam unuaquaqan unayaqengraani ilangciksaitaa, arnaqeksaunaku aipaqeksaunaku-llu.
11Tau͡gaam erenret iliitni enemun itellrani caliani caliaqsarturluki, allamek-llu enem ilua yugtaunani, 12arnam aturaakun tegua qanrulluku, “Inglemni inarrnaurtukuk.” Tau͡gaam Joseph-aam aturani unilluku tegumiara qimagtuq enemek anluni. 13Anngan qimagluni aturani unilluku, 14arnam enemi pistet taisqai qanrulluki-llu, “Tangerciu una Hebrew-q aiparma taitellra picingssautekesqelluta. Calluglua arnaqengnaqsaaqaanga, tau͡gaam wiinga aarpagaunga pitacirramtun. 15Aarpagiima qimagtuq anqerrluni aturani unilluku.”
16Aturaq-llu tauna avaliqaa Joseph-aam angayuqra iternatkaanun. 17Pisten̄un-llu qanllermi ayuqiinek qanrulluku qanerluni, “Hebrew-q pista taitellren wangkutnun iterluni akusrarutekengnaqsaaqaanga. 18Qayagpagiima aturani unilluku qimallruuq.”
19Joseph-aam angayuqran niicamiu nuliani makunek qanellrani qenqe'rtuq. 20Iterrluku-llu Joseph-aaq angayuqam itertain uitaviketukiitnun. 21Tau͡gaam Atanrem nayuraa Joseph-aaq atawaqertelluku-llu, iterciviim-llu qaunqestiinun elluarrluku pivkarluku. 22Iterciviim-llu qaunqestiin aulukaaqsagucetai itengqalriit tamalkuita; itercivigmi-llu calallrit tamalkuita elliinun tunai ataniuresqelluki. 23Iterciviim qaunqestiin umyuarniurutkenrirai Joseph-aam caliari, tua-i-wa Agayutem nayuaku piluaqerrlainartelluku callra tamalkuan.
Currently Selected:
Genesis 39: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Genesis 39
39
Joseph-aankuk Potiphar-aam-llu Nulirra
1Joseph-aaq ayaucimallruuq Egypt-aamun, Potiphar-aam-llu Egypt-aarmiut angayuqrata atanerruaran kiputaa Ishmaelite-anek ayaucestellrinek tuavet. 2Atanrem nayuraa Joseph-aaq piluaqaraluni-llu yuuluni, eniini-llu angayuqami Egypt-aarmium uitaluni. 3Taum-llu nallunriraa Agayutmun nayuucia Joseph-aaq piluaqaravkarluku callra tamalkuan. 4Potiphar-aam ilukegcitkaa elliin-llu nakmiin pisteksagulluku, qaunqesten͞gurrluku eneminun cautminun-llu tamalkuita. 5Tuaken ayagluku Joseph-aaq pitekluku Atanrem atawaqercetai enelgutai cat-llu tamalkuita eniinelnguut naucetaarvii-llu taum Egypt-aarmium. 6Taumek cat tamalkuita Joseph-aamun aulukevkarai umyuarniuruteksuunaki, elliin tau͡gaam neqkani.
Joseph-aaq yun'erraqegtaarauguq kenegnarluni. 7Kinguqvaarni angayuqran nulirran aglumakengaa unayaqluku-llu inartellguteksugluku. 8Tau͡gaam Joseph-aaq qessauq qanrulluku angayuqami nulirra, “Maanlama uin camek umyuarniuqsaitelartuq, cautminun-llu tamalkuita qaunqesten͞gurrlua. 9Ellmitun pitavkarlua maancetaanga, cat tamalkuita umyugiurutkevkarluki elpet tau͡gaam, tua-i-wa nuliqngamiten. Qaillun tua-i wiinga waten piciqsia assiilngurmek, Agayutmun assiilngirlua.” 10Joseph-aam unuaquaqan unayaqengraani ilangciksaitaa, arnaqeksaunaku aipaqeksaunaku-llu.
11Tau͡gaam erenret iliitni enemun itellrani caliani caliaqsarturluki, allamek-llu enem ilua yugtaunani, 12arnam aturaakun tegua qanrulluku, “Inglemni inarrnaurtukuk.” Tau͡gaam Joseph-aam aturani unilluku tegumiara qimagtuq enemek anluni. 13Anngan qimagluni aturani unilluku, 14arnam enemi pistet taisqai qanrulluki-llu, “Tangerciu una Hebrew-q aiparma taitellra picingssautekesqelluta. Calluglua arnaqengnaqsaaqaanga, tau͡gaam wiinga aarpagaunga pitacirramtun. 15Aarpagiima qimagtuq anqerrluni aturani unilluku.”
16Aturaq-llu tauna avaliqaa Joseph-aam angayuqra iternatkaanun. 17Pisten̄un-llu qanllermi ayuqiinek qanrulluku qanerluni, “Hebrew-q pista taitellren wangkutnun iterluni akusrarutekengnaqsaaqaanga. 18Qayagpagiima aturani unilluku qimallruuq.”
19Joseph-aam angayuqran niicamiu nuliani makunek qanellrani qenqe'rtuq. 20Iterrluku-llu Joseph-aaq angayuqam itertain uitaviketukiitnun. 21Tau͡gaam Atanrem nayuraa Joseph-aaq atawaqertelluku-llu, iterciviim-llu qaunqestiinun elluarrluku pivkarluku. 22Iterciviim-llu qaunqestiin aulukaaqsagucetai itengqalriit tamalkuita; itercivigmi-llu calallrit tamalkuita elliinun tunai ataniuresqelluki. 23Iterciviim qaunqestiin umyuarniurutkenrirai Joseph-aam caliari, tua-i-wa Agayutem nayuaku piluaqerrlainartelluku callra tamalkuan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.