Genesis 43
43
Joseph-aam Anelgutai Egypt-aartenqigtut Benjamin-aaq Malikluku
1Piitnaq arenqiatuq anagulluni tamaani nunami. 2Nangucameng neqkanek Egypt-aamek pillermeggnek atiita qanrutai, “Ayagluci cali neqkaaramten̄ek kipucarturci.” 3Judah-m qanrutaa, “Angutem takarnarcarluni aarcirtullruakut waten, ‘Tangerrngaitarpecia kinguqlirpeci maligtenrilkaci.’ 4Malikevkaquvgu kinguqlirput ayagciqukut kipucarturluta neqkamten̄ek. 5Tau͡gaam malikevkanrilkuvgu ayagngaitukut, taum angutem qanrutellruakut, ‘Tangerrngaitarpecia kinguqlirci malikenrilkuvciu.’”
6Jacob-aaq qanertuq, “Ciin picurlagcetaarcecia qanrulluku tauna allamek anelgutengqerrniluci?”
7Taukut kiugaat, “Angutem taum apqaunqegcaarallruakut wangkutnek tungelqumten̄ek-llu, qanerluni, ‘Atasi-qaa cali unguvauq? Allamek-qaa anelgutengqertuci?’ Qanrutqainallruarput apyutai makut kiuluki; qaillun nallunricarceta waten qanllerkaa, ‘Kinguqlirci taiskiciu?’”
8Judah qanertuq ataminun, “Maligutessgu Benjamin-aaq wangnun, upluta ayagniartukut, tuquvkenata unguvaniartukut, tamamta mikelngurtuumamta. 9Wiinga cayailkuciumaciqaqa; wangnun tusngavkarniaran. Utertenrilkuma malikluku wangnun tusngakili akwarpak. 10Qarivakanrilkumta ak'a ayallruyartukut malrurqugnek.”
11Jacob-aam qanrutai, “Tua-i tuaten piarkaullinikan tuaten pikici. Ang'aqici cucunarqenritnek nunam mat'um atsainek, allanek-llu cali cikiutekarpecen̄ek ayaulluci. 12Akinek ayautellerci tapluku ayaulluci; akit-llu qemagcimallret issratevcen̄un malikluki nallumeggni ekellruyuarait. 13Kinguqlirci-llu malikluku, upluci ayagci ullagluku ataam tauna angun. 14Agayutem artuqailnguum takumcukevkaqilici taumun angutmun utercetnauraa anelgutsi unegtelleq Benjamin-aaq-llu. Yuarnayugarkaukuma irniamnek tua-i yuarnayugniartua.”
15Cikiutekameggnek piluteng akikateng-llu taptelteng tapeqluki, Benjamin-aaq-llu malikluku ayagtut Egypt-aamun, Joseph-aaq ullagluku. 16Joseph-aam Benjamin-aaq tangrramiu, malikelliniatgu, enemi aulukestii qanrutaa, “Enemnun ukut itruski, ungungssiarmek-llu tuquciluten neqkiurniartuten, ukut angutet nerellgucirciqaatnga erenrem qukallrani.” 17Tauna angun piuq Joseph-aam alerquuciatun, taukut-llu agulluki Joseph-aam eniinun.
18Taukut-llu alingut agucateng Joseph-aam eniinun, qanerluteng-llu, “Akit-wa ekumallret issratemten̄un taiqerraallemten̄i pitekluki maavet taiteskiikut, pitkaminek yuarluni, pisteksagutnaluta, ciulvaput-llu tegunaluki.” 19Tua-i enemun itqataameng Joseph-aam eniin murilkestii qanrutaat, 20“Usuuq, wangkuta ciuqlirmek maavet taillruukut neqkanek kiputnaluta. 21Uterrnginanemten̄i-llu qavartarvigkamten̄un tekitellemten̄i issratput ikirtellemten̄i akiliutekelput nalaqaput issratemta paingitni ekumaluteng. Taumek waniwa ataam taiskeput. 22Allanek-llu cali akinek tailluta neqkanek kipuyutkamten̄ek. Wangkuta nalluarput kitumun akit ekellruciit issratemten̄un.”
23Pistem kiugai, “Umyuarniurutkenriciki alingevkenaci-llu. Agayutevci, atavci Agayutiin, ekellrungatai akit issratevcen̄un. Akiliuteci akurtullruanka.” Simeon-aaq-llu anutaa ellaitnun.
24Pistem taum Joseph-aam eniinun itrucamiki mermek cikirai it'gait erurtelluki ciulvait-llu nerqelluki. 25Taukut uptait cikiutekateng Joseph-aamun erneq qukaqan taigarkaungan, niicameng nerellgutkeciqniluku tuani. 26Joseph-aaq eneminun taingan cikiutekateng elliinun ullautait cikluteng-llu ciuqerrani. 27Apqaurai-llu qaillun ayuquciatnek, qanerluni, “Atasi-qaa qanrutkellerci angukar canrituq? Unguvauq-qaa cali?”
28Taukut qanertut, “Pisten atavut cali unguvauq cavkenani.” Ciisqumiggluteng-llu ciktut ciuqerranun.
29Kiarrluni tangrraa kinguqlini Benjamin-aaq aanami qetunraa, qanerluni-llu, “Una-qaa waniwa kinguqlikacaarci qanrutkellerci wangnun? Agayutem atawaqertelliten qetunramaa!” 30Joseph-aam uniartai kinguqlirmi tangellranek cirliqngami keneksaaqluku. Kiimetqervigkaminek yuarluni uitaviminun itertuq, tuani-llu aluviliurluni. 31Ermiggaarluni an'uq, canrilvaguarluni-llu qanertuq, “Neqkat paivvnarii.” 32Allakaan estuulumi ellii neqkiuraat, anelgutai-llu cali allakaita. Egypt-aarmiut-llu nerellgutkelallri cali allakaita. Egypt-aarmiut umyualngukaat nerrlerkarteng nerellgucirluki Hebrews-aat. 33Anelgutai aqumevkallruit caumaluku Joseph-aaq, tungliqu'urtelluki anngaatnek yaavet kinguqlikacagiitnun. Taukut-llu anngaqellriit tangertaagutut irr'iluteng. 34Neqkanek anelgutai neqliularait Joseph-aam estuuluanek. Benjamin-aaq tau͡gaam ilamini amllenruluni neqliurumaaqluni. Tua-i mertut nunaniryullgutekluku Joseph-aaq.
Currently Selected:
Genesis 43: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Genesis 43
43
Joseph-aam Anelgutai Egypt-aartenqigtut Benjamin-aaq Malikluku
1Piitnaq arenqiatuq anagulluni tamaani nunami. 2Nangucameng neqkanek Egypt-aamek pillermeggnek atiita qanrutai, “Ayagluci cali neqkaaramten̄ek kipucarturci.” 3Judah-m qanrutaa, “Angutem takarnarcarluni aarcirtullruakut waten, ‘Tangerrngaitarpecia kinguqlirpeci maligtenrilkaci.’ 4Malikevkaquvgu kinguqlirput ayagciqukut kipucarturluta neqkamten̄ek. 5Tau͡gaam malikevkanrilkuvgu ayagngaitukut, taum angutem qanrutellruakut, ‘Tangerrngaitarpecia kinguqlirci malikenrilkuvciu.’”
6Jacob-aaq qanertuq, “Ciin picurlagcetaarcecia qanrulluku tauna allamek anelgutengqerrniluci?”
7Taukut kiugaat, “Angutem taum apqaunqegcaarallruakut wangkutnek tungelqumten̄ek-llu, qanerluni, ‘Atasi-qaa cali unguvauq? Allamek-qaa anelgutengqertuci?’ Qanrutqainallruarput apyutai makut kiuluki; qaillun nallunricarceta waten qanllerkaa, ‘Kinguqlirci taiskiciu?’”
8Judah qanertuq ataminun, “Maligutessgu Benjamin-aaq wangnun, upluta ayagniartukut, tuquvkenata unguvaniartukut, tamamta mikelngurtuumamta. 9Wiinga cayailkuciumaciqaqa; wangnun tusngavkarniaran. Utertenrilkuma malikluku wangnun tusngakili akwarpak. 10Qarivakanrilkumta ak'a ayallruyartukut malrurqugnek.”
11Jacob-aam qanrutai, “Tua-i tuaten piarkaullinikan tuaten pikici. Ang'aqici cucunarqenritnek nunam mat'um atsainek, allanek-llu cali cikiutekarpecen̄ek ayaulluci. 12Akinek ayautellerci tapluku ayaulluci; akit-llu qemagcimallret issratevcen̄un malikluki nallumeggni ekellruyuarait. 13Kinguqlirci-llu malikluku, upluci ayagci ullagluku ataam tauna angun. 14Agayutem artuqailnguum takumcukevkaqilici taumun angutmun utercetnauraa anelgutsi unegtelleq Benjamin-aaq-llu. Yuarnayugarkaukuma irniamnek tua-i yuarnayugniartua.”
15Cikiutekameggnek piluteng akikateng-llu taptelteng tapeqluki, Benjamin-aaq-llu malikluku ayagtut Egypt-aamun, Joseph-aaq ullagluku. 16Joseph-aam Benjamin-aaq tangrramiu, malikelliniatgu, enemi aulukestii qanrutaa, “Enemnun ukut itruski, ungungssiarmek-llu tuquciluten neqkiurniartuten, ukut angutet nerellgucirciqaatnga erenrem qukallrani.” 17Tauna angun piuq Joseph-aam alerquuciatun, taukut-llu agulluki Joseph-aam eniinun.
18Taukut-llu alingut agucateng Joseph-aam eniinun, qanerluteng-llu, “Akit-wa ekumallret issratemten̄un taiqerraallemten̄i pitekluki maavet taiteskiikut, pitkaminek yuarluni, pisteksagutnaluta, ciulvaput-llu tegunaluki.” 19Tua-i enemun itqataameng Joseph-aam eniin murilkestii qanrutaat, 20“Usuuq, wangkuta ciuqlirmek maavet taillruukut neqkanek kiputnaluta. 21Uterrnginanemten̄i-llu qavartarvigkamten̄un tekitellemten̄i issratput ikirtellemten̄i akiliutekelput nalaqaput issratemta paingitni ekumaluteng. Taumek waniwa ataam taiskeput. 22Allanek-llu cali akinek tailluta neqkanek kipuyutkamten̄ek. Wangkuta nalluarput kitumun akit ekellruciit issratemten̄un.”
23Pistem kiugai, “Umyuarniurutkenriciki alingevkenaci-llu. Agayutevci, atavci Agayutiin, ekellrungatai akit issratevcen̄un. Akiliuteci akurtullruanka.” Simeon-aaq-llu anutaa ellaitnun.
24Pistem taum Joseph-aam eniinun itrucamiki mermek cikirai it'gait erurtelluki ciulvait-llu nerqelluki. 25Taukut uptait cikiutekateng Joseph-aamun erneq qukaqan taigarkaungan, niicameng nerellgutkeciqniluku tuani. 26Joseph-aaq eneminun taingan cikiutekateng elliinun ullautait cikluteng-llu ciuqerrani. 27Apqaurai-llu qaillun ayuquciatnek, qanerluni, “Atasi-qaa qanrutkellerci angukar canrituq? Unguvauq-qaa cali?”
28Taukut qanertut, “Pisten atavut cali unguvauq cavkenani.” Ciisqumiggluteng-llu ciktut ciuqerranun.
29Kiarrluni tangrraa kinguqlini Benjamin-aaq aanami qetunraa, qanerluni-llu, “Una-qaa waniwa kinguqlikacaarci qanrutkellerci wangnun? Agayutem atawaqertelliten qetunramaa!” 30Joseph-aam uniartai kinguqlirmi tangellranek cirliqngami keneksaaqluku. Kiimetqervigkaminek yuarluni uitaviminun itertuq, tuani-llu aluviliurluni. 31Ermiggaarluni an'uq, canrilvaguarluni-llu qanertuq, “Neqkat paivvnarii.” 32Allakaan estuulumi ellii neqkiuraat, anelgutai-llu cali allakaita. Egypt-aarmiut-llu nerellgutkelallri cali allakaita. Egypt-aarmiut umyualngukaat nerrlerkarteng nerellgucirluki Hebrews-aat. 33Anelgutai aqumevkallruit caumaluku Joseph-aaq, tungliqu'urtelluki anngaatnek yaavet kinguqlikacagiitnun. Taukut-llu anngaqellriit tangertaagutut irr'iluteng. 34Neqkanek anelgutai neqliularait Joseph-aam estuuluanek. Benjamin-aaq tau͡gaam ilamini amllenruluni neqliurumaaqluni. Tua-i mertut nunaniryullgutekluku Joseph-aaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.