Luke 11
11
Piicagyaram Ayuqucirtuutii
1Tua-i-llu cat iliitni piicallerminek taqngan, elitnaurain iliita qanrutaa, “Ataneq, piicagyaramek elicungcarkut, John-aam elitnauraminek elicungcarillruciatun.” 2Tua-i qanrutai, “Piicakuvci waten qanqici: ‘Atavut, qilagmetellria, atren kenciknarili, angayuqauviin tekilli, pisqucin nunam qaingani piuli qilagmitun, 3neqkamten̄ek unuaquaqan cikirkut, 4assiilngumten̄ek-llu au͡g'ariskut, wangkuta-llu wangkutnun assiilngilriit au͡g'aritelaucimcetun, picetaarutmun-llu pivkaqsaunata assiilngurmek-llu aviuskut.’”
5Qanrutai-llu, “Ilasi yugnikek'ngangqerquni, unuum-llu qukallrani ullagluku qanruskuniu, ‘Yugnikekmaa, kelipanek pingayunek cimirarkamnek pinga, 6tua-i yugnikekemnek allanicanga allanitkaunii-llu elliinun.’ 7Qamaken-llu kiuciqlia waten, ‘Qessaniurcetenrilnga, ak'a amik kelucaumauq, irniama-llu qavallguciatnga, makcesciigatua cikirnaluten.’ 8Qanrutamci, makcunrilnger'mi yugnikucia pitekluku, tau͡gaam taqsuariucia pitekluku makciiquq, cikirluku-llu piyugtaciatun. 9Tuaten cali qanrutamci: Kaigaci, tua-i cikiumaciquci, yuarci, nataqutnaurtuci, tukriaqici, tua-i ikirucimaciquci. 10Wani-wa kina imna kaigalria cikiumalartuq, kina-llu imna yualria nataqut'lartuq, kina-llu tukrialria ikirusngaluni. 11Nalirpeci ataulriim qetunrani keliparyukan, teggalqumek cikirciqau, wall'u neqyukan, ciissirpagmek cikirluku? 12Wall'u peksuryukan, puukatulimek ciissimek cikirciqlia? 13Atam, elpeci elluatuunrilngerpeci, irniaci assilrianek cikiryuumilaraci, qaillun-mi amllenrulriamek atavci qilagmelnguum cikirciqaki kaigavikesten̄i Anernermek Tanqilriamek.”
Anernerrluut Atanratgun Anevkarinillrat
14Anernerrluk-llu qanyuilnguq anevkaraa, anernerrluk-llu anumarian, qanyuilnguq qallacaurtuq; yugugaat-llu irriut. 15Tau͡gaam ilait qanertut, “Anernerrluut atanratgun anernerrluut anevkalarai.” 16Allat cali, naspaagaat nallunailkutmek qilagmek tangerrsugluteng. 17Umyugait nallunrilamiki, qanrutai, “Angayuqauviim yui ellmeggnun inglukuskuneng angayuqauvik piunrirarkauguq, enelgutkelriit-llu inglukuskuneng uitangaitut. 18Tua-i-llu tuunrangayak ellminek inglukekuni, qaillun-mi angayuqauvingqerciqa? Tua-i qanravci anernerrluut atanratgun anernerrlugnek anevkarinilua. 19Tua-i-llu wiinga anernerrluut atanratgun anernerrlugnek anevkarikuma, nau͡gg'un qetunrarpeci anevkalartatki? Taumek ellait cuqcistekciqaci. 20Tau͡gaam wiinga Agayutem piniakun anernerrlugnek anevkarikuma, Agayutem angayuqauvian malkaniumaaci. 21Tau͡gaam yuum pinilriim caskungqerrluni eneni tarikekuniu aklui uitaarkaugut cavkenateng; 22cali tau͡gken elliini pininrulria tekiskan cirlakluku-llu, saskuinek teguiciqaa cacetuqutekellrinek akluinek-llu uayarluku. 23Kina imna ilikenrilkeka, taum inglukaanga, kina-llu imna quyurcillgutkenrilkeka sekavcilartuq.
24“Anerneq caarrluulria yugmek an'aqami, kinernerkun ayalartuq uitanqegcillerkarcurluni, nataqutenrilami-llu qanerciquq, ‘Uterrlii enemnun anllemnun.’ 25Tekiskuniu-llu tangerciqaa elluarluni carrinqeggluni. 26Nutaan ayagciquq ilakarcurluni anernerrlugnek malrunlegnek ellmini arcaqanrulrianek, iterluteng-llu uitavikluku. Tua-i-llu taum yuum ayuqucia kinguqliq arcaqanruarkauguq ciuqlirmi.”
Qaneryaram Aturtain Atawaqallerkaat
27Makunek-llu qallasnginanrani, yugugaat iliit arnaq qayagpagtuq qanrulluku, “Atawauvaa tauna elpenek qingalleq, elpenek-llu aamarcilleq!” 28Tua-i-llu qanertuq, “Atam waten tau͡gaam, atawaugut imkut Agayutem qaneryaraanek niitellriit aturluki-llu!”
Jonah-m Nallunailkutkellra
29Yugugaat quyurrvikngatni qalarutai, “Ukut yuullgutkelriit caarrlugmi yuullgutkut. Nallunailkutamek yuartut, tau͡gaam nallunailkutamek pimangaitut, Jonah-m prophet-aam pianek tau͡gaam. 30Jonah nallunailkutaullertun Nineveh-rmiunun, tuaten-llu Yuum Qetunraa nallunailkutaugarkauguq ukunun yuullgutkelrianun. 31Sheba-m atanran arnam ukut yuullgutkelriit qanercetaarvigmi nangengqallgutekciqai assiilkelluki-llu, tua-i ellii nunam iquanek taillruami Solomon-aam umyuartutacia niitnaluku, tangerrluku-llu Solomon-aam angenra maantuq. 32Nineveh-rmiut-llu ukut yuullgutkelriit qanercetaarvigmi nangengqallgutekciqait assiilkelluki-llu, tua-i umyuarnayagucillruameng Jonah-m qalarucateng, tangerrluku-llu Jonah-m angenra maantuq.
Kenurraq
33“Yuum-wa kenurraq kumareskuniu enem atlianun ellingaitaa, wall'u yaassiigem acianun, tau͡gaam kenurrarvigmun elliciqaa itellrianun tanqia tangrresqelluku. 34Iin temvet kenurraqaa, takvikuni iin temen-llu tanqigmeciiquq, tau͡gaam takvialkuni temen-llu tan'germeciiquq. 35Taumek tanqik elpenelnguq murilkiu tan'geruyuartuq. 36Taumek temen tamalkuan tanqigimakuni tan'gertaunani-llu ilii, tua-i tamarmi tanqigmeciiquq imutun kenurratun tanqigcen̄ani kumalriatun tanqigingaluten.”
Pharisee-aanek Yitaarillra Alerquutnek-llu Elisngastaitnek
37Qallasnginanrani Pharisee-aam neryartuusqaa; elliin-llu maligtaa aqumluni-llu stulumi. 38Erurraanrilucia Pharisee-aam elpekngamiu alangaartuq. 39Atanrem-llu qanrutaa, “Elpeci Pharisee-aani saskat qantat-llu elatait nallaitgun erularaci, tau͡gaam elpeci umyuarpeciuggun tegleganeq caarrliqutmek-llu imalguuci. 40Elpeci usviilngurni! Elatiin-qaa piurcestiin ilua cali piurtellrunritaa? 41Tau͡gaam ilua carrirraarciu, nutaan, cat tamarmeng carriumaciqut elpecen̄un.”
42“Tau͡gaam, nakleng elpeci Pharisee-aani! Naucetaat qulngurutiit elliitekautek'laavciu, piciuneq-llu Agayutmek-llu kenkiyaraq tuacesqinarluku. Tamana aturarkauyaaqerci, ukut-llu tuacesqinarpek'naki. 43Nakleng elpecen̄i Pharisee-aani! Agayuvigmi aqumlleret kiaqliit aqumviksulaavciki, tuneniarvigni-llu pivakesqumalaavci. 44Nakleng elpeci! Qungutun alaitenrilngurtun ayuqngavci, tamakut yuut tutmalarait nalluluki.”
45Alerquutnek elisngalriit iliita kiugaa, “Elitnauristaa, makunek qallalluten wangkuta-llu cali assiilkem̄iarpekut.” 46Qanertuq-llu: “Nakleng elpeci-llu! Yuut qugcet'laavciki quukatayunailngurnek, elpeci tau͡gken unatevcen̄ek yaggviksugpek'naki. 47Nakleng elpeci! Prophet-aat qunguit piliaqelaavciki ciuliarpeci tuqutellrit. 48Tamaaggun nallunailartuci ciuliarpeci caliarit canrilkelluki, tua-i ellaita tuqutellruitki, elpeci-llu qunguit piliaqluki. 49Taumek Agayutem Umyuartutacia waten piuq, ‘Ellaitnun prophet-aanek apostle-aanek-llu ayagceciciqua, tua-i-llu tamakut ilait inglukluki tuquciiqait.’ 50Tua-i prophet-aat tamarmeng augat, nunam piurtellran kinguakun kuvumalria ukunun yuullgutkelrianun tut'esqelluku. 51Wani-wa Abel-aam auga ayagniutekluku Zacharias-aam auga engelkarrluku, tauna piunrilleq ekuaviim agayuviim-llu akunliigni. Ilumun, qanrutamci, ukunun yuullgutkelrianun tamana tusngaarkauguq. 52Nakleng elpeci alerquutnek elisngalriani! Ayuqucingnam kelucaa iiravciu. Elpeci itenrituci, iteryuumilriit-llu itercetenritaci.” 53Tuaken-llu anngan igatulit Pharisee-aat-llu apqauraat ilungluteng tamanek, qanercetaangnaqluku, 54kellutqapiggluku qancurlallerkaanek.
Currently Selected:
Luke 11: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Luke 11
11
Piicagyaram Ayuqucirtuutii
1Tua-i-llu cat iliitni piicallerminek taqngan, elitnaurain iliita qanrutaa, “Ataneq, piicagyaramek elicungcarkut, John-aam elitnauraminek elicungcarillruciatun.” 2Tua-i qanrutai, “Piicakuvci waten qanqici: ‘Atavut, qilagmetellria, atren kenciknarili, angayuqauviin tekilli, pisqucin nunam qaingani piuli qilagmitun, 3neqkamten̄ek unuaquaqan cikirkut, 4assiilngumten̄ek-llu au͡g'ariskut, wangkuta-llu wangkutnun assiilngilriit au͡g'aritelaucimcetun, picetaarutmun-llu pivkaqsaunata assiilngurmek-llu aviuskut.’”
5Qanrutai-llu, “Ilasi yugnikek'ngangqerquni, unuum-llu qukallrani ullagluku qanruskuniu, ‘Yugnikekmaa, kelipanek pingayunek cimirarkamnek pinga, 6tua-i yugnikekemnek allanicanga allanitkaunii-llu elliinun.’ 7Qamaken-llu kiuciqlia waten, ‘Qessaniurcetenrilnga, ak'a amik kelucaumauq, irniama-llu qavallguciatnga, makcesciigatua cikirnaluten.’ 8Qanrutamci, makcunrilnger'mi yugnikucia pitekluku, tau͡gaam taqsuariucia pitekluku makciiquq, cikirluku-llu piyugtaciatun. 9Tuaten cali qanrutamci: Kaigaci, tua-i cikiumaciquci, yuarci, nataqutnaurtuci, tukriaqici, tua-i ikirucimaciquci. 10Wani-wa kina imna kaigalria cikiumalartuq, kina-llu imna yualria nataqut'lartuq, kina-llu tukrialria ikirusngaluni. 11Nalirpeci ataulriim qetunrani keliparyukan, teggalqumek cikirciqau, wall'u neqyukan, ciissirpagmek cikirluku? 12Wall'u peksuryukan, puukatulimek ciissimek cikirciqlia? 13Atam, elpeci elluatuunrilngerpeci, irniaci assilrianek cikiryuumilaraci, qaillun-mi amllenrulriamek atavci qilagmelnguum cikirciqaki kaigavikesten̄i Anernermek Tanqilriamek.”
Anernerrluut Atanratgun Anevkarinillrat
14Anernerrluk-llu qanyuilnguq anevkaraa, anernerrluk-llu anumarian, qanyuilnguq qallacaurtuq; yugugaat-llu irriut. 15Tau͡gaam ilait qanertut, “Anernerrluut atanratgun anernerrluut anevkalarai.” 16Allat cali, naspaagaat nallunailkutmek qilagmek tangerrsugluteng. 17Umyugait nallunrilamiki, qanrutai, “Angayuqauviim yui ellmeggnun inglukuskuneng angayuqauvik piunrirarkauguq, enelgutkelriit-llu inglukuskuneng uitangaitut. 18Tua-i-llu tuunrangayak ellminek inglukekuni, qaillun-mi angayuqauvingqerciqa? Tua-i qanravci anernerrluut atanratgun anernerrlugnek anevkarinilua. 19Tua-i-llu wiinga anernerrluut atanratgun anernerrlugnek anevkarikuma, nau͡gg'un qetunrarpeci anevkalartatki? Taumek ellait cuqcistekciqaci. 20Tau͡gaam wiinga Agayutem piniakun anernerrlugnek anevkarikuma, Agayutem angayuqauvian malkaniumaaci. 21Tau͡gaam yuum pinilriim caskungqerrluni eneni tarikekuniu aklui uitaarkaugut cavkenateng; 22cali tau͡gken elliini pininrulria tekiskan cirlakluku-llu, saskuinek teguiciqaa cacetuqutekellrinek akluinek-llu uayarluku. 23Kina imna ilikenrilkeka, taum inglukaanga, kina-llu imna quyurcillgutkenrilkeka sekavcilartuq.
24“Anerneq caarrluulria yugmek an'aqami, kinernerkun ayalartuq uitanqegcillerkarcurluni, nataqutenrilami-llu qanerciquq, ‘Uterrlii enemnun anllemnun.’ 25Tekiskuniu-llu tangerciqaa elluarluni carrinqeggluni. 26Nutaan ayagciquq ilakarcurluni anernerrlugnek malrunlegnek ellmini arcaqanrulrianek, iterluteng-llu uitavikluku. Tua-i-llu taum yuum ayuqucia kinguqliq arcaqanruarkauguq ciuqlirmi.”
Qaneryaram Aturtain Atawaqallerkaat
27Makunek-llu qallasnginanrani, yugugaat iliit arnaq qayagpagtuq qanrulluku, “Atawauvaa tauna elpenek qingalleq, elpenek-llu aamarcilleq!” 28Tua-i-llu qanertuq, “Atam waten tau͡gaam, atawaugut imkut Agayutem qaneryaraanek niitellriit aturluki-llu!”
Jonah-m Nallunailkutkellra
29Yugugaat quyurrvikngatni qalarutai, “Ukut yuullgutkelriit caarrlugmi yuullgutkut. Nallunailkutamek yuartut, tau͡gaam nallunailkutamek pimangaitut, Jonah-m prophet-aam pianek tau͡gaam. 30Jonah nallunailkutaullertun Nineveh-rmiunun, tuaten-llu Yuum Qetunraa nallunailkutaugarkauguq ukunun yuullgutkelrianun. 31Sheba-m atanran arnam ukut yuullgutkelriit qanercetaarvigmi nangengqallgutekciqai assiilkelluki-llu, tua-i ellii nunam iquanek taillruami Solomon-aam umyuartutacia niitnaluku, tangerrluku-llu Solomon-aam angenra maantuq. 32Nineveh-rmiut-llu ukut yuullgutkelriit qanercetaarvigmi nangengqallgutekciqait assiilkelluki-llu, tua-i umyuarnayagucillruameng Jonah-m qalarucateng, tangerrluku-llu Jonah-m angenra maantuq.
Kenurraq
33“Yuum-wa kenurraq kumareskuniu enem atlianun ellingaitaa, wall'u yaassiigem acianun, tau͡gaam kenurrarvigmun elliciqaa itellrianun tanqia tangrresqelluku. 34Iin temvet kenurraqaa, takvikuni iin temen-llu tanqigmeciiquq, tau͡gaam takvialkuni temen-llu tan'germeciiquq. 35Taumek tanqik elpenelnguq murilkiu tan'geruyuartuq. 36Taumek temen tamalkuan tanqigimakuni tan'gertaunani-llu ilii, tua-i tamarmi tanqigmeciiquq imutun kenurratun tanqigcen̄ani kumalriatun tanqigingaluten.”
Pharisee-aanek Yitaarillra Alerquutnek-llu Elisngastaitnek
37Qallasnginanrani Pharisee-aam neryartuusqaa; elliin-llu maligtaa aqumluni-llu stulumi. 38Erurraanrilucia Pharisee-aam elpekngamiu alangaartuq. 39Atanrem-llu qanrutaa, “Elpeci Pharisee-aani saskat qantat-llu elatait nallaitgun erularaci, tau͡gaam elpeci umyuarpeciuggun tegleganeq caarrliqutmek-llu imalguuci. 40Elpeci usviilngurni! Elatiin-qaa piurcestiin ilua cali piurtellrunritaa? 41Tau͡gaam ilua carrirraarciu, nutaan, cat tamarmeng carriumaciqut elpecen̄un.”
42“Tau͡gaam, nakleng elpeci Pharisee-aani! Naucetaat qulngurutiit elliitekautek'laavciu, piciuneq-llu Agayutmek-llu kenkiyaraq tuacesqinarluku. Tamana aturarkauyaaqerci, ukut-llu tuacesqinarpek'naki. 43Nakleng elpecen̄i Pharisee-aani! Agayuvigmi aqumlleret kiaqliit aqumviksulaavciki, tuneniarvigni-llu pivakesqumalaavci. 44Nakleng elpeci! Qungutun alaitenrilngurtun ayuqngavci, tamakut yuut tutmalarait nalluluki.”
45Alerquutnek elisngalriit iliita kiugaa, “Elitnauristaa, makunek qallalluten wangkuta-llu cali assiilkem̄iarpekut.” 46Qanertuq-llu: “Nakleng elpeci-llu! Yuut qugcet'laavciki quukatayunailngurnek, elpeci tau͡gken unatevcen̄ek yaggviksugpek'naki. 47Nakleng elpeci! Prophet-aat qunguit piliaqelaavciki ciuliarpeci tuqutellrit. 48Tamaaggun nallunailartuci ciuliarpeci caliarit canrilkelluki, tua-i ellaita tuqutellruitki, elpeci-llu qunguit piliaqluki. 49Taumek Agayutem Umyuartutacia waten piuq, ‘Ellaitnun prophet-aanek apostle-aanek-llu ayagceciciqua, tua-i-llu tamakut ilait inglukluki tuquciiqait.’ 50Tua-i prophet-aat tamarmeng augat, nunam piurtellran kinguakun kuvumalria ukunun yuullgutkelrianun tut'esqelluku. 51Wani-wa Abel-aam auga ayagniutekluku Zacharias-aam auga engelkarrluku, tauna piunrilleq ekuaviim agayuviim-llu akunliigni. Ilumun, qanrutamci, ukunun yuullgutkelrianun tamana tusngaarkauguq. 52Nakleng elpeci alerquutnek elisngalriani! Ayuqucingnam kelucaa iiravciu. Elpeci itenrituci, iteryuumilriit-llu itercetenritaci.” 53Tuaken-llu anngan igatulit Pharisee-aat-llu apqauraat ilungluteng tamanek, qanercetaangnaqluku, 54kellutqapiggluku qancurlallerkaanek.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.