Luke 20
20
Apcimallra Piyunarqucianek
1Erenret-llu iliitni, agayuvigpagmi qaneryaraqegtaarmek elicungcarillrani, agayulirten͞gunret igatulit-llu yuut-llu ciulirnerita ullagaat, 2apluku-llu, “Qanruskut qaillun ayuqelriamek piyunarqucingqerrluten waten pilarcit, kia-llu piyunarqucingqerceskiiten waten pilarcit?” 3Jesus-aam kiugai, “Wiinga-llu apciiqamci ataucimek, kiucia. 4John-aam angllurceciyaraa naken piurtellrua, qilagmek-qaa wall'u yugnek?” 5Tua-i qaillukuartut qanruyulluteng, “Qilagmek pillrunikumteggu, tua-i qanerciquq, ciin-mi ukveqenriceciu? 6Tau͡gaam yugnek pillrunikumteggu, yuut tamarmeng teggalqunek miluquciqaitkut, tamarmeng John-aaq ilumun prophet-aaruyukngatgu.” 7Kiugaat-llu, “Naken piciitarput.” 8Jesus-aam-llu qanrutai, “Wiinga-llu qanrusngaitamci qaillun ayuqelriamek piyunarqucingqerrlua waten pilaucimnek.”
Naucetaarvik Navraqestai-llu
9Yuut-llu cuqyutmek mat'umek qalarutai, “Yuk naucetaarvilillruuq nauceciiyurten̄un-llu navriutekluku, ellii-llu nunamun allamun ayagluni tuani uitamanaluni. 10Tua-i-llu atsangyaraan nalliini, ayagceciuq pistem̄ek nauceciiyurten̄un, wine-at atsaita ilaitnek cikiisqelluku; tau͡gaam nauceciiyurtet piqertuaraat camek-llu unangevkarpek'naku. 11Cali pista alla ayagcetaa, tauna-llu piqertuaraat kasngunarqelriamek-llu piluku, unangevkarpek'naku. 12Pingayuat-llu cali ayagcetaa, tauna-llu kilirturaat cingqaquluku-llu anevkaraat. 13Tua-i-llu naucetaarviim yua qanertuq, ‘Qaillun piciqsia? Qetunraqa kenkek'ngaqa ayagceciiqaqa, tauna takaqciqliat.’ 14Tau͡gaam nauceciiyurtet tangrramegteggu qaillukuartut, qanruyulluteng, ‘Wani-wa paitangqerrarkaq, kitaki tuqullaut, paitarkaa-llu wangkuta pikniarput.’ 15Naucetaarvigmek-llu cingqaquat tuqulluku-llu. Tua-i-llu naucetaarviim yuan qaillun piciqaki taukut? 16Tekiciiquq nauceciiyurtet-llu taukut piunrirciqai, naucetaarvik-llu allanun tunluku.” Man'a niicamegteggu qanertut, “Agayutem pivkanrilliki tuaten!” 17Tau͡gaam elliin tangvagluki qanrutai, “Cauga-mi imna igaumalria waten, ‘Teggalquq enelilriit qessakellrat kangiritkaurtellruuq?’ 18Kina imna teggalqumun taumun ayaluqertellria navgurciquq, tau͡gaam iggvikekni ciqumteqapigciiqaa, urr'atun-llu skavvluku.”
Caesar-aamun Akiliqurautnek Cikiqengllerkaq
19Sass'am-llu taum nalliini, igatulit agayulirten͞gunret-llu elpengameng cuqyutkun mat'ukun elliinun qanrutkucirteng, tegungnaqsaaqaat, tau͡gaam yuut alikait. 20Kellutekaat-llu, ayagcelluki-llu kelguurtekat, taukut elluaruangnaqluteng qanellrikun napcetengnaqesqelluku, nutaan-llu nunam atanran pinianun piyunarqucianun-llu tunenaluku. 21Tamakut-llu aptaat, “Elitnauristaa, wangkuta nallunritarput elluarrluten qallatelaucin elicungcarilaucin-llu, yuum-llu taungucianek catkinrilucin, tau͡gaam ilumuuluten Agayutem tumyaraqesqellra apertularan. 22Caesar-aaq-qaa akiliqurautnek cikirluku elluartuq? Wall'u-qaa elluanrituq wangkutni?” 23Tau͡gaam Jesus-aam usvitungnaquciat elpekngamiu, qanrutai, 24“Akimek akiliqurautngutulimek nasvicia, kia una ayuqau, kia-llu igautellri ukut?” Kiugaat, “Caesar-aam-wa.” 25Nutaan qanrutai, “Caesar-aam pia Caesar-aamun tunlarciu, Agayutem-llu pia Agayutmun tunluku.” 26Tua-i qanellrakun yuut takuatni napcesciigataat, kiutiinek-llu irriameng nepaitut.
Maktellerkartailucianek Apcimallra
27Tua-i-llu Sadducee-aat, imkut maktellerkartailucianek qanlalriit ullagaat, 28apluku-llu, “Elitnauristaa, Moses-aam picirkiraakut waten; angutem anngaa tuqukan nuliani-llu irniarunaku uniskaku, tua-i kinguqlian tauna kingunra teguarkauluku anelgutni kinguverkiurnaluku. 29Cat iliitni malrunlegnek amaqliqelriartangqellruuq; ciuqliat nulirturtuq, tuquluni-llu kinguverkaunani. 30Tunglian-llu tuaten pia. 31Pingayuata-llu tegua, tuaten-llu taukut malrunlegen piut, kinguverkaunateng ayuqluteng tuqullruut. 32Kinguatgun-llu arnaq cali tuqullruuq. 33Tua-i-llu makcarami, kia taukut naliata nulirqeciqau? Wani-wa taukut malrunelgen nulirqellrukiit tamarmeng.”
34Jesus-aam qanrutai, “Nunam mat'um yui kassuutelartut, kassuuciaqluteng-llu, 35tau͡gaam imkut nunakamun taumun piyunarqelriit tuqumek-llu maktarkaulriit kassuusngaitut, kassuucingaunateng-llu. 36Tuqunqiggngaitut, an'gilacetun ayuqciqut, Agayutem-llu irniaqai makcaram irniaqngaki. 37Tua-i tuqumalriit maktarkauciat Moses-aam qanrutkellrua tuani culu'ugtarmek napayaarmek, qanrutkaa Ataneq waten qanerluni, ‘Abraham-aam Agayutii, Isaac-aam-llu Agayutii, Jacob-aam-llu Agayutii.’ 38Wani-wa tuqumalriit Agayutkenritaat, tau͡gaam unguvalriit Agayutkaat, tamarmeng elliinun unguviita.” 39Tua-i-llu igatulit ilait qanertut, “Elitnauristaa, nutaan qanluaqertuten.” 40Aptenqigtellerkaanek-llu caperrsaguciut.
David-aam Qetunraanek Apcimallra
41Elliin-llu qanrutai, “Qaillun yuut qanlartat Christ-aq David-aamun qetunraqniluku? 42Tua-i David-aaq tungaunani qanran kalikani piicautellegni, ‘Ataneq Atanemnun qanertuq: Tallirpima tungiinun aqumi, 43inglukesteten it'gavnun tutmararkaurcetlerkamnun.’ 44Wani-wa David-aam Atanerminek tuqluraa; qaillun-mi qetunraqau?”
45Yuut-llu tamalkuita niitelluki elitnaurani qanrutai, 46“Mulngakici igatulinek, tamakut tarriculartut akurtulrianek aturangqerrluteng, tuneniarvigni-llu nayangarvikesqumalartut, agayuvigni-llu aqumlleret kiaqliit aqumviksularait, nerevkarimi-llu kiaqliuyugaqluteng. 47Tau͡gken arnat aipainret enaitnek uayaariaqluteng, piicaumanguaraqluteng-llu. Taukut anucimirqecetaarutmek angenrulriamek pimaarkaugut.”
Currently Selected:
Luke 20: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Luke 20
20
Apcimallra Piyunarqucianek
1Erenret-llu iliitni, agayuvigpagmi qaneryaraqegtaarmek elicungcarillrani, agayulirten͞gunret igatulit-llu yuut-llu ciulirnerita ullagaat, 2apluku-llu, “Qanruskut qaillun ayuqelriamek piyunarqucingqerrluten waten pilarcit, kia-llu piyunarqucingqerceskiiten waten pilarcit?” 3Jesus-aam kiugai, “Wiinga-llu apciiqamci ataucimek, kiucia. 4John-aam angllurceciyaraa naken piurtellrua, qilagmek-qaa wall'u yugnek?” 5Tua-i qaillukuartut qanruyulluteng, “Qilagmek pillrunikumteggu, tua-i qanerciquq, ciin-mi ukveqenriceciu? 6Tau͡gaam yugnek pillrunikumteggu, yuut tamarmeng teggalqunek miluquciqaitkut, tamarmeng John-aaq ilumun prophet-aaruyukngatgu.” 7Kiugaat-llu, “Naken piciitarput.” 8Jesus-aam-llu qanrutai, “Wiinga-llu qanrusngaitamci qaillun ayuqelriamek piyunarqucingqerrlua waten pilaucimnek.”
Naucetaarvik Navraqestai-llu
9Yuut-llu cuqyutmek mat'umek qalarutai, “Yuk naucetaarvilillruuq nauceciiyurten̄un-llu navriutekluku, ellii-llu nunamun allamun ayagluni tuani uitamanaluni. 10Tua-i-llu atsangyaraan nalliini, ayagceciuq pistem̄ek nauceciiyurten̄un, wine-at atsaita ilaitnek cikiisqelluku; tau͡gaam nauceciiyurtet piqertuaraat camek-llu unangevkarpek'naku. 11Cali pista alla ayagcetaa, tauna-llu piqertuaraat kasngunarqelriamek-llu piluku, unangevkarpek'naku. 12Pingayuat-llu cali ayagcetaa, tauna-llu kilirturaat cingqaquluku-llu anevkaraat. 13Tua-i-llu naucetaarviim yua qanertuq, ‘Qaillun piciqsia? Qetunraqa kenkek'ngaqa ayagceciiqaqa, tauna takaqciqliat.’ 14Tau͡gaam nauceciiyurtet tangrramegteggu qaillukuartut, qanruyulluteng, ‘Wani-wa paitangqerrarkaq, kitaki tuqullaut, paitarkaa-llu wangkuta pikniarput.’ 15Naucetaarvigmek-llu cingqaquat tuqulluku-llu. Tua-i-llu naucetaarviim yuan qaillun piciqaki taukut? 16Tekiciiquq nauceciiyurtet-llu taukut piunrirciqai, naucetaarvik-llu allanun tunluku.” Man'a niicamegteggu qanertut, “Agayutem pivkanrilliki tuaten!” 17Tau͡gaam elliin tangvagluki qanrutai, “Cauga-mi imna igaumalria waten, ‘Teggalquq enelilriit qessakellrat kangiritkaurtellruuq?’ 18Kina imna teggalqumun taumun ayaluqertellria navgurciquq, tau͡gaam iggvikekni ciqumteqapigciiqaa, urr'atun-llu skavvluku.”
Caesar-aamun Akiliqurautnek Cikiqengllerkaq
19Sass'am-llu taum nalliini, igatulit agayulirten͞gunret-llu elpengameng cuqyutkun mat'ukun elliinun qanrutkucirteng, tegungnaqsaaqaat, tau͡gaam yuut alikait. 20Kellutekaat-llu, ayagcelluki-llu kelguurtekat, taukut elluaruangnaqluteng qanellrikun napcetengnaqesqelluku, nutaan-llu nunam atanran pinianun piyunarqucianun-llu tunenaluku. 21Tamakut-llu aptaat, “Elitnauristaa, wangkuta nallunritarput elluarrluten qallatelaucin elicungcarilaucin-llu, yuum-llu taungucianek catkinrilucin, tau͡gaam ilumuuluten Agayutem tumyaraqesqellra apertularan. 22Caesar-aaq-qaa akiliqurautnek cikirluku elluartuq? Wall'u-qaa elluanrituq wangkutni?” 23Tau͡gaam Jesus-aam usvitungnaquciat elpekngamiu, qanrutai, 24“Akimek akiliqurautngutulimek nasvicia, kia una ayuqau, kia-llu igautellri ukut?” Kiugaat, “Caesar-aam-wa.” 25Nutaan qanrutai, “Caesar-aam pia Caesar-aamun tunlarciu, Agayutem-llu pia Agayutmun tunluku.” 26Tua-i qanellrakun yuut takuatni napcesciigataat, kiutiinek-llu irriameng nepaitut.
Maktellerkartailucianek Apcimallra
27Tua-i-llu Sadducee-aat, imkut maktellerkartailucianek qanlalriit ullagaat, 28apluku-llu, “Elitnauristaa, Moses-aam picirkiraakut waten; angutem anngaa tuqukan nuliani-llu irniarunaku uniskaku, tua-i kinguqlian tauna kingunra teguarkauluku anelgutni kinguverkiurnaluku. 29Cat iliitni malrunlegnek amaqliqelriartangqellruuq; ciuqliat nulirturtuq, tuquluni-llu kinguverkaunani. 30Tunglian-llu tuaten pia. 31Pingayuata-llu tegua, tuaten-llu taukut malrunlegen piut, kinguverkaunateng ayuqluteng tuqullruut. 32Kinguatgun-llu arnaq cali tuqullruuq. 33Tua-i-llu makcarami, kia taukut naliata nulirqeciqau? Wani-wa taukut malrunelgen nulirqellrukiit tamarmeng.”
34Jesus-aam qanrutai, “Nunam mat'um yui kassuutelartut, kassuuciaqluteng-llu, 35tau͡gaam imkut nunakamun taumun piyunarqelriit tuqumek-llu maktarkaulriit kassuusngaitut, kassuucingaunateng-llu. 36Tuqunqiggngaitut, an'gilacetun ayuqciqut, Agayutem-llu irniaqai makcaram irniaqngaki. 37Tua-i tuqumalriit maktarkauciat Moses-aam qanrutkellrua tuani culu'ugtarmek napayaarmek, qanrutkaa Ataneq waten qanerluni, ‘Abraham-aam Agayutii, Isaac-aam-llu Agayutii, Jacob-aam-llu Agayutii.’ 38Wani-wa tuqumalriit Agayutkenritaat, tau͡gaam unguvalriit Agayutkaat, tamarmeng elliinun unguviita.” 39Tua-i-llu igatulit ilait qanertut, “Elitnauristaa, nutaan qanluaqertuten.” 40Aptenqigtellerkaanek-llu caperrsaguciut.
David-aam Qetunraanek Apcimallra
41Elliin-llu qanrutai, “Qaillun yuut qanlartat Christ-aq David-aamun qetunraqniluku? 42Tua-i David-aaq tungaunani qanran kalikani piicautellegni, ‘Ataneq Atanemnun qanertuq: Tallirpima tungiinun aqumi, 43inglukesteten it'gavnun tutmararkaurcetlerkamnun.’ 44Wani-wa David-aam Atanerminek tuqluraa; qaillun-mi qetunraqau?”
45Yuut-llu tamalkuita niitelluki elitnaurani qanrutai, 46“Mulngakici igatulinek, tamakut tarriculartut akurtulrianek aturangqerrluteng, tuneniarvigni-llu nayangarvikesqumalartut, agayuvigni-llu aqumlleret kiaqliit aqumviksularait, nerevkarimi-llu kiaqliuyugaqluteng. 47Tau͡gken arnat aipainret enaitnek uayaariaqluteng, piicaumanguaraqluteng-llu. Taukut anucimirqecetaarutmek angenrulriamek pimaarkaugut.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.