Nsaŋ 15
15
Yeesu co rɛsɛn tum kpeekpeiyo ni
1Mí Yeesu dimi aa: «Ya co rɛsɛn tumndo ni, Fuɲa nuu co vana nakɔɔ ni. 2Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ. 3Niaa la cuu nin diondɔɔ a sɔɛi ya dimul niaa-e. 4La lo o ya nin, mì lo niaa nin. Lɛwve nɔla komɔɔ a ba ndɔ le, te i lo i yiinan-nde o yɔm tumndo le. Lende koni, te la lo o ya nin te, la nɔla komɔɔ le. 5Ya co rɛsɛn tumndo ni, niaa co lɛwvon ni. Vana lo o ya nin pɛ, mì ya i lo ndu nin, ndu kom taw, kani te o co o ya nin te, la nɔla ɲɛ-ɲɛ tosaa le. 6Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ. 7Te la lo o ya nin pɛ, mì sɔɔn nun lo niaa o lakɔl, la piɛinin ɲɛ-ɲɛ niaa yeema, mò cɛlnun niaa. 8La yɔngu pɛ komɔɔ kɛndɔɔ taw, mì la siŋnun kaandeŋaa nia, Fuɲa nuu sɔla biiloo. 9Mɛɛ Pua kaola ya yɛ, lende ya bɛɛ kaola niaa ni. La lo o kaola nuu nin. 10Te la bii pɛ tɔŋnda nilan, mɛɛ la lonin o kaola nuu nin, mɛɛ ya bii tɔŋnda Fuɲa nuu mì lo o kaola ndɔɔ nin yɛ.
11I dimul niaa ndi lende, haliko mi ɲaale nuu va niaa o kɔl, o kon mì ɲaale niaa peelun. 12Tɔŋ nuu co hoo ni: La kaolian vellaa-velle maa mɛɛ ya kaola niaa yɛ. 13Kaola kɛ́-kɛ̀ hiw kaola vana yɔngu yoomu ndɔɔ le caaŋaa ndɔa-o le. 14Te la tosa pɛ o ya co niaa dimul-lo, mɛɛ caaŋaa nia niaa co ni. 15I co lɛ niaa veelu aa vanaa baala le, kani vana baalaa sina ɲɛ vana ndɔ bɛndoo co tosaa-o le. Caaŋaa nia ya vanin niaa veeloo ni, kani o kɛ́-kɛ̀ ya sɔla Fuɲa nuu o ba, i cii niaa ndu cɔm. 16O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu. 17Tɔŋ ya co niaa hendu-o co hoo ni, la kaolian vellaa-velle.»
Ceendo kɛɛ Yeesu nda vanaa ndɔa
18«Te ceendo kɛɛ niaa pɛ, la sínà maa ya fɔlɔn o kɛɛ ni. 19Te niáà va pɛ le ceendo, ceendo va niaa kaolaa, kani le ndu niáà vanin ni. Kɛ le mɛɛ niaa co le ceendo le yɛ, nduyɛ mí hɛli niaa fulaa o ceendo nin, lelan ceendo nɔ nɛyɔn niaa ni. 20La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi. 21Kɛ ken kpow niaa tosallo, le diola nilan, kani a sinà vana vem ya-o le. 22Te yáà hin mí yáà soaa o nda lo le, ndáà nɔnin haki le. Kɛ nihau, a sɔla lɛnin malɔɔ lahakio le haki ndaa le. 23Vana nɔ pɛ nɛyɔn nuu, mɛɛ o nɔ vɛlɛ nɛyɔn Fuɲa nuu. 24Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu. 25Nduyɛ le sɔɛi co i sɛvaa o tɔŋ ndaa nin-nde peelɔnndo kon tosan lende ni aa: ‹A kɛɛ ya o fondo fúúo coo.›
26Telen vana nia ɲɔɔlaa hunnin fulaa Pua o ba-o, Kɔl toɲa fula o Pua lo-o timbinin seilen a ya o kɔɔ, 27niaa bɛɛ la timbinin seilen a ya o kɔɔ, kani naa niaa co latulu kabi o tasendɔ ni.»
Currently Selected:
Nsaŋ 15: BKG
Highlight
Share
Copy
Want to have your highlights saved across all your devices? Sign up or sign in
© Alliance Biblique en Guinée
Nsaŋ 15
15
Yeesu co rɛsɛn tum kpeekpeiyo ni
1Mí Yeesu dimi aa: «Ya co rɛsɛn tumndo ni, Fuɲa nuu co vana nakɔɔ ni. 2Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ. 3Niaa la cuu nin diondɔɔ a sɔɛi ya dimul niaa-e. 4La lo o ya nin, mì lo niaa nin. Lɛwve nɔla komɔɔ a ba ndɔ le, te i lo i yiinan-nde o yɔm tumndo le. Lende koni, te la lo o ya nin te, la nɔla komɔɔ le. 5Ya co rɛsɛn tumndo ni, niaa co lɛwvon ni. Vana lo o ya nin pɛ, mì ya i lo ndu nin, ndu kom taw, kani te o co o ya nin te, la nɔla ɲɛ-ɲɛ tosaa le. 6Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ. 7Te la lo o ya nin pɛ, mì sɔɔn nun lo niaa o lakɔl, la piɛinin ɲɛ-ɲɛ niaa yeema, mò cɛlnun niaa. 8La yɔngu pɛ komɔɔ kɛndɔɔ taw, mì la siŋnun kaandeŋaa nia, Fuɲa nuu sɔla biiloo. 9Mɛɛ Pua kaola ya yɛ, lende ya bɛɛ kaola niaa ni. La lo o kaola nuu nin. 10Te la bii pɛ tɔŋnda nilan, mɛɛ la lonin o kaola nuu nin, mɛɛ ya bii tɔŋnda Fuɲa nuu mì lo o kaola ndɔɔ nin yɛ.
11I dimul niaa ndi lende, haliko mi ɲaale nuu va niaa o kɔl, o kon mì ɲaale niaa peelun. 12Tɔŋ nuu co hoo ni: La kaolian vellaa-velle maa mɛɛ ya kaola niaa yɛ. 13Kaola kɛ́-kɛ̀ hiw kaola vana yɔngu yoomu ndɔɔ le caaŋaa ndɔa-o le. 14Te la tosa pɛ o ya co niaa dimul-lo, mɛɛ caaŋaa nia niaa co ni. 15I co lɛ niaa veelu aa vanaa baala le, kani vana baalaa sina ɲɛ vana ndɔ bɛndoo co tosaa-o le. Caaŋaa nia ya vanin niaa veeloo ni, kani o kɛ́-kɛ̀ ya sɔla Fuɲa nuu o ba, i cii niaa ndu cɔm. 16O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu. 17Tɔŋ ya co niaa hendu-o co hoo ni, la kaolian vellaa-velle.»
Ceendo kɛɛ Yeesu nda vanaa ndɔa
18«Te ceendo kɛɛ niaa pɛ, la sínà maa ya fɔlɔn o kɛɛ ni. 19Te niáà va pɛ le ceendo, ceendo va niaa kaolaa, kani le ndu niáà vanin ni. Kɛ le mɛɛ niaa co le ceendo le yɛ, nduyɛ mí hɛli niaa fulaa o ceendo nin, lelan ceendo nɔ nɛyɔn niaa ni. 20La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi. 21Kɛ ken kpow niaa tosallo, le diola nilan, kani a sinà vana vem ya-o le. 22Te yáà hin mí yáà soaa o nda lo le, ndáà nɔnin haki le. Kɛ nihau, a sɔla lɛnin malɔɔ lahakio le haki ndaa le. 23Vana nɔ pɛ nɛyɔn nuu, mɛɛ o nɔ vɛlɛ nɛyɔn Fuɲa nuu. 24Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu. 25Nduyɛ le sɔɛi co i sɛvaa o tɔŋ ndaa nin-nde peelɔnndo kon tosan lende ni aa: ‹A kɛɛ ya o fondo fúúo coo.›
26Telen vana nia ɲɔɔlaa hunnin fulaa Pua o ba-o, Kɔl toɲa fula o Pua lo-o timbinin seilen a ya o kɔɔ, 27niaa bɛɛ la timbinin seilen a ya o kɔɔ, kani naa niaa co latulu kabi o tasendɔ ni.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Alliance Biblique en Guinée