Luke 11
11
Mɛɛ vana piɛi Hala yɛ
(Matie 6.9-13, 7.7-11)
1Paale pilɛ, Yeesu va Hala piɛiyo nɛɛ pum. Mɛɛ o cii, mí kaandeŋaa ndɔa o pilɛ dimul ndu aa: «Maalii, pɛɛku naa piɛilen mɛɛ Nsaŋ pɛɛku kaandeŋaa ndɔa yɛ.» 2Mó dimul nda aa: «Telen niaa co va piɛilen-ndo, la dimi aa:
Pua,
màá vannda sina maa Hala Diandaa n co ni.
Màá masale nɔmnden le hun.
3Yɔngu naa ɲɛdiaa naa n bɛnda le dioo lepalaa-lepala-o.
4Mal naa haki le hakila naalan,
kani naa bɛɛ, n co vanaa-vanaa co tɛɛmbuuo a naa hakio malɔɔ.
Mal naa mì n del o dɛɛniaa nin te.»
5Mí Yeesu dimul nda vɛlɛ aa: «Te vana pilɛ o niaa tɛɛn nɔ pɛ caan ndɔ, mò kɔ kundul caan ndɔ kon dioo di-tɛɛndo, mò dimi aa: ‹Caan nuu, dɔnda ya bululan tan yáá, 6kani caan ni pilɛ langa komal-la sunsun, ɲɛ-ɲɛ co ya o ba le ndu fandaa le.› 7Te vana co kon cɛinin-ndo muli pɛ aa: ‹Pala ya le! Dioo co nihau o kindaa, cuavaa nia-ou, ya-ou, n connun nihau ihini. I nɔla lɛhau cɔnɔnndo mì ke nɔm bulu le.› 8Mì dimul niaa, hali mò cen mò yɔngu ndu le tùú o co caan ndɔ-o le, kɛ mɛɛ mò cɛn, mò yɔngu ndu ɲɛ-ɲɛ o yeema le baŋnɔn o baŋnun ndu ɲunaa-o.»
Vana piɛi pɛ, a ke ndu
(Matie 7.7-11)
9Lelan, ya co niaa dimullo ni maa: «La piɛi, o kon a kenin niaa. La nuwviaa, o kon la saalunnin. La lɔɔ dioo, o kon a kumbilnin niaa. 10Kani vana-vana piɛi pɛ, ndu sɔla. Vana nuwviaa pɛ, o saalun. Vana lɔɔ pɛ dioo, a kumbil ndu. 11O niaa tɛɛn, ɔ́ɔ̀ fuɲa po ndɔɔ piɛi buloo mò ke ndu powvo-o? Te kon te o piɛi ndu pɛ suwvo, o ke ndu kɛwvo o fonda suwvo? 12Te kon te, o piɛi ndu pɛ pelte sɔɔlen, o ke ndu ngeemaa? 13Niaa vanaa vɔɔnda co vɔ cuavaa niaa ɲɛm kɛndɔn keo, ko nin te Fuɲa niaa co o halataala-o, vɛ̀ɛ̀ o kɛɛ yɛnin vanaa co ndu ɲunaa-a Hala Kɔl-Diandaa yɔngu!»
Muli Yeesu yɔngu a Bɛlsibub ɲina vɔɔndo o kɔɔ-o
(Matie 12.22-30, Marke 3.22-27)
14Yeesu va ɲina vɔɔŋoo siinguu vanndo bobonɔɔ-o tovɔɔ. Ɲina vɔɔn kon faŋanndo, mí vana kon soaa. Mí kɔndɔfillo bii vannda. 15Kɛ mí vanaa pum nda dimi aa: «Bɛlsebul, o co bolle ɲinaa vɔɔnda-o co ndu kpaayaa keo le ɲinaa vɔɔnda tovɔɔ vannda kɔɔli nuaa ni.» 16Vanaa celen ndáà yeema le Yeesu kɔlɔɔ solio, o kon má dimul ndu le dɛnɛ kaamaa pum tosaa, o fula o halataala-o.
17Yeesu sinaa yiyannda ndalan, mó dimul nda aa: «Te vanaa co o masale pilɛlen nin-nda sɛyan pɛ, mì nda pila simulan, mɛɛ masale len le tambu, cɛila ndɔlan la koombian coo. 18Lelan te Setana pila sɛyan pɛ, vɛ̀ɛ̀ masale ndɔlen le sim yɛnin? Kani la co dimio maa a kpaaya Bɛlsebul-lo ya co ɲinaa vɔɔnda tovɔɔ nuaa ni. 19Te a kpaaya Bɛlsebul-lo ya co ɲinaa vɔɔnda tovɔɔ ni, ɛɛ vanaa co yɛ niaa simndan kɔɔli-a yɛ niko, a kpaaya nɛ̀ɛ̀ nda nda co yɛ nda tovɔɔ? Lelan, nda pila cɔmnin niaa maa la nɔ dí le. 20Kɛ te a kpaaya Hala-o ya co ɲinaa vɔɔnda tovɔɔ ni, mɛɛ masale Hala len le tiiya o niaa lo.
21Vana dialun kalaa nɔ pɛ ɲɛm cɔwvon mò va bɛ́ɛ̀ ndɔɔ kandaa, ɲɛ-ɲɛ yɔŋnun mun te. 22Kɛ te vana hiow ndu dialun kalan-ndo hinul ndu pɛ, mò nɔla ndu, o poondiaa ndu ɲɛm cɔvun o tiindan mun-ndon o ba. O kon kɔɔli, o piɔw mun vanaa celen tɛɛn.
23Vana-vana naa n co diom pilɛ le, mɛɛ yaamɔɔ nuu o co ni. Vana co mɔɔsiaa maa ya le, mɛɛ puusiaa ndu co ni.»
Mɛɛ ɲina vɔɔndo muungu vana o n'dial-lɛ
(Matie 12.43-45)
24«Ɲina vɔɔndo fula pɛ vanndo o n'dial, o kɔ nuwviaa nɛɛ vesɛiya le pɛngio. Kɛ te o seelun te, o dimi aa: ‹I muungu vɔ o cɛi ni ya va-o nin.› 25Te o muungu pɛ mò kɔ komal cɛi kalaa o basaa, mò va o toosiaa ɲɛkɛndɛi, 26o kɔ veelu vɛlɛ ɲinaa vɔɔŋaa celen nda ŋɔmmɛw, a hiow ndu pila vɔwlen-nda. A hin pɛ, a hun cal lon. O kon, mɛɛlula vana kon la vɔw hiovɔɔ mɛɛ o va o tasendɔ yɛ.»
Dɛnɛ kɛndɛ kpeekpeiyo
27Mɛɛ Yeesu cii sɔɔn mun dimi, mí vanalanɔɔ pum heelu diomndo o sɛ́lɔ́ɔ́ tɛɛn, mó dimi aa: «Dɛnɛ kɛndɔɔ co le vanalanɔ velu nɔm, mó vɔɛsi nɔm-ndo!» 28Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»
Yeesu kɛɛnun le kaamaa vannda ɲuna ndu-o tosaa
(Matie 12.38-42)
29Telen vannda a va cuungianndo Yeesu ikɛi-yo, mó cua sɔɛi, mó dimi aa: «Vannda paalen nden hau, vanaa vɔɔnda nda co ni. A co dɛnnda kaamaalan ɲunaa, kɛ dɛnɛ kaamaa celen cɔmnunnin nda o dɛnɛ Yonas-o kɔɔli le. 30Mɛɛ Yonas yɔŋnun tɔɔmaseloo le Ninive yɛ, lende koni Po vanacieo yɔŋnunnin tɔɔmaseloo le vanndacieea paale hau len nden ni. 31Masa laandu va a ba too-o muungunin yoomu o paale kɔɔsɔlen, mò kɔɔsal vanndacieea vaalio ho, mò yaala nda. Kani ndu, o lɛŋnden mɛɛlulan di o cɛn ni, mó hun le sɔɔn kɔlkalun Salomɔn-ndon yaŋnɔnndo. Nduyɛ, o hiow Salomɔn-ndo co nanu. 32Ninivea muungunin yoomu o paale kɔɔsɔlen, mà kɔɔsal vanndacieea vaalio ho, mà yaala nda. Kani mɛɛ nda tuei pɛɛkula Yonas lan, má mal yɔŋ vɔɔn ndaa, má mangalan. Nduyɛ, o hiow Yonas-o co nanu.»
Hɔltan la co macoaa maa lambo
(Matie 5.15, 6.22-23)
33Vana-vana mɛndul fitinaa mò kɛsi ndu nɛɛ viannan-nda le, te kon te mò ven ndu o hɛngɔɔ bɛngu. Kɛ o ɲɛ kɛsiaa lafitinaa coo vana kɛsi fitinaa ni, haliko mi vanaa co luɛyɔɔ-a ce ɲɛ-tengaa. 34Hɔlta nɔmndan la co lamboo le dialun nɔmndon ni. Te la co pɛ la kɛndɛ, dialun nɔmndon kpow n pɛ a ɲɛ-tengaa, kɛ te la co la kɛndɛ le, n pɛ a ɲumndan. 35Lelan caa taw, yɔŋii ɲɛ-tengaa co nɔm nin-ndo siŋnun ɲumndan. 36Te ɲɛ vavonndo va yɛ pɛ o dialun nɔmndon nin kpede, mì ɲɛ-ɲɛ ve o maɲum nin te, mɛɛ diallon kpow n co n tengaa mɛɛ lamboo ke vana ɲɛ-tengaa nuaa yɛ.
Yeesu simul Faliisia a vanaa pɛɛkaa latɔŋnda
(Matie 23.1-36, Marke 12.38-40)
37Mɛɛ Yeesu cii sɔɛi, mí Faliisinɔɔ pum veelu ndu le dioo nda ndu o ndu lo. Mí Yeesu kɔa, mó kɔ cal le dioo. 38Kɛ mɛɛ Faliisinɔɔ ce Yeesu dioo, o pilu balan lɔ́ɔ́ pá mo de le, mí kɔndɔfillo bii ndu. 39O kon, mí Maalii dimul ndu aa: «Niaa Faliisia, maa taala kólaa a hɛngɛi nda tuei o kɔɔ-o niaa co ni, kɛ yeemɛi ciimbuɛi a kɔlvesɛiyo co niaa o piaa o lakɔl ca. 40Kpòkóó niaa diɔmnda ha! Vɛ̀ɛ̀ o co vana toosiaa lekɔɔlio-o le toosiaa vɛlɛ leninndo le? 41Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.
42Kɛ dɛnɛ palaa co le niaa Faliisia! Kani la co o-tɔ́ndɔɔ solio o tɔlɔɔlan lapum nin, maa mɛnte, ru a tɔlɔɔla nakɔla niaalan kpow, le Hala yɔngoo, kɛ la co dɛnɛ sandaa a canyɛi Hala-e cɔm te. Dɛnnda niaa bɛnda le tosaa lan la co lan ni, handɔɔ niko o dɛnnda tɔ̀lan coo.
43Dɛnɛ palaa co le niaa Faliisia! La yeema calle o fondala taselan o cɛila lekaanndan nin. La yeema mì vannda va keiyo yilɔɔ o bɛ́ɛ̀la bɛndulan.
44Dɛnɛ palaa co le niaa! Kani maa sɛila vana bii bila le lan niaa co ni, la vana kei coo a sina le lan pɛɛn.»
45O kon mí vana pɛɛkaa latɔŋndo pum dimul Yeesu aa: «Vana bɛndoo, naa bɛɛ yeowlan n co naa nuaa o sɔɛi he nin ni!» 46Mí Yeesu mulul ndu aa: «Niaa bɛɛ, dɛnɛ palaa co le niaa, niaa vanaa sina tɔŋndo taw-va! Kani volɔɔla lusulaalan niaa co vannda siiluuo ni, la niaa pila yee bɛɛ suei mì la pilan te lan. 47Dɛnɛ palaa co le niaa! Kani la co sɛila vanaa-tɛɛngaa-diom Hala-a cɔvɔɔ, nda yɛ fuɲaa niaa mamaa diw nda ni. 48Kon cɔm ni maa seiya niaa co ni, maa la hini kɔl a dɛnnda fuɲaa niaa mamaa tosa lan. Kani nda diw vanaa-tɛɛngaa-diom Hala-a, mì niaa niaa va sɛila ndalan cɔvɔɔ. 49Lelan Hala dimi o kɔlkalu ndɔɔ nin ni aa: ‹I vimnin nda vanaa-tɛɛngaa-diom Hala-a nia a kiilaa nia. À diwnin a pum, mà tol a tiŋ yɛlen.› 50Kon tosannin haliko mi dɛnɛ piɔ́m vanaa-tɛɛngaa-diom Hala-a nda diw kabi o ceendo ho kandɔɔ-a kpow del vanndacieea vaalio ho o lebol. 51Kandɔɔ a piɔ́m Abɛl-lo, kɔlan háá a piɔ́m Sakari-o, à nda dii o fonda-loamaa-lasálàá a Cɛi-Hala-o tɛɛn-ndo. Mì dimul niaa, dɛnɛ piɔ́m vanaa ɲunannin vanndacieea vaalio ho.
52Dɛnɛ palaa co le niaa, niaa sina tɔŋndo taw-va. Kani la soli kíì co le luɛyɔɔ o dio kɔlkaloo-e. Niaa pila luei le, mí la kuuna vɛlɛ vanáà yeema le luɛyɔɔ-a luɛyɔɔ.»
53Telen Yeesu faŋan o fonda kon-ndo, mí Faliisia a vanaa pɛɛkaa latɔŋnda simul ndu a ɲuuniaalan taw. 54A va nɛilan nuwviaa, haliko mi ndóò biinun o sɔɛi ndɔɛi nin.
Currently Selected:
Luke 11: BKG
Highlight
Share
Copy
Want to have your highlights saved across all your devices? Sign up or sign in
© Alliance Biblique en Guinée
Luke 11
11
Mɛɛ vana piɛi Hala yɛ
(Matie 6.9-13, 7.7-11)
1Paale pilɛ, Yeesu va Hala piɛiyo nɛɛ pum. Mɛɛ o cii, mí kaandeŋaa ndɔa o pilɛ dimul ndu aa: «Maalii, pɛɛku naa piɛilen mɛɛ Nsaŋ pɛɛku kaandeŋaa ndɔa yɛ.» 2Mó dimul nda aa: «Telen niaa co va piɛilen-ndo, la dimi aa:
Pua,
màá vannda sina maa Hala Diandaa n co ni.
Màá masale nɔmnden le hun.
3Yɔngu naa ɲɛdiaa naa n bɛnda le dioo lepalaa-lepala-o.
4Mal naa haki le hakila naalan,
kani naa bɛɛ, n co vanaa-vanaa co tɛɛmbuuo a naa hakio malɔɔ.
Mal naa mì n del o dɛɛniaa nin te.»
5Mí Yeesu dimul nda vɛlɛ aa: «Te vana pilɛ o niaa tɛɛn nɔ pɛ caan ndɔ, mò kɔ kundul caan ndɔ kon dioo di-tɛɛndo, mò dimi aa: ‹Caan nuu, dɔnda ya bululan tan yáá, 6kani caan ni pilɛ langa komal-la sunsun, ɲɛ-ɲɛ co ya o ba le ndu fandaa le.› 7Te vana co kon cɛinin-ndo muli pɛ aa: ‹Pala ya le! Dioo co nihau o kindaa, cuavaa nia-ou, ya-ou, n connun nihau ihini. I nɔla lɛhau cɔnɔnndo mì ke nɔm bulu le.› 8Mì dimul niaa, hali mò cen mò yɔngu ndu le tùú o co caan ndɔ-o le, kɛ mɛɛ mò cɛn, mò yɔngu ndu ɲɛ-ɲɛ o yeema le baŋnɔn o baŋnun ndu ɲunaa-o.»
Vana piɛi pɛ, a ke ndu
(Matie 7.7-11)
9Lelan, ya co niaa dimullo ni maa: «La piɛi, o kon a kenin niaa. La nuwviaa, o kon la saalunnin. La lɔɔ dioo, o kon a kumbilnin niaa. 10Kani vana-vana piɛi pɛ, ndu sɔla. Vana nuwviaa pɛ, o saalun. Vana lɔɔ pɛ dioo, a kumbil ndu. 11O niaa tɛɛn, ɔ́ɔ̀ fuɲa po ndɔɔ piɛi buloo mò ke ndu powvo-o? Te kon te o piɛi ndu pɛ suwvo, o ke ndu kɛwvo o fonda suwvo? 12Te kon te, o piɛi ndu pɛ pelte sɔɔlen, o ke ndu ngeemaa? 13Niaa vanaa vɔɔnda co vɔ cuavaa niaa ɲɛm kɛndɔn keo, ko nin te Fuɲa niaa co o halataala-o, vɛ̀ɛ̀ o kɛɛ yɛnin vanaa co ndu ɲunaa-a Hala Kɔl-Diandaa yɔngu!»
Muli Yeesu yɔngu a Bɛlsibub ɲina vɔɔndo o kɔɔ-o
(Matie 12.22-30, Marke 3.22-27)
14Yeesu va ɲina vɔɔŋoo siinguu vanndo bobonɔɔ-o tovɔɔ. Ɲina vɔɔn kon faŋanndo, mí vana kon soaa. Mí kɔndɔfillo bii vannda. 15Kɛ mí vanaa pum nda dimi aa: «Bɛlsebul, o co bolle ɲinaa vɔɔnda-o co ndu kpaayaa keo le ɲinaa vɔɔnda tovɔɔ vannda kɔɔli nuaa ni.» 16Vanaa celen ndáà yeema le Yeesu kɔlɔɔ solio, o kon má dimul ndu le dɛnɛ kaamaa pum tosaa, o fula o halataala-o.
17Yeesu sinaa yiyannda ndalan, mó dimul nda aa: «Te vanaa co o masale pilɛlen nin-nda sɛyan pɛ, mì nda pila simulan, mɛɛ masale len le tambu, cɛila ndɔlan la koombian coo. 18Lelan te Setana pila sɛyan pɛ, vɛ̀ɛ̀ masale ndɔlen le sim yɛnin? Kani la co dimio maa a kpaaya Bɛlsebul-lo ya co ɲinaa vɔɔnda tovɔɔ nuaa ni. 19Te a kpaaya Bɛlsebul-lo ya co ɲinaa vɔɔnda tovɔɔ ni, ɛɛ vanaa co yɛ niaa simndan kɔɔli-a yɛ niko, a kpaaya nɛ̀ɛ̀ nda nda co yɛ nda tovɔɔ? Lelan, nda pila cɔmnin niaa maa la nɔ dí le. 20Kɛ te a kpaaya Hala-o ya co ɲinaa vɔɔnda tovɔɔ ni, mɛɛ masale Hala len le tiiya o niaa lo.
21Vana dialun kalaa nɔ pɛ ɲɛm cɔwvon mò va bɛ́ɛ̀ ndɔɔ kandaa, ɲɛ-ɲɛ yɔŋnun mun te. 22Kɛ te vana hiow ndu dialun kalan-ndo hinul ndu pɛ, mò nɔla ndu, o poondiaa ndu ɲɛm cɔvun o tiindan mun-ndon o ba. O kon kɔɔli, o piɔw mun vanaa celen tɛɛn.
23Vana-vana naa n co diom pilɛ le, mɛɛ yaamɔɔ nuu o co ni. Vana co mɔɔsiaa maa ya le, mɛɛ puusiaa ndu co ni.»
Mɛɛ ɲina vɔɔndo muungu vana o n'dial-lɛ
(Matie 12.43-45)
24«Ɲina vɔɔndo fula pɛ vanndo o n'dial, o kɔ nuwviaa nɛɛ vesɛiya le pɛngio. Kɛ te o seelun te, o dimi aa: ‹I muungu vɔ o cɛi ni ya va-o nin.› 25Te o muungu pɛ mò kɔ komal cɛi kalaa o basaa, mò va o toosiaa ɲɛkɛndɛi, 26o kɔ veelu vɛlɛ ɲinaa vɔɔŋaa celen nda ŋɔmmɛw, a hiow ndu pila vɔwlen-nda. A hin pɛ, a hun cal lon. O kon, mɛɛlula vana kon la vɔw hiovɔɔ mɛɛ o va o tasendɔ yɛ.»
Dɛnɛ kɛndɛ kpeekpeiyo
27Mɛɛ Yeesu cii sɔɔn mun dimi, mí vanalanɔɔ pum heelu diomndo o sɛ́lɔ́ɔ́ tɛɛn, mó dimi aa: «Dɛnɛ kɛndɔɔ co le vanalanɔ velu nɔm, mó vɔɛsi nɔm-ndo!» 28Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»
Yeesu kɛɛnun le kaamaa vannda ɲuna ndu-o tosaa
(Matie 12.38-42)
29Telen vannda a va cuungianndo Yeesu ikɛi-yo, mó cua sɔɛi, mó dimi aa: «Vannda paalen nden hau, vanaa vɔɔnda nda co ni. A co dɛnnda kaamaalan ɲunaa, kɛ dɛnɛ kaamaa celen cɔmnunnin nda o dɛnɛ Yonas-o kɔɔli le. 30Mɛɛ Yonas yɔŋnun tɔɔmaseloo le Ninive yɛ, lende koni Po vanacieo yɔŋnunnin tɔɔmaseloo le vanndacieea paale hau len nden ni. 31Masa laandu va a ba too-o muungunin yoomu o paale kɔɔsɔlen, mò kɔɔsal vanndacieea vaalio ho, mò yaala nda. Kani ndu, o lɛŋnden mɛɛlulan di o cɛn ni, mó hun le sɔɔn kɔlkalun Salomɔn-ndon yaŋnɔnndo. Nduyɛ, o hiow Salomɔn-ndo co nanu. 32Ninivea muungunin yoomu o paale kɔɔsɔlen, mà kɔɔsal vanndacieea vaalio ho, mà yaala nda. Kani mɛɛ nda tuei pɛɛkula Yonas lan, má mal yɔŋ vɔɔn ndaa, má mangalan. Nduyɛ, o hiow Yonas-o co nanu.»
Hɔltan la co macoaa maa lambo
(Matie 5.15, 6.22-23)
33Vana-vana mɛndul fitinaa mò kɛsi ndu nɛɛ viannan-nda le, te kon te mò ven ndu o hɛngɔɔ bɛngu. Kɛ o ɲɛ kɛsiaa lafitinaa coo vana kɛsi fitinaa ni, haliko mi vanaa co luɛyɔɔ-a ce ɲɛ-tengaa. 34Hɔlta nɔmndan la co lamboo le dialun nɔmndon ni. Te la co pɛ la kɛndɛ, dialun nɔmndon kpow n pɛ a ɲɛ-tengaa, kɛ te la co la kɛndɛ le, n pɛ a ɲumndan. 35Lelan caa taw, yɔŋii ɲɛ-tengaa co nɔm nin-ndo siŋnun ɲumndan. 36Te ɲɛ vavonndo va yɛ pɛ o dialun nɔmndon nin kpede, mì ɲɛ-ɲɛ ve o maɲum nin te, mɛɛ diallon kpow n co n tengaa mɛɛ lamboo ke vana ɲɛ-tengaa nuaa yɛ.
Yeesu simul Faliisia a vanaa pɛɛkaa latɔŋnda
(Matie 23.1-36, Marke 12.38-40)
37Mɛɛ Yeesu cii sɔɛi, mí Faliisinɔɔ pum veelu ndu le dioo nda ndu o ndu lo. Mí Yeesu kɔa, mó kɔ cal le dioo. 38Kɛ mɛɛ Faliisinɔɔ ce Yeesu dioo, o pilu balan lɔ́ɔ́ pá mo de le, mí kɔndɔfillo bii ndu. 39O kon, mí Maalii dimul ndu aa: «Niaa Faliisia, maa taala kólaa a hɛngɛi nda tuei o kɔɔ-o niaa co ni, kɛ yeemɛi ciimbuɛi a kɔlvesɛiyo co niaa o piaa o lakɔl ca. 40Kpòkóó niaa diɔmnda ha! Vɛ̀ɛ̀ o co vana toosiaa lekɔɔlio-o le toosiaa vɛlɛ leninndo le? 41Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.
42Kɛ dɛnɛ palaa co le niaa Faliisia! Kani la co o-tɔ́ndɔɔ solio o tɔlɔɔlan lapum nin, maa mɛnte, ru a tɔlɔɔla nakɔla niaalan kpow, le Hala yɔngoo, kɛ la co dɛnɛ sandaa a canyɛi Hala-e cɔm te. Dɛnnda niaa bɛnda le tosaa lan la co lan ni, handɔɔ niko o dɛnnda tɔ̀lan coo.
43Dɛnɛ palaa co le niaa Faliisia! La yeema calle o fondala taselan o cɛila lekaanndan nin. La yeema mì vannda va keiyo yilɔɔ o bɛ́ɛ̀la bɛndulan.
44Dɛnɛ palaa co le niaa! Kani maa sɛila vana bii bila le lan niaa co ni, la vana kei coo a sina le lan pɛɛn.»
45O kon mí vana pɛɛkaa latɔŋndo pum dimul Yeesu aa: «Vana bɛndoo, naa bɛɛ yeowlan n co naa nuaa o sɔɛi he nin ni!» 46Mí Yeesu mulul ndu aa: «Niaa bɛɛ, dɛnɛ palaa co le niaa, niaa vanaa sina tɔŋndo taw-va! Kani volɔɔla lusulaalan niaa co vannda siiluuo ni, la niaa pila yee bɛɛ suei mì la pilan te lan. 47Dɛnɛ palaa co le niaa! Kani la co sɛila vanaa-tɛɛngaa-diom Hala-a cɔvɔɔ, nda yɛ fuɲaa niaa mamaa diw nda ni. 48Kon cɔm ni maa seiya niaa co ni, maa la hini kɔl a dɛnnda fuɲaa niaa mamaa tosa lan. Kani nda diw vanaa-tɛɛngaa-diom Hala-a, mì niaa niaa va sɛila ndalan cɔvɔɔ. 49Lelan Hala dimi o kɔlkalu ndɔɔ nin ni aa: ‹I vimnin nda vanaa-tɛɛngaa-diom Hala-a nia a kiilaa nia. À diwnin a pum, mà tol a tiŋ yɛlen.› 50Kon tosannin haliko mi dɛnɛ piɔ́m vanaa-tɛɛngaa-diom Hala-a nda diw kabi o ceendo ho kandɔɔ-a kpow del vanndacieea vaalio ho o lebol. 51Kandɔɔ a piɔ́m Abɛl-lo, kɔlan háá a piɔ́m Sakari-o, à nda dii o fonda-loamaa-lasálàá a Cɛi-Hala-o tɛɛn-ndo. Mì dimul niaa, dɛnɛ piɔ́m vanaa ɲunannin vanndacieea vaalio ho.
52Dɛnɛ palaa co le niaa, niaa sina tɔŋndo taw-va. Kani la soli kíì co le luɛyɔɔ o dio kɔlkaloo-e. Niaa pila luei le, mí la kuuna vɛlɛ vanáà yeema le luɛyɔɔ-a luɛyɔɔ.»
53Telen Yeesu faŋan o fonda kon-ndo, mí Faliisia a vanaa pɛɛkaa latɔŋnda simul ndu a ɲuuniaalan taw. 54A va nɛilan nuwviaa, haliko mi ndóò biinun o sɔɛi ndɔɛi nin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Alliance Biblique en Guinée