Gɔwɔ tɔɔi 21
21
Isaakə hɔlɔɓo mɛ̨nį
1Bələi tii Yai-Laa ə mo la Sara ɓa, ə nwoo tii pɔ mɛ̨ni kɛ. 2Sara ə koo həɠə ɓɛlɔwai Abrahamə ə kɛ la a hulɔgolo. Sara ə lon ɉulɔnu hɔlɔɓo, a nɔwai tii Yálá ə vaaɓo mą. 3Abrahamə ə nokoloi tii laa hee a Isaakə. 4Isaakə hɔlɔɓoɔ, lɔwɔ tɔ̨nɔ̨ tɛɛ pulu, Abrahamə ə ɉee kɛ́nɛ̨ ɓa, yɛ pələi Yálá ə mo la mą. 5Abrahamə kaa kwɛlan ə kɛ a kwɛlan nwundɔ̨nɔ̨, ɓɛlɔwai Isaakə ə hɔlɔɓo la. 6Nąąlɔwai, Sara ə mo, yɛ diɛ:
«Yálá aa kwəinɛ̨ɛ̨ yɛlɛ too ná.
Nuąi lɔpee pai Isaakə mąą mɛ̨nį bələ mɛ̨n ɉii,
di kaa pai yɛ́lɛ́i nwɔ́ yɛ́lɛ́ pɔ.»
7Sara ə pənə nwɔ̨nɔ̨, yɛ diɛ: «Gbɛɛ ɓə a pɛli kɛ kɛi Abrahamə ɓa: ‹Sara kaa pai ɲįnį tɔɔi lɛapɛlɛɛ la?› Kɛlaa yaamun, Abrahamə aa lon gaa mą́ą́ bɔlɔi lɔwai.»
Abrahamə ə Hagarə da Ismaɛlə di kpɛ
8Isaakə kɛnɛ̨ɛ kɛa, Sara ə naa kulɔ ɲįnį ɓa, Abrahamə ə ɉɛli pu. 9Yele ta, Sara nwɔ luwɔ nɛ̨ɛ̨nui ŋɛ̨i kɛ a Eziptə mun yai Abrahamə ə lon gaa mą, diɛ kɛ mą Ismaɛlə, nokoloi tii ə kɛi yɛlɛ Isaakə ɓa. Sara ə nąą kaa, 10ə mo Abrahamə ɓa, yɛ mą: «Nuwɔ nɛ̨ɛ̨nui ŋɛ̨i kpɛ da non. Nuwɔi ŋɛ̨i lon da Isaakə, mąą hvo nɛ̨ɛ̨li di hvo kpɔn ə́ pulu hɛn ma.»
11Sara wooi tii ə hee kpɔ Abrahamə hu kpɔ kɛnɛ̨, mąąhɔlɔɓo, Ismaɛlə yaa kpɛli, ə kɛ a non. 12Kɛlaa, Yálá yɛ Abrahamə ɓa: «Hvo ə́ liihɛlɛn a ə́ wɔ luwɔ nɛ̨ąi tii mąą mɛ̨nį, da non. Mɛ̨nį tii Sara ə mo yɛ́, hvaa mą. Hvo gaai, Isaakə huwu ɓə ə́ laa kaa pai kɛi mą. 13Yii ɓaa ə́ wɔ luwɔ nɛ̨ɛ̨nui tii lon nwɛi, ɉuwuhu kaa pai ɓɛlɛi, mąąhɔlɔɓo, ə́ lon ni.»
14Mąą yələ laa ɓoɔ, yələwala pɔ, Abrahamə ə kɔ̨nɔ̨nŋąą həɠə, da hvólówo tɔ̨nɔ̨ laahvɛɛ a ya, ə ɉəɠə ə dɛɛ Hagarə pɔ, ə bɛlɛ non ma, yɛ diɛ: «'Ka li!» Hagarə ə həɠə, yɛ li Beɛrə-Seva nɔi pun ɉu pələ. 15Yii kɛa di lɛɛ lii, kpələ ya ə kpɛɛ di yəi, Hagarə ə non naa wulu logolo ta mu. 16Yili pulu, Hagarə ə mąą tɛ tɔwɔ da yaa di lɔwai ə kwɛa gee ɓa, ə hee. Mąąhɔlɔɓo, ə kɛi giliŋąhiɛ yɛ kɛ mą: «Və́ bɔ, və́ nón ɉaai kaa.» 17Yálá ə lɛɛ yələi ə nokoloi tii wɔlɔ woo mɛ̨n ə nwɔ malaka tɔ̨nɔ̨ tɔɔ, yili ə Hagarə təli, yɛ mą: «Hagarə, lə ɓə kɛ yɛ́? Hvo ɲɔw, Yálá aa nokoloi ŋɛ̨i wɔlɔ woo mɛ̨n. 18'Ə́ muhəɠə, ə́ ə́ lon ɉon a ɲee, mąąhɔlɔɓo, gáá pai ɉuwuhu ɓɛlɛi.»
19Yálá ə Hagarə ŋɛ̨i pɔ̨nɔ̨ yálɔwa ta ɓa, Hagarə ə li ə di wɔ ya pu hɛn tii laa hvɛɛ, ə da tɔɔ non na. 20Yálá ə lɛɛ ɉulɔnon tii pɔ, ə kɛnɛ̨ ə hee nɔi pun ɉu. Nokoloi tii ə kɛ a kilɛn bili mun ɲɛlɛɛ. 21Ɓɛi ə hee laa, nąą laa ɓaa: Paran, nee Hagarə ə Eziptə nɛ̨ɛ̨nu ta həɠə, ə dɛɛ bɔ a nɛ̨ą.
Abrahamə ə nwoo kwɛlɛ Abimelɛkə ɓa
22Gwɛlan dɔ̨nɔ̨ tii hu, Abimelɛkə, da nwɔ kɔ́kuláá nwun nąmu Pikɔlə, di pa Abrahamə pɔ. Abimelɛkə yɛ Abrahamə ɓa: «Gílí kaa ɉu, gɛ́ diɛ: Mɛ̨nįɠaai ya ə́ yee too ɉu, Yálá kaa ə́ pɔ gəlee hu. 23Yii hu kɛa, ə́ kwɛla a Yálá, yɛ diɛ: ‹Hvo pai mówoi, ɲą́ą́ kwa nónii, ə mą kɛ kwa ɉúwuhu nuą kəlee.› Pələi ŋɛ̨i ŋį́ gɛ la a yɛ́ a nɛlɛɛ, gɛ́ tii a ɲą́ą́ kwa nɔi ŋɛ̨i ə́ kaa ɉu, ɉu nuą kəlee.»
24Abrahamə yɛ mą: «Gáá pai gwɛlan yɛ pələi ə́ mo la.»
25Kɛlaa, ɲálɔwai ŋɛ̨i kɛ a Abrahamə nwɔɔ, yii Abimelɛkə nwɔ nuąi di di kanąn bili mɛ̨i, Abrahamə ə mąą mɛ̨nį ɓo Abimelɛkə ɓa. 26Abimelɛkə ə nwoo ŋąąpənə, yɛ mą: «Nui mɛ̨nį tii kɛ, və́ gɔlɔn, ɛlɛɛ, háá ɓaa háá, yɛ́ kpinį, hvo ta da ɓo li mą́ą́, və́ nwɔ̨nɔ̨ ta bələ mɛ̨n ni.»
27Abrahamə ə nɛɛ mą ə ɓɛlaaɠaa da ɓoluɠaa, ɛlɛɛ da nįŋɛ̨ hilɛɠaa həɠə, ə dɛɛ Abimelɛkə pɔ, di nu hveelɛi di nɛ̨ɛ̨laa yee pu gee hu.
28Abrahamə ə ɓɛlaa lon mɛ̨ihveelɛ kulɔ ɉu di ɓɔ a ɉaaɠaa, ə dɔɔ. 29Abimelɛkə ə mąąnikɛ, yɛ mą: «Lə mɛ̨nį ɓa, ə́ mɛlaa lonnii mɛ̨ihveelɛi ŋɛ̨i kulɔ ɉu, ə́ di tɔɔ?» 30Abrahamə ə nwoo ŋąąapənə, yɛ mą: «Mɛlaa mɛ̨ihveelɛ ŋɛ̨i həɠə, yili ə kɛ ə́ yəi a kili lɛɛ ɉu hɛn, yɛ diɛ ɲą́ą́ gbinįi ɓə ɲálɔwai ŋɛ̨i tee.»
31Yili ɓə gɛ, di gɛɛnąąi tii laa hee a: Beɛrə-Seva, mąąhɔlɔɓo, nąą ɓə nu hveelɛi tii di di woo kwɛlɛ laa di kee ɓa.
32Di nu hveelɛi di di woo kwɛlɛ di kee ɓa Beɛrə-Seva. Yili pulu, Abimelɛkə da nwɔ kɔ́kuláá nwun nąmu Pikɔlə di pənə diɛ li Filisti lɔi hu.
33Abrahamə ə wulu ta hin Beɛrə-Seva, diɛ kɛ naa ɓaa: tamarisə. Ə Yálá hvɛli gɛɛnąąi tii, ə Yálá laa hee a: Yai-Laa. 34Abrahamə ə lamun kpɔ woloɓo Filisti lɔi hu.
Currently Selected:
Gɔwɔ tɔɔi 21: BKPG
Highlight
Share
Copy
Want to have your highlights saved across all your devices? Sign up or sign in
Gɔwɔ tɔɔi 21
21
Isaakə hɔlɔɓo mɛ̨nį
1Bələi tii Yai-Laa ə mo la Sara ɓa, ə nwoo tii pɔ mɛ̨ni kɛ. 2Sara ə koo həɠə ɓɛlɔwai Abrahamə ə kɛ la a hulɔgolo. Sara ə lon ɉulɔnu hɔlɔɓo, a nɔwai tii Yálá ə vaaɓo mą. 3Abrahamə ə nokoloi tii laa hee a Isaakə. 4Isaakə hɔlɔɓoɔ, lɔwɔ tɔ̨nɔ̨ tɛɛ pulu, Abrahamə ə ɉee kɛ́nɛ̨ ɓa, yɛ pələi Yálá ə mo la mą. 5Abrahamə kaa kwɛlan ə kɛ a kwɛlan nwundɔ̨nɔ̨, ɓɛlɔwai Isaakə ə hɔlɔɓo la. 6Nąąlɔwai, Sara ə mo, yɛ diɛ:
«Yálá aa kwəinɛ̨ɛ̨ yɛlɛ too ná.
Nuąi lɔpee pai Isaakə mąą mɛ̨nį bələ mɛ̨n ɉii,
di kaa pai yɛ́lɛ́i nwɔ́ yɛ́lɛ́ pɔ.»
7Sara ə pənə nwɔ̨nɔ̨, yɛ diɛ: «Gbɛɛ ɓə a pɛli kɛ kɛi Abrahamə ɓa: ‹Sara kaa pai ɲįnį tɔɔi lɛapɛlɛɛ la?› Kɛlaa yaamun, Abrahamə aa lon gaa mą́ą́ bɔlɔi lɔwai.»
Abrahamə ə Hagarə da Ismaɛlə di kpɛ
8Isaakə kɛnɛ̨ɛ kɛa, Sara ə naa kulɔ ɲįnį ɓa, Abrahamə ə ɉɛli pu. 9Yele ta, Sara nwɔ luwɔ nɛ̨ɛ̨nui ŋɛ̨i kɛ a Eziptə mun yai Abrahamə ə lon gaa mą, diɛ kɛ mą Ismaɛlə, nokoloi tii ə kɛi yɛlɛ Isaakə ɓa. Sara ə nąą kaa, 10ə mo Abrahamə ɓa, yɛ mą: «Nuwɔ nɛ̨ɛ̨nui ŋɛ̨i kpɛ da non. Nuwɔi ŋɛ̨i lon da Isaakə, mąą hvo nɛ̨ɛ̨li di hvo kpɔn ə́ pulu hɛn ma.»
11Sara wooi tii ə hee kpɔ Abrahamə hu kpɔ kɛnɛ̨, mąąhɔlɔɓo, Ismaɛlə yaa kpɛli, ə kɛ a non. 12Kɛlaa, Yálá yɛ Abrahamə ɓa: «Hvo ə́ liihɛlɛn a ə́ wɔ luwɔ nɛ̨ąi tii mąą mɛ̨nį, da non. Mɛ̨nį tii Sara ə mo yɛ́, hvaa mą. Hvo gaai, Isaakə huwu ɓə ə́ laa kaa pai kɛi mą. 13Yii ɓaa ə́ wɔ luwɔ nɛ̨ɛ̨nui tii lon nwɛi, ɉuwuhu kaa pai ɓɛlɛi, mąąhɔlɔɓo, ə́ lon ni.»
14Mąą yələ laa ɓoɔ, yələwala pɔ, Abrahamə ə kɔ̨nɔ̨nŋąą həɠə, da hvólówo tɔ̨nɔ̨ laahvɛɛ a ya, ə ɉəɠə ə dɛɛ Hagarə pɔ, ə bɛlɛ non ma, yɛ diɛ: «'Ka li!» Hagarə ə həɠə, yɛ li Beɛrə-Seva nɔi pun ɉu pələ. 15Yii kɛa di lɛɛ lii, kpələ ya ə kpɛɛ di yəi, Hagarə ə non naa wulu logolo ta mu. 16Yili pulu, Hagarə ə mąą tɛ tɔwɔ da yaa di lɔwai ə kwɛa gee ɓa, ə hee. Mąąhɔlɔɓo, ə kɛi giliŋąhiɛ yɛ kɛ mą: «Və́ bɔ, və́ nón ɉaai kaa.» 17Yálá ə lɛɛ yələi ə nokoloi tii wɔlɔ woo mɛ̨n ə nwɔ malaka tɔ̨nɔ̨ tɔɔ, yili ə Hagarə təli, yɛ mą: «Hagarə, lə ɓə kɛ yɛ́? Hvo ɲɔw, Yálá aa nokoloi ŋɛ̨i wɔlɔ woo mɛ̨n. 18'Ə́ muhəɠə, ə́ ə́ lon ɉon a ɲee, mąąhɔlɔɓo, gáá pai ɉuwuhu ɓɛlɛi.»
19Yálá ə Hagarə ŋɛ̨i pɔ̨nɔ̨ yálɔwa ta ɓa, Hagarə ə li ə di wɔ ya pu hɛn tii laa hvɛɛ, ə da tɔɔ non na. 20Yálá ə lɛɛ ɉulɔnon tii pɔ, ə kɛnɛ̨ ə hee nɔi pun ɉu. Nokoloi tii ə kɛ a kilɛn bili mun ɲɛlɛɛ. 21Ɓɛi ə hee laa, nąą laa ɓaa: Paran, nee Hagarə ə Eziptə nɛ̨ɛ̨nu ta həɠə, ə dɛɛ bɔ a nɛ̨ą.
Abrahamə ə nwoo kwɛlɛ Abimelɛkə ɓa
22Gwɛlan dɔ̨nɔ̨ tii hu, Abimelɛkə, da nwɔ kɔ́kuláá nwun nąmu Pikɔlə, di pa Abrahamə pɔ. Abimelɛkə yɛ Abrahamə ɓa: «Gílí kaa ɉu, gɛ́ diɛ: Mɛ̨nįɠaai ya ə́ yee too ɉu, Yálá kaa ə́ pɔ gəlee hu. 23Yii hu kɛa, ə́ kwɛla a Yálá, yɛ diɛ: ‹Hvo pai mówoi, ɲą́ą́ kwa nónii, ə mą kɛ kwa ɉúwuhu nuą kəlee.› Pələi ŋɛ̨i ŋį́ gɛ la a yɛ́ a nɛlɛɛ, gɛ́ tii a ɲą́ą́ kwa nɔi ŋɛ̨i ə́ kaa ɉu, ɉu nuą kəlee.»
24Abrahamə yɛ mą: «Gáá pai gwɛlan yɛ pələi ə́ mo la.»
25Kɛlaa, ɲálɔwai ŋɛ̨i kɛ a Abrahamə nwɔɔ, yii Abimelɛkə nwɔ nuąi di di kanąn bili mɛ̨i, Abrahamə ə mąą mɛ̨nį ɓo Abimelɛkə ɓa. 26Abimelɛkə ə nwoo ŋąąpənə, yɛ mą: «Nui mɛ̨nį tii kɛ, və́ gɔlɔn, ɛlɛɛ, háá ɓaa háá, yɛ́ kpinį, hvo ta da ɓo li mą́ą́, və́ nwɔ̨nɔ̨ ta bələ mɛ̨n ni.»
27Abrahamə ə nɛɛ mą ə ɓɛlaaɠaa da ɓoluɠaa, ɛlɛɛ da nįŋɛ̨ hilɛɠaa həɠə, ə dɛɛ Abimelɛkə pɔ, di nu hveelɛi di nɛ̨ɛ̨laa yee pu gee hu.
28Abrahamə ə ɓɛlaa lon mɛ̨ihveelɛ kulɔ ɉu di ɓɔ a ɉaaɠaa, ə dɔɔ. 29Abimelɛkə ə mąąnikɛ, yɛ mą: «Lə mɛ̨nį ɓa, ə́ mɛlaa lonnii mɛ̨ihveelɛi ŋɛ̨i kulɔ ɉu, ə́ di tɔɔ?» 30Abrahamə ə nwoo ŋąąapənə, yɛ mą: «Mɛlaa mɛ̨ihveelɛ ŋɛ̨i həɠə, yili ə kɛ ə́ yəi a kili lɛɛ ɉu hɛn, yɛ diɛ ɲą́ą́ gbinįi ɓə ɲálɔwai ŋɛ̨i tee.»
31Yili ɓə gɛ, di gɛɛnąąi tii laa hee a: Beɛrə-Seva, mąąhɔlɔɓo, nąą ɓə nu hveelɛi tii di di woo kwɛlɛ laa di kee ɓa.
32Di nu hveelɛi di di woo kwɛlɛ di kee ɓa Beɛrə-Seva. Yili pulu, Abimelɛkə da nwɔ kɔ́kuláá nwun nąmu Pikɔlə di pənə diɛ li Filisti lɔi hu.
33Abrahamə ə wulu ta hin Beɛrə-Seva, diɛ kɛ naa ɓaa: tamarisə. Ə Yálá hvɛli gɛɛnąąi tii, ə Yálá laa hee a: Yai-Laa. 34Abrahamə ə lamun kpɔ woloɓo Filisti lɔi hu.
Currently Selected:
:
Highlight
Share
Copy
Want to have your highlights saved across all your devices? Sign up or sign in