Kabavelamu 9
9
Yaubada navonadabadaba Noa waineye
1 #
Kaba 1:28
Matautauda Yaubada Noa wete natunavo ivonavenapwayewedi ivo, “Kwavenatuna kwavepue-otoqa pwayapwaya kwaveadaqi. 2We kaisaya bwaigidi, kaisaya siaidi daledaledi pwayapwaya tabwaneye, manuqa wete iqana inagololoyemi. Kadiloina komi dimamie ayatodi. 3#Kaba 1:29Yoqoyoqo puena kami aivelemi. Mesaida base yoqoyoqo puena mevuadi we melugudi avelemi kami paipaina, deqoina puepuena aivelemi kami paipaina.
4“We dede mesaida, kaisaya yawaina dayaqina waineye imiamia beqa kaisaya medayaqina ge kwaikaniaqa. Kanaketoava dayaqina inalailolo inaobu matautauda kwaikania. 5Kago kaisaya tomoqo inaluvewapai, aibaivila kanakaimatavuloqa paipaina. Dede mesaida, kago tamo aitoi tomoqo inaluvewapai, aibaivilai waineye kanakaimatavuloqa. 6Yau Yaubada tomo'otoqa avalabubunidi taunigu kagukisa mesaida. Beqa aitoi tomoqo inaluvewapai, toluvewapanina inaluvewapai.
7 #
Kaba 1:28
“We komi kwavenatuna kwavepue-otoqa; kwasaila pwayapwaya matatabuna waineye kwaveadaqi.”
8Matautauda Yaubada Noa menatunavo ivonedi ivo, 9“Kwakiseni, tutuya dede waineye Yau kaisegu guvonadabadaba waimie avalabubuni wete tubuleleleqimi imaimai mulimie waidie, 10wete yoqoyoqo meyawaidi pwayepwayeye taiauda waimie—manuqa puepuedi, kaisaya tauvanuqa wete kaisaya walawalakai—gumanidiavo wageye'eqa isauyedi komi taiauda. 11Guvonadabadaba waimie avalabubuni dede mesaida: ge tamo tutuya wete mesaida dede wayaqata aivoneni inakavekapoidi yoqoyoqo puepuedi yawayawaidi pwayepwayeye.”
12We Yaubada ivo, “Dede kiakiaya vonadabadaba waimie paipaina, wete lagata imaimai waidie wete yoqoyoqo waidie avavalabubuni. 13Waumana waineye guwalikubwa aiyatoi. Ayatoi guvonadabadaba Yau komi taiauda wete yoqoyoqo puepuedi waidie pwayapwaya tabwaneye inavekiakiaya. 14Tutuya puepuena waumanaeqa abama aiumai, we walikubwa inasauyeni waumana waineye, 15guvonadabadaba Yau komi taiauda wete yoqoyoqo puepuedi waidie inagiavenuanuanigu ge tamo kaiata wayaqataeqa yoqoyoqo meyawaidi puepuedi aikavekapoidi.”
Currently Selected:
Kabavelamu 9: mzz
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Kabavelamu 9
9
Yaubada navonadabadaba Noa waineye
1 #
Kaba 1:28
Matautauda Yaubada Noa wete natunavo ivonavenapwayewedi ivo, “Kwavenatuna kwavepue-otoqa pwayapwaya kwaveadaqi. 2We kaisaya bwaigidi, kaisaya siaidi daledaledi pwayapwaya tabwaneye, manuqa wete iqana inagololoyemi. Kadiloina komi dimamie ayatodi. 3#Kaba 1:29Yoqoyoqo puena kami aivelemi. Mesaida base yoqoyoqo puena mevuadi we melugudi avelemi kami paipaina, deqoina puepuena aivelemi kami paipaina.
4“We dede mesaida, kaisaya yawaina dayaqina waineye imiamia beqa kaisaya medayaqina ge kwaikaniaqa. Kanaketoava dayaqina inalailolo inaobu matautauda kwaikania. 5Kago kaisaya tomoqo inaluvewapai, aibaivila kanakaimatavuloqa paipaina. Dede mesaida, kago tamo aitoi tomoqo inaluvewapai, aibaivilai waineye kanakaimatavuloqa. 6Yau Yaubada tomo'otoqa avalabubunidi taunigu kagukisa mesaida. Beqa aitoi tomoqo inaluvewapai, toluvewapanina inaluvewapai.
7 #
Kaba 1:28
“We komi kwavenatuna kwavepue-otoqa; kwasaila pwayapwaya matatabuna waineye kwaveadaqi.”
8Matautauda Yaubada Noa menatunavo ivonedi ivo, 9“Kwakiseni, tutuya dede waineye Yau kaisegu guvonadabadaba waimie avalabubuni wete tubuleleleqimi imaimai mulimie waidie, 10wete yoqoyoqo meyawaidi pwayepwayeye taiauda waimie—manuqa puepuedi, kaisaya tauvanuqa wete kaisaya walawalakai—gumanidiavo wageye'eqa isauyedi komi taiauda. 11Guvonadabadaba waimie avalabubuni dede mesaida: ge tamo tutuya wete mesaida dede wayaqata aivoneni inakavekapoidi yoqoyoqo puepuedi yawayawaidi pwayepwayeye.”
12We Yaubada ivo, “Dede kiakiaya vonadabadaba waimie paipaina, wete lagata imaimai waidie wete yoqoyoqo waidie avavalabubuni. 13Waumana waineye guwalikubwa aiyatoi. Ayatoi guvonadabadaba Yau komi taiauda wete yoqoyoqo puepuedi waidie pwayapwaya tabwaneye inavekiakiaya. 14Tutuya puepuena waumanaeqa abama aiumai, we walikubwa inasauyeni waumana waineye, 15guvonadabadaba Yau komi taiauda wete yoqoyoqo puepuedi waidie inagiavenuanuanigu ge tamo kaiata wayaqataeqa yoqoyoqo meyawaidi puepuedi aikavekapoidi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.