Genesis 32
32
Jacob-gum Kasuqsaġumaalliġaa Esau
1Jacob aullaqimmiuġlu, isaġulgich kasuŋagaat. 2Tautukkamigich, uqallaktuq, “Uvvauna God-im nullaummiviginiġaa”; tavraasii atchiqł̣ugu Mahanaim-mik.#32.2 Hebrew-t uqaluŋanni Mahanaim-gum sivuniŋa: “Nullaummiviik”
3Jacob kiliksiyyaqtitchiŋaruq sivumiñi aniqanmiñun Esau-mun, Seir-m nunaŋani, nunaqpaŋani Edom. 4Piraksriŋagaich inna uqallaquvlugich: “Uvaŋa, Jacob, kamaksrisuuruaq kivgaġiran, uqaqtuŋa umialimnun Esau-mun itqatigiŋagiga uvva Laban suli utiqsakaŋiñŋaruŋa uvva akkupagmuaglaan. 5Pamiqsaaqaqtuŋa, kakaktinik, imnaiñik, nagrulignik, suli kivganik. Uvva tilisiruŋa uqautitquvlutin, aŋuun, iviġaummatiniqugaluaqłutin uvamnun.”
6Kiliksiyyaqtuat utiġamiŋ Jacob-mun, uqallaktut, “Ullaktaqput aniqatin Esau, aasii amma qaisaaniktuq kasuġiaqsaqłutin. Piqatiqaqtuq 400-tun iñugiaktigiruanik aŋutinik.” 7Jacob iqsiḷiŋaruq suli isumaalutchakhuni; aviŋagaich piqatigirani iñuich malġuigułługich, suli imnaich, nagrulgich, pamiqsaat, suli pikukturuat. 8Isumaruq, “Esau-m qaiḷuni aŋuyakpagich sivulliuruat, alġaiŋich pigruġlutiŋ qimallaniaġugnaqtut.”
9Tavraasii Jacob aŋaiyyuŋaruq, “God-auruatiin aappaalumnun Abraham-mun suli God-auruatin aapamnun Isaac-mun, tusaaŋŋa! Uqallautiŋagiŋma, Ataniiq, utiquvluŋa nanmiñiq nunagiramnun suli iḷamnun, suli ilvich sunapayaaq iluaġlugu itinniaġniŋagiñ uvamnun. 10Nalliummatiŋitchuŋa iluqaanun nakuuniġnun suli piŋitqataaŋiññiġnun maniraġnun uvamnun, kivgauruamun iliŋnun. Ikaaŋagiga Jordan sumik piqaŋił̣ł̣uŋa allaagun ayauppiaġiraġma, tavraasii uvva utiqtuŋa piqatigivlugich ukua malġuiguruat. 11Annautiŋŋa, aŋaiyyuruŋa, aniqatimniñ Esau-miñ. Iqsiruŋa—sivuuġaruŋa qaiñasugalugu suksraunġiġiaġluta iluqata, aġnallu miqłiqtullu. 12#Gn 22.17.Itqaumalutin unniqsuqłiiŋagiŋma sunapayaaq iłuaġlugu uvamnun inniaġnivḷugu suli iñugiaktuanik kiŋuvaanigniaġnivḷuŋa kia unnii kisitanikkumiñaisaŋiññik, iñugiaktigilutiŋ qaviatun taġium siñaaniittuatun.”
13Unnuiganikami tavrani, Jacob naliġaŋaruq pamiqsaagutimiñiñ aitchuutiksramiñik aniqanmiñun Esau-mun: 14200-nik aġnasallunik nagrulignik, iñuiññatun (20) iñugiaktigiruanik aŋusallunik, 200-nik aġnasallunik imnaiñik, iñuiññatullu (20) iñugiaktigiruanik aŋusallunik, 15iñuiññaq quliñik (30) pikukturuanik, miluktitchiruanik, piqatigivlugich piayaaŋich, malġukipianik (40) immulivigñik, quliniglu aŋusallunik, iñuiññatun (20) iñugiaktigiruanik aġnasallunik kakaktinik quliñiglu aŋusallunik. 16Qavsiuttaqługich iliŋiguallaaniġaich aasii kivgaġiramiñik qaunaksriḷiḷḷaavlugich. Uqallautiŋaniġaich, “Sivulliusitchi uvamniñ aullaġitchi, akunniqallaalugich kanŋullaat aquliġaġiiksuat.” 17Piraksriiruq sivulliuruamun kivgamun, “Aniqatigma Esau-m kasuqpasi suli apiġilusi, ‘Kiña umialigiviuŋ? Sumuaqsivisi? Kia makua niġrutiŋich sivuqqavsiññiittuat?’ 18kiuruksraġigiñ, ‘Pigigaich kivgaġiraqpich Jacob-gum. Tuyuġigaich aitchuutigisaqługich umialigmiñun Esau-mun, Jacob amma ilaa aquuraptinniittuq.’” 19Tainnasuli piraksriŋagaa tugliġiraŋa, piŋayuallu, suli iluqaisa aullariruat kanŋuuruanik: “Inna uqallautiruksraġigiksi Esau kasuġuvsiuŋ. 20Uqallakkisirusi, ‘Aaŋ, kivgaġiraqpich Jacob-gum aquliraġaatigut.’” Jacob isumaruq, “Qinnaŋaipayaaqtinniaġiga aitchuutigirapkun, aasii kasuġupku, suagguuq suliqutigiŋaiġñiaġaaŋa.” 21Aullaqtinŋagaich aitchuutigirani sivumiñi aasii unnuivḷuni nullaqłutiŋ.
Jacob Suġuqatiqaġman Peniel-mi
22Tavrani unnuami Jacob makinŋaruq, kaluqługik nuliagni, malġuk aġnak kivgagni, suli qulit atausiq (11) miqłiqtuni, aasii ikaaqługu Jabbok River. 23Ikaaqtitanikamigich, ikaaqtinŋamiñigaich iluqaisa ilaata suġaliġirani, 24#Ho 12.3, 4.aglaan ilaa uniktinŋaruq, kisiŋŋuqłuni.
Tavraasii aŋun qaiŋaruq aasii suġuqatigiaqsivḷugu uvlaaġiaġataqtillugu. 25Aŋun iḷitchuġikami akimaniaŋisilaamiñik, anaugaa Jacob sivyaaŋagun, aasii uniuqtiłługu. 26Aŋutim uqallautigaa, “Pilinŋa; uvluaqsiruq imma.”
“Pilinniaŋitkikpiñ, aitchuŋaunnaŋa piḷḷuatautiksramnik,” Jacob-gum kiugaa.
27“Kimik atiqaqpich?” aŋutim apiqsruġaa.
“Jacob,” ilaata kiugaa.
28 #
Gn 35.10. Aŋun uqallaktuq, “Atiġiŋaiġñiaġiñ Jacob. Suġuqatiqaŋarutin uvva God-mik suli iñugnik, aasii akimavlutin; tavraasii atiqaġniaqtutin Israel-mik.”#32.28 Hebrew-t uqaluŋanni Israel-gum sivuniŋa: “Suġuqatiqaŋaruq God-mik.”
29 #
Judg 13.17, 18. Jacob uqallaktuq, “Uqallautiŋŋali ilvich atiġnik.”
Aglaan ilaata kiugaa, “Summan iḷisimasukpiuŋ atiġa?” Tavraasii qaitchiŋagaa quviasaaġunmik Jacob tavrani.
30Jacob uqallaktuq, “Qiñiŋagiga God tavruŋa, suli uvva iñuuvluŋasuli”; tavraasii atchiŋagaa taamna ini Peniel-mik.#32.30 Hebrew-t uqaluŋanni Peniel-gum sivuniŋa: “Kiiñaŋa God-im.” 31Siqiñiq nuiḷġataŋaruq Jacob aullaqimmiuġlu Peniel-miñ, aasii tusianŋaruq pisigivlugu sivyaani. 32Paŋmamuaglaan kiŋuvaaŋisa Israel niġiḷaiñŋagaat niqaa mumiġum navyaaŋanun ataruam kuutchiñagmun, qanukkii tavruuna nukiŋagun Jacob anaurauŋavluni.
Currently Selected:
Genesis 32: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Genesis 32
32
Jacob-gum Kasuqsaġumaalliġaa Esau
1Jacob aullaqimmiuġlu, isaġulgich kasuŋagaat. 2Tautukkamigich, uqallaktuq, “Uvvauna God-im nullaummiviginiġaa”; tavraasii atchiqł̣ugu Mahanaim-mik.#32.2 Hebrew-t uqaluŋanni Mahanaim-gum sivuniŋa: “Nullaummiviik”
3Jacob kiliksiyyaqtitchiŋaruq sivumiñi aniqanmiñun Esau-mun, Seir-m nunaŋani, nunaqpaŋani Edom. 4Piraksriŋagaich inna uqallaquvlugich: “Uvaŋa, Jacob, kamaksrisuuruaq kivgaġiran, uqaqtuŋa umialimnun Esau-mun itqatigiŋagiga uvva Laban suli utiqsakaŋiñŋaruŋa uvva akkupagmuaglaan. 5Pamiqsaaqaqtuŋa, kakaktinik, imnaiñik, nagrulignik, suli kivganik. Uvva tilisiruŋa uqautitquvlutin, aŋuun, iviġaummatiniqugaluaqłutin uvamnun.”
6Kiliksiyyaqtuat utiġamiŋ Jacob-mun, uqallaktut, “Ullaktaqput aniqatin Esau, aasii amma qaisaaniktuq kasuġiaqsaqłutin. Piqatiqaqtuq 400-tun iñugiaktigiruanik aŋutinik.” 7Jacob iqsiḷiŋaruq suli isumaalutchakhuni; aviŋagaich piqatigirani iñuich malġuigułługich, suli imnaich, nagrulgich, pamiqsaat, suli pikukturuat. 8Isumaruq, “Esau-m qaiḷuni aŋuyakpagich sivulliuruat, alġaiŋich pigruġlutiŋ qimallaniaġugnaqtut.”
9Tavraasii Jacob aŋaiyyuŋaruq, “God-auruatiin aappaalumnun Abraham-mun suli God-auruatin aapamnun Isaac-mun, tusaaŋŋa! Uqallautiŋagiŋma, Ataniiq, utiquvluŋa nanmiñiq nunagiramnun suli iḷamnun, suli ilvich sunapayaaq iluaġlugu itinniaġniŋagiñ uvamnun. 10Nalliummatiŋitchuŋa iluqaanun nakuuniġnun suli piŋitqataaŋiññiġnun maniraġnun uvamnun, kivgauruamun iliŋnun. Ikaaŋagiga Jordan sumik piqaŋił̣ł̣uŋa allaagun ayauppiaġiraġma, tavraasii uvva utiqtuŋa piqatigivlugich ukua malġuiguruat. 11Annautiŋŋa, aŋaiyyuruŋa, aniqatimniñ Esau-miñ. Iqsiruŋa—sivuuġaruŋa qaiñasugalugu suksraunġiġiaġluta iluqata, aġnallu miqłiqtullu. 12#Gn 22.17.Itqaumalutin unniqsuqłiiŋagiŋma sunapayaaq iłuaġlugu uvamnun inniaġnivḷugu suli iñugiaktuanik kiŋuvaanigniaġnivḷuŋa kia unnii kisitanikkumiñaisaŋiññik, iñugiaktigilutiŋ qaviatun taġium siñaaniittuatun.”
13Unnuiganikami tavrani, Jacob naliġaŋaruq pamiqsaagutimiñiñ aitchuutiksramiñik aniqanmiñun Esau-mun: 14200-nik aġnasallunik nagrulignik, iñuiññatun (20) iñugiaktigiruanik aŋusallunik, 200-nik aġnasallunik imnaiñik, iñuiññatullu (20) iñugiaktigiruanik aŋusallunik, 15iñuiññaq quliñik (30) pikukturuanik, miluktitchiruanik, piqatigivlugich piayaaŋich, malġukipianik (40) immulivigñik, quliniglu aŋusallunik, iñuiññatun (20) iñugiaktigiruanik aġnasallunik kakaktinik quliñiglu aŋusallunik. 16Qavsiuttaqługich iliŋiguallaaniġaich aasii kivgaġiramiñik qaunaksriḷiḷḷaavlugich. Uqallautiŋaniġaich, “Sivulliusitchi uvamniñ aullaġitchi, akunniqallaalugich kanŋullaat aquliġaġiiksuat.” 17Piraksriiruq sivulliuruamun kivgamun, “Aniqatigma Esau-m kasuqpasi suli apiġilusi, ‘Kiña umialigiviuŋ? Sumuaqsivisi? Kia makua niġrutiŋich sivuqqavsiññiittuat?’ 18kiuruksraġigiñ, ‘Pigigaich kivgaġiraqpich Jacob-gum. Tuyuġigaich aitchuutigisaqługich umialigmiñun Esau-mun, Jacob amma ilaa aquuraptinniittuq.’” 19Tainnasuli piraksriŋagaa tugliġiraŋa, piŋayuallu, suli iluqaisa aullariruat kanŋuuruanik: “Inna uqallautiruksraġigiksi Esau kasuġuvsiuŋ. 20Uqallakkisirusi, ‘Aaŋ, kivgaġiraqpich Jacob-gum aquliraġaatigut.’” Jacob isumaruq, “Qinnaŋaipayaaqtinniaġiga aitchuutigirapkun, aasii kasuġupku, suagguuq suliqutigiŋaiġñiaġaaŋa.” 21Aullaqtinŋagaich aitchuutigirani sivumiñi aasii unnuivḷuni nullaqłutiŋ.
Jacob Suġuqatiqaġman Peniel-mi
22Tavrani unnuami Jacob makinŋaruq, kaluqługik nuliagni, malġuk aġnak kivgagni, suli qulit atausiq (11) miqłiqtuni, aasii ikaaqługu Jabbok River. 23Ikaaqtitanikamigich, ikaaqtinŋamiñigaich iluqaisa ilaata suġaliġirani, 24#Ho 12.3, 4.aglaan ilaa uniktinŋaruq, kisiŋŋuqłuni.
Tavraasii aŋun qaiŋaruq aasii suġuqatigiaqsivḷugu uvlaaġiaġataqtillugu. 25Aŋun iḷitchuġikami akimaniaŋisilaamiñik, anaugaa Jacob sivyaaŋagun, aasii uniuqtiłługu. 26Aŋutim uqallautigaa, “Pilinŋa; uvluaqsiruq imma.”
“Pilinniaŋitkikpiñ, aitchuŋaunnaŋa piḷḷuatautiksramnik,” Jacob-gum kiugaa.
27“Kimik atiqaqpich?” aŋutim apiqsruġaa.
“Jacob,” ilaata kiugaa.
28 #
Gn 35.10. Aŋun uqallaktuq, “Atiġiŋaiġñiaġiñ Jacob. Suġuqatiqaŋarutin uvva God-mik suli iñugnik, aasii akimavlutin; tavraasii atiqaġniaqtutin Israel-mik.”#32.28 Hebrew-t uqaluŋanni Israel-gum sivuniŋa: “Suġuqatiqaŋaruq God-mik.”
29 #
Judg 13.17, 18. Jacob uqallaktuq, “Uqallautiŋŋali ilvich atiġnik.”
Aglaan ilaata kiugaa, “Summan iḷisimasukpiuŋ atiġa?” Tavraasii qaitchiŋagaa quviasaaġunmik Jacob tavrani.
30Jacob uqallaktuq, “Qiñiŋagiga God tavruŋa, suli uvva iñuuvluŋasuli”; tavraasii atchiŋagaa taamna ini Peniel-mik.#32.30 Hebrew-t uqaluŋanni Peniel-gum sivuniŋa: “Kiiñaŋa God-im.” 31Siqiñiq nuiḷġataŋaruq Jacob aullaqimmiuġlu Peniel-miñ, aasii tusianŋaruq pisigivlugu sivyaani. 32Paŋmamuaglaan kiŋuvaaŋisa Israel niġiḷaiñŋagaat niqaa mumiġum navyaaŋanun ataruam kuutchiñagmun, qanukkii tavruuna nukiŋagun Jacob anaurauŋavluni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)