Genesis 44
44
Piitchuaq Qallun
1Joseph-gum piraksriġaa kivgauruaq qaukłiuvluni igluani, “Immiqsaġitin aŋutit puuŋich niqinik tigumialgutilauraŋisitun, aasii iḷiḷugich iñullaam maniŋich qaaŋannun puuŋisa. 2Iḷuanuglugu qallutiga qatiqtuamik manigmik piḷiaq nukaqłiuruam aniqatiŋata puuŋanun, maniŋalu palauvaksraqtaaŋiñun.” Ilaa kamaksriŋaruq uqallausiamisun. 3Uvlaatchaurami aniqatigiich aullaqtitkaich kakaktiŋiḷḷu. 4Aullaqianigmiullu uŋasiksigaluaġnagu iniqpak, Joseph uqallaktuq kivgauruamun qaukłiuvluni igluani, “Qilamik malikatakkich taavapkua aŋutit. Aŋugupkich, apiġisaġitin, ‘Summan uvva akisaqpisi pigiitchuamik nakuuruamun? 5Summan uvva tiglikpisiuŋ umialigma qallutaa qatiqtuamik manigmik piḷiaq? Imiġvigisuuraŋa, atuġuuraŋalu iḷitchuġisukkami nalautitchumaaqtuanik. Piaġiipiaġataqtuamik uvva savaktusi!’”
6Kivgauruam aŋugamigich, uqallausiġitqiŋagaich iliŋiññuñ. 7Iliŋisa kiugaat, “Sumik uvva sivuniqaqługu uqaqpich, aŋuun, tainna uqaqavich? Tainnasimik uvagut savaŋaipiaġataqtugut. 8Iḷisimarutin utqurriŋatilaaptinnik nunaŋaniñ Canaan manigñik paqittaptinnik qaaŋanni puuġirapta. Summan suli tigligniaġmivisa qatiqtuanik naakka kaviqsuanik manigñik qaukłiqpich igluaniñ? 9Aŋuun, nalliptinni paqitauniqpan, ilaa tuqutauyumauq, aasii uvagut kivgaġuġniaqtugut iliŋnun.”
10Ilaa uqallaktuq, “Iłuaġigiga; aglaan kisimi piŋaruaq qallunmik kivgaġuġniaqtuq, aasii ilivsi aullaġumiñaqtusi atanniqsimaraiḷḷusi.” 11Tavraasii atqaqtualukkaich puutiŋ nunamun, aasii iñullaam agmaqługu puuġirani. 12Joseph-gum kivgaŋa ivaqłiñagutiruq qaunakłaaqhuni, aŋayukłiġmiñ aasii aqulliġivlugu nukaqłiq, aasii qallun paqiłługu Benjamin-gum puuġiraŋani. 13Aniqatigiiksuaguruat aliganagutigaich annuġaatiŋ isumaaqhutiŋ, usiḷḷiivḷugich kakaktitiŋ, aasii utiqhutiŋ inauruamun.
14Judah-lu aniqatiiniḷu qaimmata Joseph igluanun, tavraniinniqsuqsuli. Puttut sivuġaanun, 15aasii Joseph uqallaktuq, “Sumik imña savagniqpisi? Naluvisi tavra iñuk inimni ittuaq iḷitchuġiyumiñaqtilaaŋanik ilivsigun atuġlugu nalautchuġaġniq sunik iḷisimasuktuni?”
16“Sumik uqallautiksraqaġumiñaqpisa iliŋnun, aŋuun?” Judah-m kiugaa. “Qanuġluta kiggutiqaġniaqpisa? Qanuġluta patchisaiġñiaqpisa uvaptinnik? God-im uvva taluiġaa killukkuaġutikput. Iluqata uvva kivgaġiliutigivsigut suli kisianŋił̣aaq qallunmik paqirvigiraa.”
17Joseph uqallaktuq, “Naumi! Tainna uvaŋa piyumiñaipiaqtuŋa! Kisian qallutiqaqtuaq kivgaġiniaġiga. Ilivsiasii utiġumiñaqtusi aapavsiññun surruiḷḷusi.”
Judah Apiqsriruq Benjamin Pisigivlugu
18Judah-m ullakługu Joseph uqallaktuq, “Apiġigikpiñ aŋuun, uqaqatigillaglakpiñ. Uumisuutinaŋa; ilvich uvva ilaatun umialiktun ittutin. 19Aŋuun, apiġiravsigut, ‘Aapaqaqpisi naakka allamik aniqatiqaqpisi?’ 20Kiuŋagiptigiñ, ‘Aapaqaqtugut utuqqanaaġuŋaruamik suli nukaaluqaqłuta, ilaanun aniŋaruamik utuqqalianikkami. Nukatpiaġruum aniqataa tuquŋaruq, aasii uvva kisimi iñuuruq aakami miqłiqtuŋigñi; aapaŋata nakuaġiqpakkaa.’ 21Aŋuun, ilvich uvva qaġġisuutitquran mauŋa, tautugukługu, 22kiuŋagiptigiñ nukatpiaġrugmun unitchumiñaiññivḷugu aapani, unisuaqpani, aapaŋa tuquniaqtuq. 23Tavraasii uqallaŋarutin, ‘Isitqikkumiñaitchusi sivuġamnun nukaqłiq aniqatiksi qaiqatigiŋaunnagu.’
24“Utiqapta aapaptinnun, uqautiŋagikput uqalugiraġnik. 25Tavra ilaata uqallautiŋagaatigut utiġluta tauqsiġiaquvluta niqiłauranik. 26Kiuŋagikput, ‘Aullaġumiñaitchugut; isiqtitchumiñaitkaatigut aŋutim sivuġaanun piqatigiŋitkuptigu nukaalukput nukaqłiq. Aullaġumiñatualuktugut nukaqłium nukaalupta aullaqatigikpatigut.’ 27Aapapta uqallautigaatigut, ‘Iḷisimarusi tuvaaqanma Rachel iġñiqaqtinŋagaaŋa malġutualuugnik. 28Igḷuata imma unisaniŋagaaŋa. Imma siqumitauŋasugnaqtuq qavsiułługu niġrułłuktigun, qanukkii uvva tautuŋaitkiga aullaġmanqaŋa. 29Aullautituaġuvsiuŋ una paŋmami aasii sum pimaqłukpauŋ, isumaaqtitkuvsiŋa tuqusiññauruŋa, utuqqaliqpaŋavluŋa.’”
30-31Judah uqavsaaqtuq, “Tavraasii, aŋuun, utiġuma aapamnun piqatigiŋiḷḷugu nukatpiaġruk, tautupqauraġumi nukatpiaġruk piqatigiŋisilaaŋanik uvamnun, tuquniaqtuq. Iñuusimiñi iñuggutigitualukkaa nukatpiaġruni, utuqqaliŋavaił̣ł̣uni isumaaqtitaugumi tuquniaqtuq. 32Uvvasuli, unniqsuqłiisigiŋagiga uvaŋa iñuggutiga aapamnun nukatpiaġruum iñuggutaanun. Uqallautigiga utqutiŋisuaġupku nukatpiaġruk ilaanun, uvaŋa patchisauniaqtuŋa iñuuniqtutilaaptun. 33Aasii tavra, aŋuun, Uvaŋa maaniinniaqtuŋa kivgauluŋa iliŋnun inaani nukatpiaġruum; utiqłi aniqatiiñilu. 34Qanuġluŋa utiġniaqpik aapamnun nukatpiaġruk piqatigiŋiḷḷugu? Manimmiḷguniaŋitkiga iłuiḷḷiuġutiqpak igḷutuaqsikpauŋ aapagma.”
Currently Selected:
Genesis 44: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Genesis 44
44
Piitchuaq Qallun
1Joseph-gum piraksriġaa kivgauruaq qaukłiuvluni igluani, “Immiqsaġitin aŋutit puuŋich niqinik tigumialgutilauraŋisitun, aasii iḷiḷugich iñullaam maniŋich qaaŋannun puuŋisa. 2Iḷuanuglugu qallutiga qatiqtuamik manigmik piḷiaq nukaqłiuruam aniqatiŋata puuŋanun, maniŋalu palauvaksraqtaaŋiñun.” Ilaa kamaksriŋaruq uqallausiamisun. 3Uvlaatchaurami aniqatigiich aullaqtitkaich kakaktiŋiḷḷu. 4Aullaqianigmiullu uŋasiksigaluaġnagu iniqpak, Joseph uqallaktuq kivgauruamun qaukłiuvluni igluani, “Qilamik malikatakkich taavapkua aŋutit. Aŋugupkich, apiġisaġitin, ‘Summan uvva akisaqpisi pigiitchuamik nakuuruamun? 5Summan uvva tiglikpisiuŋ umialigma qallutaa qatiqtuamik manigmik piḷiaq? Imiġvigisuuraŋa, atuġuuraŋalu iḷitchuġisukkami nalautitchumaaqtuanik. Piaġiipiaġataqtuamik uvva savaktusi!’”
6Kivgauruam aŋugamigich, uqallausiġitqiŋagaich iliŋiññuñ. 7Iliŋisa kiugaat, “Sumik uvva sivuniqaqługu uqaqpich, aŋuun, tainna uqaqavich? Tainnasimik uvagut savaŋaipiaġataqtugut. 8Iḷisimarutin utqurriŋatilaaptinnik nunaŋaniñ Canaan manigñik paqittaptinnik qaaŋanni puuġirapta. Summan suli tigligniaġmivisa qatiqtuanik naakka kaviqsuanik manigñik qaukłiqpich igluaniñ? 9Aŋuun, nalliptinni paqitauniqpan, ilaa tuqutauyumauq, aasii uvagut kivgaġuġniaqtugut iliŋnun.”
10Ilaa uqallaktuq, “Iłuaġigiga; aglaan kisimi piŋaruaq qallunmik kivgaġuġniaqtuq, aasii ilivsi aullaġumiñaqtusi atanniqsimaraiḷḷusi.” 11Tavraasii atqaqtualukkaich puutiŋ nunamun, aasii iñullaam agmaqługu puuġirani. 12Joseph-gum kivgaŋa ivaqłiñagutiruq qaunakłaaqhuni, aŋayukłiġmiñ aasii aqulliġivlugu nukaqłiq, aasii qallun paqiłługu Benjamin-gum puuġiraŋani. 13Aniqatigiiksuaguruat aliganagutigaich annuġaatiŋ isumaaqhutiŋ, usiḷḷiivḷugich kakaktitiŋ, aasii utiqhutiŋ inauruamun.
14Judah-lu aniqatiiniḷu qaimmata Joseph igluanun, tavraniinniqsuqsuli. Puttut sivuġaanun, 15aasii Joseph uqallaktuq, “Sumik imña savagniqpisi? Naluvisi tavra iñuk inimni ittuaq iḷitchuġiyumiñaqtilaaŋanik ilivsigun atuġlugu nalautchuġaġniq sunik iḷisimasuktuni?”
16“Sumik uqallautiksraqaġumiñaqpisa iliŋnun, aŋuun?” Judah-m kiugaa. “Qanuġluta kiggutiqaġniaqpisa? Qanuġluta patchisaiġñiaqpisa uvaptinnik? God-im uvva taluiġaa killukkuaġutikput. Iluqata uvva kivgaġiliutigivsigut suli kisianŋił̣aaq qallunmik paqirvigiraa.”
17Joseph uqallaktuq, “Naumi! Tainna uvaŋa piyumiñaipiaqtuŋa! Kisian qallutiqaqtuaq kivgaġiniaġiga. Ilivsiasii utiġumiñaqtusi aapavsiññun surruiḷḷusi.”
Judah Apiqsriruq Benjamin Pisigivlugu
18Judah-m ullakługu Joseph uqallaktuq, “Apiġigikpiñ aŋuun, uqaqatigillaglakpiñ. Uumisuutinaŋa; ilvich uvva ilaatun umialiktun ittutin. 19Aŋuun, apiġiravsigut, ‘Aapaqaqpisi naakka allamik aniqatiqaqpisi?’ 20Kiuŋagiptigiñ, ‘Aapaqaqtugut utuqqanaaġuŋaruamik suli nukaaluqaqłuta, ilaanun aniŋaruamik utuqqalianikkami. Nukatpiaġruum aniqataa tuquŋaruq, aasii uvva kisimi iñuuruq aakami miqłiqtuŋigñi; aapaŋata nakuaġiqpakkaa.’ 21Aŋuun, ilvich uvva qaġġisuutitquran mauŋa, tautugukługu, 22kiuŋagiptigiñ nukatpiaġrugmun unitchumiñaiññivḷugu aapani, unisuaqpani, aapaŋa tuquniaqtuq. 23Tavraasii uqallaŋarutin, ‘Isitqikkumiñaitchusi sivuġamnun nukaqłiq aniqatiksi qaiqatigiŋaunnagu.’
24“Utiqapta aapaptinnun, uqautiŋagikput uqalugiraġnik. 25Tavra ilaata uqallautiŋagaatigut utiġluta tauqsiġiaquvluta niqiłauranik. 26Kiuŋagikput, ‘Aullaġumiñaitchugut; isiqtitchumiñaitkaatigut aŋutim sivuġaanun piqatigiŋitkuptigu nukaalukput nukaqłiq. Aullaġumiñatualuktugut nukaqłium nukaalupta aullaqatigikpatigut.’ 27Aapapta uqallautigaatigut, ‘Iḷisimarusi tuvaaqanma Rachel iġñiqaqtinŋagaaŋa malġutualuugnik. 28Igḷuata imma unisaniŋagaaŋa. Imma siqumitauŋasugnaqtuq qavsiułługu niġrułłuktigun, qanukkii uvva tautuŋaitkiga aullaġmanqaŋa. 29Aullautituaġuvsiuŋ una paŋmami aasii sum pimaqłukpauŋ, isumaaqtitkuvsiŋa tuqusiññauruŋa, utuqqaliqpaŋavluŋa.’”
30-31Judah uqavsaaqtuq, “Tavraasii, aŋuun, utiġuma aapamnun piqatigiŋiḷḷugu nukatpiaġruk, tautupqauraġumi nukatpiaġruk piqatigiŋisilaaŋanik uvamnun, tuquniaqtuq. Iñuusimiñi iñuggutigitualukkaa nukatpiaġruni, utuqqaliŋavaił̣ł̣uni isumaaqtitaugumi tuquniaqtuq. 32Uvvasuli, unniqsuqłiisigiŋagiga uvaŋa iñuggutiga aapamnun nukatpiaġruum iñuggutaanun. Uqallautigiga utqutiŋisuaġupku nukatpiaġruk ilaanun, uvaŋa patchisauniaqtuŋa iñuuniqtutilaaptun. 33Aasii tavra, aŋuun, Uvaŋa maaniinniaqtuŋa kivgauluŋa iliŋnun inaani nukatpiaġruum; utiqłi aniqatiiñilu. 34Qanuġluŋa utiġniaqpik aapamnun nukatpiaġruk piqatigiŋiḷḷugu? Manimmiḷguniaŋitkiga iłuiḷḷiuġutiqpak igḷutuaqsikpauŋ aapagma.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)