Wambeela 10
10
Milogo dha ahima a Nowe
1Ola mwaha wa ahima a Nowe: Semu, Kami ni Zhafeti ni aniiwa, ayene yabaliwe ogavirile mudhidhi wa mahinje majinji.
Nlogo na aZhafeti
2Ahima a Zhafeti yaali: Goomeri, Magogi, Madayi, Yavani, Tubali, Mexeki ni Tirasi.
3Ahima a Goomeri yaali Axekenazi, Rifati ni Togaarima.
4Ahima a Yavani yaali: Elixa, Tarixixi, Kitiimi ni Rodanimu.
5Mwa alena fwakumile milogo dhaatedhene omaga okobela wa nyaza. Nlogo ni nlogo nookanna elabo yeewa, mu ewogelo weewa ni athu eewa.
Nlogo na aKami
6Ahima a Kami yaali: Kuxi, Egubuddu,#10.6 Egubuddu Naari wi: Mizarayimi. Moone teto verisikulu 13. Puti ni Kanani.
7Ahima a Kuxi yaali: Seba, Havila, Sabita, Raama ni Sabiteka.
Ahima a Raama yaali: Xeba ni Deddani.
8Kuxi ola aali baabi a Niimiroddi, muliba olamula mulubale owambeela a mwiilaboni. 9Niimiroddi ola aali muliba osaya ookwaranya, akamihedhiwaga ni Nabwiya. Bu mwahaya enawogeliiwa, yiiraga: <<Oli muliba osaya ookwaranya, wona Niimiroddi akamihedhiwaga ni Nabwiya!>> 10Ola ahambeela olamula maluwa a Babeli, Ereki, Akaddi, ni Kaline mu elabo ya oXinari. 11Ovenya vevale oolamula o Axuuri, yahimaga maluwa a Ninive, Rehoboti-Iri, Kala, 12ni Reeseni. Reeseni aali vaari va Ninive ni nluwa nuulubale Kala.
13Egubuddu aali nikolo na aLudi, aAnami, aLehabi ni aNafetu, 14vamohi ni aPaturusi, aKaasuluhi, mwemo mwakumile aFilisti, ni aKafitori.
15Ahima a Kanani yaali: Sidoni, mwaanaye owambeela, ni Heti. 16Aali nikolo na aZhebusi, aAmori, aGirigaxi, 17aHevi, aAraki, aSini 18aArivadi, aZemari, ni aHamati. Musogolo mweewa, mahimo ala a ahima a Kanani yahimwadheya. 19Elabo yeewa yavenyile oSidoni, eyaaga dhipaddi dha oGerari, waaddamela oGaza, ofiyedha oSoddoma, oGomora, oAdama ni oZeboyiimi, ofiyedha epaddi ya oLaxa.
20Baalena ahima a Kami. Nlogo ni nlogo nookanna mu ewogelo weewa, elabo yeewa, ni athu eewa.
Nlogo na aSemu
21Semu, ddibile mulubale a Zhafeti, ahaabala anaaye. Aali nikolo na ahima aatene a aHeberi.
22Ahima a Semu yaali: Elamu, Axuuri, Arifaxadi, Lude ni Aramu.
23Ahima a Aramu yaali: Uzi, Hula, Geteri ni Maxi.
24Arifaxadi aali baabi a Sala, vano Sala aali baabi a Heberi.
25Heberi aali baabi a ahima abiili, mmohi eethaniwa Pelegi vowi mu mudhidhi weewa athu yahimwadheliwa mwiilaboni, vano mmohi eethaniwa Zhokitani.
26Zhokitani aali baabi a: Alimodadi, Xelefe, Hazaremaveti, Zhera, 27Hadoramu, Uzali, Dikila, 28Obali, Abimayeli, Xeba, 29Ofiri, Havila ni Yobabe. Aatene alena yaali ahima a Zhokitani.
30Yamagile elabo eyene yavenyile oMexa ofiyedha oSefari, elabo ya mwaango epaddi ya wewo onakuma nduwa.
31Baalena ahima a Semu. Nlogo ni nlogo nookanna mu ewogelo weewa, elabo yeewa ni athu eewa.
32Nda milogo dha ahima a Nowe, wona mapadduwelo a athu eewa. Mwa alena fwakumiliwa athu a elabo ya vati egavirile mahinje majinji.
Currently Selected:
Wambeela 10: tke
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
