Wambeela 19
19
Angero abiili vaade va Lothi
1Angero ale abiili yahifiyaga oSoddoma ogasiguwile, Lothi agakaraatile vamulago va nluwa ndde.#19.1 Muthu mmohi agakaraatile vamulago va nluwa enatapulela wi muthu ola aali oofuneya. Apogo, aliba nagooso ni akadda guveruno bakaraativo. Agawoonile edhaaga, ahivenyaga waathamagela, okokora oworomela vati, 2wiira: <<Mugirumeedhe wi mvolowe mba mwa namalaba eenyu ola, muhuwe manyalo eenyu, mugone veva. Vano menselo bebehi, muneere owelela olenddo weenyu>>. Aliwa yahimwaakulaga, wiira: <<Naari, hiyo nnaya nagone murampani>>. 3Mbwenye Lothi ahaakalelaga ntidi, waaloba yahirumeedhaga odhowa owaniwa. Lothi ahisasanyedhaga yooja yapama, woosa mukaathe dhoohuhela emela, aleddo ale oja.
4Mbwenye ehinadhowe omagonelo, alobwana aatene a nluwa na oSoddoma, azombwe ni owuuluvala, ahihalile mmohi naariwene, yahaapeelelaga nyuba ya Lothi. 5Omwiithanaga, yiiraga: <<Eli wuuvi alobwana evolowile mba mwaawo mahiyu alena? Waakumihedhe vaade va, hiyo nnafuna naagonihe>>. 6Lothi ahikumelaga vaade, ofuga musiwo, 7wiira: <<Akwaaga, ginowuulobani wi muhusasanyevo yego yowindo yootakala. 8Muhunona wi gihikalana ahima aaga abiili, ayene ehiteliwe. Mwafuna ginowaakumiha wi nyoovo mwawiirele eyene munafuniinyu. Mbwenye wa alobwana ala kamwawiirele yego, edheele ohaya vaade vaaga>>.#19.8 Elemeelelo ya mweeddelo ole yaali yowi mwiinya a vaade awiing'anelege aleddo naari ofiyedha oveleela egumi yaaye. Ohiya wi aakwele aleddo, Lothi ahaavaha anamurala anaaye, yego yootakala vajinji vameentoni va Mulugu. 9Athu ale yahimwaakulaga, wiira: <<Ovenyevo! We oli mwanaweendda, onafuna onilamulege? Nnowuwooniha goyi waakwaranya athu aawo ayene!>> Yahimutukumaga Lothi omudhowiha vamulago wi epwese musiwo. 10Vevale aleddo alene yahimuthukulaga Lothi omvolosiha mba, ofugawo. 11Waara wuulubale wahaarurumusaga alobwana a oSoddoma ale yarijilege nyuba ya Lothi, yahiribiwaga wiintoni, wambeela wa ang'onong'ono ofiyedha wa apogo eewa. Kayaandilege ohidda musiwo.
Woobowa wa Lothi ni obwanyuliwa wa Soddoma
12Aleddo ale yahiwogaga ni Lothi, wiira: <<Ohukalana anaawo muluwani mu? Ovenyevo mburo olena vamohi ni aatene ayene eli aawo, akamwene aawo, anaawo anaalobwana ni anaahiyana, ni dhego dhendo dhinniiwena. 13Hiyo nadheele onoonga nluwa nddi. Muladdu weewa ohutthabwa wunnuwa, ndala Nabwiya dinirumile onoonga>>. 14Lothi ahimaruwaga, odhowa wawaaddela azombwe aaye ayene yafuna waatela anaaye, wiira: <<Mvenyemo muluwani mu! Nabwiya ononoonga>>. Aliwa yoobuwelaga wi Lothi ooba mwaha.
15Bebeheene angero ale yahimvenyihaga Lothi ni ntidi, wiira: <<Waaguve ovenye, waakumihemo muluwani mu mwihiyanaawo ni ahima alena abiili winniiwena, waahifunaga wi olagiwe vamohi ni nluwa nddi>>. 16Alobwana ale vamooniligiiwa Lothi othigariga, yahimwihiddeelaga moono, oliye, mwihiyanaaye, ni anaaye abiili, yahaakumihedhaga ode wa nluwa ndde. Yahiirana ndale mwaha wa thagaraga dha Nabwiya. 17Egavenyilemo muluwani mule, mmohi wa alene ahiwogaga ni Lothi, wiira: <<Othawe! Ohusugwe mundduli wi ovuluwe, ohukale vakukuuve, othawele omwaangoni wi ohufwanyiwe>>.
18Mbwenye Lothi ahawaakulaga, wiira: <<Ginowuulobani. 19Muhugiirela yapama, miyo namalaba eenyu, vano muhuvulusa egumi yaaga ni mahala. Mbwenye kaginaakale oothawela omwaangoni vowi yowoopiha enadha egifwanye, gihinafiye, gikwe. 20Vakukuuve va vihikala nluwa ning'onong'ono. Githawele wewo wi goobowe, nluwa ning'onong'onoove!>> 21Mulobwana ole ahimwaakulaga, wiira: <<Ginowuuvaha yooloba yaawo vano kaginapahula nluwa nenddo niwogiliiwe. 22Vano waaguve othawele wewo, miyo kaginaanda wiirana yego ohuvolowile>>. Mwaha ola buulena nluwa ndde nneethaniwiiwa Zowari.#19.22 Zowari mu ewogelo ya eHeberi nneeweya wona: Mung'onong'ono.
23Lothi ahivolowaga oZowari nduwa nikumagawene. 24Ndala Nabwiya ahirubwiha odhulu mabwe oonukwa#19.24 Mabwe oonukwa ala eneethaniwa: enxofere. ni munddo oSoddoma ni oGomora. 25Yahaabwanyula maluwa alene ni elabweene, athu aatene yamagile mwemule ni manasi maatene. 26Vano, mwadha Lothi, ahisugwaga mundduli, ahitaduwa eruwa ya mwiinyu.
27Abarahamu ahimaruwaga bebeheene, ahidhowaga niburo nendde nawogiligiiye ni Nabwiya. 28Vasugwiligiiye dhipaddi dha oSoddoma ni oGomora ni elabo ele yaatene, ahoonaga mirabo dha mwiisi dhigwelaga wona mwiisi wa thukutha. 29Ndala Mulugu ahibwanyula maluwa a elabo elene, mbwenye ahuubuwelela dha Abarahamu, ahimvulusa Lothi mwa otolosiwa wa alene yamagile mmaluwani mule.
Ahima a Lothi
30Lothi ahimaruwaga oZowari, okalaga omwaangoni, okunguni vamohi ni anaaye ale abiili anaahiyana, vowi owoova okala oZowari.
31Nlabo nimohi mwaanaye amulubale ahiwoga ni ddibile a mung'onong'ono: <<Ababa ala ehuuluvala vano elabo ela kamuli mulobwana oonitela hiyo wona dhineereya elabo yaatene ya vati. 32Naalezelihe ababa wi nigonena wi aliwa enivahe ahima>>. 33Mahiyu alene yahimulezelihaga babiiwa, vano mwaana owambeela obaliwa ahimugonana. Mbwenye oliye kaanonile dha ogonana waaye, naari ovenyavo waaye. 34Omenseloni wiwa apogoya ole, ahiwogaga ni ddibile, wiira: <<Ndilo mahiyu miyo gihigona ni ababa. Naalezelihe teto peeno mahiyu, we waagonena wi oliye anivahe ahima>>. 35Mahiyu alene yahimulezelihaga, vano ddibile amung'onong'ono ahigonaga ni ababe. Mbwenye oliye kaanonile dha ogonana waaye, naari ovenyavo waaye. 36Ndala aabiileene ala yahirubalelihiwa ni babiiwa.
37Amulubale ahimbala mwaana-mulobwana, omuthwa ndina na Mowabe.#19.37 Mowabe mu ewogelo ya eHeberi nneeweya wona: Mwa ababa. Oyene aali nikolo na aMowabe, ayene eliwoove ofiyedha peeno. 38Amung'onong'onoya ahimbala teto mwaana-mulobwana, omuthwa ndina na Beni-Ami.#19.38 Beni-Ami nnatapulela Mwaana a emudhi yaaga. Oyene oli nikolo na aAmoni, ayene eliwoove ofiyedha peeno.#19.30-38 Lothi ahimunona Mulugu mbwenye asakulile okala vaari va athu oothega voolapela ni mutugumano woororomela. Naari Abarahamu agamukamihedhile, kaawelele okala vakukuuve ni oliye. Ahaalela anaaye vaari va athu oothega vano wewule yahiisakulela amweenddiiwa. Egathukuleliwe oluwani aali oolapelana ni anaaye ohiya owelela vaade va Abarahamu ni mutugumano wa Mulugu wi anaaye yaakalena amamuniwa. Lothi ahikalana dhoosakula dhijinji dhohaaddeleya. Teto peeno athu ajinji ehihiya mutugumano wa athu oweela wi ekalege vaari va anamathega, eli yoohurusa wiirihedha yoothega. Oraruwa yoothega ehiihiwe ni Mulugu mwa madhu ala: Levitiku 18.6-18; 20.11-21; Deteronomiyo 27.20-23; Ezekiyeli 22.11; AKorintu Owambeela 5.1.
Currently Selected:
Wambeela 19: tke
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Wambeela 19
19
Angero abiili vaade va Lothi
1Angero ale abiili yahifiyaga oSoddoma ogasiguwile, Lothi agakaraatile vamulago va nluwa ndde.#19.1 Muthu mmohi agakaraatile vamulago va nluwa enatapulela wi muthu ola aali oofuneya. Apogo, aliba nagooso ni akadda guveruno bakaraativo. Agawoonile edhaaga, ahivenyaga waathamagela, okokora oworomela vati, 2wiira: <<Mugirumeedhe wi mvolowe mba mwa namalaba eenyu ola, muhuwe manyalo eenyu, mugone veva. Vano menselo bebehi, muneere owelela olenddo weenyu>>. Aliwa yahimwaakulaga, wiira: <<Naari, hiyo nnaya nagone murampani>>. 3Mbwenye Lothi ahaakalelaga ntidi, waaloba yahirumeedhaga odhowa owaniwa. Lothi ahisasanyedhaga yooja yapama, woosa mukaathe dhoohuhela emela, aleddo ale oja.
4Mbwenye ehinadhowe omagonelo, alobwana aatene a nluwa na oSoddoma, azombwe ni owuuluvala, ahihalile mmohi naariwene, yahaapeelelaga nyuba ya Lothi. 5Omwiithanaga, yiiraga: <<Eli wuuvi alobwana evolowile mba mwaawo mahiyu alena? Waakumihedhe vaade va, hiyo nnafuna naagonihe>>. 6Lothi ahikumelaga vaade, ofuga musiwo, 7wiira: <<Akwaaga, ginowuulobani wi muhusasanyevo yego yowindo yootakala. 8Muhunona wi gihikalana ahima aaga abiili, ayene ehiteliwe. Mwafuna ginowaakumiha wi nyoovo mwawiirele eyene munafuniinyu. Mbwenye wa alobwana ala kamwawiirele yego, edheele ohaya vaade vaaga>>.#19.8 Elemeelelo ya mweeddelo ole yaali yowi mwiinya a vaade awiing'anelege aleddo naari ofiyedha oveleela egumi yaaye. Ohiya wi aakwele aleddo, Lothi ahaavaha anamurala anaaye, yego yootakala vajinji vameentoni va Mulugu. 9Athu ale yahimwaakulaga, wiira: <<Ovenyevo! We oli mwanaweendda, onafuna onilamulege? Nnowuwooniha goyi waakwaranya athu aawo ayene!>> Yahimutukumaga Lothi omudhowiha vamulago wi epwese musiwo. 10Vevale aleddo alene yahimuthukulaga Lothi omvolosiha mba, ofugawo. 11Waara wuulubale wahaarurumusaga alobwana a oSoddoma ale yarijilege nyuba ya Lothi, yahiribiwaga wiintoni, wambeela wa ang'onong'ono ofiyedha wa apogo eewa. Kayaandilege ohidda musiwo.
Woobowa wa Lothi ni obwanyuliwa wa Soddoma
12Aleddo ale yahiwogaga ni Lothi, wiira: <<Ohukalana anaawo muluwani mu? Ovenyevo mburo olena vamohi ni aatene ayene eli aawo, akamwene aawo, anaawo anaalobwana ni anaahiyana, ni dhego dhendo dhinniiwena. 13Hiyo nadheele onoonga nluwa nddi. Muladdu weewa ohutthabwa wunnuwa, ndala Nabwiya dinirumile onoonga>>. 14Lothi ahimaruwaga, odhowa wawaaddela azombwe aaye ayene yafuna waatela anaaye, wiira: <<Mvenyemo muluwani mu! Nabwiya ononoonga>>. Aliwa yoobuwelaga wi Lothi ooba mwaha.
15Bebeheene angero ale yahimvenyihaga Lothi ni ntidi, wiira: <<Waaguve ovenye, waakumihemo muluwani mu mwihiyanaawo ni ahima alena abiili winniiwena, waahifunaga wi olagiwe vamohi ni nluwa nddi>>. 16Alobwana ale vamooniligiiwa Lothi othigariga, yahimwihiddeelaga moono, oliye, mwihiyanaaye, ni anaaye abiili, yahaakumihedhaga ode wa nluwa ndde. Yahiirana ndale mwaha wa thagaraga dha Nabwiya. 17Egavenyilemo muluwani mule, mmohi wa alene ahiwogaga ni Lothi, wiira: <<Othawe! Ohusugwe mundduli wi ovuluwe, ohukale vakukuuve, othawele omwaangoni wi ohufwanyiwe>>.
18Mbwenye Lothi ahawaakulaga, wiira: <<Ginowuulobani. 19Muhugiirela yapama, miyo namalaba eenyu, vano muhuvulusa egumi yaaga ni mahala. Mbwenye kaginaakale oothawela omwaangoni vowi yowoopiha enadha egifwanye, gihinafiye, gikwe. 20Vakukuuve va vihikala nluwa ning'onong'ono. Githawele wewo wi goobowe, nluwa ning'onong'onoove!>> 21Mulobwana ole ahimwaakulaga, wiira: <<Ginowuuvaha yooloba yaawo vano kaginapahula nluwa nenddo niwogiliiwe. 22Vano waaguve othawele wewo, miyo kaginaanda wiirana yego ohuvolowile>>. Mwaha ola buulena nluwa ndde nneethaniwiiwa Zowari.#19.22 Zowari mu ewogelo ya eHeberi nneeweya wona: Mung'onong'ono.
23Lothi ahivolowaga oZowari nduwa nikumagawene. 24Ndala Nabwiya ahirubwiha odhulu mabwe oonukwa#19.24 Mabwe oonukwa ala eneethaniwa: enxofere. ni munddo oSoddoma ni oGomora. 25Yahaabwanyula maluwa alene ni elabweene, athu aatene yamagile mwemule ni manasi maatene. 26Vano, mwadha Lothi, ahisugwaga mundduli, ahitaduwa eruwa ya mwiinyu.
27Abarahamu ahimaruwaga bebeheene, ahidhowaga niburo nendde nawogiligiiye ni Nabwiya. 28Vasugwiligiiye dhipaddi dha oSoddoma ni oGomora ni elabo ele yaatene, ahoonaga mirabo dha mwiisi dhigwelaga wona mwiisi wa thukutha. 29Ndala Mulugu ahibwanyula maluwa a elabo elene, mbwenye ahuubuwelela dha Abarahamu, ahimvulusa Lothi mwa otolosiwa wa alene yamagile mmaluwani mule.
Ahima a Lothi
30Lothi ahimaruwaga oZowari, okalaga omwaangoni, okunguni vamohi ni anaaye ale abiili anaahiyana, vowi owoova okala oZowari.
31Nlabo nimohi mwaanaye amulubale ahiwoga ni ddibile a mung'onong'ono: <<Ababa ala ehuuluvala vano elabo ela kamuli mulobwana oonitela hiyo wona dhineereya elabo yaatene ya vati. 32Naalezelihe ababa wi nigonena wi aliwa enivahe ahima>>. 33Mahiyu alene yahimulezelihaga babiiwa, vano mwaana owambeela obaliwa ahimugonana. Mbwenye oliye kaanonile dha ogonana waaye, naari ovenyavo waaye. 34Omenseloni wiwa apogoya ole, ahiwogaga ni ddibile, wiira: <<Ndilo mahiyu miyo gihigona ni ababa. Naalezelihe teto peeno mahiyu, we waagonena wi oliye anivahe ahima>>. 35Mahiyu alene yahimulezelihaga, vano ddibile amung'onong'ono ahigonaga ni ababe. Mbwenye oliye kaanonile dha ogonana waaye, naari ovenyavo waaye. 36Ndala aabiileene ala yahirubalelihiwa ni babiiwa.
37Amulubale ahimbala mwaana-mulobwana, omuthwa ndina na Mowabe.#19.37 Mowabe mu ewogelo ya eHeberi nneeweya wona: Mwa ababa. Oyene aali nikolo na aMowabe, ayene eliwoove ofiyedha peeno. 38Amung'onong'onoya ahimbala teto mwaana-mulobwana, omuthwa ndina na Beni-Ami.#19.38 Beni-Ami nnatapulela Mwaana a emudhi yaaga. Oyene oli nikolo na aAmoni, ayene eliwoove ofiyedha peeno.#19.30-38 Lothi ahimunona Mulugu mbwenye asakulile okala vaari va athu oothega voolapela ni mutugumano woororomela. Naari Abarahamu agamukamihedhile, kaawelele okala vakukuuve ni oliye. Ahaalela anaaye vaari va athu oothega vano wewule yahiisakulela amweenddiiwa. Egathukuleliwe oluwani aali oolapelana ni anaaye ohiya owelela vaade va Abarahamu ni mutugumano wa Mulugu wi anaaye yaakalena amamuniwa. Lothi ahikalana dhoosakula dhijinji dhohaaddeleya. Teto peeno athu ajinji ehihiya mutugumano wa athu oweela wi ekalege vaari va anamathega, eli yoohurusa wiirihedha yoothega. Oraruwa yoothega ehiihiwe ni Mulugu mwa madhu ala: Levitiku 18.6-18; 20.11-21; Deteronomiyo 27.20-23; Ezekiyeli 22.11; AKorintu Owambeela 5.1.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.