Wambeela 21
21
Obaliwa wa Ezaaki
1Wona Nabwiya mwawogeliiye, ahimukamihedha Saara, aakwanelihaga yoopangana yaaye. 2Abarahamu agooluvale ndale, Saara ahirubalela, ombala mwaana-mulobwana mudhidhi olene Mulugu wawogeliiye.#21.1-2 Nda dhaali yaaka makumi meenddi ni tanu dhavirile Mulugu agaaroromelihe mwaana. Mulugu doororomeleya ni dhoororomeliha dhaaye! Enoofuneya nroromelege dhoororomeliha ndo ohiya wi nizuzumelege dhookathamiha dha elabo ela. 3Abarahamu ahimuthwa ndina na Ezaaki#21.3 Ezaaki mu ewogelo ya eHeberi nnatapula: oyene onateya. Moone Wambeela 18.12-15; 21.6. mwaanaye Saara ambaleliiye. 4Agaakwanihile malabo matanu namaraaru, Abarahamu ahimwiinela wona Mulugu mwamulamuleliiye. 5Abarahamu aganna yaaka zana (100), fambaliliiye mwaanaye Ezaaki. 6Saara ahiiraga: <<Mulugu ohugivaha oteya, vano aatene alene eneewe muselu olena, eneere oteyela vamohi ni miyo! 7Kalivo aamwaaddele Abarahamu wi Saara onoodha akalena nnyenya, nowaamwiha. Naari oliye agooluvale, gihimvaha mwaana!>>
Abarahamu omwalana waaye ni Hagari ni Zhumayili
8Mwaana Ezaaki ahunnuwa, ahihiya waamwa. Mudhidhi oyene Abarahamu ahimusasanyedhela mathanga.#21.8 Ezaaki aganna yaaka biili naari thaaru. Yahisasanya mathanga yoobusedha wi mwaana ohuvulumuwa mwa dhowoopiha yaaka dhowambeela dha egumi.
9Mbwenye Saara ahimoona Zhumayili, mwaana a mu Egubuddu Hagari ni Abarahamu, emunyemulaga Ezaaki. 10Saara ahimwaaddelaga Abarahamu, eeraga: <<Mmwiigare mudhaari ola ni mwaanaye vowi kanaakele mureelelo wa vaade veehu mwaana a mudhaari ola, vamohi ni mwaana aaga Ezaaki>>.#21.10 Matelo oovalaanya enamala ni makathamiho owindala. AGalasiya 4.21-31 onosuuziha teto odheela dha ahima abiili ala. 11Abarahamu ahukuuwaga vajinji ni yoowoga elene vowi Zhumayili teto aali mwaanaye. 12Mbwenye Mulugu ahiwogaga ni Abarahamu, wiira: <<Ohukuuwe mwaha wa mwaana, vamohi ni mudhaari aawo. Orumeedhe yoowoga ya Saara vowi mwa Ezaaki eneere yiithaniwege anaawo. 13Mbwenye mwaana a mudhaari aawo onoodha akale nikolo na nlogo, vowi oliye teto di mwaana aawo>>.
14Omenseloni wiwa bebeheene, Abarahamu ahithukulaga yooja ni mulinga ohelamo mahinje, omwinka Hagari. Ahimureyaga dhego nde, omwiikelela mwaana, omuruma odhowaga. Hagari ahambeelaga weedda, azeezeyaga mwiiddeddereni ya oBerexeba.#21.14 Abarahamu ahimwiiwelela Mulugu naari dhaalive dhoorusa vajinji omvenyihavo vaade vaaye mwaana.
15Vamaliliiwa mahinje ale yaathukuligiiwa, Hagari ahimwihiyaga mwaanaye vati va nikupu. 16Osusavo, odhowa voolapela vang'ono okaraati, vowi kaafunaga omoona mwaanaye aakwaga. Agakaraatile vatheyani, owunddaga, oobaga kutho.
17Mulugu ahiiwa wuundda wa mwaana. Mungero a Mulugu odhulu ahimwiithanaga Hagari, wiira: <<Hagari, ddi? Ohoove vowi Mulugu ohiiwa wuundda wa mwaana vevale viliiye. 18Venya, wamvenyihe mwaanawo, omwihiddeele pama ndada vowi ginoodha gimwiire nikolo na nlogo nuulubale>>.
19Vevale Mulugu ahimoonihaga Hagari ceela. Oliye odhowa odhaaliha muno waaye mahinje, omung'wiha mwaanaye. 20-21Mulugu aali ni mwaana ole, mowunnuwa waaye. Ahikala kokola ya oParani vano osogolo wiwa aali muliba orwa. Amaaye yahimuteliha oliye ni mwihiyana a wEgubuddu.
Nipangano no waandana Abarahamu ni Abimileki
22Mudhidhi oyene Abimileki aliiye ni Fikoli, musogoleli aaye a anyakoddo, ahiwogaga ni Abarahamu, wiira: <<Mulugu oli ni we mwa dhaatedhene dhendo dhineeriiwe. 23Ginowuuloba wi dhiinoveva olibele vameentoni va Mulugu wi kudha oginyengetha, naari ahima aaga ginniimina ni a musogoloya. Okalege oororomeleya ni miyo, ni athu a elabo ela emagiliiwe wona teto miyo ginowiireliimi>>. 24Abarahamu ahimwaakulaga, wiira: <<Ginolibela>>.
25Vevale Abarahamu ahimwaaddelaga Abimileki dha ceela eyene, anamalaba aaye yamwaakiliiwa Abarahamu. 26Abimileki ahimwaakulaga, wiira: <<Miyo kagimunonile oyene wiirilena ndala. Ginowambeelawene wiiwa, we kawagaaddele>>.
27Egeerile omwaandani abiili ala, Abarahamu ahimvaha Abimileki mabila ni ng'ombe. 28Mbwenye Abarahamu ahaalogolela epaddi ya mabila matanu nameenddi a dhoofuwa dhaaye. 29Abimileki ahimukohaga, wiira: <<Mwaha bwaddi waahiyiliiwe epaddi ya mabila ala matanu nameenddi?>> 30Abarahamu ahimwaakulaga, wiira: <<Waarumeedhe mabila ala wi ogiirele onamoona okale ni miyo wi miyo ditibile ceela ela>>.
31Mowindala niburo ndde nneethaniwa Berexeba#21.31 Berexeba mu ewogelo ya eHeberi nnatapulela ceela ya olibela vano teto, ceela ya neetanu nabiili. vowi fivevale athu ala abiili, valibeligiiwavo. 32Egamalile osasanya nipangano no waandana ndda oBerexeba, Abimileki ni Fikoli, musogoleli aaye a anyakoddo, yahiwelelaga owaniwa wa aFilisti. 33Abarahamu ahidhalavo muthanko wa murinti va Berexeba, vevale oolobela mu ndina na Nabwiya, Mulugu Oohumala. 34Abarahamu ahimaga mwiilaboni mwemule mwa aFilisti, okala wewule mudhidhi mujinji.
Currently Selected:
Wambeela 21: tke
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Wambeela 21
21
Obaliwa wa Ezaaki
1Wona Nabwiya mwawogeliiye, ahimukamihedha Saara, aakwanelihaga yoopangana yaaye. 2Abarahamu agooluvale ndale, Saara ahirubalela, ombala mwaana-mulobwana mudhidhi olene Mulugu wawogeliiye.#21.1-2 Nda dhaali yaaka makumi meenddi ni tanu dhavirile Mulugu agaaroromelihe mwaana. Mulugu doororomeleya ni dhoororomeliha dhaaye! Enoofuneya nroromelege dhoororomeliha ndo ohiya wi nizuzumelege dhookathamiha dha elabo ela. 3Abarahamu ahimuthwa ndina na Ezaaki#21.3 Ezaaki mu ewogelo ya eHeberi nnatapula: oyene onateya. Moone Wambeela 18.12-15; 21.6. mwaanaye Saara ambaleliiye. 4Agaakwanihile malabo matanu namaraaru, Abarahamu ahimwiinela wona Mulugu mwamulamuleliiye. 5Abarahamu aganna yaaka zana (100), fambaliliiye mwaanaye Ezaaki. 6Saara ahiiraga: <<Mulugu ohugivaha oteya, vano aatene alene eneewe muselu olena, eneere oteyela vamohi ni miyo! 7Kalivo aamwaaddele Abarahamu wi Saara onoodha akalena nnyenya, nowaamwiha. Naari oliye agooluvale, gihimvaha mwaana!>>
Abarahamu omwalana waaye ni Hagari ni Zhumayili
8Mwaana Ezaaki ahunnuwa, ahihiya waamwa. Mudhidhi oyene Abarahamu ahimusasanyedhela mathanga.#21.8 Ezaaki aganna yaaka biili naari thaaru. Yahisasanya mathanga yoobusedha wi mwaana ohuvulumuwa mwa dhowoopiha yaaka dhowambeela dha egumi.
9Mbwenye Saara ahimoona Zhumayili, mwaana a mu Egubuddu Hagari ni Abarahamu, emunyemulaga Ezaaki. 10Saara ahimwaaddelaga Abarahamu, eeraga: <<Mmwiigare mudhaari ola ni mwaanaye vowi kanaakele mureelelo wa vaade veehu mwaana a mudhaari ola, vamohi ni mwaana aaga Ezaaki>>.#21.10 Matelo oovalaanya enamala ni makathamiho owindala. AGalasiya 4.21-31 onosuuziha teto odheela dha ahima abiili ala. 11Abarahamu ahukuuwaga vajinji ni yoowoga elene vowi Zhumayili teto aali mwaanaye. 12Mbwenye Mulugu ahiwogaga ni Abarahamu, wiira: <<Ohukuuwe mwaha wa mwaana, vamohi ni mudhaari aawo. Orumeedhe yoowoga ya Saara vowi mwa Ezaaki eneere yiithaniwege anaawo. 13Mbwenye mwaana a mudhaari aawo onoodha akale nikolo na nlogo, vowi oliye teto di mwaana aawo>>.
14Omenseloni wiwa bebeheene, Abarahamu ahithukulaga yooja ni mulinga ohelamo mahinje, omwinka Hagari. Ahimureyaga dhego nde, omwiikelela mwaana, omuruma odhowaga. Hagari ahambeelaga weedda, azeezeyaga mwiiddeddereni ya oBerexeba.#21.14 Abarahamu ahimwiiwelela Mulugu naari dhaalive dhoorusa vajinji omvenyihavo vaade vaaye mwaana.
15Vamaliliiwa mahinje ale yaathukuligiiwa, Hagari ahimwihiyaga mwaanaye vati va nikupu. 16Osusavo, odhowa voolapela vang'ono okaraati, vowi kaafunaga omoona mwaanaye aakwaga. Agakaraatile vatheyani, owunddaga, oobaga kutho.
17Mulugu ahiiwa wuundda wa mwaana. Mungero a Mulugu odhulu ahimwiithanaga Hagari, wiira: <<Hagari, ddi? Ohoove vowi Mulugu ohiiwa wuundda wa mwaana vevale viliiye. 18Venya, wamvenyihe mwaanawo, omwihiddeele pama ndada vowi ginoodha gimwiire nikolo na nlogo nuulubale>>.
19Vevale Mulugu ahimoonihaga Hagari ceela. Oliye odhowa odhaaliha muno waaye mahinje, omung'wiha mwaanaye. 20-21Mulugu aali ni mwaana ole, mowunnuwa waaye. Ahikala kokola ya oParani vano osogolo wiwa aali muliba orwa. Amaaye yahimuteliha oliye ni mwihiyana a wEgubuddu.
Nipangano no waandana Abarahamu ni Abimileki
22Mudhidhi oyene Abimileki aliiye ni Fikoli, musogoleli aaye a anyakoddo, ahiwogaga ni Abarahamu, wiira: <<Mulugu oli ni we mwa dhaatedhene dhendo dhineeriiwe. 23Ginowuuloba wi dhiinoveva olibele vameentoni va Mulugu wi kudha oginyengetha, naari ahima aaga ginniimina ni a musogoloya. Okalege oororomeleya ni miyo, ni athu a elabo ela emagiliiwe wona teto miyo ginowiireliimi>>. 24Abarahamu ahimwaakulaga, wiira: <<Ginolibela>>.
25Vevale Abarahamu ahimwaaddelaga Abimileki dha ceela eyene, anamalaba aaye yamwaakiliiwa Abarahamu. 26Abimileki ahimwaakulaga, wiira: <<Miyo kagimunonile oyene wiirilena ndala. Ginowambeelawene wiiwa, we kawagaaddele>>.
27Egeerile omwaandani abiili ala, Abarahamu ahimvaha Abimileki mabila ni ng'ombe. 28Mbwenye Abarahamu ahaalogolela epaddi ya mabila matanu nameenddi a dhoofuwa dhaaye. 29Abimileki ahimukohaga, wiira: <<Mwaha bwaddi waahiyiliiwe epaddi ya mabila ala matanu nameenddi?>> 30Abarahamu ahimwaakulaga, wiira: <<Waarumeedhe mabila ala wi ogiirele onamoona okale ni miyo wi miyo ditibile ceela ela>>.
31Mowindala niburo ndde nneethaniwa Berexeba#21.31 Berexeba mu ewogelo ya eHeberi nnatapulela ceela ya olibela vano teto, ceela ya neetanu nabiili. vowi fivevale athu ala abiili, valibeligiiwavo. 32Egamalile osasanya nipangano no waandana ndda oBerexeba, Abimileki ni Fikoli, musogoleli aaye a anyakoddo, yahiwelelaga owaniwa wa aFilisti. 33Abarahamu ahidhalavo muthanko wa murinti va Berexeba, vevale oolobela mu ndina na Nabwiya, Mulugu Oohumala. 34Abarahamu ahimaga mwiilaboni mwemule mwa aFilisti, okala wewule mudhidhi mujinji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.