Gen 33
33
Kusimana kwa Yakobo ni Esawu
1Yakobo* ŵaweni Esawu alimkwisa ni ŵandu ŵakwe 400. Myoyo ŵagaŵenye ŵanace ŵakwe ŵala kwa Leya, ŵane kwa Lakelo, ni ŵane kwa ŵamasengo ŵakwe ŵacakongwe ŵaŵili ŵala. 2Ŵalongwesye ŵamasengo ŵacakongwe ŵaŵili ŵala ni ŵanace ŵawo. Leya ni ŵanace ŵakwe ŵaliji mkuya panyuma pawo, Lakelo ni Yosefe ŵaliji mkuya munyuma mwa wosope. 3Yakobo ŵalongolele ni ŵajineme mpaka gunda usyo pasi kasano ni kaŵili ali aŵandicile kwika kuŵaliji Esawu. 4Nambo Esawu ŵawutwice ni kuja kumkumbatila Yakobo, ŵamkomasisye, nipo ŵatandite kulila ŵanaŵaŵili. 5Esawu piŵalolite, ŵaweni acakongwe ni ŵanace ŵala, nipo ŵawusisye kuti, “Ana ŵandu ŵimli nawoŵa ŵaceni?” Yakobo ŵajanjile kuti, “Ŵeleŵa, ambuje ni ŵanace ŵambele uneji Mlungu mwa cinonyelo cakwe.” 6Acakongwe ŵamasengo ŵala pamo ni ŵanace ŵawo, nombe nawo ŵayice ni ŵatindiŵele pasi. 7Ŵayice soni Leya pamo ni ŵanace ŵakwe, nipo ŵakumalicisya kwisa ŵaliji Lakelo ni Yosefe. Wosopewo ŵatindiŵele pasi.
8Esawu ŵawusisye kuti, “Nambi likuga lya yilangwa lisimene nalyo lila lya cici?”
Yakobo ŵajanjile kuti, “Ambuje, likuga lyelila lyenu, mbelece mpela mtuka, kuti ŵalakwe ambocele cenene.”
9Nambo Esawu ŵamsalile Yakobo kuti, “Mpwanga, nambotu yilangwa ya mtundu welewu ngwete yejinji. Yilangwa yimkweteyi mkamba une, yiŵepe yenu.”
10Nambo Yakobo ŵatite, “Iyayi, naga wawo asalalile une mtima ni kumbocela cenene, apocele mtuka wangu. Pinajiweni ngope jawo, ngamba kuŵa mpela najiŵeni ngope ja Mlungu, ligongo lyakumbocela cenene ni magasa gaŵili.” 11Yakobo ŵamcisisyepe Esawu jula kuti, “Conde ngwaŵenda ŵalakwe acimwene kuti, apocele mtuka wunamjigalilewu. Pakuŵa Mlungu ŵasalalile une mtima, nipo ambele yindu yejinji.” Myoyo Esawu ŵapocele mtuka wula.
12Esawu ni ŵatite, “Kwende tuliŵicile cile tujawuleje. Nambo une tilongoleje kaje.” 13Nambo Yakobo ŵatite kwa Esawu, “Ambuje ŵangu, ŵalakwe akumanyilila kuti, ŵanaceŵa apesile, nambo soni ngwenela kuyisamalila yilangwa yikwete ŵanace. Naga nguyisakula mwakuyiwutusya mnope, atamose kwa lisiku limo, yosope tiyimale kuwa. 14Myoyo, ambuje ŵangu, alongolele, une tinjendeje panandipanandi panyuma pa yilangwa ni ŵanace ŵangu, mpaka tingasimane ku Seyili.”
15Esawu ŵatite, “Cambone, mungunde kuti namlecele ŵamasengo ŵanguŵa kuti aŵe namwe.” Nambo Yakobo ŵajanjile kuti, “Pangali ligongo lyakuti ŵalece ŵamasengo ŵawo, une cingutogolela ni cakuti ŵalakwe ambuje, ambocele uneji cenene.” 16Myoyo ŵawutandite ulendo wawo ŵakuwujila ku Seyili lisiku lyelelyo. 17Nambo Yakobo ŵajawile ku Sukoti, ku ŵataŵile nyumba jakwe ni macinga ga yilangwa yakwe. Ali ni ligongo lyakwe malogo ŵagakolasile lina lyakuti Sukoti.#33:17 Sukoti: Linali ligopolela kuti, “Masakasa.”
18Pa ulendo wakwe wakuwuja kutyocela ku Mesopotamiya, Yakobo ŵayice cenene ku msinda wa Shekemu uli mcilambo ca Kenani. Ni ŵataŵile masakasa gawo pa malo gane gakulolegana ni msindawo. 19Malo gelego ŵagasumile kwa yisukulu ya Hamoli, ŵele ŵaliji baba ŵawo Shekemu, ni mbiya 100 sya silifa.*#Yos 24:32; Yoh 4:5 20Ŵataŵile malo gakupelecele mbopesi pelepo, ni ŵagapele lina lyakuti Eli Elohe Isalaeli, kugopolela kuti, Eli, Mlungu jwa Aisalaeli.
Currently Selected:
Gen 33: YAWO
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014
Gen 33
33
Kusimana kwa Yakobo ni Esawu
1Yakobo* ŵaweni Esawu alimkwisa ni ŵandu ŵakwe 400. Myoyo ŵagaŵenye ŵanace ŵakwe ŵala kwa Leya, ŵane kwa Lakelo, ni ŵane kwa ŵamasengo ŵakwe ŵacakongwe ŵaŵili ŵala. 2Ŵalongwesye ŵamasengo ŵacakongwe ŵaŵili ŵala ni ŵanace ŵawo. Leya ni ŵanace ŵakwe ŵaliji mkuya panyuma pawo, Lakelo ni Yosefe ŵaliji mkuya munyuma mwa wosope. 3Yakobo ŵalongolele ni ŵajineme mpaka gunda usyo pasi kasano ni kaŵili ali aŵandicile kwika kuŵaliji Esawu. 4Nambo Esawu ŵawutwice ni kuja kumkumbatila Yakobo, ŵamkomasisye, nipo ŵatandite kulila ŵanaŵaŵili. 5Esawu piŵalolite, ŵaweni acakongwe ni ŵanace ŵala, nipo ŵawusisye kuti, “Ana ŵandu ŵimli nawoŵa ŵaceni?” Yakobo ŵajanjile kuti, “Ŵeleŵa, ambuje ni ŵanace ŵambele uneji Mlungu mwa cinonyelo cakwe.” 6Acakongwe ŵamasengo ŵala pamo ni ŵanace ŵawo, nombe nawo ŵayice ni ŵatindiŵele pasi. 7Ŵayice soni Leya pamo ni ŵanace ŵakwe, nipo ŵakumalicisya kwisa ŵaliji Lakelo ni Yosefe. Wosopewo ŵatindiŵele pasi.
8Esawu ŵawusisye kuti, “Nambi likuga lya yilangwa lisimene nalyo lila lya cici?”
Yakobo ŵajanjile kuti, “Ambuje, likuga lyelila lyenu, mbelece mpela mtuka, kuti ŵalakwe ambocele cenene.”
9Nambo Esawu ŵamsalile Yakobo kuti, “Mpwanga, nambotu yilangwa ya mtundu welewu ngwete yejinji. Yilangwa yimkweteyi mkamba une, yiŵepe yenu.”
10Nambo Yakobo ŵatite, “Iyayi, naga wawo asalalile une mtima ni kumbocela cenene, apocele mtuka wangu. Pinajiweni ngope jawo, ngamba kuŵa mpela najiŵeni ngope ja Mlungu, ligongo lyakumbocela cenene ni magasa gaŵili.” 11Yakobo ŵamcisisyepe Esawu jula kuti, “Conde ngwaŵenda ŵalakwe acimwene kuti, apocele mtuka wunamjigalilewu. Pakuŵa Mlungu ŵasalalile une mtima, nipo ambele yindu yejinji.” Myoyo Esawu ŵapocele mtuka wula.
12Esawu ni ŵatite, “Kwende tuliŵicile cile tujawuleje. Nambo une tilongoleje kaje.” 13Nambo Yakobo ŵatite kwa Esawu, “Ambuje ŵangu, ŵalakwe akumanyilila kuti, ŵanaceŵa apesile, nambo soni ngwenela kuyisamalila yilangwa yikwete ŵanace. Naga nguyisakula mwakuyiwutusya mnope, atamose kwa lisiku limo, yosope tiyimale kuwa. 14Myoyo, ambuje ŵangu, alongolele, une tinjendeje panandipanandi panyuma pa yilangwa ni ŵanace ŵangu, mpaka tingasimane ku Seyili.”
15Esawu ŵatite, “Cambone, mungunde kuti namlecele ŵamasengo ŵanguŵa kuti aŵe namwe.” Nambo Yakobo ŵajanjile kuti, “Pangali ligongo lyakuti ŵalece ŵamasengo ŵawo, une cingutogolela ni cakuti ŵalakwe ambuje, ambocele uneji cenene.” 16Myoyo ŵawutandite ulendo wawo ŵakuwujila ku Seyili lisiku lyelelyo. 17Nambo Yakobo ŵajawile ku Sukoti, ku ŵataŵile nyumba jakwe ni macinga ga yilangwa yakwe. Ali ni ligongo lyakwe malogo ŵagakolasile lina lyakuti Sukoti.#33:17 Sukoti: Linali ligopolela kuti, “Masakasa.”
18Pa ulendo wakwe wakuwuja kutyocela ku Mesopotamiya, Yakobo ŵayice cenene ku msinda wa Shekemu uli mcilambo ca Kenani. Ni ŵataŵile masakasa gawo pa malo gane gakulolegana ni msindawo. 19Malo gelego ŵagasumile kwa yisukulu ya Hamoli, ŵele ŵaliji baba ŵawo Shekemu, ni mbiya 100 sya silifa.*#Yos 24:32; Yoh 4:5 20Ŵataŵile malo gakupelecele mbopesi pelepo, ni ŵagapele lina lyakuti Eli Elohe Isalaeli, kugopolela kuti, Eli, Mlungu jwa Aisalaeli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014