Gen 35
35
Mlungu akumpa upile Yakobo ku Beteli
1Myoyo Mlungu ŵamsalile Yakobo* kuti, “Nyakukani citemacitema, mjawule ku Beteli, mkatameje kweleko. Mkataŵe kweleko malo gakupelecela mbopesi kwa une, Mlungu jwenu junamwonecele pa ndaŵi jimwatilaga Esawu akulu ŵenu.”#Gen 28:11-17
2Myoyo Yakobo ŵalisalile liŵasa lyakwe ni ŵandu wosope ŵiŵaliji nawo kuti, “Mjase milungu ja ŵandu* ŵa mitundu jine jimli najo. Mliswejesye, nipo m'wale yakuwala yecape. 3Uweji citutyoce akuno kwawula ku Beteli, kwele kutingataŵe malo gakupelecela mbopesi kwa Mlungu juŵangamucisye une mu ndaŵi ja yisawusyo yangu. Jwalakwejo ni Mlungu juŵaliji ni une kulikose kunaliji.” 4Myoyo, ŵanace ŵakwe ŵapelece kwa Yakobo milungu josope ja ŵandu ŵa mitundu jine* jiŵakwete, kwisa soni ndolo siŵawalaga m'mapikanilo gawo. Yindu yosopeyo Yakobo ŵayisilile pasi pa citela ca mtundu, ciŵandika ni musi wa Shekemu.
5Pa ndaŵi jele Yakobo ni ŵanace ŵakwe ŵatyokaga, Mlungu ŵatendesye ŵandu wosope ŵa misinda jakusyungulila kola woga, myoyo nganiŵakuya. 6Yakobo pamo ni ŵandu ŵiŵaliji nawo ŵala ŵayice ku Lusi, malo gagakumanyika soni ni lina lyakuti Beteli, mcilambo ca Kenani 7Ŵataŵile malo gakupelecela mbopesi kweleko, ni malogo ŵagapele lina lyakuti Mlungu jwa ku Beteli, Ligongo pa gele malogo Mlungu ni kuŵalilosisye kwa Yakobo pa ndaŵi jiŵamtilaga mkulugwawo. 8Debola jwamasengo jwamkongwe jwa Labeka ŵawilile pelepo nipo ŵamsicile pasi pa citela ca mtundu, ku mwela kwa Beteli. Myoyo ŵacipele citela cila lina lyakuti “Citela ca Malilo.”
9Yakobo ali awusile ku Mesopotamiya kula, Mlungu ŵamwonecele soni ni ŵampele upile. 10Mlungu ni ŵatite, “Lina lyenu lili Yakobo, nambo kutandila lelo lina lyenu tiliŵe Isalaeli.” Myoyo ŵatandite kolanjidwa ni lina lyeleli.#Gen 32:28 11Nipo Mlungu ŵatite kwa Yakobo, “Une ndili Mlungu Jwamaciligosope, Mkole ŵanace ŵajinji. Mitundu jakulekanganalekangana tijicikopoka mwenumwe. M'mwejo timciŵa nangolo jwa ayimwene.#Gen 17:4-8 12Cilambo cinacipelece kwa Abulahamu* ni Isaki tinacipelece kwa m'mwejo, nambo soni tinjicipeleka kwa yisukulu yenu ŵitacipagwa pasogolo penu.” 13Mlungu ŵatyosile ni kumleka Yakobo pa malo giŵaŵecetelaga najo gala. 14Yakobo ni ŵajigele liganga ni kuliŵika pelepo kuti liŵe cikumbukumbu. Ni ŵatasile mbopesi ja cakumwa pegangapo. Ŵalikonjile soni liganga lila mawuta.#Gen 28:18-19 15Yakobo ŵagapele lina lyakuti Beteli malo gaŵaŵecetene ni Mlungu gala.
Ciwa ca Lakelo
16Myoyo Yakobo ni liŵasa lyakwe lyosope ŵatyosile ku Beteli, nambo mkanayice ku Efulati ndaŵi jakuti Lakelo akole mwanace jakwanile, nambo kuŵeleka kwakwe kwamsawisye mnope. 17Yisawusyo yili yiyice pakusakala mnope, jwamkongwe jwakamucisya pa kuŵeleka ŵatite kwa Lakelo, “Mkajogopa, pakuŵa sambano timkole mwanace jwine jwamlume.” 18Nambo Lakelo ŵaliji mkuwa, mkanamalicice, ŵampele mwanace jula lina lyakwe Beni Oni.#35:18 Beni Oni: Linali ligopolela kuti, “Mwanace jwa m'yipwetesi.” Nambo Yakobo ŵampele mwanace jula lina lyakwe Benjamini.#35:18 Benjamini: Linali ligopolela kuti, “Mwanace jwamjaliwe.”
19Lakelo piŵawile ŵamsicile mwilembe mungulugulu litala lyakuja ku Efulati, kwele sambano kukuŵilanjidwa lina lyakuti Betelehemu. 20Nipo Yakobo ŵaŵisile liganga lya cikumbukumbu, pacanya pa lilembe lya Lakelo. Ligangalyo lili ciŵela pa malopo mpaka lelo. 21Yakobo ŵapitilisye ulendo wakwe ni ŵajile kutaŵa masakasa gawo ali napundape sanja ja ku Edele.
Ŵanace ŵa Yakobo
(1 Mbi 2:1-2)
22Yakobo ali mkutama mcilambo celeco, Lubeni ŵagonile ni Biliha ŵamkwawo ŵanondi ŵa baba ŵawo, nipo Yakobo ŵayipikene yeleyo.
Yakobo ŵakwete ŵanace 11.#Gen 49:4 23Aŵa ni ŵanace ŵiŵapali mwa Leya. Lubeni mwanace jwandanda jwa Yakobo, Simiyoni, Lefi, Yuda, Isakala ni Sebuloni. 24Ŵanace ŵa Yakobo ŵiŵapali mwa Lakelo ni, Yosefe ni Benjamini. 25Ŵanace ŵiŵapali mwa Biliha jwamasengo jwamkongwe jwa Lakelo ŵaliji, Dani ni Nafutali.
26Ŵanace ŵiŵapali mwa Silipa jwamasengo jwamkongwe jwa Leya ŵaliji, Gadi ni Asha. Aŵa ni ŵiŵaliji ŵanace ŵacalume ŵa Yakobo ŵiŵapagwile ku Mesopotamiya.
Ciwa ca Isaki
27Yakobo ŵapite ku Mamule, malo gagakuŵilanjidwa soni kuti Hebuloni kuŵaliji Isaki baba ŵawo, malo giŵatemiko Abulahamu ni Isaki.#Gen 13:18 28Isaki ŵatemi yaka 180, 29ŵawile ali acekulwipe kwejinji ŵanace ŵawo Esawu ni Yakobo ŵasicile mwilembe.
Currently Selected:
Gen 35: YAWO
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014
Gen 35
35
Mlungu akumpa upile Yakobo ku Beteli
1Myoyo Mlungu ŵamsalile Yakobo* kuti, “Nyakukani citemacitema, mjawule ku Beteli, mkatameje kweleko. Mkataŵe kweleko malo gakupelecela mbopesi kwa une, Mlungu jwenu junamwonecele pa ndaŵi jimwatilaga Esawu akulu ŵenu.”#Gen 28:11-17
2Myoyo Yakobo ŵalisalile liŵasa lyakwe ni ŵandu wosope ŵiŵaliji nawo kuti, “Mjase milungu ja ŵandu* ŵa mitundu jine jimli najo. Mliswejesye, nipo m'wale yakuwala yecape. 3Uweji citutyoce akuno kwawula ku Beteli, kwele kutingataŵe malo gakupelecela mbopesi kwa Mlungu juŵangamucisye une mu ndaŵi ja yisawusyo yangu. Jwalakwejo ni Mlungu juŵaliji ni une kulikose kunaliji.” 4Myoyo, ŵanace ŵakwe ŵapelece kwa Yakobo milungu josope ja ŵandu ŵa mitundu jine* jiŵakwete, kwisa soni ndolo siŵawalaga m'mapikanilo gawo. Yindu yosopeyo Yakobo ŵayisilile pasi pa citela ca mtundu, ciŵandika ni musi wa Shekemu.
5Pa ndaŵi jele Yakobo ni ŵanace ŵakwe ŵatyokaga, Mlungu ŵatendesye ŵandu wosope ŵa misinda jakusyungulila kola woga, myoyo nganiŵakuya. 6Yakobo pamo ni ŵandu ŵiŵaliji nawo ŵala ŵayice ku Lusi, malo gagakumanyika soni ni lina lyakuti Beteli, mcilambo ca Kenani 7Ŵataŵile malo gakupelecela mbopesi kweleko, ni malogo ŵagapele lina lyakuti Mlungu jwa ku Beteli, Ligongo pa gele malogo Mlungu ni kuŵalilosisye kwa Yakobo pa ndaŵi jiŵamtilaga mkulugwawo. 8Debola jwamasengo jwamkongwe jwa Labeka ŵawilile pelepo nipo ŵamsicile pasi pa citela ca mtundu, ku mwela kwa Beteli. Myoyo ŵacipele citela cila lina lyakuti “Citela ca Malilo.”
9Yakobo ali awusile ku Mesopotamiya kula, Mlungu ŵamwonecele soni ni ŵampele upile. 10Mlungu ni ŵatite, “Lina lyenu lili Yakobo, nambo kutandila lelo lina lyenu tiliŵe Isalaeli.” Myoyo ŵatandite kolanjidwa ni lina lyeleli.#Gen 32:28 11Nipo Mlungu ŵatite kwa Yakobo, “Une ndili Mlungu Jwamaciligosope, Mkole ŵanace ŵajinji. Mitundu jakulekanganalekangana tijicikopoka mwenumwe. M'mwejo timciŵa nangolo jwa ayimwene.#Gen 17:4-8 12Cilambo cinacipelece kwa Abulahamu* ni Isaki tinacipelece kwa m'mwejo, nambo soni tinjicipeleka kwa yisukulu yenu ŵitacipagwa pasogolo penu.” 13Mlungu ŵatyosile ni kumleka Yakobo pa malo giŵaŵecetelaga najo gala. 14Yakobo ni ŵajigele liganga ni kuliŵika pelepo kuti liŵe cikumbukumbu. Ni ŵatasile mbopesi ja cakumwa pegangapo. Ŵalikonjile soni liganga lila mawuta.#Gen 28:18-19 15Yakobo ŵagapele lina lyakuti Beteli malo gaŵaŵecetene ni Mlungu gala.
Ciwa ca Lakelo
16Myoyo Yakobo ni liŵasa lyakwe lyosope ŵatyosile ku Beteli, nambo mkanayice ku Efulati ndaŵi jakuti Lakelo akole mwanace jakwanile, nambo kuŵeleka kwakwe kwamsawisye mnope. 17Yisawusyo yili yiyice pakusakala mnope, jwamkongwe jwakamucisya pa kuŵeleka ŵatite kwa Lakelo, “Mkajogopa, pakuŵa sambano timkole mwanace jwine jwamlume.” 18Nambo Lakelo ŵaliji mkuwa, mkanamalicice, ŵampele mwanace jula lina lyakwe Beni Oni.#35:18 Beni Oni: Linali ligopolela kuti, “Mwanace jwa m'yipwetesi.” Nambo Yakobo ŵampele mwanace jula lina lyakwe Benjamini.#35:18 Benjamini: Linali ligopolela kuti, “Mwanace jwamjaliwe.”
19Lakelo piŵawile ŵamsicile mwilembe mungulugulu litala lyakuja ku Efulati, kwele sambano kukuŵilanjidwa lina lyakuti Betelehemu. 20Nipo Yakobo ŵaŵisile liganga lya cikumbukumbu, pacanya pa lilembe lya Lakelo. Ligangalyo lili ciŵela pa malopo mpaka lelo. 21Yakobo ŵapitilisye ulendo wakwe ni ŵajile kutaŵa masakasa gawo ali napundape sanja ja ku Edele.
Ŵanace ŵa Yakobo
(1 Mbi 2:1-2)
22Yakobo ali mkutama mcilambo celeco, Lubeni ŵagonile ni Biliha ŵamkwawo ŵanondi ŵa baba ŵawo, nipo Yakobo ŵayipikene yeleyo.
Yakobo ŵakwete ŵanace 11.#Gen 49:4 23Aŵa ni ŵanace ŵiŵapali mwa Leya. Lubeni mwanace jwandanda jwa Yakobo, Simiyoni, Lefi, Yuda, Isakala ni Sebuloni. 24Ŵanace ŵa Yakobo ŵiŵapali mwa Lakelo ni, Yosefe ni Benjamini. 25Ŵanace ŵiŵapali mwa Biliha jwamasengo jwamkongwe jwa Lakelo ŵaliji, Dani ni Nafutali.
26Ŵanace ŵiŵapali mwa Silipa jwamasengo jwamkongwe jwa Leya ŵaliji, Gadi ni Asha. Aŵa ni ŵiŵaliji ŵanace ŵacalume ŵa Yakobo ŵiŵapagwile ku Mesopotamiya.
Ciwa ca Isaki
27Yakobo ŵapite ku Mamule, malo gagakuŵilanjidwa soni kuti Hebuloni kuŵaliji Isaki baba ŵawo, malo giŵatemiko Abulahamu ni Isaki.#Gen 13:18 28Isaki ŵatemi yaka 180, 29ŵawile ali acekulwipe kwejinji ŵanace ŵawo Esawu ni Yakobo ŵasicile mwilembe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014