Ageini 23
23
Sara Oto di Aburaam oko Wilo Lobo me Bedo Limbo
1Sara bin oko bedo i wi lobo pi mwakini tol acel kede ot are kiwie kanyaare (127). 2En di eko to i Kiriat Araba, manono en Keburon kame tie i lobo me Kanan. Aburaam di oko bedo kede iturur di ekok pi to ka Sara. 3Eko yai ki nget liel di eko ot eko waco ne jo Kiti be, 4#Iburanian 11.9, 13; Tice 7.16“Ango atie ngakumbor kame tie bedo i diere wu, mianu lobo i diere wu kan kame bino doko mera me yiko jo, tetekeny ayik iye dako na.”
5Gin di kiko gamo be, 6“Adwong, winy kop wa. In ibedo ngatel kame pire tek i diere wa. Ot i yik dako ni i ates kame ber kalamo apat dedede. Likame tie ngatamoro kikom wan kame bino cere nin kede ates moro me yiko dako ni.” 7Aburaam di oko yai malo eko gungo piny i nyim jo Kiti wegi lobo nono. 8En eko waco negi be, “Ka wun iyeunu be ango ayik dako na kan, winyunu kop na di ikounu kwano na Epuron wot ka Sokar, 9me wek en eyei mina abo mere kame tie Makepela, i wi poto mere. Mito en emia i nyimu, i wel kame kocate kede kikokome, tetekeny edok kabedo nango me yiko jo.” 10Epuron da oudo tie bedo kanono kede jo Kiti wad gi. En di eko gamo dog Aburaam di jo Kiti icegun tie winyo, karacel kede jo dedede kame oudo tie i erute me bomba be, 11“Adwong, likame kamano, winy kop na; ango atie mini poto kede abo da kame tie iye. Ango atie mini i nyim jo na; oti i yik iye dako ni.”
12Di do Aburaam bobo oko gungo piny i nyim jo me lobo nono. 13Eko waco ne Epuron di jo me lobo nono dedede winyo be, “Ka koto in iyei winyo kop na! Ango abino culi wel sente me poto nono. Yei gamo sente, tetekeny ango akaruno yiko dako na kunono.” 14Epuron oko gamo be, 15Adwong na, winy kop na; lobo kame romo siliba tol ongwon kenekene ni obedo nyo i dierediere nango kedi? Ot i yik dako ni iye. 16Aburaam oko yei kop ka Epuron di eko pimo ne siliba kame en oudo ewaco i nyim jo, siliba tol ongwon (400), di epimo kede misani kame jocat me kuno bin tio kede.
17Manono en epone kame poto ka Epuron kame bin tie Makepela, tetu kide me Mamure oko lokere odoko kede me ka Aburaam. Poto nono lung kede abo kame bin tie iye, kiton yen dedede kame bin tie i poto oko doko 18me ka Aburaam i nyim jo Kiti kede jo dedede kame bin tie kacokere i erute me bomba.
19Di do manono otiek, Aburaam oko do yiko dako mere Sara i abo kame bin tie i poto me Makepela kame opimere kede Mamure, kanono en Keburon, kame tie i lobo me Kanan. 20Poto nono kede abo kame bin tie iye oko kobo ki cing jo Kiti di eko doko me ka Aburaam me yiko jo.
Currently Selected:
Ageini 23: BILK13
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
Ageini 23
23
Sara Oto di Aburaam oko Wilo Lobo me Bedo Limbo
1Sara bin oko bedo i wi lobo pi mwakini tol acel kede ot are kiwie kanyaare (127). 2En di eko to i Kiriat Araba, manono en Keburon kame tie i lobo me Kanan. Aburaam di oko bedo kede iturur di ekok pi to ka Sara. 3Eko yai ki nget liel di eko ot eko waco ne jo Kiti be, 4#Iburanian 11.9, 13; Tice 7.16“Ango atie ngakumbor kame tie bedo i diere wu, mianu lobo i diere wu kan kame bino doko mera me yiko jo, tetekeny ayik iye dako na.”
5Gin di kiko gamo be, 6“Adwong, winy kop wa. In ibedo ngatel kame pire tek i diere wa. Ot i yik dako ni i ates kame ber kalamo apat dedede. Likame tie ngatamoro kikom wan kame bino cere nin kede ates moro me yiko dako ni.” 7Aburaam di oko yai malo eko gungo piny i nyim jo Kiti wegi lobo nono. 8En eko waco negi be, “Ka wun iyeunu be ango ayik dako na kan, winyunu kop na di ikounu kwano na Epuron wot ka Sokar, 9me wek en eyei mina abo mere kame tie Makepela, i wi poto mere. Mito en emia i nyimu, i wel kame kocate kede kikokome, tetekeny edok kabedo nango me yiko jo.” 10Epuron da oudo tie bedo kanono kede jo Kiti wad gi. En di eko gamo dog Aburaam di jo Kiti icegun tie winyo, karacel kede jo dedede kame oudo tie i erute me bomba be, 11“Adwong, likame kamano, winy kop na; ango atie mini poto kede abo da kame tie iye. Ango atie mini i nyim jo na; oti i yik iye dako ni.”
12Di do Aburaam bobo oko gungo piny i nyim jo me lobo nono. 13Eko waco ne Epuron di jo me lobo nono dedede winyo be, “Ka koto in iyei winyo kop na! Ango abino culi wel sente me poto nono. Yei gamo sente, tetekeny ango akaruno yiko dako na kunono.” 14Epuron oko gamo be, 15Adwong na, winy kop na; lobo kame romo siliba tol ongwon kenekene ni obedo nyo i dierediere nango kedi? Ot i yik dako ni iye. 16Aburaam oko yei kop ka Epuron di eko pimo ne siliba kame en oudo ewaco i nyim jo, siliba tol ongwon (400), di epimo kede misani kame jocat me kuno bin tio kede.
17Manono en epone kame poto ka Epuron kame bin tie Makepela, tetu kide me Mamure oko lokere odoko kede me ka Aburaam. Poto nono lung kede abo kame bin tie iye, kiton yen dedede kame bin tie i poto oko doko 18me ka Aburaam i nyim jo Kiti kede jo dedede kame bin tie kacokere i erute me bomba.
19Di do manono otiek, Aburaam oko do yiko dako mere Sara i abo kame bin tie i poto me Makepela kame opimere kede Mamure, kanono en Keburon, kame tie i lobo me Kanan. 20Poto nono kede abo kame bin tie iye oko kobo ki cing jo Kiti di eko doko me ka Aburaam me yiko jo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.