Ageini 26
26
Isaka Obedo Gerar
1Kikano kec ace bobo oko poto i lobo nono, weko maca kame oudo obedo tie i kare ka Aburaam. Isaka oko ot Gerar, but Abimelek abaka me Pilistia. 2Rwot oko nyutere but Isaka di eko waco ne be, “Kur iot Misiri; bedi i lobo kame ango abino nyuto ni. 3#Ageini 22.16-18Bedi i lobo nono bala ngakumbor, ango abino bedo tie kedi, doko abino mini winyo. Pien ango abino mini karacel kede ikwae ni lobere nogi dedede, doko abino cobo cikere kame bin atimo but papa ni Aburaam. 4Abino mino ikwae ni bedo tot bala acer kame tie malo, di ango ako bino mino gi lobo noni dedede. Atekerin dedede me wi lobo bino udo winyo pi ikwae ni, 5pien Aburaam owinyo dwana di eko gwoko cik kede iswilia na.”
6Aso, Isaka oko bedo Gerar. 7#Ageini 12.13; 20.2Kakame cuo me kuno openye kede kop i kom dako mere, en eko waco negi be, “En ebedo amina.” En oudo etie kede lworo pi waco be Rebeka obedo dako mere, pien oudo eparo be cuo me kuno bino neke di kiko tero dako mere, pien Rebeka oudo cil twatwal. 8Kakame Isaka otieko bedo kede kuno pi kare moro, Abaka Abimelek me Pilistia oko neno ki dirisa di Isaka tie gwagwako dako mere Rebeka. 9Abimelek oko lwongo Isaka di eko waco ne be, “Mere dako ni ino! Pinyo komio oudo iwaco be en ebedo amini?” Isaka oko waco ne be, “Pien ango oudo aparo be kobino neka pire ka awaco be en dako na.”
10Abimelek oko waco be, “Itimo ne wa kamano pinyo? Icuo moro oudo romo buto kede dako nin, di koto iko mino wan odonyo i raco.” 11Aso, Abimelek oko kwenyaro jo mege di ewaco negi be, “Ka ngatamoro otimo gimoro arac ne icuo ni arabo ne dako mere, kobino neke.”
12Isaka oko puro kodi i lobo nono, mwaka nono eko udo cam kame kalamo kodi kame oudo epuro tien tol acel. Rwot omie winyo, 13di en eko medo ameda baro; emedo lony ameda tuno di eko baro adikinicel. 14Oudo etie kede romini kede dok, kede jotic atot, omio jo me Pilistia oko bedo kede nyeko bute. 15Gin kiko cuculo ataneko kame bin jotic ka papa mere Aburaam okunyo di pwodi Aburaam oudo kuo. 16Abimelek oko waco ne Isaka be, “Yai tenge kibut wa; in do itieko doko tek kalamo wan.” 17Aso, Isaka oko yai, eko ot guro eema mere i aditot me Gerar, eko donyo bedo kuno. 18En eko bobo medo kukunyo ataneko kame bin kokunyo i kare ka papa mere Aburaam, pien jo me Pilistia oudo ocuculo gi ingei to ka Aburaam; en eko bobo cako negi nying kame papa mere bin ocako negi. 19Do kakame jotic ka Isaka okunyo kede aditot kanono di kiko udo atan amol, 20jokwat me Gerar oko lok kede jokwat ka Isaka di kiwaco be, “Pii no obedo merwan.” Omio en eko cako ne atan nono nyinge be Esek,#26.20 Esek man obedo leb Eburania kame dwong mere be lok. pien gin kilok kede en.
21Jotic ka Isaka oko bobo kunyo atan ace, di kiko bobo lok pi manono da; en eko lwongo atan nono be Sitina.#26.21 Sitina man obedo leb Eburania kame dwong mere be Ading. 22En eko dak ki kuno di eko bobo kunyo atan ace, lok likame oko bedo tie pi manono; en eko lwongo atan nono be Rekobot,#26.22 Rekobot man obedo leb Eburania kame dwong mere be Kabedo alac. pien ewaco be, “Nan do Rwot otieko mino wa kabedo, obino do nywal oko nyai i lobo noni.”
23Isaka oko yai di eko ot Beereseba. 24Iwor nono Rwot oko nyutere bute di oko waco ne be, “Kur ibed kede lworo; ango Rubanga ka papa ni Aburaam, ango atie kedi. Ango ayaro mini winyo di ako bino mini ikwae atot pi cikere na but ngatic na Aburaam.” 25Isaka di oko gero alutari kanono di eko woro Rubanga, di eko guro eema kanono. Jotic ka Isaka oko bobo kunyo atan ace kanono.
Cikere kame Isaka Otimo kede Abimelek
26 #
Ageini 21.22
Abimelek oko yai ki Gerar, karacel kede Akusat ngat koudo mie tam, kede Pikol ngadwong me isirikalen mege, kiko bino but Isaka. 27Isaka oko penyo gi be, “Pinyo komio wun ibinunu buta, do di wun oudo idaganu, doko ikounu riama tenge kibutu?”
28Gin kiko waco be, wan oneno kakaler be Rwot tie kedi; omio wan oko waco be poore wan okwongere kede in, di oko timo isikan kedi, 29tetekeny kur in itim ne wa raco moro, bala kame wada likame otimo ni kede raco moro, do kenekene otimo ni bero di oko cwani tenge kede mulem. In nan itie do ngat kame Rwot otieko mino winyo. 30Isaka oko iiko negi cam, di kiko cam kede amata. 31Gin kiko dilo yai odiko sek di kiko timo ikwong but ngati kede but ngat ca; Isaka oko peruno gi kede amot, di gin kiko yai kibute kede mulem.
32Cenge nono jotic ka Isaka oko bino di kiko waco ne kop i kom atan kame gin oudo kikunyo; gin kiwaco ne be, “Wan otieko udo pii!” 33En eko lwongo atan nono be Siba;#26.33 Siba man obedo leb Eburania kame dwong mere be ikwong arabo kanyaare. nying bomba me Beereseba owok ki nying atan nono.
Mon ka Esau kobedo Jokumbor
34Kakame Esau oromo kede mwakini ot ongwon (40), en eko nyomo mon are me jo Kiti, Yudis nyar ka Beeri, kede Basemat nyar ka Elon. 35Mon nogi oko mino Isaka kede Rebeka obedo kede kuo me cwercuny.
Currently Selected:
Ageini 26: BILK13
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
Ageini 26
26
Isaka Obedo Gerar
1Kikano kec ace bobo oko poto i lobo nono, weko maca kame oudo obedo tie i kare ka Aburaam. Isaka oko ot Gerar, but Abimelek abaka me Pilistia. 2Rwot oko nyutere but Isaka di eko waco ne be, “Kur iot Misiri; bedi i lobo kame ango abino nyuto ni. 3#Ageini 22.16-18Bedi i lobo nono bala ngakumbor, ango abino bedo tie kedi, doko abino mini winyo. Pien ango abino mini karacel kede ikwae ni lobere nogi dedede, doko abino cobo cikere kame bin atimo but papa ni Aburaam. 4Abino mino ikwae ni bedo tot bala acer kame tie malo, di ango ako bino mino gi lobo noni dedede. Atekerin dedede me wi lobo bino udo winyo pi ikwae ni, 5pien Aburaam owinyo dwana di eko gwoko cik kede iswilia na.”
6Aso, Isaka oko bedo Gerar. 7#Ageini 12.13; 20.2Kakame cuo me kuno openye kede kop i kom dako mere, en eko waco negi be, “En ebedo amina.” En oudo etie kede lworo pi waco be Rebeka obedo dako mere, pien oudo eparo be cuo me kuno bino neke di kiko tero dako mere, pien Rebeka oudo cil twatwal. 8Kakame Isaka otieko bedo kede kuno pi kare moro, Abaka Abimelek me Pilistia oko neno ki dirisa di Isaka tie gwagwako dako mere Rebeka. 9Abimelek oko lwongo Isaka di eko waco ne be, “Mere dako ni ino! Pinyo komio oudo iwaco be en ebedo amini?” Isaka oko waco ne be, “Pien ango oudo aparo be kobino neka pire ka awaco be en dako na.”
10Abimelek oko waco be, “Itimo ne wa kamano pinyo? Icuo moro oudo romo buto kede dako nin, di koto iko mino wan odonyo i raco.” 11Aso, Abimelek oko kwenyaro jo mege di ewaco negi be, “Ka ngatamoro otimo gimoro arac ne icuo ni arabo ne dako mere, kobino neke.”
12Isaka oko puro kodi i lobo nono, mwaka nono eko udo cam kame kalamo kodi kame oudo epuro tien tol acel. Rwot omie winyo, 13di en eko medo ameda baro; emedo lony ameda tuno di eko baro adikinicel. 14Oudo etie kede romini kede dok, kede jotic atot, omio jo me Pilistia oko bedo kede nyeko bute. 15Gin kiko cuculo ataneko kame bin jotic ka papa mere Aburaam okunyo di pwodi Aburaam oudo kuo. 16Abimelek oko waco ne Isaka be, “Yai tenge kibut wa; in do itieko doko tek kalamo wan.” 17Aso, Isaka oko yai, eko ot guro eema mere i aditot me Gerar, eko donyo bedo kuno. 18En eko bobo medo kukunyo ataneko kame bin kokunyo i kare ka papa mere Aburaam, pien jo me Pilistia oudo ocuculo gi ingei to ka Aburaam; en eko bobo cako negi nying kame papa mere bin ocako negi. 19Do kakame jotic ka Isaka okunyo kede aditot kanono di kiko udo atan amol, 20jokwat me Gerar oko lok kede jokwat ka Isaka di kiwaco be, “Pii no obedo merwan.” Omio en eko cako ne atan nono nyinge be Esek,#26.20 Esek man obedo leb Eburania kame dwong mere be lok. pien gin kilok kede en.
21Jotic ka Isaka oko bobo kunyo atan ace, di kiko bobo lok pi manono da; en eko lwongo atan nono be Sitina.#26.21 Sitina man obedo leb Eburania kame dwong mere be Ading. 22En eko dak ki kuno di eko bobo kunyo atan ace, lok likame oko bedo tie pi manono; en eko lwongo atan nono be Rekobot,#26.22 Rekobot man obedo leb Eburania kame dwong mere be Kabedo alac. pien ewaco be, “Nan do Rwot otieko mino wa kabedo, obino do nywal oko nyai i lobo noni.”
23Isaka oko yai di eko ot Beereseba. 24Iwor nono Rwot oko nyutere bute di oko waco ne be, “Kur ibed kede lworo; ango Rubanga ka papa ni Aburaam, ango atie kedi. Ango ayaro mini winyo di ako bino mini ikwae atot pi cikere na but ngatic na Aburaam.” 25Isaka di oko gero alutari kanono di eko woro Rubanga, di eko guro eema kanono. Jotic ka Isaka oko bobo kunyo atan ace kanono.
Cikere kame Isaka Otimo kede Abimelek
26 #
Ageini 21.22
Abimelek oko yai ki Gerar, karacel kede Akusat ngat koudo mie tam, kede Pikol ngadwong me isirikalen mege, kiko bino but Isaka. 27Isaka oko penyo gi be, “Pinyo komio wun ibinunu buta, do di wun oudo idaganu, doko ikounu riama tenge kibutu?”
28Gin kiko waco be, wan oneno kakaler be Rwot tie kedi; omio wan oko waco be poore wan okwongere kede in, di oko timo isikan kedi, 29tetekeny kur in itim ne wa raco moro, bala kame wada likame otimo ni kede raco moro, do kenekene otimo ni bero di oko cwani tenge kede mulem. In nan itie do ngat kame Rwot otieko mino winyo. 30Isaka oko iiko negi cam, di kiko cam kede amata. 31Gin kiko dilo yai odiko sek di kiko timo ikwong but ngati kede but ngat ca; Isaka oko peruno gi kede amot, di gin kiko yai kibute kede mulem.
32Cenge nono jotic ka Isaka oko bino di kiko waco ne kop i kom atan kame gin oudo kikunyo; gin kiwaco ne be, “Wan otieko udo pii!” 33En eko lwongo atan nono be Siba;#26.33 Siba man obedo leb Eburania kame dwong mere be ikwong arabo kanyaare. nying bomba me Beereseba owok ki nying atan nono.
Mon ka Esau kobedo Jokumbor
34Kakame Esau oromo kede mwakini ot ongwon (40), en eko nyomo mon are me jo Kiti, Yudis nyar ka Beeri, kede Basemat nyar ka Elon. 35Mon nogi oko mino Isaka kede Rebeka obedo kede kuo me cwercuny.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.