Ageini 44
44
Ikopo Korwenyo
1Yosepu oko waco ne ngatic kame gwoko ode be, “Pongi ipukoi ka jogo kede cam bala kame gin kitwero yeno, di iko keto sente ka ngat acelacel i epuko mere. 2Ket ikopo nango, ikopo kame kotimo kede nyonyo siliba, i epuko me ngat atitidi kalamo, kete karacel kede sente mere me wilo cam da.” En eko timo bala kame Yosepu owaco ne. 3Odiko di piny oru, oko peruno jo nogo kioto kede pundan gi. 4Kakame kioto kede kakacecek pwodi yai ki bomba, Yosepu oko waco ne ngagwok ode be, “Wap jogo, kame imako gi, wace gi be, ‘Pinyo komio iculunu bero kede raco? 5Pinyo komio ikwalunu ikopo ka ngadwong na, ikopo kame kotimo kede nyonyo siliba? Mam en emato kede ikopo nono? Mam etimo kede en tic me tuco kope me anyim kede komungere? Itimunu gikarac twatwal.’ ”
6Kakame en etuno kede but gi, en eko nyogao negi kope nogi. 7Gin kiko waco ne be, “Adwong pinyo komio in iwaco kope acal kamagi? Tim kacal kamano bor kibut wan jotic nin! 8Neningo kong, sente kame wan oudo i ipukoi wa wan oko dwoko buti yai ki lobo me Kanan; pinyo do kame mio wan oko kwalo siliba amoto saabu ki ot ka ngadwong ni? 9Ka koudo ngatamoro kikom wa kede ikopo nono, poore neke, di wan jo apat oko doko ipasoi ni.”
10En eko waco be, “Ebo ango ayei, do kenekene ngat kame koudo kede ikopo en kame bino doko epasoit na, do jo apat kikom wu bino ot.” 11Di do ngat acelacel kikom gi oko cibo epuko mere piny awakawaka di egonyo doge. 12En eko cako more, egeo kede epuko me ngat adwong di eko tieko kede epuko me ngat atitidi; eko udo ikopo i epuko ka Benjamin. 13Manoni oko mino gi kinyinyilo igoen i kom gi pi wangcuny. Ngat acelacel kikom gi oko keto yec mere ingei punda mere di kiko dok i bomba.
14Yuda kede imiegu mege oko dok i ot ka Yosepu di kiko ude pwodi etie. Gin kiko riebere i nyime, 15di Yosepu oko waco negi be, “Nyo ine kame wun itimunu ni? Oudo likame ingeunu be dano acal bala ango twero timo tic me tuco gikomungere?”
16Yuda oko dwoko be, “Owaci nyo? Oyam kedi benyo? Epone mene en kame wan oromo lwoko kede nying wa? Rubanga otieko udo raco wan jotic ni; nan wan ige odoko ipasoi ni, wan dedede karacel kede ngat kame koudo ikopo bute.”
17Yosepu oko waco be, “Likame abino timo mano akadi acel! Ngat kame koudo ikopo bute en oyaro doko epasoit nango; do wun jo apat, otunu but papa wu kede mulem.”
Yuda Obako Doge pi Benjamin
18Yuda oko nyiko but Yosepu di eko waco ne be, “Okwe adwong na, yei na yamo kedi di likame iko doko ger keda; pien in irom aroma kede Parao. 19Adwong na, in ipenya be, ‘Itienu kede papa wu arabo ominu?’ 20Wan oko dwoko ni be, ‘Wan otie kede papa wa, en eti, doko otie kede omin wa atidi, atin kame en enywalo i wi tio. Omin mere me toto gi kede acel oto, en kene kame edong; papa mere mare.’ 21Di in iko waco ne wa be, ‘Kelenu buta, tetekeny ada anene.’ 22Wan oko waco ni be, ‘Awobi ca likame twero weko papa mere, ka etimo kamanono, papa mere bino to.’ 23Di in iko waco ne wan be, ‘Likame ibinunu bobo neno wanga tuno di ikelunu ominu.’ 24Kakame wan odok kede but papa wa, wan oko waco ne kop nin. 25En eko waco ne wa be, ‘Dokunu ikounu bobo wilo cam moro atitidi.’ 26Wan oko waco ne be, ‘Wan likame obino ot, kwanyo ka omin wa ooto kede wa. Pien likame wan obino twero neno wang icuo ca tuno di ooto kede omin wa atidi.’ 27Di papa wan oko waco ne wa be, ‘Wun ingeunu be dako nango onywalo na idwe awobe are; 28acel kikom gi oweka di ango ako waco be, ateteni miero bed di kotieko nyinyilo en; cako cenge nono likame bobo ango ako nene. 29Ka iterunu man da kibuta, di gimoro arac oko timere ne, ango atieko ti, ibinunu mino par neka.’ 30-31Pi mano, ka nan ango adok but papa na abongo awobi noni, en ebino to, pien kuo mere kede kuo me awobi no tie acel. Ka en eneno be awobi no likame tie kede wa, wan obino mino par neke, piento en etieko ti. 32Medo i wi mano, ango oudo ayei i nyim papa na pi gwoke di awaco be, ‘Ka likame ango adwoke buti, raco nono bino bedo i wiango i nyimi i kare dedede me kuo nango.’ 33Pi mano, nan wek ango adong kan bala epasoit nin akaka awobi no, di iko yei ne en dok kede imiegu mege. 34Pien epone mene kame ango atwero dok kede but papa na abongo awobi no? Ango lworo maka neno can kame papa na oyaro beo iye.”
Currently Selected:
Ageini 44: BILK13
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
Ageini 44
44
Ikopo Korwenyo
1Yosepu oko waco ne ngatic kame gwoko ode be, “Pongi ipukoi ka jogo kede cam bala kame gin kitwero yeno, di iko keto sente ka ngat acelacel i epuko mere. 2Ket ikopo nango, ikopo kame kotimo kede nyonyo siliba, i epuko me ngat atitidi kalamo, kete karacel kede sente mere me wilo cam da.” En eko timo bala kame Yosepu owaco ne. 3Odiko di piny oru, oko peruno jo nogo kioto kede pundan gi. 4Kakame kioto kede kakacecek pwodi yai ki bomba, Yosepu oko waco ne ngagwok ode be, “Wap jogo, kame imako gi, wace gi be, ‘Pinyo komio iculunu bero kede raco? 5Pinyo komio ikwalunu ikopo ka ngadwong na, ikopo kame kotimo kede nyonyo siliba? Mam en emato kede ikopo nono? Mam etimo kede en tic me tuco kope me anyim kede komungere? Itimunu gikarac twatwal.’ ”
6Kakame en etuno kede but gi, en eko nyogao negi kope nogi. 7Gin kiko waco ne be, “Adwong pinyo komio in iwaco kope acal kamagi? Tim kacal kamano bor kibut wan jotic nin! 8Neningo kong, sente kame wan oudo i ipukoi wa wan oko dwoko buti yai ki lobo me Kanan; pinyo do kame mio wan oko kwalo siliba amoto saabu ki ot ka ngadwong ni? 9Ka koudo ngatamoro kikom wa kede ikopo nono, poore neke, di wan jo apat oko doko ipasoi ni.”
10En eko waco be, “Ebo ango ayei, do kenekene ngat kame koudo kede ikopo en kame bino doko epasoit na, do jo apat kikom wu bino ot.” 11Di do ngat acelacel kikom gi oko cibo epuko mere piny awakawaka di egonyo doge. 12En eko cako more, egeo kede epuko me ngat adwong di eko tieko kede epuko me ngat atitidi; eko udo ikopo i epuko ka Benjamin. 13Manoni oko mino gi kinyinyilo igoen i kom gi pi wangcuny. Ngat acelacel kikom gi oko keto yec mere ingei punda mere di kiko dok i bomba.
14Yuda kede imiegu mege oko dok i ot ka Yosepu di kiko ude pwodi etie. Gin kiko riebere i nyime, 15di Yosepu oko waco negi be, “Nyo ine kame wun itimunu ni? Oudo likame ingeunu be dano acal bala ango twero timo tic me tuco gikomungere?”
16Yuda oko dwoko be, “Owaci nyo? Oyam kedi benyo? Epone mene en kame wan oromo lwoko kede nying wa? Rubanga otieko udo raco wan jotic ni; nan wan ige odoko ipasoi ni, wan dedede karacel kede ngat kame koudo ikopo bute.”
17Yosepu oko waco be, “Likame abino timo mano akadi acel! Ngat kame koudo ikopo bute en oyaro doko epasoit nango; do wun jo apat, otunu but papa wu kede mulem.”
Yuda Obako Doge pi Benjamin
18Yuda oko nyiko but Yosepu di eko waco ne be, “Okwe adwong na, yei na yamo kedi di likame iko doko ger keda; pien in irom aroma kede Parao. 19Adwong na, in ipenya be, ‘Itienu kede papa wu arabo ominu?’ 20Wan oko dwoko ni be, ‘Wan otie kede papa wa, en eti, doko otie kede omin wa atidi, atin kame en enywalo i wi tio. Omin mere me toto gi kede acel oto, en kene kame edong; papa mere mare.’ 21Di in iko waco ne wa be, ‘Kelenu buta, tetekeny ada anene.’ 22Wan oko waco ni be, ‘Awobi ca likame twero weko papa mere, ka etimo kamanono, papa mere bino to.’ 23Di in iko waco ne wan be, ‘Likame ibinunu bobo neno wanga tuno di ikelunu ominu.’ 24Kakame wan odok kede but papa wa, wan oko waco ne kop nin. 25En eko waco ne wa be, ‘Dokunu ikounu bobo wilo cam moro atitidi.’ 26Wan oko waco ne be, ‘Wan likame obino ot, kwanyo ka omin wa ooto kede wa. Pien likame wan obino twero neno wang icuo ca tuno di ooto kede omin wa atidi.’ 27Di papa wan oko waco ne wa be, ‘Wun ingeunu be dako nango onywalo na idwe awobe are; 28acel kikom gi oweka di ango ako waco be, ateteni miero bed di kotieko nyinyilo en; cako cenge nono likame bobo ango ako nene. 29Ka iterunu man da kibuta, di gimoro arac oko timere ne, ango atieko ti, ibinunu mino par neka.’ 30-31Pi mano, ka nan ango adok but papa na abongo awobi noni, en ebino to, pien kuo mere kede kuo me awobi no tie acel. Ka en eneno be awobi no likame tie kede wa, wan obino mino par neke, piento en etieko ti. 32Medo i wi mano, ango oudo ayei i nyim papa na pi gwoke di awaco be, ‘Ka likame ango adwoke buti, raco nono bino bedo i wiango i nyimi i kare dedede me kuo nango.’ 33Pi mano, nan wek ango adong kan bala epasoit nin akaka awobi no, di iko yei ne en dok kede imiegu mege. 34Pien epone mene kame ango atwero dok kede but papa na abongo awobi no? Ango lworo maka neno can kame papa na oyaro beo iye.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.