Luka 23
23
Kotero Yesu i nyim Pilato
(Matayo 27.1-2, 11-14; Marako 15.1-5; Yokana 18.28-38)
1Di do ekodet dedede kame bin tie i kansulo oko yai malo, di kiko tero Yesu i nyim Pilato. 2Kiko cako pide di kiwaco be, “Wan oudo icuo ni di tie rwenyo ateker wa, di egengo wa culo esolo but Kaisari, doko di ewaco be en kikome ebedo Kirisito abaka.”
3Pilato oko penye be, “In en ibedo abaka me Iyudayan?” Yesu oko dwoko ne be, “In en iwaco kamanono.”
4Di do Pilato oko waco ne jodongo me josaseredoti karacel kede ekodet be, “Ango likame audo raco moro i kom icuo ni.”
5Do gin kiko cerededo kitek di kiwaco be, “Lono tie rubo wi jo dedede me Yudea kede pwony mere. En ecako ki Galilaya nan do etuno kede kiton kan da.”
Kotero Yesu i nyim Erode
6Di bin Pilato owinyo kop noni, en eko penyo ka Yesu oudo obedo Ngagalilaya. 7Kakame eniang kede kiber be Yesu oudo owok ki adul kame Erode pugo, en eko cwane but Erode, ngat kame oudo da tie Yerusalem i kare nono. 8Cuny Erode oko bedo yom adikinicel pi neno Yesu, pien oudo lem cunye mito nene. En oudo etieko winyo kop i kom Yesu, doko oudo etie kede gen me nene di etimo gianena moro. 9Pi mano, en eko pepenyo Yesu pi esawa alac twatwal; do Yesu likame oko dwoko kop moro. 10Jodongo me josaseredoti karacel kede jopwony me Iswil oudo tie cungo kuno di kipide kede gero adikinicel. 11Di do Erode kede isirikalen mege oko timo ne Yesu tim me acae di kinyere; kakame kotieko ngapo ne kede igoen kabeco me angosibib, Erode oko mino kodwoke but Pilato. 12Pilato kede Erode oudo dingere, do cako cenge nono di do kiko doko awotino.
Kongolo ne Yesu Kop me To
(Matayo 27.15-26; Marako 15.6-15; Yokana 18.39—19.16)
13Di do Pilato oko lwongo jodongo me josaseredoti kede jopug kede ekodet dedede karacel, 14di eko waco ne gi be, “Wun ikelunu icuo ni buta kan be etie rwenyo jo kede pwony mege; do ingei pepenyo en i nyimu kan, ango likame aude kede raco moro i kom kope kame wun ipidenu iye. 15Akadi Erode da likame oudo gimoro arac i kome, en komio eko dwoke but wa. Ateteni, likame tie gimoro arac kame en etimo kame romo mino kongolo ne kop me to. 16Pi mano, ango ayaro mino kodae di ako weke eoti.” 17(Oudo Pilato miero bin gony ne gi mabus acel i kare me Ebaga me Kalamo.)
18Do ekodet oko redo kede dwan amalo di kiwaco be, “Nek icuo ni! Gony ne wan Baraba!” 19Baraba oudo obedo icuo kame kotweo i otkol pi kop me nek, kede pi kop me logologo kame bin otimere i bomba me Yerusalem.
20Pilato bin tie kede mit me gonyo Yesu, omio en eko bobo yamo kede gi; 21do gin kiko ilelem kitek be, “Gure i kom musalaba, gure i kom musalaba!”
22Pilato oko bobo waco ne gi tien me adek mere be, “Pinyo kara, raco nyo kame en etimo? Ango likame audo raco moro i kome kame romo mino kongolo ne kop me to. Pi mano, ango ayaro mino kodae di ako weke eoti.”
23Do gin kiko cerededo kede ilelem atek, di kiwaco be poore gur Yesu i kom musalaba. Koko gi oko cobere. 24Di do Pilato oko ngolo ne Yesu kop bala kite kame oudo gin kimito kede. 25En eko gonyo ne gi icuo kame bin kotweo i otkol pi kelo logologo kede pi timo nek, kame gin oudo kikwao be gony ne gi; do eko jalo Yesu i cing gi pi gin timo ne gikame gin kimito.
Koguro Yesu i kom Musalaba
(Matayo 27.32-44; Marako 15.21-32; Yokana 19.17-27)
26Esawa kame isirikalen oudo tie tero kede Yesu tenge, kiko mako icuo moro me Sirene, kame nyinge Simoni, kame oudo tie wok ki ooko me bomba. Gin kiko riongo ne musalaba i ngute tetek, di eko donyo yeno di elubo Yesu ki cen.
27Ekodet me jo oko donyo lube ki cen karacel kede mon kame oudo tie paro pire di kikok kitek. 28Do Yesu oko lokere oneno gi, di eko waco ne gi be, “Anyira me Yerusalem, kur ikokunu pira, do kokunu piru kede pi idwe wu. 29Pien ateteni awaco ne wu be, ceng tie bino kame jo bino waco kede be, ‘Kitie kede winyo mon kame obedo adongei, kede auris kalikame onywal, kede tune kalikame kodoto!’ 30#Kosea 10.8; Gianyuta 6.16Di do kiko bino cako waco ne mori be, ‘Pot i kom wa’; kede ne imukuran da be, ‘Um wa.’ 31Pien ka kitimo kaman di yat pwodi numu, nyo do kame bino timere kame yat otuo?”
32Di do kiko tero cuo mogo are da kame bin obedo jo kame oudo timo tim areco, pi ot guro gi i kom musalaba karacel kede Yesu. 33Kakame do bin kituno kede i kabedo kame kolwongo be “Cogowic”, kiko guro Yesu i kom musalaba ki kuno karacel kede jo nogo kame oudo timo tim areco, ngat acel i bade tetu cam, kede ngat acel i bade tetu ngodal. 34#Sabuli 22.18Di Yesu oko waco be, “Papa, sasiro gi, pien kikwia gikame kitie timo.” Di kiko donyo uco alulu pi popoko igoen mege. 35#Sabuli 22.7Jo oko donyo cungo kanono di kingie. Do jopug oko donyo junye ne di kiwaco be, “En etieko lako jo apat, ber kong eda elakere kene, ka di en ebedo Kirisito ka Rubanga, ngat kame Rubanga oyero!”
36 #
Sabuli 69.21
Isirikalen da oko donyo nyere kede acae; oudo kibino bute di kimie bwini awac, 37di kiwaco be, “Ka in en abaka me Iyudayan, lakere keni!”
38Oudo tie iwandik moro kame koguro i wi musalaba mere kame waco be, “Man en abaka me Iyudayan.”
39Ngat acel kikom jo nogo kame oudo timo tim areco, kame bin koguro, oko cako cotoro Yesu di ewaco be, “Mam in ibedo Kirisito? Lakere keni di iko lako wada!”
40Do ngat ocelu oko coke di ewaco be, “Mam in likame ilworo Rubanga? Aso di kongolo nin kop kame rom aroma kede mere. 41Do ateteni kongolo ne wan kop kakare, pien wan otie udo adwokini me tice wa, do likame tie gimoro arac kame dano ni otimo.” 42Di do eko waco be, “Yesu, yutuno ango kame idonyo i Ajakanut ni.”
43Yesu oko waco ne be, “Ateteni awaco ni be, tin noni iyaro bedo keda i paradis.”#23.43 paradis man en kabedo me mulem kame bedo nakanaka.
Yesu Oto
(Matayo 27.45-56; Marako 15.33-41; Yokana 19.28-30)
44Oudo esawa kanyape me iceng do oyapuno romo; piny lung oko doko col tuno esawa kanyangon me otieno 45di likame wang ceng oneeno. Egoe kame bin poko isenge i tempulo oko yec odoko are. 46#Sabuli 31.5Di do Yesu oko koko kede dwan amalo di ewaco be, “Papa, ajalo tipo na i cingi!” Ingei waco kamano, en eko oomo cunye, di do eko to.
47Kakame bin ngadwong me isirikalen oneno kede gikame otimere, en eko pako Rubanga di ewaco be, “Ateteni dano ni kom oudo li kede raco moro!”
48Kakame ekodet me jo dedede kame bin ocokere kuno oneno kede gikame otimere, gin kiko dok paco di kibapo kor gi. 49#Luka 8.2-3Jo dedede kame bin onao kede Yesu, karacel kede mon kame oudo olube cako ki Galilaya oko cungo ki tenge pi neno gikame oudo tie timere nogi.
Koyiko Yesu
(Matayo 27.57-61; Marako 15.42-47; Yokana 19.38-42)
50Bin tie icuo moro kame nyinge Yosepu, me bomba me Iyudayan kame kolwongo be Arimatea. En oudo ebedo dano acel kikom jo kame bedo i kansulo me Iyudayan, en oudo ebedo dano kopoore doko di eber. 51En bin likame eyei kede tam gi, akadi kede tim gi da. En oudo etie daro bino me Ajakanut ka Rubanga. 52Icuo noni bin oko ot but Pilato, di eko kwano be mie kom Yesu. 53En eko tako kom Yesu ki musalaba, di eko bono kede esuka, di eko cibe i ates kame oudo bin koroko i lela, ates kalikame pwodi oudo koyiko iye ngatamoro. 54Ceng no oudo obedo ceng me iikere, pien Ceng Sabato do oudo tie gere.
55Mon kame oudo oupere kede Yesu wok ki Galilaya oko lubo Yosepu, kiko neno ates kede epone kame kopielo kede kome; 56#Yai 20.10; Iswilia 5.14di do gin kiko dok, kiko iiko mo kede gikame ngwece gi kur.
I Ceng Sabato, gin kiko wei bala kite kame cik oudo mito kede.
Currently Selected:
Luka 23: BILK13
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
Luka 23
23
Kotero Yesu i nyim Pilato
(Matayo 27.1-2, 11-14; Marako 15.1-5; Yokana 18.28-38)
1Di do ekodet dedede kame bin tie i kansulo oko yai malo, di kiko tero Yesu i nyim Pilato. 2Kiko cako pide di kiwaco be, “Wan oudo icuo ni di tie rwenyo ateker wa, di egengo wa culo esolo but Kaisari, doko di ewaco be en kikome ebedo Kirisito abaka.”
3Pilato oko penye be, “In en ibedo abaka me Iyudayan?” Yesu oko dwoko ne be, “In en iwaco kamanono.”
4Di do Pilato oko waco ne jodongo me josaseredoti karacel kede ekodet be, “Ango likame audo raco moro i kom icuo ni.”
5Do gin kiko cerededo kitek di kiwaco be, “Lono tie rubo wi jo dedede me Yudea kede pwony mere. En ecako ki Galilaya nan do etuno kede kiton kan da.”
Kotero Yesu i nyim Erode
6Di bin Pilato owinyo kop noni, en eko penyo ka Yesu oudo obedo Ngagalilaya. 7Kakame eniang kede kiber be Yesu oudo owok ki adul kame Erode pugo, en eko cwane but Erode, ngat kame oudo da tie Yerusalem i kare nono. 8Cuny Erode oko bedo yom adikinicel pi neno Yesu, pien oudo lem cunye mito nene. En oudo etieko winyo kop i kom Yesu, doko oudo etie kede gen me nene di etimo gianena moro. 9Pi mano, en eko pepenyo Yesu pi esawa alac twatwal; do Yesu likame oko dwoko kop moro. 10Jodongo me josaseredoti karacel kede jopwony me Iswil oudo tie cungo kuno di kipide kede gero adikinicel. 11Di do Erode kede isirikalen mege oko timo ne Yesu tim me acae di kinyere; kakame kotieko ngapo ne kede igoen kabeco me angosibib, Erode oko mino kodwoke but Pilato. 12Pilato kede Erode oudo dingere, do cako cenge nono di do kiko doko awotino.
Kongolo ne Yesu Kop me To
(Matayo 27.15-26; Marako 15.6-15; Yokana 18.39—19.16)
13Di do Pilato oko lwongo jodongo me josaseredoti kede jopug kede ekodet dedede karacel, 14di eko waco ne gi be, “Wun ikelunu icuo ni buta kan be etie rwenyo jo kede pwony mege; do ingei pepenyo en i nyimu kan, ango likame aude kede raco moro i kom kope kame wun ipidenu iye. 15Akadi Erode da likame oudo gimoro arac i kome, en komio eko dwoke but wa. Ateteni, likame tie gimoro arac kame en etimo kame romo mino kongolo ne kop me to. 16Pi mano, ango ayaro mino kodae di ako weke eoti.” 17(Oudo Pilato miero bin gony ne gi mabus acel i kare me Ebaga me Kalamo.)
18Do ekodet oko redo kede dwan amalo di kiwaco be, “Nek icuo ni! Gony ne wan Baraba!” 19Baraba oudo obedo icuo kame kotweo i otkol pi kop me nek, kede pi kop me logologo kame bin otimere i bomba me Yerusalem.
20Pilato bin tie kede mit me gonyo Yesu, omio en eko bobo yamo kede gi; 21do gin kiko ilelem kitek be, “Gure i kom musalaba, gure i kom musalaba!”
22Pilato oko bobo waco ne gi tien me adek mere be, “Pinyo kara, raco nyo kame en etimo? Ango likame audo raco moro i kome kame romo mino kongolo ne kop me to. Pi mano, ango ayaro mino kodae di ako weke eoti.”
23Do gin kiko cerededo kede ilelem atek, di kiwaco be poore gur Yesu i kom musalaba. Koko gi oko cobere. 24Di do Pilato oko ngolo ne Yesu kop bala kite kame oudo gin kimito kede. 25En eko gonyo ne gi icuo kame bin kotweo i otkol pi kelo logologo kede pi timo nek, kame gin oudo kikwao be gony ne gi; do eko jalo Yesu i cing gi pi gin timo ne gikame gin kimito.
Koguro Yesu i kom Musalaba
(Matayo 27.32-44; Marako 15.21-32; Yokana 19.17-27)
26Esawa kame isirikalen oudo tie tero kede Yesu tenge, kiko mako icuo moro me Sirene, kame nyinge Simoni, kame oudo tie wok ki ooko me bomba. Gin kiko riongo ne musalaba i ngute tetek, di eko donyo yeno di elubo Yesu ki cen.
27Ekodet me jo oko donyo lube ki cen karacel kede mon kame oudo tie paro pire di kikok kitek. 28Do Yesu oko lokere oneno gi, di eko waco ne gi be, “Anyira me Yerusalem, kur ikokunu pira, do kokunu piru kede pi idwe wu. 29Pien ateteni awaco ne wu be, ceng tie bino kame jo bino waco kede be, ‘Kitie kede winyo mon kame obedo adongei, kede auris kalikame onywal, kede tune kalikame kodoto!’ 30#Kosea 10.8; Gianyuta 6.16Di do kiko bino cako waco ne mori be, ‘Pot i kom wa’; kede ne imukuran da be, ‘Um wa.’ 31Pien ka kitimo kaman di yat pwodi numu, nyo do kame bino timere kame yat otuo?”
32Di do kiko tero cuo mogo are da kame bin obedo jo kame oudo timo tim areco, pi ot guro gi i kom musalaba karacel kede Yesu. 33Kakame do bin kituno kede i kabedo kame kolwongo be “Cogowic”, kiko guro Yesu i kom musalaba ki kuno karacel kede jo nogo kame oudo timo tim areco, ngat acel i bade tetu cam, kede ngat acel i bade tetu ngodal. 34#Sabuli 22.18Di Yesu oko waco be, “Papa, sasiro gi, pien kikwia gikame kitie timo.” Di kiko donyo uco alulu pi popoko igoen mege. 35#Sabuli 22.7Jo oko donyo cungo kanono di kingie. Do jopug oko donyo junye ne di kiwaco be, “En etieko lako jo apat, ber kong eda elakere kene, ka di en ebedo Kirisito ka Rubanga, ngat kame Rubanga oyero!”
36 #
Sabuli 69.21
Isirikalen da oko donyo nyere kede acae; oudo kibino bute di kimie bwini awac, 37di kiwaco be, “Ka in en abaka me Iyudayan, lakere keni!”
38Oudo tie iwandik moro kame koguro i wi musalaba mere kame waco be, “Man en abaka me Iyudayan.”
39Ngat acel kikom jo nogo kame oudo timo tim areco, kame bin koguro, oko cako cotoro Yesu di ewaco be, “Mam in ibedo Kirisito? Lakere keni di iko lako wada!”
40Do ngat ocelu oko coke di ewaco be, “Mam in likame ilworo Rubanga? Aso di kongolo nin kop kame rom aroma kede mere. 41Do ateteni kongolo ne wan kop kakare, pien wan otie udo adwokini me tice wa, do likame tie gimoro arac kame dano ni otimo.” 42Di do eko waco be, “Yesu, yutuno ango kame idonyo i Ajakanut ni.”
43Yesu oko waco ne be, “Ateteni awaco ni be, tin noni iyaro bedo keda i paradis.”#23.43 paradis man en kabedo me mulem kame bedo nakanaka.
Yesu Oto
(Matayo 27.45-56; Marako 15.33-41; Yokana 19.28-30)
44Oudo esawa kanyape me iceng do oyapuno romo; piny lung oko doko col tuno esawa kanyangon me otieno 45di likame wang ceng oneeno. Egoe kame bin poko isenge i tempulo oko yec odoko are. 46#Sabuli 31.5Di do Yesu oko koko kede dwan amalo di ewaco be, “Papa, ajalo tipo na i cingi!” Ingei waco kamano, en eko oomo cunye, di do eko to.
47Kakame bin ngadwong me isirikalen oneno kede gikame otimere, en eko pako Rubanga di ewaco be, “Ateteni dano ni kom oudo li kede raco moro!”
48Kakame ekodet me jo dedede kame bin ocokere kuno oneno kede gikame otimere, gin kiko dok paco di kibapo kor gi. 49#Luka 8.2-3Jo dedede kame bin onao kede Yesu, karacel kede mon kame oudo olube cako ki Galilaya oko cungo ki tenge pi neno gikame oudo tie timere nogi.
Koyiko Yesu
(Matayo 27.57-61; Marako 15.42-47; Yokana 19.38-42)
50Bin tie icuo moro kame nyinge Yosepu, me bomba me Iyudayan kame kolwongo be Arimatea. En oudo ebedo dano acel kikom jo kame bedo i kansulo me Iyudayan, en oudo ebedo dano kopoore doko di eber. 51En bin likame eyei kede tam gi, akadi kede tim gi da. En oudo etie daro bino me Ajakanut ka Rubanga. 52Icuo noni bin oko ot but Pilato, di eko kwano be mie kom Yesu. 53En eko tako kom Yesu ki musalaba, di eko bono kede esuka, di eko cibe i ates kame oudo bin koroko i lela, ates kalikame pwodi oudo koyiko iye ngatamoro. 54Ceng no oudo obedo ceng me iikere, pien Ceng Sabato do oudo tie gere.
55Mon kame oudo oupere kede Yesu wok ki Galilaya oko lubo Yosepu, kiko neno ates kede epone kame kopielo kede kome; 56#Yai 20.10; Iswilia 5.14di do gin kiko dok, kiko iiko mo kede gikame ngwece gi kur.
I Ceng Sabato, gin kiko wei bala kite kame cik oudo mito kede.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.