Matiu 24
24
Yisa kaah pag Iwonjiɛn niin a biim man
(Mag 13:1-2; Lug 21:5-6)
1Yisa kaah nan nyan iwonjiɛn niin ki chaa-n, le u bɔɔnɔɔb dan u ban ki nan wɔɔn u iwonjiɛn niin nmɔn a dir. 2Le u baan bi ke, “Ni kan ni niɛ nan biɛn waa? N bei ni ibamɔn le, bi na li tir ni biɛn ki jaa tum, le litangbagil liba kaa na yin gur ki paa li kpiɛg bu.”
Limugil nin fala a jim
(Mag 13:3-13; Lug 21:7-19)
3Yisa kaah nan jon tan ka lijɔɔl lan wee bi yi li Olif a Siigi a Jɔɔl a paab nan, le u bɔɔnɔɔb dan u ban, bi binba, ki nan baan u ke, “Ibayoo wee ni niɛ nan biɛn na yin ŋaa? Ba nan yin ye a dam nmɔn a siɛra nin dulinya nan a diɛm paam maa? Bei ti ni.”
4Le u jiin ke, “Ni li nyi ki laa che uba n lar ni. 5Nan bu-n bininfob takpem na li ta n yinl ki dan ki ke bi ma ye min Masiya nan, ki lar bininfob takpem. 6Ni na li gbir bitɔb a fur nin bitɔb a bɔr, amaa ni laa jeeli, ni kpaa le ke ni niɛ nan biɛn n tun, amaa naa wɔɔn ke dulinya a diɛm le yen ni. 7Libol nin libol na li kɔn nin tab, le nnaam miba a ninfob na li kɔn nin nnaam mitɔ a ninfob. Le nkom nin kutingbɔŋ a damim na li be iyag iba ni. 8Ni niɛ nan biɛn na yin nann nmarwiɛn a piinim le.
9“N-yonn nmɔn bi na li choo ni ki jin ni fala, ki ku ni, le kutingbɔŋ biɛn nan yin nan ni le naah nɔɔ min bu. 10Iyaayoo nmɔn, bininfob takpem na li ta n bɔr gab, ki gbii tab bu, ki ji nan tab, 11le tibɔkar a linlem na li nyann ki nan lar bininfob takpem. 12Nan bu-n npooton kaah na li yabig dulinya nan yaan ni bu, bininfob takpem a jiɛm kaa na li yabi. 13Amaa wan nan sir kenken ki tan kpaa ndiɛm ke u li kan feegab. 14Le bi na li mɔɔn paab a naam nan a bɔŋann ilog biɛn nin ki ŋa siɛra ki sei ibol biɛn wee dulinya a diɛmin nin foon.
Niwanbirin a bɔr
(Mag 13:14-23; Lug 21:20-24)
15“Ni na li kan liwanbiril lan wee ulinlenn Daniɛl nan pag li bɔrin#Daniɛl 9:27, nan wee Uwonbɔr kɔn kaah si iwonjiɛn niin ni, (Wan biɛn nan karin n sɔbim nan ke un biɛ na ye nan.) 16Iyaayoo nmɔn nan foo ke, che ban be Judiya a tiŋ poolin ni, bin guun ki do lijɔɔl a paaba. 17Wan mu nan be u niin a mɔɔpinl a paab ke, u laa ji jiirin ki nan kɔɔ u diin ke un yuur ni ba. 18Wan mu nan be u kpaabin ke, u laa ji jir iniin ke un tan yuur u daala. 19Naa na li ŋan ki sei bipiipoodam nin ban ŋmag nbuwaabi! 20Ni miɛ Uwonbɔr wee u laa che ni guun kufaag a yonn ni bee likpakɔɔl daali. 21Nan bu-n n-yonn nmɔn bininfob na li kan limugil takpem, Uwonbɔr kaah naan dulinya nan ki nan kpaa dinan, baa laa kan limugil nmɔn a boli, limugil nmɔn a bosu mu kaa ji li nyi dan ni bɔɔn bu. 22Naa ye Uwonbɔr tɔɔl li nan war limugil lan chaan nmɔn a weehn ke, uba kaa yin ŋmari. U ninfogannkaab a nyunyunbasanl bu le u li war limugil nmɔn a weehn.
23“Iyaayoo nmɔn, uba nan bei ni ke, ‘Ni lig, Masiya sɔ!’ Bee, ‘U be do!’ Ni laa ŋa ni yada. 24Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke. 25A kan na, n chinn bei ni le, ke ni yonn kaa laa foo.
26“Mambu, ni ye bi nan ke, ‘Lig, u be kukunkɔɔg bu’ ke, ni laa nya; bee, ‘Lig, u be ndiin’ ke, ni laa ŋa ni yada. 27Nan bu-n Uninfosaal a Bigin a dam na yin be le ke utaal kaah ti nyagir liwonpɔɔnl wee bi ga ki liwonlul man ni. 28Nan yaan wee kuwankpiiŋ be-n, nin yaan le tijuur lagin.
Uninfosaal a Bija a dam a bɔr
(Mag 13:24-27; Lug 21:25-28)
29“Libol lan wee bi na yin kan limugilin a bɔɔn,
‘Nween li bɔŋ,
le uŋmal kaa ji li ween ni,
le iŋmabil na li nya kitilangbɔŋin ki lunn,
le nan be paab biɛn na li dam dam.’#Azaya 13:10; 34:4
30“N-yonn nmɔn, bi na li kan Uninfosaal a Big a siɛra kitilangbɔŋin, le kutingbɔŋ nan biɛn na li fabin, ki kan Uninfosaal a Big kaah be kitilangbɔŋin ki chaan nin npɔɔn nin kupag takpem. 31Kunaatuŋ na li mɔɔ, le u li tun u malakam le bin jo ki tan lagin u ninfogannkaab ban be paab a logi biɛn.
Bikinkam a biɛm a bɔr
(Mag 13:28-31; Lug 21:29-33)
32“Ni ta bikinkam ki tinn nlam: Ni ti nan kan busub nmɔn bunn tifar ke, ni biɛ ke likpanyigil mala. 33Ni ye man le, ni nan kan ni niɛ nan biɛn ke, ni li nyi ke ni mala, ki be ni timansanmɔnn. 34N bei ni ibamɔn le, daandaan nan a ninfob kaa yin kpo diɛ le ni niɛ nan biɛn ni tun. 35Paab nin tum na li jo, amaa n bɔr kaa jɔɔ tin jo.
Uba kaa nyi lidaal lan bee n yonn man ni
(Mag 13:32-37; Lug 17:26-30,34-36)
36“Uba kaa nyi ki jiin lidaal bee n-yonn nmɔn ni, hali malakam ban be paab bee Bija-n tɔɔl kaa nyi, amaa Baa-n a binba le nyi. 37Nowa a yonn kaah nan ye man ni, Uninfosaal a Big mu a dam a yonn na yin ye man le. 38Nan bu-n n-yonn man wee nnyum kaa la nan jin dulinya-n nan, bininfob nan ji le ki nyu, ki kɔɔn bipiib, ki jɔɔ bi buwaab ki tenn bijab, ki nan kpaa lidaal lan wee Nowa nan kɔɔ kuŋaluŋ takpoŋ n-yaan; 39bininfob nmɔn kaa le la nan biɛ niwann nan tun ni, ki tan kpaa lidaal lan wee kunyungbeeŋ nan dan ki nan jin bi biɛn nin. Ni ji na yin ye man le, lidaal lan wee Uninfosaal a Big na yin dan nin. 40Bijab bilee na li bɔɔ bukpaabin, le n na li ta uba ki jiɛn wan gurin. 41Bipiib bilee na li bɔɔ naan linaal, le n na li ta uba ki jiɛn wan gurin.
42“Mambu, ni li nyi man, nan bu-n naa nyi lidaal lan wee ni Yudaau yin dan ni. 43Amaa ni biɛm: Ni ye u niin daan bi nyi n-yonn man wee unaayig yin dan u niin ke, waa bi li chee dɔɔn ni, u bi yin ka le ki guu, waa yin che unaayig nmɔn n nan kɔɔ ki su wi. 44Mambu, ni ŋan nin ni mu ŋa sili, nan bu-n Uninfosaal a Big mu na yin dan n-yonn man wee naa yin nyi u bu-n le.
Bitoontum a binbem a bɔr
(Lug 12:41-48)
45“Utoontunn u la ba ye yada daan bee ulandaan wan wee u ninkpelu ta u ki ŋa utoontunn ninkpel ke u li lig u toontunn tab, ki li tenn bi tijiir nin naah kpaan bin ji iyoo yan ni naa? 46Ni ye u ninkpelu nan kunn ki miin u tun man ke, npopeen yin ye utoontunn nmɔn yaal le. 47N bei ni ibamɔn le, u yin ta u jɔɔm nbiɛn le ki ŋa utoontunn nmɔn a nɔɔn, ke u li liga. 48Amaa ni ye utoontunn nmɔn a pool to wee u tiɛr ke, ‘N ninkpelu kaa yin kunn weem,’ 49ki piin ki boo u toontunn tab, wee u ma nin bidanyub lagin ki nyu ki ji ke. 50U ninkpelu nmɔn na yin kunn lidaal lan wee u jaa u tama le, nin n-yonn man wee waa yin nyi. 51U na li gaa u ki por por, ki ta u ŋa bilinlarib a binbebol, nan yaan wee bininfob na li mɔr ki fabin ki ŋma bi nyin.
Currently Selected:
Matiu 24: KUGL
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.
Matiu 24
24
Yisa kaah pag Iwonjiɛn niin a biim man
(Mag 13:1-2; Lug 21:5-6)
1Yisa kaah nan nyan iwonjiɛn niin ki chaa-n, le u bɔɔnɔɔb dan u ban ki nan wɔɔn u iwonjiɛn niin nmɔn a dir. 2Le u baan bi ke, “Ni kan ni niɛ nan biɛn waa? N bei ni ibamɔn le, bi na li tir ni biɛn ki jaa tum, le litangbagil liba kaa na yin gur ki paa li kpiɛg bu.”
Limugil nin fala a jim
(Mag 13:3-13; Lug 21:7-19)
3Yisa kaah nan jon tan ka lijɔɔl lan wee bi yi li Olif a Siigi a Jɔɔl a paab nan, le u bɔɔnɔɔb dan u ban, bi binba, ki nan baan u ke, “Ibayoo wee ni niɛ nan biɛn na yin ŋaa? Ba nan yin ye a dam nmɔn a siɛra nin dulinya nan a diɛm paam maa? Bei ti ni.”
4Le u jiin ke, “Ni li nyi ki laa che uba n lar ni. 5Nan bu-n bininfob takpem na li ta n yinl ki dan ki ke bi ma ye min Masiya nan, ki lar bininfob takpem. 6Ni na li gbir bitɔb a fur nin bitɔb a bɔr, amaa ni laa jeeli, ni kpaa le ke ni niɛ nan biɛn n tun, amaa naa wɔɔn ke dulinya a diɛm le yen ni. 7Libol nin libol na li kɔn nin tab, le nnaam miba a ninfob na li kɔn nin nnaam mitɔ a ninfob. Le nkom nin kutingbɔŋ a damim na li be iyag iba ni. 8Ni niɛ nan biɛn na yin nann nmarwiɛn a piinim le.
9“N-yonn nmɔn bi na li choo ni ki jin ni fala, ki ku ni, le kutingbɔŋ biɛn nan yin nan ni le naah nɔɔ min bu. 10Iyaayoo nmɔn, bininfob takpem na li ta n bɔr gab, ki gbii tab bu, ki ji nan tab, 11le tibɔkar a linlem na li nyann ki nan lar bininfob takpem. 12Nan bu-n npooton kaah na li yabig dulinya nan yaan ni bu, bininfob takpem a jiɛm kaa na li yabi. 13Amaa wan nan sir kenken ki tan kpaa ndiɛm ke u li kan feegab. 14Le bi na li mɔɔn paab a naam nan a bɔŋann ilog biɛn nin ki ŋa siɛra ki sei ibol biɛn wee dulinya a diɛmin nin foon.
Niwanbirin a bɔr
(Mag 13:14-23; Lug 21:20-24)
15“Ni na li kan liwanbiril lan wee ulinlenn Daniɛl nan pag li bɔrin#Daniɛl 9:27, nan wee Uwonbɔr kɔn kaah si iwonjiɛn niin ni, (Wan biɛn nan karin n sɔbim nan ke un biɛ na ye nan.) 16Iyaayoo nmɔn nan foo ke, che ban be Judiya a tiŋ poolin ni, bin guun ki do lijɔɔl a paaba. 17Wan mu nan be u niin a mɔɔpinl a paab ke, u laa ji jiirin ki nan kɔɔ u diin ke un yuur ni ba. 18Wan mu nan be u kpaabin ke, u laa ji jir iniin ke un tan yuur u daala. 19Naa na li ŋan ki sei bipiipoodam nin ban ŋmag nbuwaabi! 20Ni miɛ Uwonbɔr wee u laa che ni guun kufaag a yonn ni bee likpakɔɔl daali. 21Nan bu-n n-yonn nmɔn bininfob na li kan limugil takpem, Uwonbɔr kaah naan dulinya nan ki nan kpaa dinan, baa laa kan limugil nmɔn a boli, limugil nmɔn a bosu mu kaa ji li nyi dan ni bɔɔn bu. 22Naa ye Uwonbɔr tɔɔl li nan war limugil lan chaan nmɔn a weehn ke, uba kaa yin ŋmari. U ninfogannkaab a nyunyunbasanl bu le u li war limugil nmɔn a weehn.
23“Iyaayoo nmɔn, uba nan bei ni ke, ‘Ni lig, Masiya sɔ!’ Bee, ‘U be do!’ Ni laa ŋa ni yada. 24Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke. 25A kan na, n chinn bei ni le, ke ni yonn kaa laa foo.
26“Mambu, ni ye bi nan ke, ‘Lig, u be kukunkɔɔg bu’ ke, ni laa nya; bee, ‘Lig, u be ndiin’ ke, ni laa ŋa ni yada. 27Nan bu-n Uninfosaal a Bigin a dam na yin be le ke utaal kaah ti nyagir liwonpɔɔnl wee bi ga ki liwonlul man ni. 28Nan yaan wee kuwankpiiŋ be-n, nin yaan le tijuur lagin.
Uninfosaal a Bija a dam a bɔr
(Mag 13:24-27; Lug 21:25-28)
29“Libol lan wee bi na yin kan limugilin a bɔɔn,
‘Nween li bɔŋ,
le uŋmal kaa ji li ween ni,
le iŋmabil na li nya kitilangbɔŋin ki lunn,
le nan be paab biɛn na li dam dam.’#Azaya 13:10; 34:4
30“N-yonn nmɔn, bi na li kan Uninfosaal a Big a siɛra kitilangbɔŋin, le kutingbɔŋ nan biɛn na li fabin, ki kan Uninfosaal a Big kaah be kitilangbɔŋin ki chaan nin npɔɔn nin kupag takpem. 31Kunaatuŋ na li mɔɔ, le u li tun u malakam le bin jo ki tan lagin u ninfogannkaab ban be paab a logi biɛn.
Bikinkam a biɛm a bɔr
(Mag 13:28-31; Lug 21:29-33)
32“Ni ta bikinkam ki tinn nlam: Ni ti nan kan busub nmɔn bunn tifar ke, ni biɛ ke likpanyigil mala. 33Ni ye man le, ni nan kan ni niɛ nan biɛn ke, ni li nyi ke ni mala, ki be ni timansanmɔnn. 34N bei ni ibamɔn le, daandaan nan a ninfob kaa yin kpo diɛ le ni niɛ nan biɛn ni tun. 35Paab nin tum na li jo, amaa n bɔr kaa jɔɔ tin jo.
Uba kaa nyi lidaal lan bee n yonn man ni
(Mag 13:32-37; Lug 17:26-30,34-36)
36“Uba kaa nyi ki jiin lidaal bee n-yonn nmɔn ni, hali malakam ban be paab bee Bija-n tɔɔl kaa nyi, amaa Baa-n a binba le nyi. 37Nowa a yonn kaah nan ye man ni, Uninfosaal a Big mu a dam a yonn na yin ye man le. 38Nan bu-n n-yonn man wee nnyum kaa la nan jin dulinya-n nan, bininfob nan ji le ki nyu, ki kɔɔn bipiib, ki jɔɔ bi buwaab ki tenn bijab, ki nan kpaa lidaal lan wee Nowa nan kɔɔ kuŋaluŋ takpoŋ n-yaan; 39bininfob nmɔn kaa le la nan biɛ niwann nan tun ni, ki tan kpaa lidaal lan wee kunyungbeeŋ nan dan ki nan jin bi biɛn nin. Ni ji na yin ye man le, lidaal lan wee Uninfosaal a Big na yin dan nin. 40Bijab bilee na li bɔɔ bukpaabin, le n na li ta uba ki jiɛn wan gurin. 41Bipiib bilee na li bɔɔ naan linaal, le n na li ta uba ki jiɛn wan gurin.
42“Mambu, ni li nyi man, nan bu-n naa nyi lidaal lan wee ni Yudaau yin dan ni. 43Amaa ni biɛm: Ni ye u niin daan bi nyi n-yonn man wee unaayig yin dan u niin ke, waa bi li chee dɔɔn ni, u bi yin ka le ki guu, waa yin che unaayig nmɔn n nan kɔɔ ki su wi. 44Mambu, ni ŋan nin ni mu ŋa sili, nan bu-n Uninfosaal a Big mu na yin dan n-yonn man wee naa yin nyi u bu-n le.
Bitoontum a binbem a bɔr
(Lug 12:41-48)
45“Utoontunn u la ba ye yada daan bee ulandaan wan wee u ninkpelu ta u ki ŋa utoontunn ninkpel ke u li lig u toontunn tab, ki li tenn bi tijiir nin naah kpaan bin ji iyoo yan ni naa? 46Ni ye u ninkpelu nan kunn ki miin u tun man ke, npopeen yin ye utoontunn nmɔn yaal le. 47N bei ni ibamɔn le, u yin ta u jɔɔm nbiɛn le ki ŋa utoontunn nmɔn a nɔɔn, ke u li liga. 48Amaa ni ye utoontunn nmɔn a pool to wee u tiɛr ke, ‘N ninkpelu kaa yin kunn weem,’ 49ki piin ki boo u toontunn tab, wee u ma nin bidanyub lagin ki nyu ki ji ke. 50U ninkpelu nmɔn na yin kunn lidaal lan wee u jaa u tama le, nin n-yonn man wee waa yin nyi. 51U na li gaa u ki por por, ki ta u ŋa bilinlarib a binbebol, nan yaan wee bininfob na li mɔr ki fabin ki ŋma bi nyin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.