Mag 1
1
Jɔnn Wan nan Fu Bininfob Uwonbɔr a Nyunfulin kaah nan mɔɔn Uwonbɔr a bɔr man
(Matiu 3:1-12; Lug 3:1-18; Jɔnn 1:19-28)
1Tibɔŋann tan pag ki jiin Uwonbɔr a Bija Yisa Masiya paamin a piinim.
2Ni nan sɔb ulinlenn Azaya a gbɔŋin le ke:
“N li tun n toon wan li chinn liir a sam,
ki tan mann a sam.”#Malaki 3:1
3“Uba a kukɔl tann kukunkɔɔg bu ke,
Ni ŋa npaan ki sei Uyudaan na,
ni mann nsan man tel ki sei wa.”#Azaya 40:3
4 Tɔ le Jɔnn nan dan, ki nan be kukunkɔɔg a paab ki fu bininfob Uwonbɔr a nyunfulin, ki mɔɔn linyunful lan ye nkpenim nin tibir a jiɛn per. 5Le bininfob nan nyan Judiya a tingbɔŋin biɛn nin Jerusalam a timin, ki dan u ban ki nan kpiir bi toonbir, le u nan fun bi Uwonbɔr a nyunful Jɔdann a kpenn. 6Jɔnn nan yee alakoomi a gbɔŋ le, ki ji lol kugbɔŋ a changbam u chaŋin, u jiir nan ye itɔɔn nin inaanyoon a seer le. 7Le u mɔɔn nin nan ye nan le: “Uninfo wan li ŋɔɔrin n bɔɔn ki dan nin joma, le maa kpaan nin n gbaan u titogil ki gbin u naatagil a ŋmim gbaa. 8Min fun ni nnyum le, amaa u ma na yin ta Kasi a Naaŋ le ki fu nin Uwonbɔr a nyunful.”
Jɔnn kaah nan fun Yisa Uwonbɔr a nyunful man
(Matiu 3:13—4:11; Lug 3:21-22)
9Iyaayoo le Yisa nan nyan Nazarif a tiŋ kan be Galilii a tingbɔŋin nin, ki dan Jɔnn ban, le Jɔnn nan fun u Uwonbɔr a nyunful Jɔdann a kpenn. 10Yisa kaah nan nyan nnyum nmɔn yaan ki don nin, le u kan paab kaah loor, le Uwonbɔr a naaŋ jiirin ki nan tɔɔn ubu ki nann ulanjel. 11Le likukɔl nan nyan paab ki ke: “Fin le ye n bijiɛkaag; fin le n num gbee.”
Sintani kaah nan bigin Yisa man
(Matiu 4:1-11; Lug 4:1-13)
12Libol nmɔn le Uwonbɔr a naaŋin nan che Yisa don kukunkɔɔg bu, 13u nan be kukunkɔɔg nmɔn bu ki tan kpaa iweehn pina, le Sintani nan bigin u. Yisa nin kulɔŋ a wankor le nan lagin be; le Uwonbɔr a malakam jiirin ki nan ŋaa u tiŋann.
Yisa kaah nan yin bijanchoob bina man
(Matiu 4:12-22; Lug 4:14,15; 5:1-11)
14Le bi nan choo Jɔnn Wan nan Fu Bininfob Uwonbɔr a Nyunful nan, ki tan ŋa kuloondiigin; ni bɔɔn bu le Yisa nan jon Galilii a tingbɔŋin, ki tan mɔɔn Uwonbɔr a bɔŋann nin. 15Ki ke, “Isaŋ foou, Uwonbɔr a niin a naamin mala, ni ma bu, ni kpenn ni binbema wee ki ŋa tibɔŋann nan yadau.”
16Yisa kaah nan choon ki kpag Galilii a mɔgil n-yaa gbaamin, le ki nan kan Simɔnn nin u waal Anduru, ki miin bi be jaar tijanlann le limɔgil n-yaan, bi nan ye bijanchoob le. 17Le u bei bi ke, “Ni li nɔɔm ni, wee n che ni li mɔɔn bininfob ki tenn nim ke naah chor ijan man nin.” 18Libol nmɔn le bi nan jiɛn bi janlann nmɔn, ki fii ki nɔɔ u.
19Le bi nan choon ki jon nintogil wama ki ji kan Jemisi nin u waal Jɔnn, bi nan ye Zebedi a naachim le, bi nan be bi ŋaluŋin le ki lig bi janlann. 20Libol nmɔn le u nan yin bi, le bi nyan ki jiɛn bi baa Zebedi nin u toontumin kuŋaluŋin yaan ki nɔɔ u.
Uja wan nan jɔɔ kinaanbiig nan a bɔr
(Lug 4:31-37)
21Le Yisa nin u bɔɔnɔɔb nan tan kɔɔ Kapeniɛm a tiŋin, le Juu yaab a kpakɔɔl daal nan foo, le u paa kɔɔ kuwonjiɛndiigin ki piin ki wɔɔn bininfob Uwonbɔr a bɔr. 22U wɔɔnim nmɔn nan gar bi pam, nan bu-n u nan wɔɔn bininfob ke u jɔɔ tininkper a pɔɔm le, waa nan wɔɔn bi ke ban wɔɔnn Uwonbɔr a siimin kaah wɔɔn man nni. 23Iyaayoo nmɔn uja wan nan jɔɔ kinaanbiig n mu nan be kuwonjiɛndiig nmɔn yaan le ki nan yigin papaab ki ke, 24“Fin Yisa, Nazarif a ninfou nan tim nin fin babu? A dan ke a nan bii ti lee? N nyi ŋaah ye wan, a ye Uwonbɔr a Kasi daan nle.”
25Le Yisa tiɛn u bu ke, “Ŋmin tifura wee ki nya u ban na.” 26Le kinaanbiigin fiɛn uja-n ki jaa, le ki sin yigin papaab, le ki ni nyan u ban.
27Ni nan gar bi biɛn pam, le bi baan tab ke, “Ba ye naa? Nwɔɔnpɔm! U jɔɔ npɔɔn ki pag nnaanbiim le bi cheel u mɔb.” 28Libol nmɔn le ti mɔɔn Galilii a tingbɔŋin biɛn.
Yisa kaah teb bibaarib takpem man
(Matiu 8:14-17; Lug 4:38-41)
29Baah nan nyan kuwonjiɛndiig nmɔn yaan nin, le u ma nin Jemisi nin Jɔnn jon ki tan kɔɔ Simɔnn nin Anduru a niin. 30Ki miin Simɔnn a chɔɔpii bu kugbanantoŋ le ki dɔ ndiin, le bi bei Yisa u wiɛn nmɔn bu. 31Le Yisa jon ki tan choo u nɔɔ ki fiin u kaan, le u gbanantoŋ nmɔn diɛ, le u fii ki ŋa bi kuchɔŋ.
32Lidaal nmɔn a jɔɔg nween kaah nan lu-n, ni bɔɔn bu le bininfob nan ŋmag bibaarib nin ban wee nnaanbiim be bi bu nan, ki ta bi ki dan Yisa ban. 33Le kitiŋ nmɔn a ninfob biɛn lagin ki nan be kudiig nmɔn a timansanmɔnn. 34U nan teb bininfob ban nan bu iwiɛn biɛn a booli, ki ji nyan nnaanbiim bininfobin takpem, kaa che nnaanbiim nmɔn len tibɔri, bi nan nyi waah ye wan.
Yisa kaah nan mɔɔn tibɔŋannin Galilii a tingbɔŋin man
(Lug 4:42-44)
35Le Yisa nan chinn ki nyan iniin ke ukooja kaa laa mɔɔ, ki kɔɔ kulɔŋ nan yaan ŋmin chii, ki tan miɛ Uwonbɔr. 36Le Simɔnn nin u tabin nin nan choon ki ban waah be nan yaan, 37bi nan tan kan u le ki bei u ke, “Bininfob biɛn ban bin kan ŋaah be nan yaan le.”
38Le u bei bi ke, “Ni che ti jo ntim man mal nan yaan, wee n mɔɔn tibɔŋann nmɔn nin yaan mu, ni ma bu le n dan.” 39U nan chonn Galilii a tingbɔŋ biɛn, ki mɔɔn tibɔŋann nmɔn, tiwonjiɛndirin, ki ji nyan nnaanbiim bininfobin.
Yisa kaah nan teb kikɔŋ man
(Matiu 8:1-4; Lug 5:12-16)
40Tɔ, le kikɔŋ kiba nan dan Yisa ban, ki nan gbaan u nintogil ki balin u ke, “Ni ye a ban ke, a li fir che n pɔɔg.”
41Le kunyunyunbaag choo Yisa, le u tann u nɔɔ ki maa u, le ki bei u ke, “N ban man. A wiɛm diɛu!” 42Libol nmɔn le iwiɛn nmɔn nan nyan u gbanann nin le u nan pɔɔg.
43Le Yisa nan kpaan u nbamɔm, 44ki bei u ke, “Li nyi a bei uba. Li chaa ki tan ta a baa ki wɔɔn Uwonbɔr a minmanu wee ki mann kumanug ke Moziz a siimin kaah wɔɔn man ki jiin nkɔm paamin, wee bininfob biɛn n sin biɛ ke a kɔŋin diɛu.” 45Le uja nmɔn nan jon ki tan jɔɔ u pɔɔgim a bɔr nmɔn ki mɔɔn iyag biɛn; ni ma nan che Yisa kaa nan fir ki nyan npaan ni ki kɔɔ ntim miba ni, le ki le nin be kulɔŋin nan yaan ŋmin chii; le bininfob takpem nya iyag iyag ki chaan u ban.
Currently Selected:
Mag 1: KUGL
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.
Mag 1
1
Jɔnn Wan nan Fu Bininfob Uwonbɔr a Nyunfulin kaah nan mɔɔn Uwonbɔr a bɔr man
(Matiu 3:1-12; Lug 3:1-18; Jɔnn 1:19-28)
1Tibɔŋann tan pag ki jiin Uwonbɔr a Bija Yisa Masiya paamin a piinim.
2Ni nan sɔb ulinlenn Azaya a gbɔŋin le ke:
“N li tun n toon wan li chinn liir a sam,
ki tan mann a sam.”#Malaki 3:1
3“Uba a kukɔl tann kukunkɔɔg bu ke,
Ni ŋa npaan ki sei Uyudaan na,
ni mann nsan man tel ki sei wa.”#Azaya 40:3
4 Tɔ le Jɔnn nan dan, ki nan be kukunkɔɔg a paab ki fu bininfob Uwonbɔr a nyunfulin, ki mɔɔn linyunful lan ye nkpenim nin tibir a jiɛn per. 5Le bininfob nan nyan Judiya a tingbɔŋin biɛn nin Jerusalam a timin, ki dan u ban ki nan kpiir bi toonbir, le u nan fun bi Uwonbɔr a nyunful Jɔdann a kpenn. 6Jɔnn nan yee alakoomi a gbɔŋ le, ki ji lol kugbɔŋ a changbam u chaŋin, u jiir nan ye itɔɔn nin inaanyoon a seer le. 7Le u mɔɔn nin nan ye nan le: “Uninfo wan li ŋɔɔrin n bɔɔn ki dan nin joma, le maa kpaan nin n gbaan u titogil ki gbin u naatagil a ŋmim gbaa. 8Min fun ni nnyum le, amaa u ma na yin ta Kasi a Naaŋ le ki fu nin Uwonbɔr a nyunful.”
Jɔnn kaah nan fun Yisa Uwonbɔr a nyunful man
(Matiu 3:13—4:11; Lug 3:21-22)
9Iyaayoo le Yisa nan nyan Nazarif a tiŋ kan be Galilii a tingbɔŋin nin, ki dan Jɔnn ban, le Jɔnn nan fun u Uwonbɔr a nyunful Jɔdann a kpenn. 10Yisa kaah nan nyan nnyum nmɔn yaan ki don nin, le u kan paab kaah loor, le Uwonbɔr a naaŋ jiirin ki nan tɔɔn ubu ki nann ulanjel. 11Le likukɔl nan nyan paab ki ke: “Fin le ye n bijiɛkaag; fin le n num gbee.”
Sintani kaah nan bigin Yisa man
(Matiu 4:1-11; Lug 4:1-13)
12Libol nmɔn le Uwonbɔr a naaŋin nan che Yisa don kukunkɔɔg bu, 13u nan be kukunkɔɔg nmɔn bu ki tan kpaa iweehn pina, le Sintani nan bigin u. Yisa nin kulɔŋ a wankor le nan lagin be; le Uwonbɔr a malakam jiirin ki nan ŋaa u tiŋann.
Yisa kaah nan yin bijanchoob bina man
(Matiu 4:12-22; Lug 4:14,15; 5:1-11)
14Le bi nan choo Jɔnn Wan nan Fu Bininfob Uwonbɔr a Nyunful nan, ki tan ŋa kuloondiigin; ni bɔɔn bu le Yisa nan jon Galilii a tingbɔŋin, ki tan mɔɔn Uwonbɔr a bɔŋann nin. 15Ki ke, “Isaŋ foou, Uwonbɔr a niin a naamin mala, ni ma bu, ni kpenn ni binbema wee ki ŋa tibɔŋann nan yadau.”
16Yisa kaah nan choon ki kpag Galilii a mɔgil n-yaa gbaamin, le ki nan kan Simɔnn nin u waal Anduru, ki miin bi be jaar tijanlann le limɔgil n-yaan, bi nan ye bijanchoob le. 17Le u bei bi ke, “Ni li nɔɔm ni, wee n che ni li mɔɔn bininfob ki tenn nim ke naah chor ijan man nin.” 18Libol nmɔn le bi nan jiɛn bi janlann nmɔn, ki fii ki nɔɔ u.
19Le bi nan choon ki jon nintogil wama ki ji kan Jemisi nin u waal Jɔnn, bi nan ye Zebedi a naachim le, bi nan be bi ŋaluŋin le ki lig bi janlann. 20Libol nmɔn le u nan yin bi, le bi nyan ki jiɛn bi baa Zebedi nin u toontumin kuŋaluŋin yaan ki nɔɔ u.
Uja wan nan jɔɔ kinaanbiig nan a bɔr
(Lug 4:31-37)
21Le Yisa nin u bɔɔnɔɔb nan tan kɔɔ Kapeniɛm a tiŋin, le Juu yaab a kpakɔɔl daal nan foo, le u paa kɔɔ kuwonjiɛndiigin ki piin ki wɔɔn bininfob Uwonbɔr a bɔr. 22U wɔɔnim nmɔn nan gar bi pam, nan bu-n u nan wɔɔn bininfob ke u jɔɔ tininkper a pɔɔm le, waa nan wɔɔn bi ke ban wɔɔnn Uwonbɔr a siimin kaah wɔɔn man nni. 23Iyaayoo nmɔn uja wan nan jɔɔ kinaanbiig n mu nan be kuwonjiɛndiig nmɔn yaan le ki nan yigin papaab ki ke, 24“Fin Yisa, Nazarif a ninfou nan tim nin fin babu? A dan ke a nan bii ti lee? N nyi ŋaah ye wan, a ye Uwonbɔr a Kasi daan nle.”
25Le Yisa tiɛn u bu ke, “Ŋmin tifura wee ki nya u ban na.” 26Le kinaanbiigin fiɛn uja-n ki jaa, le ki sin yigin papaab, le ki ni nyan u ban.
27Ni nan gar bi biɛn pam, le bi baan tab ke, “Ba ye naa? Nwɔɔnpɔm! U jɔɔ npɔɔn ki pag nnaanbiim le bi cheel u mɔb.” 28Libol nmɔn le ti mɔɔn Galilii a tingbɔŋin biɛn.
Yisa kaah teb bibaarib takpem man
(Matiu 8:14-17; Lug 4:38-41)
29Baah nan nyan kuwonjiɛndiig nmɔn yaan nin, le u ma nin Jemisi nin Jɔnn jon ki tan kɔɔ Simɔnn nin Anduru a niin. 30Ki miin Simɔnn a chɔɔpii bu kugbanantoŋ le ki dɔ ndiin, le bi bei Yisa u wiɛn nmɔn bu. 31Le Yisa jon ki tan choo u nɔɔ ki fiin u kaan, le u gbanantoŋ nmɔn diɛ, le u fii ki ŋa bi kuchɔŋ.
32Lidaal nmɔn a jɔɔg nween kaah nan lu-n, ni bɔɔn bu le bininfob nan ŋmag bibaarib nin ban wee nnaanbiim be bi bu nan, ki ta bi ki dan Yisa ban. 33Le kitiŋ nmɔn a ninfob biɛn lagin ki nan be kudiig nmɔn a timansanmɔnn. 34U nan teb bininfob ban nan bu iwiɛn biɛn a booli, ki ji nyan nnaanbiim bininfobin takpem, kaa che nnaanbiim nmɔn len tibɔri, bi nan nyi waah ye wan.
Yisa kaah nan mɔɔn tibɔŋannin Galilii a tingbɔŋin man
(Lug 4:42-44)
35Le Yisa nan chinn ki nyan iniin ke ukooja kaa laa mɔɔ, ki kɔɔ kulɔŋ nan yaan ŋmin chii, ki tan miɛ Uwonbɔr. 36Le Simɔnn nin u tabin nin nan choon ki ban waah be nan yaan, 37bi nan tan kan u le ki bei u ke, “Bininfob biɛn ban bin kan ŋaah be nan yaan le.”
38Le u bei bi ke, “Ni che ti jo ntim man mal nan yaan, wee n mɔɔn tibɔŋann nmɔn nin yaan mu, ni ma bu le n dan.” 39U nan chonn Galilii a tingbɔŋ biɛn, ki mɔɔn tibɔŋann nmɔn, tiwonjiɛndirin, ki ji nyan nnaanbiim bininfobin.
Yisa kaah nan teb kikɔŋ man
(Matiu 8:1-4; Lug 5:12-16)
40Tɔ, le kikɔŋ kiba nan dan Yisa ban, ki nan gbaan u nintogil ki balin u ke, “Ni ye a ban ke, a li fir che n pɔɔg.”
41Le kunyunyunbaag choo Yisa, le u tann u nɔɔ ki maa u, le ki bei u ke, “N ban man. A wiɛm diɛu!” 42Libol nmɔn le iwiɛn nmɔn nan nyan u gbanann nin le u nan pɔɔg.
43Le Yisa nan kpaan u nbamɔm, 44ki bei u ke, “Li nyi a bei uba. Li chaa ki tan ta a baa ki wɔɔn Uwonbɔr a minmanu wee ki mann kumanug ke Moziz a siimin kaah wɔɔn man ki jiin nkɔm paamin, wee bininfob biɛn n sin biɛ ke a kɔŋin diɛu.” 45Le uja nmɔn nan jon ki tan jɔɔ u pɔɔgim a bɔr nmɔn ki mɔɔn iyag biɛn; ni ma nan che Yisa kaa nan fir ki nyan npaan ni ki kɔɔ ntim miba ni, le ki le nin be kulɔŋin nan yaan ŋmin chii; le bininfob takpem nya iyag iyag ki chaan u ban.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.