Mag 3
3
Yisa kaah nan teb kinɔɔnkpankpiiŋdaan man
(Matiu 12:9-14; Lug 6:6-11)
1Le Yisa nan jir kɔɔ kuwonjiɛndiigin, ki miin uja uba be niin le u nɔɔnkpaŋ kpo. 2Le bininfob biba nan be niin ki lig Yisa, n jee u li che kinɔɔnkpankpiiŋdaan nan n pɔɔg likpakɔɔl daalaa, wee bin galin u. 3Le Yisa nan yin kinɔɔnkpankpiiŋdaan nin ke “Dan do.” 4Le ki baan bininfobin ke, “Ti siim jaa ti ke ti li ter bininfob bee ti ku baa?” Le bi ŋmin.
5Le u lig bi nin liŋuul u sufu kaah nan bii takpem bi nunkoo-n nbu; le u nan gbiɛ lig uja-n ki ke, “Tann a nɔɔ nmɔn na.” Le u tann mi le mi pɔɔg. 6Libol nmɔn le Farasii yaab n nan labir ki nyan, le bi ma nin ubɔr Herɔd a ninfob tan lol choo baah li ŋa man ki ku Yisa.
Bininfob takpem kaah nɔɔ Yisa a bɔɔn man
7Le Yisa nin u bɔɔnɔɔb nan fii ki jiir Galilii a mɔgil n-yaa gbaam, le kuninfogbaluŋ nan nɔɔ u bɔɔn. Bi nan nyan Galilii nin Judiya 8nin Jerusalam nin Idumiya nin Jɔdann a mɔgil a dool, nin Taya nin Sidonn a tingbaan yin, bi nan yab pam, le bi nan lagin u ban; baah nan gbir ke u tun ligaril a toon n bu, le bi nan dan u ban limɔgil n-yaa gbaam. 9Le u nan bei u bɔɔnɔɔbin ke bin ban kuŋaluŋ ki sei u ni, 10waah nan che bibaarib takpem pɔɔg nbu le ban biɛn nan bu-n nan fɔɔr ki mal u ki ban bin maa u. 11Nnaanbiim kaah be bininfob ban bu-n n nan kan u ke, bi lur le ki gbaan u nintogil ki yigin ke, “Fin le ye Uwonbɔr a Bija.” 12Le Yisa bei bi nin linunmanl ke, “Ni laa taam ki mɔɔn ni.”
Yisa kaah nan gann u tooi piig nin bilee man
(Matiu 10:1-4; Lug 6:12-16)
13Ni bɔɔn bu le Yisa nan don ligungonl a paab le ki yin ban wee u ban nin, le bi dan u ban. 14Le u gann bininfob piig nin bilee, ki yin bi ke u tooi, ke bi li be u ban na wee u li tun bi wee bi li mɔɔn Uwonbɔr a bɔr, 15ki sin li jɔɔ npɔɔn ki li nyan nnaanbiim bininfobin. 16Waah nan gann bininfob piig nin bilee ban nin a yin sɔ: Simɔnn (wan wee Yisa nan yin u ke Piita nan); 17nin Jemisi nin u waal Jɔnn, ban nan ye Zebedi a naachim nan, (le Yisa nan sei bi liyinl ke Bɔɔnejesi, le ni taai le ye ntatiɛn bum); 18nin Anduru, nin Filib, nin Batolomiu, nin Matiu, nin Tomasi nin Jemisi wan ye Alifiu a bija nan, nin Tadiɛsi, nin Simɔnn wan wee bi yi u ke Zealo wee u nan kɔn u bol a kaal bu-n, 19ki kpiɛ Judasi Isikariya (wan nan kɔɔr Yisa nan).
Yisa nin nnaanbiim a bɔru Beelizebul a bɔr
(Matiu 12:22-32; Lug 11:14-23; 12:10)
20Ni bɔɔn bu le Yisa kun, le kuninfogbaluŋ lagin u ma nin u bɔɔnɔɔbin ban, hali ke bi nan lann isaŋ yan wee bi li ta ji tijiir. 21U niin yaab kaah nan gbir man nin, le bi dan ke bin nan choo u, bi nan ke, “U waar le.”
22Ban wɔɔn Uwonbɔr a siim ki nyan Jerusalam mu nan ke, “Beelizebul le be u yulin, nnaanbiim a bɔru li che u nyan nnaanbiim nmɔn.”
23Le Yisa yin ban wɔɔnn Uwonbɔr a siim nmɔn ke bin dan, le ki ga bi libɔŋal ke, “Sintani li fir ŋɔɔr Sintani jigin naa? 24Ni ye nnaam a ninfob kɔn ki tog tab ke, bi naam nmɔn kaa li fir siri. 25Ke ni ye iniin iba a ninfob kɔn nin tab ke, bi niin nmɔn mu kaa li fir siri. 26Ni ye Sintani mu kɔn nin tab wee ki bɔgir ke, waa li fir siri, u diɛm le yen. 27Uba kaa li fir ki kɔɔ upɔɔndaan a niin ki tan su u wan yɔɔri, see ke u chinn ki lol u le ki nin fir ki fee u wan yɔɔr nmɔn.
28“Ibamɔn le n bei ni nan, Uwonbɔr li jiɛn bininfob a bir ki per bi nin ban sugir win biɛn. 29Amaa wan pag ki bii Kasi a Naaŋ n ke, Uwonbɔr kaa li nyi ki jiɛn per u daan ni. Le u galin kaa li nyi ki diɛ.”
30Nan bu nan che Yisa pag man nmɔn ye nan le, baah nan ke, “Nnaanbiim le be u yulin nin bu.”
Yisa a na nin u watiib a bɔr
(Matiu 12:46-50; Lug 8:19-21)
31Iyaayoo nmɔn le Yisa a na nin u watiib dan nkaafiin, le ki tun uba ke u yin u ni. 32Ki miin kuninfogbaluŋ ka le ki gɔɔn u, le u be bi sisiigin; le bi bei u ke, “A na nin a watiib be nkaafiin ki baŋ.”
33Le u baan bi ke, “Ŋma ji ye n naa, ke ŋmam mu ji ye n watiibaa?” 34Le ki lig ban ka u ban nin ki ke, “Lig, n na nin n watiib be n ban do. 35Wan biɛn tun Uwonbɔr a bamin, u ma ye n kpel nin n waal nin n ninsa nin n na.”
Currently Selected:
Mag 3: KUGL
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.
Mag 3
3
Yisa kaah nan teb kinɔɔnkpankpiiŋdaan man
(Matiu 12:9-14; Lug 6:6-11)
1Le Yisa nan jir kɔɔ kuwonjiɛndiigin, ki miin uja uba be niin le u nɔɔnkpaŋ kpo. 2Le bininfob biba nan be niin ki lig Yisa, n jee u li che kinɔɔnkpankpiiŋdaan nan n pɔɔg likpakɔɔl daalaa, wee bin galin u. 3Le Yisa nan yin kinɔɔnkpankpiiŋdaan nin ke “Dan do.” 4Le ki baan bininfobin ke, “Ti siim jaa ti ke ti li ter bininfob bee ti ku baa?” Le bi ŋmin.
5Le u lig bi nin liŋuul u sufu kaah nan bii takpem bi nunkoo-n nbu; le u nan gbiɛ lig uja-n ki ke, “Tann a nɔɔ nmɔn na.” Le u tann mi le mi pɔɔg. 6Libol nmɔn le Farasii yaab n nan labir ki nyan, le bi ma nin ubɔr Herɔd a ninfob tan lol choo baah li ŋa man ki ku Yisa.
Bininfob takpem kaah nɔɔ Yisa a bɔɔn man
7Le Yisa nin u bɔɔnɔɔb nan fii ki jiir Galilii a mɔgil n-yaa gbaam, le kuninfogbaluŋ nan nɔɔ u bɔɔn. Bi nan nyan Galilii nin Judiya 8nin Jerusalam nin Idumiya nin Jɔdann a mɔgil a dool, nin Taya nin Sidonn a tingbaan yin, bi nan yab pam, le bi nan lagin u ban; baah nan gbir ke u tun ligaril a toon n bu, le bi nan dan u ban limɔgil n-yaa gbaam. 9Le u nan bei u bɔɔnɔɔbin ke bin ban kuŋaluŋ ki sei u ni, 10waah nan che bibaarib takpem pɔɔg nbu le ban biɛn nan bu-n nan fɔɔr ki mal u ki ban bin maa u. 11Nnaanbiim kaah be bininfob ban bu-n n nan kan u ke, bi lur le ki gbaan u nintogil ki yigin ke, “Fin le ye Uwonbɔr a Bija.” 12Le Yisa bei bi nin linunmanl ke, “Ni laa taam ki mɔɔn ni.”
Yisa kaah nan gann u tooi piig nin bilee man
(Matiu 10:1-4; Lug 6:12-16)
13Ni bɔɔn bu le Yisa nan don ligungonl a paab le ki yin ban wee u ban nin, le bi dan u ban. 14Le u gann bininfob piig nin bilee, ki yin bi ke u tooi, ke bi li be u ban na wee u li tun bi wee bi li mɔɔn Uwonbɔr a bɔr, 15ki sin li jɔɔ npɔɔn ki li nyan nnaanbiim bininfobin. 16Waah nan gann bininfob piig nin bilee ban nin a yin sɔ: Simɔnn (wan wee Yisa nan yin u ke Piita nan); 17nin Jemisi nin u waal Jɔnn, ban nan ye Zebedi a naachim nan, (le Yisa nan sei bi liyinl ke Bɔɔnejesi, le ni taai le ye ntatiɛn bum); 18nin Anduru, nin Filib, nin Batolomiu, nin Matiu, nin Tomasi nin Jemisi wan ye Alifiu a bija nan, nin Tadiɛsi, nin Simɔnn wan wee bi yi u ke Zealo wee u nan kɔn u bol a kaal bu-n, 19ki kpiɛ Judasi Isikariya (wan nan kɔɔr Yisa nan).
Yisa nin nnaanbiim a bɔru Beelizebul a bɔr
(Matiu 12:22-32; Lug 11:14-23; 12:10)
20Ni bɔɔn bu le Yisa kun, le kuninfogbaluŋ lagin u ma nin u bɔɔnɔɔbin ban, hali ke bi nan lann isaŋ yan wee bi li ta ji tijiir. 21U niin yaab kaah nan gbir man nin, le bi dan ke bin nan choo u, bi nan ke, “U waar le.”
22Ban wɔɔn Uwonbɔr a siim ki nyan Jerusalam mu nan ke, “Beelizebul le be u yulin, nnaanbiim a bɔru li che u nyan nnaanbiim nmɔn.”
23Le Yisa yin ban wɔɔnn Uwonbɔr a siim nmɔn ke bin dan, le ki ga bi libɔŋal ke, “Sintani li fir ŋɔɔr Sintani jigin naa? 24Ni ye nnaam a ninfob kɔn ki tog tab ke, bi naam nmɔn kaa li fir siri. 25Ke ni ye iniin iba a ninfob kɔn nin tab ke, bi niin nmɔn mu kaa li fir siri. 26Ni ye Sintani mu kɔn nin tab wee ki bɔgir ke, waa li fir siri, u diɛm le yen. 27Uba kaa li fir ki kɔɔ upɔɔndaan a niin ki tan su u wan yɔɔri, see ke u chinn ki lol u le ki nin fir ki fee u wan yɔɔr nmɔn.
28“Ibamɔn le n bei ni nan, Uwonbɔr li jiɛn bininfob a bir ki per bi nin ban sugir win biɛn. 29Amaa wan pag ki bii Kasi a Naaŋ n ke, Uwonbɔr kaa li nyi ki jiɛn per u daan ni. Le u galin kaa li nyi ki diɛ.”
30Nan bu nan che Yisa pag man nmɔn ye nan le, baah nan ke, “Nnaanbiim le be u yulin nin bu.”
Yisa a na nin u watiib a bɔr
(Matiu 12:46-50; Lug 8:19-21)
31Iyaayoo nmɔn le Yisa a na nin u watiib dan nkaafiin, le ki tun uba ke u yin u ni. 32Ki miin kuninfogbaluŋ ka le ki gɔɔn u, le u be bi sisiigin; le bi bei u ke, “A na nin a watiib be nkaafiin ki baŋ.”
33Le u baan bi ke, “Ŋma ji ye n naa, ke ŋmam mu ji ye n watiibaa?” 34Le ki lig ban ka u ban nin ki ke, “Lig, n na nin n watiib be n ban do. 35Wan biɛn tun Uwonbɔr a bamin, u ma ye n kpel nin n waal nin n ninsa nin n na.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.