ÉXODO 15
15
Apminaycmascama Moisés
1Apquiltimec nic nat apquilayo Dios Apyimtalhnamo. Apminaycmasquic nic nat Moisés najan apyovoclhojo apnaymacoc (Israel):
Pac omnaycmacsic siyayo Dios Apyimtalhnamo aptomja apyimtalhnamo. Yingmin alnapma apyovoclhojo nolhing najan nolhing apcapaoc.#Ap 15.3.
2Omnaycmacsic siyayo Dios Apyimtalhnamo, aptomja seyimnatescama najan sevomquiscama tap. Otnejic mataa siyayo apvisay Dios Apyimtalhnamo. Otnejic siyayo apvisay apyimtalhnamo, apvisqui apancaoc sicyeyjamcaa.#Sal 118.14; Is 12.2.
3Apquilnapomap apvisqui apancaoc apvisay Dios Apyimtalhnamo. Eycaso apvisay apanco.
4Apquilvayvamquic alhta carros apancaoc apvisqui faraón najan apquillhalhmaa singilpilhtetemo. Apquilvayvamquic alhta Yingmin Acyilhvasem apyovoclhojo singilpilhtetemo.
5Apquilvayvamquic alhta malha mataymong acvayveycaoc. Incapquic alhta yingmin acvanyam apquilvonquepa.
6Apmopvan innac lhip Dios Apyimtalhnamo, acyimnatem anco lhip apmic. Lhip apmic acyimnatem ayinyema apmascoscama cotnaja ingmoc.
7Apmopvan innac lhip apmascoscama apquilinmelhaycam enlhitaoc. Aplovquic alhta lhip, malha talha intomjac acsovjomo paat acyamay.
8Aplovquic alhta lhip, inyangvocmec alhta yingmin. Malha alimja netin intomjac alhta yingmin alyayajayam tacjalhit ayaptovnilha.
9Apquiltomjac alhta cotnaja ingmoc: Pac ongminlhinam, yoyam ongilmoc. Ongilmilascoc sat asoc altamila apquilyamasma, acvaycmo singastingam. Cosovjalhcac sat ayitsepma ingnenyic. Onlicoc sat sovo acvinatem, yoyam onsavojo ningilnapma — alhta apquiltomjac cotnaja ingmoc.
10Malha alhcajayam alhta intomjac lhip apvatipnapma. Insovjoc alhta apquilvayveycaoc, yingmin ayapma. Apquilvayvamquic alhta, malha yinmongam actic actomja acvayveycaoc.
11Apvamlha pac lhama apyimtalhnamo lhip Dios Apyimtalhnamo. Mepqui acyimtalhnamo quilaycmasquiscama acyitsomalhca dios. Apyimtalhnamo apanco lhip, mayayo santo, am elhno poc. Apmopvan lhip ellana asoc simpilapquiscama, acyiplomo acyivey ningay.
12Appeyvaseclhec alhta lhip apectong, yejemoc apquilvayvamco. Malha acnasipma intomjac as nalhpop.
13Naysicsa apcasicjayo lhip, aptomja apnalayclha apnaymacoc apquilvomsomap tap. Apnalaclhec lhip aptomja apmopvan, yoyam elyipjongvomoc lhip apmaclha tingma apponquinomap.
14Intomjac apquilpilhyinamam poc enlhitaoc apquillinga amyaa. Avanjec apquilay enlhitaoc filisteos apquiltomja apquilaoclha.
15Inquilpilapacmec apquilvalhoc apquilviscaa co Edom. Avanjec apquilpilhyinamam apquilviscaa co Moab. Mepqui apquilvascapma apyovoclhojo co Canaán.
16Dios Apyimtalhnamo. Ingyane sat colpilapmoc apquilvalhoc apyovoclhojo. Ingyane sat elacac enlhitaoc. Colhic sat alyitquisa malha mataymong. Ayinyema lhip apmopvan, malha apmic acyimnatem. Yoyam elmilanic lhip apnaymacoc. Apquilvisay enlhitaoc lhip apquilyacyescama.
17Dios Apyimtalhnamo. Jingnaliclha sat yoyam onlhic inquilhe acponquinomalhca. Lhip apquilyacyescama yoyam elhic, cotnejic apmaclha. Tingma apponquinomap apanco, lhip apponquinquiscama.
18Dios Apyimtalhnamo. Lhip Visqui ingac quilhvo najan cotmongvoycamlha nelha — nic nat intomjac apminaycmascama Moisés.
Acminaycmascama María
19Apvisqui faraón apquillhalhma alhta carros najan nolhing apcapaoc. Apquilantalhnec alhta alvata. Incapquic alhta yingmin acvanyam enlhitaoc. Dios Apyimtalhnamo alhta apcajapquiscama. Apquilmilanquic alhta siclho enlhitaoc Israel mepqui lha yingmin, — nic nat intomjac acminaycmascama. 20Innec maa Aarón apyalhing acvisay María, quilvana profeta. Yitnec alhta pandereta, yoyam comnaycmacsic. Innalaclhec alhta acyovoclhojo quilvanaa acyiplomo panderetas ancaoc. Inticpalhquic alhta naysicsa acjalhyincayam. 21Intomjac alhta acminaycmascama amamyi María. Yiplovcoc alhta alminaycmascama quilvanaa alpasmeyquiclha:
Colminaycmas sat alayo apvisay Dios Visqui ingac, aptomja apyimtalhnamo. Yingmin alnapma apyovoclhojo nolhing najan nolhing apcapaoc — nic nat intomjac alminaycmascama quilvanaa.
Yingmin acmasom
22Apyinyovquic nic nat Moisés acvisay Yingmin Acyilhvasem, najan apyovoclhojo enlhitaoc Israel. Apquilyipjongvocmec nic nat yoclhilhma actamopeycaoc acvisay Shur (Acjalhtam Mataymong). Apquillhinquic nic nat 3 acnim mepqui yingmin. 23Apquilyipjongvocmec nic nat acvisay Yingmin Acmasom (Mara). Asquejec nic nat yingmin, paj colapvancaac elyinamcoc. Apquiltimec nic nat acvisay (Yingmin Acmasca) Yasic Yingmin (Mara).
24Apquilinmelham nic nat enlhitaoc apnaclha Moisés: —¡Paj yingmin! ¿Co la'ontimjic? — nic nat apquiltomjac.
25Apyimnatasquic nic nat appayvam Moisés, apquilmalhna yingmin etingyasquisic Dios Apyimtalhnamo. Innec nic nat aclhicmosa yamit Moisés. Apyinyovquic nic nat Moisés as yamit congne yingmin. Intomjaclhec nic nat acmasis yingmin.
Apyipconquic nic nat Dios Apyimtalhnamo apquiltemaclha enlhitaoc. Aptomjac nic nat appayvam Dios Apyimtalhnamo apcanamaclha, yoyam elyiplovcasojo.
26Aptomjac nic nat Dios Apyimtalhnamo apquilanya: —Apquiljalhnoc sat ancoc quellhip sicpayvam sicvisay Dios. Apquilyiplovcasquic sat ancoc nintemaclha acpeyvomo. Apquilyiplovcasquic sat ancoc sicpayvam siyanamaclha mepqui apquilyeycajascaoc. Melvityejec sat asoc acyimtalhnama, actemaclha apquillingaycamco alhta co Egipto. Coo sicvisay Dios, sicmasma quellhip — nic nat aptomjac Dios.
27Apquilyipjongvocmec nic nat acyitnamaclha yingmin acvisay Elim. Apquilvitac nic nat 12 yamilquit (actiyapmaclha yingmin) najan 70 alha. Apquilnaclhec nic nat maa acyitnamaclha yingmin.
Currently Selected:
ÉXODO 15: ENHL
Highlight
Share
Copy
Want to have your highlights saved across all your devices? Sign up or sign in
ÉXODO 15
15
Apminaycmascama Moisés
1Apquiltimec nic nat apquilayo Dios Apyimtalhnamo. Apminaycmasquic nic nat Moisés najan apyovoclhojo apnaymacoc (Israel):
Pac omnaycmacsic siyayo Dios Apyimtalhnamo aptomja apyimtalhnamo. Yingmin alnapma apyovoclhojo nolhing najan nolhing apcapaoc.#Ap 15.3.
2Omnaycmacsic siyayo Dios Apyimtalhnamo, aptomja seyimnatescama najan sevomquiscama tap. Otnejic mataa siyayo apvisay Dios Apyimtalhnamo. Otnejic siyayo apvisay apyimtalhnamo, apvisqui apancaoc sicyeyjamcaa.#Sal 118.14; Is 12.2.
3Apquilnapomap apvisqui apancaoc apvisay Dios Apyimtalhnamo. Eycaso apvisay apanco.
4Apquilvayvamquic alhta carros apancaoc apvisqui faraón najan apquillhalhmaa singilpilhtetemo. Apquilvayvamquic alhta Yingmin Acyilhvasem apyovoclhojo singilpilhtetemo.
5Apquilvayvamquic alhta malha mataymong acvayveycaoc. Incapquic alhta yingmin acvanyam apquilvonquepa.
6Apmopvan innac lhip Dios Apyimtalhnamo, acyimnatem anco lhip apmic. Lhip apmic acyimnatem ayinyema apmascoscama cotnaja ingmoc.
7Apmopvan innac lhip apmascoscama apquilinmelhaycam enlhitaoc. Aplovquic alhta lhip, malha talha intomjac acsovjomo paat acyamay.
8Aplovquic alhta lhip, inyangvocmec alhta yingmin. Malha alimja netin intomjac alhta yingmin alyayajayam tacjalhit ayaptovnilha.
9Apquiltomjac alhta cotnaja ingmoc: Pac ongminlhinam, yoyam ongilmoc. Ongilmilascoc sat asoc altamila apquilyamasma, acvaycmo singastingam. Cosovjalhcac sat ayitsepma ingnenyic. Onlicoc sat sovo acvinatem, yoyam onsavojo ningilnapma — alhta apquiltomjac cotnaja ingmoc.
10Malha alhcajayam alhta intomjac lhip apvatipnapma. Insovjoc alhta apquilvayveycaoc, yingmin ayapma. Apquilvayvamquic alhta, malha yinmongam actic actomja acvayveycaoc.
11Apvamlha pac lhama apyimtalhnamo lhip Dios Apyimtalhnamo. Mepqui acyimtalhnamo quilaycmasquiscama acyitsomalhca dios. Apyimtalhnamo apanco lhip, mayayo santo, am elhno poc. Apmopvan lhip ellana asoc simpilapquiscama, acyiplomo acyivey ningay.
12Appeyvaseclhec alhta lhip apectong, yejemoc apquilvayvamco. Malha acnasipma intomjac as nalhpop.
13Naysicsa apcasicjayo lhip, aptomja apnalayclha apnaymacoc apquilvomsomap tap. Apnalaclhec lhip aptomja apmopvan, yoyam elyipjongvomoc lhip apmaclha tingma apponquinomap.
14Intomjac apquilpilhyinamam poc enlhitaoc apquillinga amyaa. Avanjec apquilay enlhitaoc filisteos apquiltomja apquilaoclha.
15Inquilpilapacmec apquilvalhoc apquilviscaa co Edom. Avanjec apquilpilhyinamam apquilviscaa co Moab. Mepqui apquilvascapma apyovoclhojo co Canaán.
16Dios Apyimtalhnamo. Ingyane sat colpilapmoc apquilvalhoc apyovoclhojo. Ingyane sat elacac enlhitaoc. Colhic sat alyitquisa malha mataymong. Ayinyema lhip apmopvan, malha apmic acyimnatem. Yoyam elmilanic lhip apnaymacoc. Apquilvisay enlhitaoc lhip apquilyacyescama.
17Dios Apyimtalhnamo. Jingnaliclha sat yoyam onlhic inquilhe acponquinomalhca. Lhip apquilyacyescama yoyam elhic, cotnejic apmaclha. Tingma apponquinomap apanco, lhip apponquinquiscama.
18Dios Apyimtalhnamo. Lhip Visqui ingac quilhvo najan cotmongvoycamlha nelha — nic nat intomjac apminaycmascama Moisés.
Acminaycmascama María
19Apvisqui faraón apquillhalhma alhta carros najan nolhing apcapaoc. Apquilantalhnec alhta alvata. Incapquic alhta yingmin acvanyam enlhitaoc. Dios Apyimtalhnamo alhta apcajapquiscama. Apquilmilanquic alhta siclho enlhitaoc Israel mepqui lha yingmin, — nic nat intomjac acminaycmascama. 20Innec maa Aarón apyalhing acvisay María, quilvana profeta. Yitnec alhta pandereta, yoyam comnaycmacsic. Innalaclhec alhta acyovoclhojo quilvanaa acyiplomo panderetas ancaoc. Inticpalhquic alhta naysicsa acjalhyincayam. 21Intomjac alhta acminaycmascama amamyi María. Yiplovcoc alhta alminaycmascama quilvanaa alpasmeyquiclha:
Colminaycmas sat alayo apvisay Dios Visqui ingac, aptomja apyimtalhnamo. Yingmin alnapma apyovoclhojo nolhing najan nolhing apcapaoc — nic nat intomjac alminaycmascama quilvanaa.
Yingmin acmasom
22Apyinyovquic nic nat Moisés acvisay Yingmin Acyilhvasem, najan apyovoclhojo enlhitaoc Israel. Apquilyipjongvocmec nic nat yoclhilhma actamopeycaoc acvisay Shur (Acjalhtam Mataymong). Apquillhinquic nic nat 3 acnim mepqui yingmin. 23Apquilyipjongvocmec nic nat acvisay Yingmin Acmasom (Mara). Asquejec nic nat yingmin, paj colapvancaac elyinamcoc. Apquiltimec nic nat acvisay (Yingmin Acmasca) Yasic Yingmin (Mara).
24Apquilinmelham nic nat enlhitaoc apnaclha Moisés: —¡Paj yingmin! ¿Co la'ontimjic? — nic nat apquiltomjac.
25Apyimnatasquic nic nat appayvam Moisés, apquilmalhna yingmin etingyasquisic Dios Apyimtalhnamo. Innec nic nat aclhicmosa yamit Moisés. Apyinyovquic nic nat Moisés as yamit congne yingmin. Intomjaclhec nic nat acmasis yingmin.
Apyipconquic nic nat Dios Apyimtalhnamo apquiltemaclha enlhitaoc. Aptomjac nic nat appayvam Dios Apyimtalhnamo apcanamaclha, yoyam elyiplovcasojo.
26Aptomjac nic nat Dios Apyimtalhnamo apquilanya: —Apquiljalhnoc sat ancoc quellhip sicpayvam sicvisay Dios. Apquilyiplovcasquic sat ancoc nintemaclha acpeyvomo. Apquilyiplovcasquic sat ancoc sicpayvam siyanamaclha mepqui apquilyeycajascaoc. Melvityejec sat asoc acyimtalhnama, actemaclha apquillingaycamco alhta co Egipto. Coo sicvisay Dios, sicmasma quellhip — nic nat aptomjac Dios.
27Apquilyipjongvocmec nic nat acyitnamaclha yingmin acvisay Elim. Apquilvitac nic nat 12 yamilquit (actiyapmaclha yingmin) najan 70 alha. Apquilnaclhec nic nat maa acyitnamaclha yingmin.
Currently Selected:
:
Highlight
Share
Copy
Want to have your highlights saved across all your devices? Sign up or sign in