ÉXODO 24
24
Moisés najan apquillhalhma apquilviscaa
1Aptomjac nic nat Dios apcanya Moisés: —Ivota sat sicnaclha. Itne sat aplhalhma Aarón najan Nadab najan Abiú najan setenta apquilviscaa enlhitaoc Israel. Elilpolinta sat nalhpop apquilamquitvoclho sat. 2Apvamlha Moisés sat jeyotac coo. Colapvanquejec jelyota apquillhalhmaa. Colapvanquejec jelyota aplhamoclhojo enlhitaoc — nic nat aptomjac Dios Apyimtalhnamo.
3Apquiltimnascactac nic nat Moisés enlhitaoc actemaclha appayvam najan actemaclha apcanamaclha.
Apquilatingmavoc nic nat aplhamoclhojo apquilpasmeyquiclha: —Ongilyejiclhojoc sat aclhamoclhojo actemaclha appayvam singilanya Dios Apyimtalhnamo — nic nat apquiltomjac.#Ex 19.8; Dt 5.27.
4Aptalhosquic nic nat Moisés aclhamoclhojo actemaclha appayvam Dios Apyimtalhnamo. Altooc nic nat aplhaticja. Apquillanac nic nat apvatnamaclha nicja inquilhe. Apquilancasquic nic nat doce mataymong acyitsomalhca doce apquilmolhama enlhitaoc Israel. 5Apquilapajasquic nic nat quilyimnanic yoyam enalantac vayqui ayitcoc. Apquilajac nic nat. Apquilvatnec nic nat actemaclha apquilmescama acyanmongam actamilaycam apquilvalhoc. 6Apsaclhec nic nat Moisés vayqui ayitcoc em ac. Nicja ilhnic nat apyatmac asoc payjem. Moc apcayingvoyam nicja ema apyilhvatescaclhec nic nat apvatnamaclha. 7Apquilyipsatquic nic nat vaycajac Moisés, acvisay monquinatquiscama apmayjayoclha Dios. Apquilyipsatquic nic nat napatavo enlhitaoc.
Apquilatingmavoc nic nat enlhit: —Ongilyejiclhojoc sat actemaclha appayvam Dios. Ongilyiplovcasojoc sat actemaclha singanama — nic nat apquiltomjac. 8Apyilhvatesquic nic nat Moisés vayqui em ac tacjaplhit enlhitaoc.
Aptomjac nic nat Moisés apquilanya: —Eyca as ema actomja asoc monquinatquiscama apmayjayoclha Dios Apyimtalhnamo Dios aplhanma napatavo quellhip — nic nat aptomjac.#Mt 26.28; Mr 14.24; Lc 22.20; 1 Co 11.25; He 10.29.,#He 9.19-20.
9Apquinamtec nic nat netin inquilhe Moisés najan Aarón najan Nadab najan Abiú najan setenta apquilviscaa enlhitaoc Israel. 10Apquilvitac nic nat Dios aptomja Apvisqui apancaoc enlhitaoc Israel. Actamila ilhnic nat apquinmamcaclha, malha asoc acmamnave acvisay zafiro. Alyinmom nic nat intomjac. 11Am nic nat elnapac Dios apquilviscaa. Apquilvitac nic nat aptemaclha Dios Apyimtalhnamo. Apquiltovcamquic nic nat. Apquilyinamquic nic nat.
12Aptomjac nic nat Dios Apyimtalhnamo apcanya Moisés: —Jeyota sat lhip ayitsicsic inquilhe. Ilha sat siclho. Olmesic sat lhip mataymong nicja actalhesomalhca siyanamaclha najan siyascamaclha. Lhip sat elhicmocsic enlhitaoc Israel — nic nat aptomjac Dios.
13Aplhinquic nic nat Moisés najan Josué aptomja apquilancam. Apquinamtec nic nat Moisés netin inquilhe apnaclha Dios Apyimtalhnamo.
14Aptomjac nic nat Moisés apquilanya apquilviscaa: —Elalh sat quellhip aso. Ongilvotac sat mocjam. Apnec nipyesicsa quellhip Aarón najan Hur. Elpamejitsacpojo apquilvita sat lhama asoc — nic nat aptomjac.
15Apquinamtec nic nat netin inquilhe Moisés. Incapquic nic nat inquilhe lhama yipjopay. 16Invitalhquic nic nat gloria apcapongmatem ayitsicsic inquilhe. Incapquic nic nat inquilhe lhama acvocmo seis acnim. Invocmec nic nat siete acnim. Pilapcasquic nic nat Moisés aplinga apquevoycam Dios Apyimtalhnamo naysicsa yipjopay. 17Malha talha acmeyasma nic nat intomjac gloria apcapongmatem netin inquilhe. Apquilvitac nic nat aplhamoclhojo enlhitaoc Israel. 18Apquinamtec nic nat netin inquilhe Moisés aysicsic yipjopay. Apnec nic nat Moisés netin inquilhe cuarenta acnim najan cuarenta alhtaa.#Dt 9.9.
Currently Selected:
ÉXODO 24: ENHL
Highlight
Share
Copy
Want to have your highlights saved across all your devices? Sign up or sign in
ÉXODO 24
24
Moisés najan apquillhalhma apquilviscaa
1Aptomjac nic nat Dios apcanya Moisés: —Ivota sat sicnaclha. Itne sat aplhalhma Aarón najan Nadab najan Abiú najan setenta apquilviscaa enlhitaoc Israel. Elilpolinta sat nalhpop apquilamquitvoclho sat. 2Apvamlha Moisés sat jeyotac coo. Colapvanquejec jelyota apquillhalhmaa. Colapvanquejec jelyota aplhamoclhojo enlhitaoc — nic nat aptomjac Dios Apyimtalhnamo.
3Apquiltimnascactac nic nat Moisés enlhitaoc actemaclha appayvam najan actemaclha apcanamaclha.
Apquilatingmavoc nic nat aplhamoclhojo apquilpasmeyquiclha: —Ongilyejiclhojoc sat aclhamoclhojo actemaclha appayvam singilanya Dios Apyimtalhnamo — nic nat apquiltomjac.#Ex 19.8; Dt 5.27.
4Aptalhosquic nic nat Moisés aclhamoclhojo actemaclha appayvam Dios Apyimtalhnamo. Altooc nic nat aplhaticja. Apquillanac nic nat apvatnamaclha nicja inquilhe. Apquilancasquic nic nat doce mataymong acyitsomalhca doce apquilmolhama enlhitaoc Israel. 5Apquilapajasquic nic nat quilyimnanic yoyam enalantac vayqui ayitcoc. Apquilajac nic nat. Apquilvatnec nic nat actemaclha apquilmescama acyanmongam actamilaycam apquilvalhoc. 6Apsaclhec nic nat Moisés vayqui ayitcoc em ac. Nicja ilhnic nat apyatmac asoc payjem. Moc apcayingvoyam nicja ema apyilhvatescaclhec nic nat apvatnamaclha. 7Apquilyipsatquic nic nat vaycajac Moisés, acvisay monquinatquiscama apmayjayoclha Dios. Apquilyipsatquic nic nat napatavo enlhitaoc.
Apquilatingmavoc nic nat enlhit: —Ongilyejiclhojoc sat actemaclha appayvam Dios. Ongilyiplovcasojoc sat actemaclha singanama — nic nat apquiltomjac. 8Apyilhvatesquic nic nat Moisés vayqui em ac tacjaplhit enlhitaoc.
Aptomjac nic nat Moisés apquilanya: —Eyca as ema actomja asoc monquinatquiscama apmayjayoclha Dios Apyimtalhnamo Dios aplhanma napatavo quellhip — nic nat aptomjac.#Mt 26.28; Mr 14.24; Lc 22.20; 1 Co 11.25; He 10.29.,#He 9.19-20.
9Apquinamtec nic nat netin inquilhe Moisés najan Aarón najan Nadab najan Abiú najan setenta apquilviscaa enlhitaoc Israel. 10Apquilvitac nic nat Dios aptomja Apvisqui apancaoc enlhitaoc Israel. Actamila ilhnic nat apquinmamcaclha, malha asoc acmamnave acvisay zafiro. Alyinmom nic nat intomjac. 11Am nic nat elnapac Dios apquilviscaa. Apquilvitac nic nat aptemaclha Dios Apyimtalhnamo. Apquiltovcamquic nic nat. Apquilyinamquic nic nat.
12Aptomjac nic nat Dios Apyimtalhnamo apcanya Moisés: —Jeyota sat lhip ayitsicsic inquilhe. Ilha sat siclho. Olmesic sat lhip mataymong nicja actalhesomalhca siyanamaclha najan siyascamaclha. Lhip sat elhicmocsic enlhitaoc Israel — nic nat aptomjac Dios.
13Aplhinquic nic nat Moisés najan Josué aptomja apquilancam. Apquinamtec nic nat Moisés netin inquilhe apnaclha Dios Apyimtalhnamo.
14Aptomjac nic nat Moisés apquilanya apquilviscaa: —Elalh sat quellhip aso. Ongilvotac sat mocjam. Apnec nipyesicsa quellhip Aarón najan Hur. Elpamejitsacpojo apquilvita sat lhama asoc — nic nat aptomjac.
15Apquinamtec nic nat netin inquilhe Moisés. Incapquic nic nat inquilhe lhama yipjopay. 16Invitalhquic nic nat gloria apcapongmatem ayitsicsic inquilhe. Incapquic nic nat inquilhe lhama acvocmo seis acnim. Invocmec nic nat siete acnim. Pilapcasquic nic nat Moisés aplinga apquevoycam Dios Apyimtalhnamo naysicsa yipjopay. 17Malha talha acmeyasma nic nat intomjac gloria apcapongmatem netin inquilhe. Apquilvitac nic nat aplhamoclhojo enlhitaoc Israel. 18Apquinamtec nic nat netin inquilhe Moisés aysicsic yipjopay. Apnec nic nat Moisés netin inquilhe cuarenta acnim najan cuarenta alhtaa.#Dt 9.9.
Currently Selected:
:
Highlight
Share
Copy
Want to have your highlights saved across all your devices? Sign up or sign in