ÉXODO 30
30
Altar malvatnama talha asoc acmasis
(Ex 37.25-28)
1Aptomjac nic nat Dios apcanya Moises: —Illana sat yamit aysicsic acacia, cotnejic sat altar apquilvatnamaclha, colhic sat alvatna talha asoc acmasis. 2Illana sat yamit aysicsic cuadrado, acvamlha acvinatem cuarenta y cinco centímetros, najan acvamlha ancho cuarenta y cinco centímetros, najan acvamlha nitno noventa centímetros. Acyiplomo inquipetaoc naváyc allanomalhca lhama acyovoclhojo, jave acyipitsomalhca moc. 3Iyipitquis sat chapa de oro acyovoclhojo ayimpejic altar, najan netin, najan nicjaa, najan inquipetaoc. Najan lhama ribete de oro niyava altar. 4Ilyipitquis sat argollas de oro coning ribete. Anit argollas esquinas lhama nicja, najan anit argollas esquinas moc nicja. Ingyitsiclha sat yamit alvinatem travesaños, yoyam colhic sat acpatmaoclha. 5Cotnejic sat yamit acacia travesaños alyipitsomalhca chapa de oro. 6Ipquin sat altar, coytic sat jilip apava apjalhtamomap acyitnamaclha yamit aysicsic avalhoc maa Dios appayvam. Payjoc acyitnamaclha ayapma atong yamit aysicsic, sicmaclha coo yoyam opamejitsic mataa lhip. 7Vocmec sat ancoc secaseclha hora apquilalhnascama calevascama, incaymalhquic Aarón elvitic talha asoc acmasis netin altar nac jay. 8Elhnasojoc sat actalhnam, acvocmo inlhojo hora yoyam ingyalevacsic calevascama. Elyiplovcasojo as nintemaclha napato Dios mataa cotmongvoycamlha nelha. 9Copvanquejec elvitic talha netin as altar moc asoc acmasis, paj najan holocaustos macmescama Dios, paj najan ofrendas trigo apactic, paj najan uva ayingmenic macmescama Dios. 10Eycaso altar acvisay acponquinomalhca napato Dios. Etnejic sat Aarón una vez al año eltilhnamcoc inquipetaoc netin altar, apmaycam ema asoc acmatnam malvatnama talha acyanmongam melyascalhma. Aclhamoclhojo años, una vez al año colhic alvatna talha macmescama Dios acyanmongam melyascalhma — nic nat aptomjac.
Contribución
11Aptomjac nic nat Visqui ingac apcanya Moisés: 12—Isavojo sat apquilyipsatem enlhitaoc israelitas. Incaymalhquic moclhama eyinyoc acyanmongam contribución, yoyam emyovacpoc. Elavojoc sat acyanmongayclha plaga ningmasquem. 13Moclhama enlhit mactalhescama apvisay eyinyoc sat acyanmongam contribución napato Dios cinco gramos de plata, actomja nalhit solyayem alyipsatomalhca carpa apponquinomap.#Ex 38.25-26; Mt 17.24. 14Moclhama enlhit veinte años aptiyascam najan maa tap apcanyomap eyinyoc acyanmongam contribución napato Dios. 15Eyinyoc sat moclhama, yoyam emyovacpoc, jave macmescama acyivey ayinyema enlhit acma apquilnatam, jave macmescama ayitcoc ayinyema mepqui apquilnatam. Apcanyacpec moclhama eyinyoc cinco gramos de plata. 16Ingyansiclha sat lhip apquilmescama israelitas, yoyam elmiyovacpoc. Ininquin sat acyanmongam congne carpa apponquinomap. Coyitnam sat apatic Visqui ingac apquiltemaclha israelitas macmescama acyanmongam, yoyam elmiyovacpoc — nic nat aptomjac.
Yingmin alhancoc de bronce
(Ex 38.8)
17Aptomjac nic nat Visqui ingac apcanya Moisés: 18—Ingyane sat colhic allana yingmin alhancoc de bronce, najan avjac acyitnamaclha alhancoc de bronce. Acvisay ninliclama yingmin ingmeoc najan ingyimpejic. Coytic sat naysicsa altar najan aplhancoc apponquinomap, aclaneyo yingmin.#Ex 38.8. 19Elcoc sat mataa yingmin Aarón najan apquitquic, elcamcoc mataa apmeoc najan apmancoc. 20Elcamcoc sat mataa amamyi apquiltimesaycam aplhancoc apponquinomap najan apquiltimesaycam altar, yoyam elvitic talha ofrendas macmescama Dios. Elmiyovacpoc sat mepqui apquilitsepma. 21Elcamcoc sat mataa yingmin apmeoc najan apmancoc, yoyam elmiyovacpoc. Comasquejec sat mataa singanamaclha, elyiplovcasojoc Aarón najan aptovana — nic nat aptomjac.
Asoc acmasis ningatsisquiscama
(Ex 37.29)
22Aptomjac nic nat Visqui ingac apcanya Moisés: 23—Ilyacyes sat lhip asoc acmasis ayinyema plantas yamit: seis kilos mirra acmasis, najan tres kilos canela acmasis, najan tres kilos caña acmasis, 24najan seis kilos casia acmasis, acno alyipsatomalhca balanza santuario, najan tres litros y medio olivo ayingmenic. 25Illana sat lhip ayingmenic acmasis alpalhquemalhca ningatsisquiscama asoc. Colhojoc sat perfumes acmasis ningatsisquiscama ingyimpejic, acvisay ayingmenic santo nimponquinquiscama asoc. 26Ingyilhpaja sat congne aplhancoc apponquinomap najan tacjalhit yamit aysicsic acyitnamaclha Dios appayvam. 27Ingyilhpaja sat mesa najan apquilmaycam maa, najan calendabro alapongmateyquiclha najan apquilmaycam maa, najan altar malvatnama talha asoc acmasis, 28najan altar apquilvatnamaclha holocaustos macmescama Dios malvatnama talha najan apquilmaycam maa, najan yingmin alhancoc acyivey najan avjac maa. 29Cotnejic sat asoc alvisay santísimas alponquinomalhca napato Dios. Ematong sat enlhit aptomja apmongvoyam lhama asoc.
30Ingyilhpaja sat ayingmenic acmasis apyimpejic Aarón najan apquitquic, eltimjic sat apquilponquinomap sacerdotes ajancaoc. 31Iltimnas sat coo sicpayvam napatavo israelitas: Eycaso acvisay asoc acmasis nimponquinquiscama asoc cotnejic santo cotmongvoycamlha nelha. 32Copvanquejec poc enlhit ingyilhpajacpoc, copvanquejec poc enlhit ellanac as ayingmenic alpalhquemalhca. Acvisay santo acponquinomalhca napato Dios, acno moc asoc acponquinomalhca. 33Apquillanac sat ancoc enlhit ayingmenic actema nac jay, apquilhpajac sat ancoc poc enlhit, etvasacpoc sat maa, incaymalhquic ematong — nic nat aptomjac.
Asoc acmasis alvatnamalhca
(Ex 37.29)
34Aptomjac nic nat Visqui ingac apcanya Moisés: —Itingya sat moclhama plantas yamit: resina acmasis, uña acmasis, incienso acmasis najan gálbano acmasis. 35Illana sat lhip asoc acmasis alpalhquemalhca acno perfumes acmasis. 36Ilticlhic sat nicja acmasis cotniclhac anic. Ipquin sat nicja congne aplhancoc apponquinomap acyitnamaclha yamit aysicsic avalhoc maa Dios appayvam, moc acvisay sicpamejitquiscamaclha lhip. Cotnejic sat asoc santísimo acponquinomalhca. 37Colapvanquejec elhnasojo apquillanay apancaoc asoc acmasis. Dios apanco as asoc acmasis actomja santo. 38Apquillanac sat ancoc enlhit actema nac jay, ingyatsisquisic apyimpejic apanco, etvasacpoc sat maa, incaymalhquic ematong — nic nat aptomjac.#Ex 37.29.
Currently Selected:
ÉXODO 30: ENHL
Highlight
Share
Copy
Want to have your highlights saved across all your devices? Sign up or sign in
ÉXODO 30
30
Altar malvatnama talha asoc acmasis
(Ex 37.25-28)
1Aptomjac nic nat Dios apcanya Moises: —Illana sat yamit aysicsic acacia, cotnejic sat altar apquilvatnamaclha, colhic sat alvatna talha asoc acmasis. 2Illana sat yamit aysicsic cuadrado, acvamlha acvinatem cuarenta y cinco centímetros, najan acvamlha ancho cuarenta y cinco centímetros, najan acvamlha nitno noventa centímetros. Acyiplomo inquipetaoc naváyc allanomalhca lhama acyovoclhojo, jave acyipitsomalhca moc. 3Iyipitquis sat chapa de oro acyovoclhojo ayimpejic altar, najan netin, najan nicjaa, najan inquipetaoc. Najan lhama ribete de oro niyava altar. 4Ilyipitquis sat argollas de oro coning ribete. Anit argollas esquinas lhama nicja, najan anit argollas esquinas moc nicja. Ingyitsiclha sat yamit alvinatem travesaños, yoyam colhic sat acpatmaoclha. 5Cotnejic sat yamit acacia travesaños alyipitsomalhca chapa de oro. 6Ipquin sat altar, coytic sat jilip apava apjalhtamomap acyitnamaclha yamit aysicsic avalhoc maa Dios appayvam. Payjoc acyitnamaclha ayapma atong yamit aysicsic, sicmaclha coo yoyam opamejitsic mataa lhip. 7Vocmec sat ancoc secaseclha hora apquilalhnascama calevascama, incaymalhquic Aarón elvitic talha asoc acmasis netin altar nac jay. 8Elhnasojoc sat actalhnam, acvocmo inlhojo hora yoyam ingyalevacsic calevascama. Elyiplovcasojo as nintemaclha napato Dios mataa cotmongvoycamlha nelha. 9Copvanquejec elvitic talha netin as altar moc asoc acmasis, paj najan holocaustos macmescama Dios, paj najan ofrendas trigo apactic, paj najan uva ayingmenic macmescama Dios. 10Eycaso altar acvisay acponquinomalhca napato Dios. Etnejic sat Aarón una vez al año eltilhnamcoc inquipetaoc netin altar, apmaycam ema asoc acmatnam malvatnama talha acyanmongam melyascalhma. Aclhamoclhojo años, una vez al año colhic alvatna talha macmescama Dios acyanmongam melyascalhma — nic nat aptomjac.
Contribución
11Aptomjac nic nat Visqui ingac apcanya Moisés: 12—Isavojo sat apquilyipsatem enlhitaoc israelitas. Incaymalhquic moclhama eyinyoc acyanmongam contribución, yoyam emyovacpoc. Elavojoc sat acyanmongayclha plaga ningmasquem. 13Moclhama enlhit mactalhescama apvisay eyinyoc sat acyanmongam contribución napato Dios cinco gramos de plata, actomja nalhit solyayem alyipsatomalhca carpa apponquinomap.#Ex 38.25-26; Mt 17.24. 14Moclhama enlhit veinte años aptiyascam najan maa tap apcanyomap eyinyoc acyanmongam contribución napato Dios. 15Eyinyoc sat moclhama, yoyam emyovacpoc, jave macmescama acyivey ayinyema enlhit acma apquilnatam, jave macmescama ayitcoc ayinyema mepqui apquilnatam. Apcanyacpec moclhama eyinyoc cinco gramos de plata. 16Ingyansiclha sat lhip apquilmescama israelitas, yoyam elmiyovacpoc. Ininquin sat acyanmongam congne carpa apponquinomap. Coyitnam sat apatic Visqui ingac apquiltemaclha israelitas macmescama acyanmongam, yoyam elmiyovacpoc — nic nat aptomjac.
Yingmin alhancoc de bronce
(Ex 38.8)
17Aptomjac nic nat Visqui ingac apcanya Moisés: 18—Ingyane sat colhic allana yingmin alhancoc de bronce, najan avjac acyitnamaclha alhancoc de bronce. Acvisay ninliclama yingmin ingmeoc najan ingyimpejic. Coytic sat naysicsa altar najan aplhancoc apponquinomap, aclaneyo yingmin.#Ex 38.8. 19Elcoc sat mataa yingmin Aarón najan apquitquic, elcamcoc mataa apmeoc najan apmancoc. 20Elcamcoc sat mataa amamyi apquiltimesaycam aplhancoc apponquinomap najan apquiltimesaycam altar, yoyam elvitic talha ofrendas macmescama Dios. Elmiyovacpoc sat mepqui apquilitsepma. 21Elcamcoc sat mataa yingmin apmeoc najan apmancoc, yoyam elmiyovacpoc. Comasquejec sat mataa singanamaclha, elyiplovcasojoc Aarón najan aptovana — nic nat aptomjac.
Asoc acmasis ningatsisquiscama
(Ex 37.29)
22Aptomjac nic nat Visqui ingac apcanya Moisés: 23—Ilyacyes sat lhip asoc acmasis ayinyema plantas yamit: seis kilos mirra acmasis, najan tres kilos canela acmasis, najan tres kilos caña acmasis, 24najan seis kilos casia acmasis, acno alyipsatomalhca balanza santuario, najan tres litros y medio olivo ayingmenic. 25Illana sat lhip ayingmenic acmasis alpalhquemalhca ningatsisquiscama asoc. Colhojoc sat perfumes acmasis ningatsisquiscama ingyimpejic, acvisay ayingmenic santo nimponquinquiscama asoc. 26Ingyilhpaja sat congne aplhancoc apponquinomap najan tacjalhit yamit aysicsic acyitnamaclha Dios appayvam. 27Ingyilhpaja sat mesa najan apquilmaycam maa, najan calendabro alapongmateyquiclha najan apquilmaycam maa, najan altar malvatnama talha asoc acmasis, 28najan altar apquilvatnamaclha holocaustos macmescama Dios malvatnama talha najan apquilmaycam maa, najan yingmin alhancoc acyivey najan avjac maa. 29Cotnejic sat asoc alvisay santísimas alponquinomalhca napato Dios. Ematong sat enlhit aptomja apmongvoyam lhama asoc.
30Ingyilhpaja sat ayingmenic acmasis apyimpejic Aarón najan apquitquic, eltimjic sat apquilponquinomap sacerdotes ajancaoc. 31Iltimnas sat coo sicpayvam napatavo israelitas: Eycaso acvisay asoc acmasis nimponquinquiscama asoc cotnejic santo cotmongvoycamlha nelha. 32Copvanquejec poc enlhit ingyilhpajacpoc, copvanquejec poc enlhit ellanac as ayingmenic alpalhquemalhca. Acvisay santo acponquinomalhca napato Dios, acno moc asoc acponquinomalhca. 33Apquillanac sat ancoc enlhit ayingmenic actema nac jay, apquilhpajac sat ancoc poc enlhit, etvasacpoc sat maa, incaymalhquic ematong — nic nat aptomjac.
Asoc acmasis alvatnamalhca
(Ex 37.29)
34Aptomjac nic nat Visqui ingac apcanya Moisés: —Itingya sat moclhama plantas yamit: resina acmasis, uña acmasis, incienso acmasis najan gálbano acmasis. 35Illana sat lhip asoc acmasis alpalhquemalhca acno perfumes acmasis. 36Ilticlhic sat nicja acmasis cotniclhac anic. Ipquin sat nicja congne aplhancoc apponquinomap acyitnamaclha yamit aysicsic avalhoc maa Dios appayvam, moc acvisay sicpamejitquiscamaclha lhip. Cotnejic sat asoc santísimo acponquinomalhca. 37Colapvanquejec elhnasojo apquillanay apancaoc asoc acmasis. Dios apanco as asoc acmasis actomja santo. 38Apquillanac sat ancoc enlhit actema nac jay, ingyatsisquisic apyimpejic apanco, etvasacpoc sat maa, incaymalhquic ematong — nic nat aptomjac.#Ex 37.29.
Currently Selected:
:
Highlight
Share
Copy
Want to have your highlights saved across all your devices? Sign up or sign in