GÉNESIS 15
15
Asoc monquinatquiscama actemaclha apmayjayoclha Dios
1Natamin nic nat aptomja apcanyacpo Abram. Inlingac nic nat apvanmoncama Abram actemaclha appayvam Dios Apyimtalhnamo: —Nojeya nasa Abram. Coo nac sicmasma lhip. Acyivey sat cotnejic acyanmongam yoyam elhcac lhip— nic nat aptomjac.
2-3Apcatingmavoc nic nat Abram: —Visqui ajac Dios, ¿soctomja pa jimquecsic acyanmongam? Apyasamcoc lhip mepqui sictamongvoyam coo. Am sat ancoc otac sictamongvoyam, emiclhac sat aclhamoclhojo asoc ajancaoc selancam apvisay Eliezer, apquinyema alhta tingma Damasco— nic nat aptomjac.
4Aptomjac nic nat Dios apcanya Abram: —Lhip apquitca sat emiclhac asoc apancaoc. Memiclhejec sat cotnaja apmolhama— nic nat aptomjac.
5Apyantamacpec nic nat Abram tap tingma.
Aptomjac nic nat Dios apcanya Abram: —Quip ilanojo netin. Ilyipsit sat apyov'a. ¿Apvanqui ya elyipsitic? Sat elhojoc lhip aptovana niptamin— nic nat aptomjac.#Ro 4.18; He 11.12.
6Am nic nat eyascacmoc Abram Dios appayvam. Aptimescasquic nic nat Dios appeyvomo Abram ayinyema meyasquiyam.#Ro 4.3,9,22; Gá 3.6; Stg 2.23.
7Aptomjac nic nat Dios apcanya Abram: —Coo nac Dios lhip Visqui pac. Coo nac sicyantavayclha alhta tingma Ur de Caldea, yoyam omquecsic lhip as yoclhilhma. Cotnejic sat lhip apmayclha— nic nat aptomjac.
8Apcatingmavoc nic nat Abram: —Visqui ajac Dios, ¿jalhco sat cotnejic yoyam cotnatsalhquejec omiclha as yoclhilhma?— nic nat aptomjac.
9Aptomjac nic nat Dios apcanya Abram: —Iyantementa sat siclho lhama vayqui acvocmo 3 años najan lhama yataay acvocmo 3 años najan lhama nipquesic acvocmo 3 años. Isanta sat lhama aptoscama sapop najan lhama yamvalhaay apquitcoc— nic nat aptomjac.
10Apyantementac nic nat apnatoscama Abram. Apcajac nic nat. Appalhcatquic nic nat naysicsa. Appiquinquic nic nat nalhpop moclhama nicja asoc apcajem. Apyipitcaseclhec nic nat moc. Am nic nat eyaptac napocja sapop najan yamvalhaay.#Jer 34.18-19. 11Apquilvaac nic nat mama acyitnaclha apitic. Apminlhinquic nic nat Abram. 12Intalhnacmoc nic nat. Avanjec nic nat aptiyanma Abram. Pilapcasquic nic nat acvaa yatescamalhma acvanyam. Apcacac nic nat Abram, avanjec nic nat apcay.
13Aptomjac nic nat Dios apcanya Abram: —Iyasamcojo sat lhip. Elhnam sat lhip aptovana yoclhilhma cotnajaclha apquilaoclha. Eltimjic sat apquiltimesaycam poc. Colhic sat alasquisa apyimpeoc acvaycmo 400 años.#Ex 1.1-14; Hch 7.6. 14Coo sat najan oyanmongsiclha apquiltemaclha enlhitaoc apquiltomja apquilasquiscama apyimpeoc lhip aptovana. Elvomoc sat tap, colhic sat cascama apquilnatam.#Ex 12.40-41; Hch 7.7. 15Colhic sat actamilaycam apvalhoc lhip acvocmo apquilitsepma. Epalhavomoc sat lhip apquilmasquingvaycmo nano. Apvanyam sat ingyitsapoc lhip. 16Apquilvanacmec sat ancoc lhip aptovana apquiltimesaycam poc, elvotac sat mocjam as yoclhilhma. Ayinyemaclha am coyov'ac mocjam apquiltemaclha apancaoc melyascalhma enlhitaoc amorreos— nic nat aptomjac Dios.
17Intalhnec nic nat acnim. Inyatasquic nic nat ilhma. Pilapcasquic nic nat acvitalhco malhic. Yiplovcoc nic nat actiyapma etin. Intipquic nic nat talha alayvom acyivey. Intalhnec nic nat naysicsa acnamcolha apitic. 18Eyca as acnim apquillanac nic nat Dios asoc monquinatquiscama actemaclha apmayjayoclha apanco.
Aptomjac nic nat Dios apcanya Abram: —Pac omquecsic as yoclhilhma lhip aptovana niptamin. Yoclhilhma nipiyam acvocmo nicja vatsam acvisay Egipto. Yoclhilhma nilhqueyja acvocmo nicja vatsam acyivey acvisay Eufrates.#Hch 7.5. 19Eyca as yoclhilhma apquileyvomaclha ilhnic nat enlhitaoc ceneos najan enlhitaoc enezeos najan enlhitaoc cadmoneos, 20najan enlhitaoc hititas najan enlhitaoc ferezeos najan enlhitaoc refaítas, 21najan enlhit amorreos najan enlhitaoc cananeos najan enlhitaoc gergeseos najan enlhitaoc jebuseos— nic nat aptomjac Dios.
Currently Selected:
GÉNESIS 15: ENHL
Highlight
Share
Copy
Want to have your highlights saved across all your devices? Sign up or sign in
GÉNESIS 15
15
Asoc monquinatquiscama actemaclha apmayjayoclha Dios
1Natamin nic nat aptomja apcanyacpo Abram. Inlingac nic nat apvanmoncama Abram actemaclha appayvam Dios Apyimtalhnamo: —Nojeya nasa Abram. Coo nac sicmasma lhip. Acyivey sat cotnejic acyanmongam yoyam elhcac lhip— nic nat aptomjac.
2-3Apcatingmavoc nic nat Abram: —Visqui ajac Dios, ¿soctomja pa jimquecsic acyanmongam? Apyasamcoc lhip mepqui sictamongvoyam coo. Am sat ancoc otac sictamongvoyam, emiclhac sat aclhamoclhojo asoc ajancaoc selancam apvisay Eliezer, apquinyema alhta tingma Damasco— nic nat aptomjac.
4Aptomjac nic nat Dios apcanya Abram: —Lhip apquitca sat emiclhac asoc apancaoc. Memiclhejec sat cotnaja apmolhama— nic nat aptomjac.
5Apyantamacpec nic nat Abram tap tingma.
Aptomjac nic nat Dios apcanya Abram: —Quip ilanojo netin. Ilyipsit sat apyov'a. ¿Apvanqui ya elyipsitic? Sat elhojoc lhip aptovana niptamin— nic nat aptomjac.#Ro 4.18; He 11.12.
6Am nic nat eyascacmoc Abram Dios appayvam. Aptimescasquic nic nat Dios appeyvomo Abram ayinyema meyasquiyam.#Ro 4.3,9,22; Gá 3.6; Stg 2.23.
7Aptomjac nic nat Dios apcanya Abram: —Coo nac Dios lhip Visqui pac. Coo nac sicyantavayclha alhta tingma Ur de Caldea, yoyam omquecsic lhip as yoclhilhma. Cotnejic sat lhip apmayclha— nic nat aptomjac.
8Apcatingmavoc nic nat Abram: —Visqui ajac Dios, ¿jalhco sat cotnejic yoyam cotnatsalhquejec omiclha as yoclhilhma?— nic nat aptomjac.
9Aptomjac nic nat Dios apcanya Abram: —Iyantementa sat siclho lhama vayqui acvocmo 3 años najan lhama yataay acvocmo 3 años najan lhama nipquesic acvocmo 3 años. Isanta sat lhama aptoscama sapop najan lhama yamvalhaay apquitcoc— nic nat aptomjac.
10Apyantementac nic nat apnatoscama Abram. Apcajac nic nat. Appalhcatquic nic nat naysicsa. Appiquinquic nic nat nalhpop moclhama nicja asoc apcajem. Apyipitcaseclhec nic nat moc. Am nic nat eyaptac napocja sapop najan yamvalhaay.#Jer 34.18-19. 11Apquilvaac nic nat mama acyitnaclha apitic. Apminlhinquic nic nat Abram. 12Intalhnacmoc nic nat. Avanjec nic nat aptiyanma Abram. Pilapcasquic nic nat acvaa yatescamalhma acvanyam. Apcacac nic nat Abram, avanjec nic nat apcay.
13Aptomjac nic nat Dios apcanya Abram: —Iyasamcojo sat lhip. Elhnam sat lhip aptovana yoclhilhma cotnajaclha apquilaoclha. Eltimjic sat apquiltimesaycam poc. Colhic sat alasquisa apyimpeoc acvaycmo 400 años.#Ex 1.1-14; Hch 7.6. 14Coo sat najan oyanmongsiclha apquiltemaclha enlhitaoc apquiltomja apquilasquiscama apyimpeoc lhip aptovana. Elvomoc sat tap, colhic sat cascama apquilnatam.#Ex 12.40-41; Hch 7.7. 15Colhic sat actamilaycam apvalhoc lhip acvocmo apquilitsepma. Epalhavomoc sat lhip apquilmasquingvaycmo nano. Apvanyam sat ingyitsapoc lhip. 16Apquilvanacmec sat ancoc lhip aptovana apquiltimesaycam poc, elvotac sat mocjam as yoclhilhma. Ayinyemaclha am coyov'ac mocjam apquiltemaclha apancaoc melyascalhma enlhitaoc amorreos— nic nat aptomjac Dios.
17Intalhnec nic nat acnim. Inyatasquic nic nat ilhma. Pilapcasquic nic nat acvitalhco malhic. Yiplovcoc nic nat actiyapma etin. Intipquic nic nat talha alayvom acyivey. Intalhnec nic nat naysicsa acnamcolha apitic. 18Eyca as acnim apquillanac nic nat Dios asoc monquinatquiscama actemaclha apmayjayoclha apanco.
Aptomjac nic nat Dios apcanya Abram: —Pac omquecsic as yoclhilhma lhip aptovana niptamin. Yoclhilhma nipiyam acvocmo nicja vatsam acvisay Egipto. Yoclhilhma nilhqueyja acvocmo nicja vatsam acyivey acvisay Eufrates.#Hch 7.5. 19Eyca as yoclhilhma apquileyvomaclha ilhnic nat enlhitaoc ceneos najan enlhitaoc enezeos najan enlhitaoc cadmoneos, 20najan enlhitaoc hititas najan enlhitaoc ferezeos najan enlhitaoc refaítas, 21najan enlhit amorreos najan enlhitaoc cananeos najan enlhitaoc gergeseos najan enlhitaoc jebuseos— nic nat aptomjac Dios.
Currently Selected:
:
Highlight
Share
Copy
Want to have your highlights saved across all your devices? Sign up or sign in