GÉNESIS 29
29
Apvoyam tingma Harán Jacob
1Apquimpaclhec nic nat Jacob. Apmiyaclhec nic nat nipyesicsa enlhitaoc co actiyapmaclha acnim. 2Apvitangvocmec nic nat amyip lhama yamilquit. Apvitac nic nat Jacob apquilyanca nipquesic nicja yamilquit. Natqui ilhnic nat apyinatem. Apquilyinamquic nic nat yingmin ayinyema as yamilquit. Acyivey nic nat mataymong ayapma atong yamilquit. 3Apquilvoctac sat ancoc aplhamoclhojo nipquesic as yamilquit, elpasmoc mataa poc apquilancam nipquesic apliclama atong yamilquit. Apquilyacvesquic nic nat mataa apnatoscama. Natamin apyinaycaoc apquilapeclhec nic nat mataa atong.
4Aptomjac nic nat Jacob apquilanya apquilancam nipquesic: —¿Jalhcojo apquilinyema quellhip?— nic nat aptomjac.
Apquilatingmavoc nic nat apquilancam nipquesic: —Tingma Harán ningilinyemac nincoo— nic nat apquiltomjac.
5Aptomjac nic nat Jacob apquilanya: —¿Apquilyicpilco ya quellhip Nacor apquitca apvisay Labán?— nic nat aptomjac.
Apquilatingmavoc nic nat: —Eje, ningyicpilcoc nincoo— nic nat apquiltomjac.
6Aptomjac nic nat Jacob apquilanya: —¿Apmeyje ya mocjam Labán?— nic nat aptomjac.
Apquilatingmavoc nic nat: —Eje, apmeyjec mocjam Labán. Quip ilanojo Labán apquitca acvisay Raquel acpacjentamo nac nipquesic— nic nat apquiltomjac.
7Aptomjac nic nat Jacob apquilanya: —Nitnoc mocjam acnim. Am covocmoc mocjam nintalhnesayclhilha nipquesic. ¿So actomja melyacvesa nac yingmin? Natamin apyinaycaoc nipquesic eltovamcoc sat mocjam— nic nat aptomjac.
8Apquilatingmavoc nic nat: —Mongvanquejec ongilyacvecsic yingmin. Incaymalhquic elvotac siclho aplhamoclhojo nipquesic. Apquilvoctac sat ancoc apquilancam nipquesic, onlicoc sat atong mataymong. Ongilyacvecsic sat yingmin apyinaycaoc nipquesic— nic nat apquiltomjac.
9Naysicsa appamejitquiscama nic nat Jacob acvactamo ilhnic nat quilvana acvisay Raquel. Actamilquiscama inyap apnatoscama ilhnic nat Raquel. Impacjentac nic nat nipquesic. 10Lhama ilhnic nat apvita Jacob acvactamo Raquel najan nipquesic apyapco Labán apnatoscama. Yejemoc nic nat aplica mataymong ayapma atong yamilquit. Apyacvesquic nic nat yingmin nipquesic. 11Appayvasquic nic nat apyalhing acvisay Raquel. Appitsisquic nic nat amalhimpenic. Apvinec nic nat Jacob. 12Apquiltimnasquic nic nat Jacob acvisay inquin Rebeca najan apyapco apvisay Labán. Yejemoc nic nat animcaclho Raquel altimnasquiclho inyap.
13Aplingac nic nat Labán aplhenamap Jacob aptomja apyalho ayitca. Yejemoc nic nat apquinincamco yoyam emoc tacja. Appatjetquic nic nat appayvesa. Appitsisquic nic nat apmalhimpenic. Apyantementac nic nat tingma pac. Apquiltimnasam nic nat Jacob aptemaclha apmolhama.
14Aptomjac nic nat Labán apcanya: —Nasoc anco aptomja lhip emoc ajanco— nic nat aptomjac.
Aptamjaycam Jacob yoyam emoc sat aptava
Apnec nic nat Jacob Labán tingma pac apvocmo poc piltin.
15Natamin aptomjac nic nat Labán apcanya Jacob: —Lhip aptomja emoc ajanco. Copvanquejec lhip jetnesam mepqui acyanmongam. Jeltimnas sat acvamlha acyanmongam yoyam omquecsic— nic nat aptomjac.
16Anit apquitquic nic nat Labán. Lhama ilhnic nat acvisay Lea. Inyalhing nic nat acvisay Raquel. 17Am nic nat cotamiloc ataoc Lea. Eyca actamila anco ilhnic nat acyovoclhojo Raquel.
18Inlicavoc nic nat apvalhoc Jacob apquilano Raquel. Aptomjac nic nat Jacob apcanya Labán: —Pac otnesam lhip acvaycmo 7 años acyanmongam lhip apquitca Raquel— nic nat aptomjac.
19Apcatingmavoc nic nat Labán: —Omquecsic sat lhip sictamongvoyam. Am cotamilac omquecsic metnaja sicmolhama. Ilha sat mataa tingma ajac— nic nat aptomjac.
20Aptamjam nic nat Jacob siete años acyanmongam quilvana acvisay Raquel. Apcanayquic nic nat Jacob cotnajac acyavataclhojo siete años. Ayinyemaclha avanjec nic nat apcasicjayo quilvana Raquel.
21Natamin aptomjac nic nat Jacob apcanya Labán: —Jimques sat quilhvo lhip apquitca, otnejic sat etava. Invocmec acvamlha acnim siclhanma alhta otnajam— nic nat aptomjac.
22Apquilanyam nic nat Labán aplhamoclhojo enlhitaoc. Apquillanac nic nat caya alyimjapma. 23Alhtaa ilhnic nat intomjac. Apyantamaclhec nic nat apquitca Labán apnaclha Jacob. Lea ilhnic nat acvisay quilvana. Appatjetamquic nic nat Jacob. 24Apyantamaclhec nic nat Labán quilvana actimesaycam acvisay Zilpa, yoyam cotnajam sat Lea tingma ac.
25Inquitsacac nic nat aplhaticja Jacob. Pilapcasquic nic nat apvita aptava acvisay Lea. Yejemoc nic nat appamejitsa Labán: —¿So actomja seyinimsa nac lhip? ¿Naso ya actomja acyanmongam sictamjaycam Raquel?— nic nat aptomjac Jacob.
26Apcatingmavoc nic nat Labán: —Yitnec mataa nintemaclha as yoclhilhma. Incaymalhquic colyimjapoc siclho amamyi cotnaja ayitcoc. Alhayi colyimjapoc sat insilhyo. 27Iviscomjo siclho nelha caya alyimjapma. Natamin omquesiclhac sat moc sictamongvoyam acvisay Raquel. Incaymalhquic elhenic lhip actomja nasoc anco yoyam jetnesam mocjam acvaycmo 7 años. Cotnejic sat acyanmongam quilvana Raquel— nic nat aptomjac Labán.
28Apquiltamjoc nic nat Jacob. Invocmec nic nat nelha caya alyimjapma. Apyantimcaseclhec nic nat apquitca insilhyo Labán. Aptava ilhnic nat aptomjac Jacob. 29-30Appatjetamquic nic nat quilhva aptava acvisay Raquel. Apyantamaclhec nic nat Labán quilvana actimesaycam acvisay Bilha, yoyam cotnajam sat Raquel tingma ac.
Asilhtec nic nat apcasicjayo inyalho Jacob. Avanjec nic nat apcasicjayo Raquel. Aptamjam nic nat acvaycmo mocjam siete años Jacob.
Jacob apquitquic
31Apvitac nic nat Dios Apyimtalhnamo actemaclha coliclama apvalhoc Jacob aptava Lea. Aptimescasquic nic nat Dios acvitay ayitca Lea. Aptimescasquic nic nat cotay ayitca Raquel. 32Inlovsoc nic nat intomjac Lea. Aptiyacmec nic nat ayitca. Inquiltimec nic nat apvisay Rubén, Sictamongvoyam. Intomjac nic nat avalhoc Lea: —Apvitac Dios actemaclha acyitnocjayo evalhoc. Jeyasicjiclhojoc sat mocjam etava— nic nat intomjac avalhoc.
33Inlovsoc nic nat intomjac mocjam Lea. Aptiyacmec nic nat mocjam ayitca. Inquiltimec nic nat apvisay Dios Aplingayo Simeón. Intomjac nic nat avalhoc: —Aplingac Dios actemaclha sictanovmalhca. Emcasquic mocjam sictamongvoyam— nic nat intomjac.
34Inlovsoc nic nat intomjac mocjam Lea. Aptiyacmec nic nat mocjam ayitca. Inquiltimec nic nat apvisay Leví, Seyipitcayo. Intomjac nic nat avalhoc: —Jeyipitcojoc sat quilhvoc etava. Ayinyemaclha apnatqui aptomjac apquitquic— nic nat intomjac.
35Inlovsoc nic nat intomjac mocjam Lea. Aptiyacmec nic nat mocjam ayitca. Inquiltimec nic nat apvisay Judá, Ningayo. Intomjac nic nac avalhoc: —Siyayo actomjac coo Dios Apyimtalhnamo— nic nat intomjac avalhoc.
Inmasquec nic nat acvitay ayitca Lea.
Currently Selected:
GÉNESIS 29: ENHL
Highlight
Share
Copy
Want to have your highlights saved across all your devices? Sign up or sign in
GÉNESIS 29
29
Apvoyam tingma Harán Jacob
1Apquimpaclhec nic nat Jacob. Apmiyaclhec nic nat nipyesicsa enlhitaoc co actiyapmaclha acnim. 2Apvitangvocmec nic nat amyip lhama yamilquit. Apvitac nic nat Jacob apquilyanca nipquesic nicja yamilquit. Natqui ilhnic nat apyinatem. Apquilyinamquic nic nat yingmin ayinyema as yamilquit. Acyivey nic nat mataymong ayapma atong yamilquit. 3Apquilvoctac sat ancoc aplhamoclhojo nipquesic as yamilquit, elpasmoc mataa poc apquilancam nipquesic apliclama atong yamilquit. Apquilyacvesquic nic nat mataa apnatoscama. Natamin apyinaycaoc apquilapeclhec nic nat mataa atong.
4Aptomjac nic nat Jacob apquilanya apquilancam nipquesic: —¿Jalhcojo apquilinyema quellhip?— nic nat aptomjac.
Apquilatingmavoc nic nat apquilancam nipquesic: —Tingma Harán ningilinyemac nincoo— nic nat apquiltomjac.
5Aptomjac nic nat Jacob apquilanya: —¿Apquilyicpilco ya quellhip Nacor apquitca apvisay Labán?— nic nat aptomjac.
Apquilatingmavoc nic nat: —Eje, ningyicpilcoc nincoo— nic nat apquiltomjac.
6Aptomjac nic nat Jacob apquilanya: —¿Apmeyje ya mocjam Labán?— nic nat aptomjac.
Apquilatingmavoc nic nat: —Eje, apmeyjec mocjam Labán. Quip ilanojo Labán apquitca acvisay Raquel acpacjentamo nac nipquesic— nic nat apquiltomjac.
7Aptomjac nic nat Jacob apquilanya: —Nitnoc mocjam acnim. Am covocmoc mocjam nintalhnesayclhilha nipquesic. ¿So actomja melyacvesa nac yingmin? Natamin apyinaycaoc nipquesic eltovamcoc sat mocjam— nic nat aptomjac.
8Apquilatingmavoc nic nat: —Mongvanquejec ongilyacvecsic yingmin. Incaymalhquic elvotac siclho aplhamoclhojo nipquesic. Apquilvoctac sat ancoc apquilancam nipquesic, onlicoc sat atong mataymong. Ongilyacvecsic sat yingmin apyinaycaoc nipquesic— nic nat apquiltomjac.
9Naysicsa appamejitquiscama nic nat Jacob acvactamo ilhnic nat quilvana acvisay Raquel. Actamilquiscama inyap apnatoscama ilhnic nat Raquel. Impacjentac nic nat nipquesic. 10Lhama ilhnic nat apvita Jacob acvactamo Raquel najan nipquesic apyapco Labán apnatoscama. Yejemoc nic nat aplica mataymong ayapma atong yamilquit. Apyacvesquic nic nat yingmin nipquesic. 11Appayvasquic nic nat apyalhing acvisay Raquel. Appitsisquic nic nat amalhimpenic. Apvinec nic nat Jacob. 12Apquiltimnasquic nic nat Jacob acvisay inquin Rebeca najan apyapco apvisay Labán. Yejemoc nic nat animcaclho Raquel altimnasquiclho inyap.
13Aplingac nic nat Labán aplhenamap Jacob aptomja apyalho ayitca. Yejemoc nic nat apquinincamco yoyam emoc tacja. Appatjetquic nic nat appayvesa. Appitsisquic nic nat apmalhimpenic. Apyantementac nic nat tingma pac. Apquiltimnasam nic nat Jacob aptemaclha apmolhama.
14Aptomjac nic nat Labán apcanya: —Nasoc anco aptomja lhip emoc ajanco— nic nat aptomjac.
Aptamjaycam Jacob yoyam emoc sat aptava
Apnec nic nat Jacob Labán tingma pac apvocmo poc piltin.
15Natamin aptomjac nic nat Labán apcanya Jacob: —Lhip aptomja emoc ajanco. Copvanquejec lhip jetnesam mepqui acyanmongam. Jeltimnas sat acvamlha acyanmongam yoyam omquecsic— nic nat aptomjac.
16Anit apquitquic nic nat Labán. Lhama ilhnic nat acvisay Lea. Inyalhing nic nat acvisay Raquel. 17Am nic nat cotamiloc ataoc Lea. Eyca actamila anco ilhnic nat acyovoclhojo Raquel.
18Inlicavoc nic nat apvalhoc Jacob apquilano Raquel. Aptomjac nic nat Jacob apcanya Labán: —Pac otnesam lhip acvaycmo 7 años acyanmongam lhip apquitca Raquel— nic nat aptomjac.
19Apcatingmavoc nic nat Labán: —Omquecsic sat lhip sictamongvoyam. Am cotamilac omquecsic metnaja sicmolhama. Ilha sat mataa tingma ajac— nic nat aptomjac.
20Aptamjam nic nat Jacob siete años acyanmongam quilvana acvisay Raquel. Apcanayquic nic nat Jacob cotnajac acyavataclhojo siete años. Ayinyemaclha avanjec nic nat apcasicjayo quilvana Raquel.
21Natamin aptomjac nic nat Jacob apcanya Labán: —Jimques sat quilhvo lhip apquitca, otnejic sat etava. Invocmec acvamlha acnim siclhanma alhta otnajam— nic nat aptomjac.
22Apquilanyam nic nat Labán aplhamoclhojo enlhitaoc. Apquillanac nic nat caya alyimjapma. 23Alhtaa ilhnic nat intomjac. Apyantamaclhec nic nat apquitca Labán apnaclha Jacob. Lea ilhnic nat acvisay quilvana. Appatjetamquic nic nat Jacob. 24Apyantamaclhec nic nat Labán quilvana actimesaycam acvisay Zilpa, yoyam cotnajam sat Lea tingma ac.
25Inquitsacac nic nat aplhaticja Jacob. Pilapcasquic nic nat apvita aptava acvisay Lea. Yejemoc nic nat appamejitsa Labán: —¿So actomja seyinimsa nac lhip? ¿Naso ya actomja acyanmongam sictamjaycam Raquel?— nic nat aptomjac Jacob.
26Apcatingmavoc nic nat Labán: —Yitnec mataa nintemaclha as yoclhilhma. Incaymalhquic colyimjapoc siclho amamyi cotnaja ayitcoc. Alhayi colyimjapoc sat insilhyo. 27Iviscomjo siclho nelha caya alyimjapma. Natamin omquesiclhac sat moc sictamongvoyam acvisay Raquel. Incaymalhquic elhenic lhip actomja nasoc anco yoyam jetnesam mocjam acvaycmo 7 años. Cotnejic sat acyanmongam quilvana Raquel— nic nat aptomjac Labán.
28Apquiltamjoc nic nat Jacob. Invocmec nic nat nelha caya alyimjapma. Apyantimcaseclhec nic nat apquitca insilhyo Labán. Aptava ilhnic nat aptomjac Jacob. 29-30Appatjetamquic nic nat quilhva aptava acvisay Raquel. Apyantamaclhec nic nat Labán quilvana actimesaycam acvisay Bilha, yoyam cotnajam sat Raquel tingma ac.
Asilhtec nic nat apcasicjayo inyalho Jacob. Avanjec nic nat apcasicjayo Raquel. Aptamjam nic nat acvaycmo mocjam siete años Jacob.
Jacob apquitquic
31Apvitac nic nat Dios Apyimtalhnamo actemaclha coliclama apvalhoc Jacob aptava Lea. Aptimescasquic nic nat Dios acvitay ayitca Lea. Aptimescasquic nic nat cotay ayitca Raquel. 32Inlovsoc nic nat intomjac Lea. Aptiyacmec nic nat ayitca. Inquiltimec nic nat apvisay Rubén, Sictamongvoyam. Intomjac nic nat avalhoc Lea: —Apvitac Dios actemaclha acyitnocjayo evalhoc. Jeyasicjiclhojoc sat mocjam etava— nic nat intomjac avalhoc.
33Inlovsoc nic nat intomjac mocjam Lea. Aptiyacmec nic nat mocjam ayitca. Inquiltimec nic nat apvisay Dios Aplingayo Simeón. Intomjac nic nat avalhoc: —Aplingac Dios actemaclha sictanovmalhca. Emcasquic mocjam sictamongvoyam— nic nat intomjac.
34Inlovsoc nic nat intomjac mocjam Lea. Aptiyacmec nic nat mocjam ayitca. Inquiltimec nic nat apvisay Leví, Seyipitcayo. Intomjac nic nat avalhoc: —Jeyipitcojoc sat quilhvoc etava. Ayinyemaclha apnatqui aptomjac apquitquic— nic nat intomjac.
35Inlovsoc nic nat intomjac mocjam Lea. Aptiyacmec nic nat mocjam ayitca. Inquiltimec nic nat apvisay Judá, Ningayo. Intomjac nic nac avalhoc: —Siyayo actomjac coo Dios Apyimtalhnamo— nic nat intomjac avalhoc.
Inmasquec nic nat acvitay ayitca Lea.
Currently Selected:
:
Highlight
Share
Copy
Want to have your highlights saved across all your devices? Sign up or sign in