GÉNESIS 50
50
1Appatjetquic nic nat apyap apquitsepma José. Apvinec nic nat. Appitsisquic nic nat apmalhimpenic. 2Yejemoc nic nat apcanyamcaa panatem inyapmayc yoyam eltilhnamcoc apyimpejic panatem, yoyam cotjapejec mataa apyovoclhojo. Apquilyajaclhoc nic nat panatem inyapmayc. 3Invocmec nic nat 40 acnim apquiltilhnaycaoc apyimpejic panatem. Eycaso apquiltemaclha ilhnic nat panatem inyapmayc. Invocmec nic nat 70 acnim acyipcalhomalhca, apquiltemaclha egipcios. 4Insovjalhquic nic nat acnim acyipcalhomalhca (alvejescam). Appamejitcasquic nic nat José apnaycam apvisqui faraón tingma pac.
Aptomjac nic nat apquilanya: —Apquiltamjoc sat ancoc jelpasmoc quellhip, eliltimnas sat amyaa apvisqui faraón: 5Yicpintama apquitsepma tata coo apquiltamjoc alhta olyejiclhojo actemaclha appayvam. Apquiltamjoc alhta olhenic actemaclha yoyam colhejec acyascacmo. Aptomjac alhta seyanya: Pac ongvitsapoc coo. Jeyatoynvoclha sat yoclhilhma Canaán. Yitnec maa amyip sicmam alhta coo — alhta aptomjac. ¿Evanqui ya omyaclhac maa yoyam ongvatoynic tata apquitsepma? Natamin ovotac sat mocjam— nic nat aptomjac José.#Gn 47.29-31.
6Apcatingmavoc nic nat apvisqui faraón: —Nemoc maa. Ingyatoynvoclha apyap apquitsepma actemaclha apcanama alhta— nic nat aptomjac.
7Aplhinquic nic nat José. Apquillhalhmaa ilhnic nic nat aplhamoclhojo apquilyimtalhnamo apnaycam apvisqui faraón tingma pac najan apnaycam yoclhilhma Egipto. 8Apquillhalhmaa alhta Jacob apmolhama najan José apmolhama najan José apquilpipma. Am nic nat enalaclhac apquitquic najan apnatoscama nipquesic najan vayqui. Apninquinaclhec nic nat yoclhilhma Gosén. 9Apquillhalhmaa ilhnic nat aplhamoclhojo enlhitaoc apquilquinamtem carro najan nolhing apcapaoc. 10Apquilvoclhec nic nat amyip acvisay Gorenha-atad acyitna nicja vatsam Jordán acpayjo actiyapmaclha acnim. Acvoncaclho ilhnic nat acyipcalhomalhca maa, acvaycmo 7 acnim. Aplhenacpec nic nat Jacob apquitsepma.
11Apnam nic nat maa cananeos. Apquilvitac alhta actemaclha acyipcalhomlhca. Apquilpamejitsacpec nic nat: Acvoncaclhojo acyipcalhomalhca apquiltemaclha egipcios— nic nat apquiltomjac. Apquiltimec nic nat acvisay as amyip Abel-mizraim, Acyipcalhomalhquilha co Egipto. Nicja vatsam acpayjo actiyapmaclha acnim.
12Apquilvajanamquic nic nat Jacob apquitquic actemaclha apcanama apquilyap. 13Apquitsaclhec nic nat yoclhilhma Canaán. Apquilatoynquic nic nat amyip acvisay Macpela. Abraham nic nat apmam. Efrón nic nat apyamasma as amyip. Nicja Mamre tingma pac nic nat as amyip, acpayjo actiyapmaclha acnim.#Hch 7.16. 14Apquilatoynquic nic nat apquilyap apquitsepma. Aptajavoc nic nat José yoclhilhma Egipto. Najan maa apquilpipma najan aplhamoclhojo apquillhalhmaa.
15Apquilpamejitsacpec nic nat apquilpipma natamin apquitsepma apquilyap: —Jingiltanovac sat lhaja José, eyanmongsiclhac sat nintemaclha alhta acmasom— nic nat apquiltomjac.
16Apquilapajasquic nic nat yoyam eltimnasquiclha José: —Aptomjac alhta singilanya ingilyap mengyitsepmaclha alhta: 17Eltime sat elanic José: Jingilasicjiclhojo sat mocjam, imascos sat mongilyascalhma, nintemaclha alhta acmasom — alhta aptomjac singilanya. Ningiltamjoc nincoo jingilasicjiclhojo mocjam, ningiltomja ningilancam Dios Apyimtalhnamo— nic nat apquiltomjac.
Apvinec nic nat José aplinga amyaa. 18Apquilvoctac nic nat apquilpipma. Apquiljalhec nic nat napato José. Inquilticlhicvocmec nic nat acpayjaclha napaat nalhpop.
Apquiltomjac nic nat apquilanya: —Nincoo ningiltomja ningiltimesaycam lhip cotningvoyam nelha— nic nat apquiltomjac.
19Apcatingmavoc nic nat José: —Noncoltamjam nasa apquilvalhoc. Jave coo sicvisay Dios Visqui apancaoc. 20Inquillhenquic alhta apquilvalhoc quellhip jeltimesquisic sicmasom. Inlhenquic alhta apvalhoc Dios jintimesquisic actamila. Ningvitac nincoo actemaclha quilhvo nac jay. Apquilvomcasquic tap aplhamoclhojo enlhitaoc. 21Noncoltamjam nasa apquilvalhoc. Olmesic sat aptoycaoc quellhip najan apquitquic. Apquilpayesaclhec nic nat apquilvalhoc José. Intamilaclhec nic nat apquilvalhoc.
22Apnec nic nat yoclhilhma Egipto José najan apyap apmolhama. Invocmec nic nat 110 años aptiyascam José. 23Apvitac nic nat José aptovana najan maa Efraín aptovana. Najan maa aptavin Maquir najan apquitquic. Manasés apquitca ilhnic nat Maquir.
24Aptomjac nic nat José apquilanya apquilpipma: —Incamquitvaac siyitsepmaclha. Epasmoc sat quellhip Dios Apyimtalhnamo. Elantipsic sat as yoclhilhma. Enaliclhac sat quellhip yoclhilhma apquiltiyascamcaclha ningilyeyjamcaa Abraham najan Isaac najan Jacob. Aplhenquic nic nat Dios yoyam colhejec acyascacmo, yoyam elmesic sat as yoclhilhma.
25Aptomjac nic nat José apquilanya: —Ellhen sat yoyam colhejec acyascacmo. Dios Apyimtalhnamo elpasmoc sat quellhip. Invaac sat ancoc siyitsepma, elsaclha sat sicyovoclhojo yoclhilhma siyinyemayaclha— nic nat aptomjac José.#Ex 13.19; Jos 24.32; He 11.22.
26Apquitsepquic nic nat José yoclhilhma Egipto. Invocmec nic nat 110 años aptiyascam José. Apquiltilhnamquic nic nat panatem inyapmayc apyovoclhojo. Apquilpiquinquic nic nat avalhoc yamit aysicsic yoclhilhma Egipto.
Currently Selected:
GÉNESIS 50: ENHL
Highlight
Share
Copy
Want to have your highlights saved across all your devices? Sign up or sign in
GÉNESIS 50
50
1Appatjetquic nic nat apyap apquitsepma José. Apvinec nic nat. Appitsisquic nic nat apmalhimpenic. 2Yejemoc nic nat apcanyamcaa panatem inyapmayc yoyam eltilhnamcoc apyimpejic panatem, yoyam cotjapejec mataa apyovoclhojo. Apquilyajaclhoc nic nat panatem inyapmayc. 3Invocmec nic nat 40 acnim apquiltilhnaycaoc apyimpejic panatem. Eycaso apquiltemaclha ilhnic nat panatem inyapmayc. Invocmec nic nat 70 acnim acyipcalhomalhca, apquiltemaclha egipcios. 4Insovjalhquic nic nat acnim acyipcalhomalhca (alvejescam). Appamejitcasquic nic nat José apnaycam apvisqui faraón tingma pac.
Aptomjac nic nat apquilanya: —Apquiltamjoc sat ancoc jelpasmoc quellhip, eliltimnas sat amyaa apvisqui faraón: 5Yicpintama apquitsepma tata coo apquiltamjoc alhta olyejiclhojo actemaclha appayvam. Apquiltamjoc alhta olhenic actemaclha yoyam colhejec acyascacmo. Aptomjac alhta seyanya: Pac ongvitsapoc coo. Jeyatoynvoclha sat yoclhilhma Canaán. Yitnec maa amyip sicmam alhta coo — alhta aptomjac. ¿Evanqui ya omyaclhac maa yoyam ongvatoynic tata apquitsepma? Natamin ovotac sat mocjam— nic nat aptomjac José.#Gn 47.29-31.
6Apcatingmavoc nic nat apvisqui faraón: —Nemoc maa. Ingyatoynvoclha apyap apquitsepma actemaclha apcanama alhta— nic nat aptomjac.
7Aplhinquic nic nat José. Apquillhalhmaa ilhnic nic nat aplhamoclhojo apquilyimtalhnamo apnaycam apvisqui faraón tingma pac najan apnaycam yoclhilhma Egipto. 8Apquillhalhmaa alhta Jacob apmolhama najan José apmolhama najan José apquilpipma. Am nic nat enalaclhac apquitquic najan apnatoscama nipquesic najan vayqui. Apninquinaclhec nic nat yoclhilhma Gosén. 9Apquillhalhmaa ilhnic nat aplhamoclhojo enlhitaoc apquilquinamtem carro najan nolhing apcapaoc. 10Apquilvoclhec nic nat amyip acvisay Gorenha-atad acyitna nicja vatsam Jordán acpayjo actiyapmaclha acnim. Acvoncaclho ilhnic nat acyipcalhomalhca maa, acvaycmo 7 acnim. Aplhenacpec nic nat Jacob apquitsepma.
11Apnam nic nat maa cananeos. Apquilvitac alhta actemaclha acyipcalhomlhca. Apquilpamejitsacpec nic nat: Acvoncaclhojo acyipcalhomalhca apquiltemaclha egipcios— nic nat apquiltomjac. Apquiltimec nic nat acvisay as amyip Abel-mizraim, Acyipcalhomalhquilha co Egipto. Nicja vatsam acpayjo actiyapmaclha acnim.
12Apquilvajanamquic nic nat Jacob apquitquic actemaclha apcanama apquilyap. 13Apquitsaclhec nic nat yoclhilhma Canaán. Apquilatoynquic nic nat amyip acvisay Macpela. Abraham nic nat apmam. Efrón nic nat apyamasma as amyip. Nicja Mamre tingma pac nic nat as amyip, acpayjo actiyapmaclha acnim.#Hch 7.16. 14Apquilatoynquic nic nat apquilyap apquitsepma. Aptajavoc nic nat José yoclhilhma Egipto. Najan maa apquilpipma najan aplhamoclhojo apquillhalhmaa.
15Apquilpamejitsacpec nic nat apquilpipma natamin apquitsepma apquilyap: —Jingiltanovac sat lhaja José, eyanmongsiclhac sat nintemaclha alhta acmasom— nic nat apquiltomjac.
16Apquilapajasquic nic nat yoyam eltimnasquiclha José: —Aptomjac alhta singilanya ingilyap mengyitsepmaclha alhta: 17Eltime sat elanic José: Jingilasicjiclhojo sat mocjam, imascos sat mongilyascalhma, nintemaclha alhta acmasom — alhta aptomjac singilanya. Ningiltamjoc nincoo jingilasicjiclhojo mocjam, ningiltomja ningilancam Dios Apyimtalhnamo— nic nat apquiltomjac.
Apvinec nic nat José aplinga amyaa. 18Apquilvoctac nic nat apquilpipma. Apquiljalhec nic nat napato José. Inquilticlhicvocmec nic nat acpayjaclha napaat nalhpop.
Apquiltomjac nic nat apquilanya: —Nincoo ningiltomja ningiltimesaycam lhip cotningvoyam nelha— nic nat apquiltomjac.
19Apcatingmavoc nic nat José: —Noncoltamjam nasa apquilvalhoc. Jave coo sicvisay Dios Visqui apancaoc. 20Inquillhenquic alhta apquilvalhoc quellhip jeltimesquisic sicmasom. Inlhenquic alhta apvalhoc Dios jintimesquisic actamila. Ningvitac nincoo actemaclha quilhvo nac jay. Apquilvomcasquic tap aplhamoclhojo enlhitaoc. 21Noncoltamjam nasa apquilvalhoc. Olmesic sat aptoycaoc quellhip najan apquitquic. Apquilpayesaclhec nic nat apquilvalhoc José. Intamilaclhec nic nat apquilvalhoc.
22Apnec nic nat yoclhilhma Egipto José najan apyap apmolhama. Invocmec nic nat 110 años aptiyascam José. 23Apvitac nic nat José aptovana najan maa Efraín aptovana. Najan maa aptavin Maquir najan apquitquic. Manasés apquitca ilhnic nat Maquir.
24Aptomjac nic nat José apquilanya apquilpipma: —Incamquitvaac siyitsepmaclha. Epasmoc sat quellhip Dios Apyimtalhnamo. Elantipsic sat as yoclhilhma. Enaliclhac sat quellhip yoclhilhma apquiltiyascamcaclha ningilyeyjamcaa Abraham najan Isaac najan Jacob. Aplhenquic nic nat Dios yoyam colhejec acyascacmo, yoyam elmesic sat as yoclhilhma.
25Aptomjac nic nat José apquilanya: —Ellhen sat yoyam colhejec acyascacmo. Dios Apyimtalhnamo elpasmoc sat quellhip. Invaac sat ancoc siyitsepma, elsaclha sat sicyovoclhojo yoclhilhma siyinyemayaclha— nic nat aptomjac José.#Ex 13.19; Jos 24.32; He 11.22.
26Apquitsepquic nic nat José yoclhilhma Egipto. Invocmec nic nat 110 años aptiyascam José. Apquiltilhnamquic nic nat panatem inyapmayc apyovoclhojo. Apquilpiquinquic nic nat avalhoc yamit aysicsic yoclhilhma Egipto.
Currently Selected:
:
Highlight
Share
Copy
Want to have your highlights saved across all your devices? Sign up or sign in