Mâki 7
7
Maa liƃi da maa waa laa maa sɛŋ lɛ́ɛ
(Maafîu 15:1-9)
1Faresii-ŋai da Dɔ̂ŋ lɛ́-ƃelai dí kùla Zerusâlɛŋ dí díŋa tɛ̀ ma Zîsɛ kɔlɛ ma. 2Dí ŋɔpôlu-ƃelai da-ni kàa dílaa miî a díyee ŋá liƃiɛ.
( 3Faresii-ŋai da Zûu-ŋai kélee da tùa yɛ̂ɛ berei dínûa pɔlɔ-ŋai da gɛ̀ lai. Dífa dílaa mìi a díyee ŋá liƃiɛɛ, fɛ̂ɛ dí díyee ŋá wáa kpɔ́ tɛ́-tɛ. 4Dífa lɔ́ɔ-kpalaŋ ŋá mii sɛŋ da mii, fɛ̂ɛ dí m̀aa mii-sɛŋ kpîŋ waa. Da sìa a dínûa pɔlɔ-ŋai tûa-perei yɛ̂ɛ kpele-kɔ̂ɛɛ wáa, leɣi, ƃara-taya da gbìŋ ma.)
5Nya ƃe Faresii-ŋai da Dɔ̂ŋ Lɛ́-ƃelai dí Zîsɛ marê kɛ̀, dîyɛɛ mai, “Lé mɛni ƃé ípôlu-ƃelai dífa sìa la a ǹúu-pɔlɔ-ŋai tûa perei? Da dílaa mìi a díyee ŋá liƃiɛ.” 6Zîsɛ è mò dîa ǹyɛɛi, “Azaya è tɔ̃yâ ɣala-woo ƃò é pîlaŋ káa kiri-ƃelai kâa, yɛ̂ɛ berei è bɔ̃̀yɛ lai,
‘Ǹûai ŋí da ƃâa kɛ̀ nɔ́ ḿâ a díla-gbɔ,
kɛ́lɛ, dílii su kôyaai mâ.
7Da ḿvɛ̂li kpɛ́ni-kpɛ́ni.
Núu-kpune ŋɔtɔ̂ŋ-ŋai nɔ́ ƃé da kɛ̀ ǹɛ̂i
díkɛ gɛ̀ yɛ̂ɛ da kɛ̀ ŋátɔ̂ŋ-ŋai lɛ̂i.’
8“Ka káyee kúla Ɣâla ŋɔtɔ̂ŋ mu, ka káyee sée núu-kpune ŋɔtɔ̂ŋ-ŋai mu.”
9Zîsɛ è ŋɔ́nɔ mò dîa, “Ka kápôlu tɔɔ Ɣâla ŋɔtɔ̂ŋ ma a táre, a gɛ́ɛ ká káyee kɛ́ kákɛ-mɛni-ŋai dîa! 10Mose è mò ǹyɛɛi, ‘Ƃâa kɛ́ ínâŋ ma da ílee. Ǹúui a ǹâŋ kpaa máŋ ǹee láa kàrai, tɔɔ é sáa.’ 11Kɛ́lɛ, ka m̀o kâa gáa a tɔ̃yâ a gɛ́ɛ núu é m̀ó gáa-ƃela dîa ǹyɛɛ, ‘Gbɔŋ mâai ŋá kɛ̀ pâi dɛɛ̂i kápɔi gáa a Kɔƃaŋ’ (zu-kulâi ƃa Ɣâla ŋɔsama-sɛŋ Gurii-wooi su). 12M̀ɛnii ŋí a gɛ̀ káfalo kɛ́ ƃò nûa yêei kpɔŋ mâa tɛɛ mɛni ma díkaa-ƃela pɔ́. 13Ka Ɣâla ŋɔwóoi mɛi pɛlɛɛ̂i a kákpîŋ tua-pere-ŋai lɛ́ɛ da mɛni sîi nyɔ́mɔɔ da kpɛ́ni-ŋa kɛ́ɛ.”
Zɛŋ a núu kɛ̀ m̀aa fa kɛ̂ a waai
(Maafîu 15:10-20)
14Zîsɛ è ǹûai tòli ŋɔ́nɔ, é m̀ó dîa, ǹyɛɛi, “Kákelee ka ŋ́oo mɛ́ni ka táre zu. 15Sɛŋ da fé ŋini ŋá, nyii à lɔ̀ núu kponôi, a pɔ̂ri garâi. Kɛ́lɛ, zɛŋ a kûla núu kponôi, ǹyaa ƃa gàra. [ 16À kɛ̀ núu da wóli káa ma é mɛni mɛ́ni, tɔɔ e m̀ɛni.”]
17Gúlaa ǹûai sáma é lɔ́ bɛ́rɛi mui, ŋɔpôlu-ƃelai dí m̀arê kɛ̀ é pîlaŋ záŋ-wooi ŋí ma. 18È dímarê kɛ̀, ǹyɛɛi, “Káa máŋ, káfa mɛni ŋá kâa? Káfa gáa a gɛ́ɛ sɛŋ nyii kélee a sîɣe ŋini ŋá é lɔ́ núu kponôi, va gara? 19A kɛ̀ tí, kpɛ́ni fêi, va lɔ̀ ǹíi su, fɛ̂ɛ gbûnɛŋ su, gɛ́ tɛɛ.” (Zîsɛ è mii-sɛŋ kélee maa tĩa sìɣe ma ŋ̀óoi ŋí su.)
20È mò ǹyɛɛ, “Sɛŋ nyii a kûla núu kponôi, ǹyaa ƃa gàra. 21Núu líi su ƃé kili-ŋa-sia nyɔ́mɔɔ a kûla naa, ǹyaŋ nyíŋi a pà wulu-wulu kɛ́ɛ, ŋúma kɛ́ɛ, núu paá, 22sɛŋ maa líi téɛɛ, sɔnyɔ̂ŋ kɛ́ɛ, núu pɛ́lɛɛ, wolii-kpɔ́lu, ŋɔ̃lɛ kɛ́ɛ, laa-kara, yoŋka da ƃoo-tua-ŋa kɛ́ɛ. 23Mɛni nyɔ́mɔɔ-ŋai ŋí kélee da kûla núu kponôi, é gara.”
Sailo-Fonisia nɛnîi ŋɔlaa-lai
(Maafîu 15:21-28)
24Nya ƃe Zîsɛ è sìɣe naa é lí Taya da Sidɔŋ-kpiniŋ su, é lɔ́ pɛ́rɛ tɔnɔ da mu. Vé kɛ́ ní ŋ̀wɛ̂lii núu da é gɔ́lɔŋ. Kɛ́lɛ, vé pɔ̂ri ní gbîŋ loôi. 25Naa fé tua ní, nɛnî tɔnɔ da kɛ́ m̀aa mɛ̂ni mɛ̀ni, é pá é tóo gɔ́ɔ mu. Nyînaŋ nyɔ́mɔɔ è kɛ̀ ǹɛnîi ŋí ǹóŋ-nɛnii pôlu. 26Ǹɛnîi ŋí è kɛ̀ a Gurii-nuu, gɛ́ ƃò a Sailo-Fonisia sii-nuu. È Zîsɛ kpera fê a gɛ́ɛ é nyînaŋ nyɔ́mɔɔi kpɛ́ ǹóŋ-nɛnîi pôlu. 27Zîsɛ è m̀o ma, ǹyɛɛi, “Tɔɔ ǹîa-pɛlɛɛi dí dílaa míi dí kpela fúlɔi. Vé lɛ́lɛ ní a gɛ́ɛ núu é ǹîa-pɛlɛɛi dímii-sɛŋ síɣe e bili ŋ̀îla-ŋai dîɛ.” 28Kɛ́lɛ, ǹɛnîi è mò ma, ǹyɛɛi, “Ooei, Ŋánuu-namui, kɛ́lɛ, ŋ̀îla-ŋai kpîŋ máŋ da ǹîa-pɛlɛɛi dímii-sɛŋ-pɛnɛi mii a tòo teƃelei mui.” 29Nya ƃe Zîsɛ è mò ǹɛnîi ma, “Íwooi ŋí mɛni ma, yâ pɔ̂ri liî yɛ̂, ǹyînaŋ nyɔ́mɔɔi aâ siɣe íloŋ-nɛnîi pôlu.” 30Nya ƃe ǹɛnîi è lì bɔ́ naa é nóloŋ káa lâani gbìŋ ŋá, nyînaŋ nyɔ́mɔɔi fé ŋɔ́nɔ bôlu.
Zîsɛ è ǹalôŋ wóli tiníŋɔɔ ǹá kánaŋɔɔ mai ƃàlo
31Nyíŋi pôlu ma kpɔ́ nɔ́, Zîsɛ è kùla Taya kpiniŋ su é tɛ́ɛ Sidɔŋ, é lí Galalii Poai kɔlɛ é tɛ́ɛ Daa-puu lɔii-kpiniŋ su. 32Dí pà a nalôŋ bɔ́ naa, ŋ̀óli tiníŋɔɔ, ǹá kánaŋɔɔ ma. Dí gbera fê a gɛ́ɛ é ǹyée pɛ́lɛ ma. 33Nya ƃe Zîsɛ è kùla la gbɔŋ su é lí la ǹyaa tɔnɔ kwaa ma, é ǹyée-kpua lɔ́ ŋ̀ólii, é ǹá-ya pú ǹyée-gbua ma é bîlaŋ nalôŋ nɛ́ŋ ma, 34é ŋ̀ɛi tɛ́ ŋ̀elei su é Ǹɛ̃wo tòo, gɛ́ m̀o ma, “Ífata,” ǹyaa ƃa, “Fúloŋ.” 35Ǹalôŋ wóli lá è ƃò, ǹɛ́ŋ é fúloŋ, gɛ́ lòno a zã́a. 36È dília-woo ƃò a gɛ́ɛ dífe m̀o núu da ma. Kɛ́lɛ, berei nɔ́ è dília-woo ƃò lai, bere nɔ́ ƃé kpɔ́ dí duŋ tàa la. 37Nya ƃe dípɛlɛ è pù kpɔ́ a zu gɛ́tɛ. “A sɛŋ kélee kɛ̀ a ǹɛ́lɛɛ. A ŋ̀oli tîníŋ-ƃelai kpîŋ kɛ̀ dí mɛni mɛ́ni, gɛ́ mûgbɛ-ƃelai kɛ̂ díkɛ lòno.”
Currently Selected:
Mâki 7: KWB
Highlight
Share
Copy
Want to have your highlights saved across all your devices? Sign up or sign in
Mâki 7
7
Maa liƃi da maa waa laa maa sɛŋ lɛ́ɛ
(Maafîu 15:1-9)
1Faresii-ŋai da Dɔ̂ŋ lɛ́-ƃelai dí kùla Zerusâlɛŋ dí díŋa tɛ̀ ma Zîsɛ kɔlɛ ma. 2Dí ŋɔpôlu-ƃelai da-ni kàa dílaa miî a díyee ŋá liƃiɛ.
( 3Faresii-ŋai da Zûu-ŋai kélee da tùa yɛ̂ɛ berei dínûa pɔlɔ-ŋai da gɛ̀ lai. Dífa dílaa mìi a díyee ŋá liƃiɛɛ, fɛ̂ɛ dí díyee ŋá wáa kpɔ́ tɛ́-tɛ. 4Dífa lɔ́ɔ-kpalaŋ ŋá mii sɛŋ da mii, fɛ̂ɛ dí m̀aa mii-sɛŋ kpîŋ waa. Da sìa a dínûa pɔlɔ-ŋai tûa-perei yɛ̂ɛ kpele-kɔ̂ɛɛ wáa, leɣi, ƃara-taya da gbìŋ ma.)
5Nya ƃe Faresii-ŋai da Dɔ̂ŋ Lɛ́-ƃelai dí Zîsɛ marê kɛ̀, dîyɛɛ mai, “Lé mɛni ƃé ípôlu-ƃelai dífa sìa la a ǹúu-pɔlɔ-ŋai tûa perei? Da dílaa mìi a díyee ŋá liƃiɛ.” 6Zîsɛ è mò dîa ǹyɛɛi, “Azaya è tɔ̃yâ ɣala-woo ƃò é pîlaŋ káa kiri-ƃelai kâa, yɛ̂ɛ berei è bɔ̃̀yɛ lai,
‘Ǹûai ŋí da ƃâa kɛ̀ nɔ́ ḿâ a díla-gbɔ,
kɛ́lɛ, dílii su kôyaai mâ.
7Da ḿvɛ̂li kpɛ́ni-kpɛ́ni.
Núu-kpune ŋɔtɔ̂ŋ-ŋai nɔ́ ƃé da kɛ̀ ǹɛ̂i
díkɛ gɛ̀ yɛ̂ɛ da kɛ̀ ŋátɔ̂ŋ-ŋai lɛ̂i.’
8“Ka káyee kúla Ɣâla ŋɔtɔ̂ŋ mu, ka káyee sée núu-kpune ŋɔtɔ̂ŋ-ŋai mu.”
9Zîsɛ è ŋɔ́nɔ mò dîa, “Ka kápôlu tɔɔ Ɣâla ŋɔtɔ̂ŋ ma a táre, a gɛ́ɛ ká káyee kɛ́ kákɛ-mɛni-ŋai dîa! 10Mose è mò ǹyɛɛi, ‘Ƃâa kɛ́ ínâŋ ma da ílee. Ǹúui a ǹâŋ kpaa máŋ ǹee láa kàrai, tɔɔ é sáa.’ 11Kɛ́lɛ, ka m̀o kâa gáa a tɔ̃yâ a gɛ́ɛ núu é m̀ó gáa-ƃela dîa ǹyɛɛ, ‘Gbɔŋ mâai ŋá kɛ̀ pâi dɛɛ̂i kápɔi gáa a Kɔƃaŋ’ (zu-kulâi ƃa Ɣâla ŋɔsama-sɛŋ Gurii-wooi su). 12M̀ɛnii ŋí a gɛ̀ káfalo kɛ́ ƃò nûa yêei kpɔŋ mâa tɛɛ mɛni ma díkaa-ƃela pɔ́. 13Ka Ɣâla ŋɔwóoi mɛi pɛlɛɛ̂i a kákpîŋ tua-pere-ŋai lɛ́ɛ da mɛni sîi nyɔ́mɔɔ da kpɛ́ni-ŋa kɛ́ɛ.”
Zɛŋ a núu kɛ̀ m̀aa fa kɛ̂ a waai
(Maafîu 15:10-20)
14Zîsɛ è ǹûai tòli ŋɔ́nɔ, é m̀ó dîa, ǹyɛɛi, “Kákelee ka ŋ́oo mɛ́ni ka táre zu. 15Sɛŋ da fé ŋini ŋá, nyii à lɔ̀ núu kponôi, a pɔ̂ri garâi. Kɛ́lɛ, zɛŋ a kûla núu kponôi, ǹyaa ƃa gàra. [ 16À kɛ̀ núu da wóli káa ma é mɛni mɛ́ni, tɔɔ e m̀ɛni.”]
17Gúlaa ǹûai sáma é lɔ́ bɛ́rɛi mui, ŋɔpôlu-ƃelai dí m̀arê kɛ̀ é pîlaŋ záŋ-wooi ŋí ma. 18È dímarê kɛ̀, ǹyɛɛi, “Káa máŋ, káfa mɛni ŋá kâa? Káfa gáa a gɛ́ɛ sɛŋ nyii kélee a sîɣe ŋini ŋá é lɔ́ núu kponôi, va gara? 19A kɛ̀ tí, kpɛ́ni fêi, va lɔ̀ ǹíi su, fɛ̂ɛ gbûnɛŋ su, gɛ́ tɛɛ.” (Zîsɛ è mii-sɛŋ kélee maa tĩa sìɣe ma ŋ̀óoi ŋí su.)
20È mò ǹyɛɛ, “Sɛŋ nyii a kûla núu kponôi, ǹyaa ƃa gàra. 21Núu líi su ƃé kili-ŋa-sia nyɔ́mɔɔ a kûla naa, ǹyaŋ nyíŋi a pà wulu-wulu kɛ́ɛ, ŋúma kɛ́ɛ, núu paá, 22sɛŋ maa líi téɛɛ, sɔnyɔ̂ŋ kɛ́ɛ, núu pɛ́lɛɛ, wolii-kpɔ́lu, ŋɔ̃lɛ kɛ́ɛ, laa-kara, yoŋka da ƃoo-tua-ŋa kɛ́ɛ. 23Mɛni nyɔ́mɔɔ-ŋai ŋí kélee da kûla núu kponôi, é gara.”
Sailo-Fonisia nɛnîi ŋɔlaa-lai
(Maafîu 15:21-28)
24Nya ƃe Zîsɛ è sìɣe naa é lí Taya da Sidɔŋ-kpiniŋ su, é lɔ́ pɛ́rɛ tɔnɔ da mu. Vé kɛ́ ní ŋ̀wɛ̂lii núu da é gɔ́lɔŋ. Kɛ́lɛ, vé pɔ̂ri ní gbîŋ loôi. 25Naa fé tua ní, nɛnî tɔnɔ da kɛ́ m̀aa mɛ̂ni mɛ̀ni, é pá é tóo gɔ́ɔ mu. Nyînaŋ nyɔ́mɔɔ è kɛ̀ ǹɛnîi ŋí ǹóŋ-nɛnii pôlu. 26Ǹɛnîi ŋí è kɛ̀ a Gurii-nuu, gɛ́ ƃò a Sailo-Fonisia sii-nuu. È Zîsɛ kpera fê a gɛ́ɛ é nyînaŋ nyɔ́mɔɔi kpɛ́ ǹóŋ-nɛnîi pôlu. 27Zîsɛ è m̀o ma, ǹyɛɛi, “Tɔɔ ǹîa-pɛlɛɛi dí dílaa míi dí kpela fúlɔi. Vé lɛ́lɛ ní a gɛ́ɛ núu é ǹîa-pɛlɛɛi dímii-sɛŋ síɣe e bili ŋ̀îla-ŋai dîɛ.” 28Kɛ́lɛ, ǹɛnîi è mò ma, ǹyɛɛi, “Ooei, Ŋánuu-namui, kɛ́lɛ, ŋ̀îla-ŋai kpîŋ máŋ da ǹîa-pɛlɛɛi dímii-sɛŋ-pɛnɛi mii a tòo teƃelei mui.” 29Nya ƃe Zîsɛ è mò ǹɛnîi ma, “Íwooi ŋí mɛni ma, yâ pɔ̂ri liî yɛ̂, ǹyînaŋ nyɔ́mɔɔi aâ siɣe íloŋ-nɛnîi pôlu.” 30Nya ƃe ǹɛnîi è lì bɔ́ naa é nóloŋ káa lâani gbìŋ ŋá, nyînaŋ nyɔ́mɔɔi fé ŋɔ́nɔ bôlu.
Zîsɛ è ǹalôŋ wóli tiníŋɔɔ ǹá kánaŋɔɔ mai ƃàlo
31Nyíŋi pôlu ma kpɔ́ nɔ́, Zîsɛ è kùla Taya kpiniŋ su é tɛ́ɛ Sidɔŋ, é lí Galalii Poai kɔlɛ é tɛ́ɛ Daa-puu lɔii-kpiniŋ su. 32Dí pà a nalôŋ bɔ́ naa, ŋ̀óli tiníŋɔɔ, ǹá kánaŋɔɔ ma. Dí gbera fê a gɛ́ɛ é ǹyée pɛ́lɛ ma. 33Nya ƃe Zîsɛ è kùla la gbɔŋ su é lí la ǹyaa tɔnɔ kwaa ma, é ǹyée-kpua lɔ́ ŋ̀ólii, é ǹá-ya pú ǹyée-gbua ma é bîlaŋ nalôŋ nɛ́ŋ ma, 34é ŋ̀ɛi tɛ́ ŋ̀elei su é Ǹɛ̃wo tòo, gɛ́ m̀o ma, “Ífata,” ǹyaa ƃa, “Fúloŋ.” 35Ǹalôŋ wóli lá è ƃò, ǹɛ́ŋ é fúloŋ, gɛ́ lòno a zã́a. 36È dília-woo ƃò a gɛ́ɛ dífe m̀o núu da ma. Kɛ́lɛ, berei nɔ́ è dília-woo ƃò lai, bere nɔ́ ƃé kpɔ́ dí duŋ tàa la. 37Nya ƃe dípɛlɛ è pù kpɔ́ a zu gɛ́tɛ. “A sɛŋ kélee kɛ̀ a ǹɛ́lɛɛ. A ŋ̀oli tîníŋ-ƃelai kpîŋ kɛ̀ dí mɛni mɛ́ni, gɛ́ mûgbɛ-ƃelai kɛ̂ díkɛ lòno.”
Currently Selected:
:
Highlight
Share
Copy
Want to have your highlights saved across all your devices? Sign up or sign in