Génesis 29
29
Pa Jacob ti yie' pa Harán
1Pa yich shta pa Jacob t'ajuyey pa cotsjaat lhum'ôcjinucjulh. 2Yiey pa joot yi'van lhpa ve'lha t'itsech shalheema pa yie'jop pava pu'janasham tashinshtas, lhayaash pava lhech tashinshtas ti yiyôjiin pa yinôôt lhpa t'itsech. Pa lhap'ot'esh lhpa uj utej. 3C'oya ti tc'a'eshvane lhacôm'a pava tashinshtas, papi lhavosesh pa yayjat'e lhpa utej pa yiyôjayansha'ne pava tashinshtas. Ti yivaclhitesh pa yip'oe shta lhpa t'itsech. 4Pa Jacob pa niy'ôs papi tashinshtas lhavos:
—¿Ta lhtôlhelhshi avaatsheelh, yic'utsfas?
—Jatô'lhelhey ja Harán —yit'esh ti yicuulh.
5—¿Natô'yelha avaatsheelh pa Labán, lhaôs pa Nacor? —ve'lheesh niy'ôs.
—Jech, tsitô'yelha —yicuulh ts'ivee.
6—¿Ampa ca nijumteej pa Labán? —niy'ôs pa Jacob.
—Jech, ampa ca nijumteey —yit'esh papi tashinshtas lhavos—. A'va anôcôôvjulh lha lhôse Raquel shi' nava lhclôy tashinshtas.
7Lhechesh pa yit'esh pa Jacob:
—Jôjjeclay nalhu'in pa tojquisham na jumcuclaay ca chinp'oeyshi nava tashinshtas, ¿Ta lhayaash naayôjayanelh ca achenelh ca natc'uutsha'ne?
8Taj ti yicuulh papi lhech:
—Sasjop ca yisnatshelh. Jaych'aneshelhjop ca tc'aavane lhacôm'a jant'ajô'jesh java tashinshtas shi' japi lhavosesh ca nayjat'e lha utej lhap'oot lha t'itsech, pa jaspa chiyôjayansha'ne jayu nava tashinshtas.
9Jôjjeclay tasinôyelh'in papi lhech ti namesh lhpa Raquel pava lhclôy pa lhtata, lhayaash ti lhavaatsha vanujumatsenesh. 10Lhfanishesh'in pa Jacob ti yi'van pava lhclôy tashinshtas pa lhatjooc Labán, yichey lhpa t'itsech pa niclan'e lhpa utej lhap'ot'esh pa yiyôjayansha'ne pava tashinshtas. 11Ti yivaclhitesh pa yicju' lhpa Raquel pa yifin shta, lhechesh pa yip'in. 12Ti nifaclem pa Jacob ti Rebeca lhaôs shi' ti lhatjoqu'esh pa Labán, pa vacumajey lhpa Raquel pa lhtata ti nifaclem.
13C'oya ti tpeeycheyesh pa Labán ti nam pa Jacob, lhch'injô lhaôs, lhechesh pa vacumajey pa yie'. Ti yamey pa yechepjalh pa yicju' yifin shta, pa yicha'jey pa lhajpôtich. Pa Jacob lhech'e ti nifaclem lhacôm'a pa lhjunash ti vaclanem. 14Pa yit'esha pa Labán: “Yijô' ti casve'lhach'e ti castatvelhavot.”
Pa Jacob t'acum'apee lhpa Raquel shi' lhpa Lea
Pa Jacob ve'lha jive'cala ti mônlhajop pa Labán. 15Ti nôjeshch'e côque pa yit'esha pa Labán:
—Tanca acumyam'in atesha lhama c'avelhtaj. Anfacyam pa ca t'ajôjach'e pa jajut'am.
16Pa Labán napu' papi lhcles: lhpa c'utsjaesh lhey Lea vooy lhpa taôvclajesh lhey Raquel. 17Lhpa Lea nitojach'e pa lhtôvat; vooy lhpa Raquel is, pa issha'ne shta pa lhavu'vat. 18Pa Jacob p'alha ti yen jum lhpa Raquel, pa yit'esh:
—Vooy lha Raquel, taôvclajesh ôse jaycum'apee jayu pava napu'yama yincôpes.
19Pa yicuulh pa Labán:
—Tajulhey ca jajut'ay, ojey pa tavujuya. Istaa ca amônlhaayijop.
20Pa Jacob napu'yama pava yincôpes ti t'acum'apee lhpa Raquel. Taj pa lhech ninayeemch'e pava nalhus, lhayaash ti uj ti yen. 21C'oya ti yôfisch'e pava napu'yama yincôpes pa Jacob yit'esha pa Labán:
—Anjut clap lha lhutsja ca yijayaeesh, lhayaash ti nôjeshch'e cava nalhus ti jetôn ca jaycum'apee.
22Pa Labán lhechesh pa tôney lhacôm'a papi lhchifas ti tc'aeshvane pa vatajayayash ti yisnatesh. 23C'oya ti tulh'in pa Labán yôôychi lhpa Lea pa yicha'jey pa Jacob. Pa yôjquenelhch'e pa Jacob. 24Pa Labán yijutem shta lhpa Lea lhpa ve'lha lhcavoque lhey Silpa, ca natcumem'in. 25Ti nich'a nalhu, pa yitô'ya pa Jacob ti yôjquenelhche lhpa Lea, pa yiyôjeeshaan pa Laban:
—¿She pa lhasnateshyam? ¿Nilhecha lhja Raquel ca yicum'apee'am? Nôqueesh; ¿ta lhayaash ti lhasjôtsôclôn'in?
26Pa yicuulh pa Labán:
—Yiey nôque nints'iyôyeshelh lhpa vatôse taôvclajesh ca nivatjutsa' ca nitajayayc'oya lhpa c'utsjaesh. 27Ôfisjach'e anôque semana ca ajayaeesh lha Lea, lhecheesh pa jajut'ay jayu shta lha Raquel, ca eetajeshelh ca acuumtajyam'in shta pava napu'yama yincôpes.
28Pa Jacob tajulhemey. C'oya ti tifeshch'e lhpa semana ti mônlhajop lhpa Lea, pa yijutem shta pa Labán lhpa lhôse Raquel ti lhjayaesh. 29Pa Labán yijutem shta lhpa Raquel lhpa ve'lha lhcavoque lhey Bilha ca natcumem'in. 30Pa Jacob lhjayaesh shta lhpa Raquel, pa uj ti yen a'lheesh lhpa Lea. Pa t'acumem'in shta pa Labán napu'yama pava yincôpes.
Papi lhcles pa Jacob
31C'oya pa Lhcaanvacle ti yivanesh pa Jacob ti niclafeesh lhpa Lea, pa yit'eshem ti caaj papi lhcles, vooy lhpa Raquel pa amem. 32Lhpa Lea yituma pa caaj pa lhaôs ti yit'esh: “Pa Lhcaanvacle tsivan ti jatacshin'in. Nôqueesh tsen jayu na yich'acfa”, pa lheyesh Rubên (nôque yich'e': A'va, caaj na yaôs).
33Lhpa Lea ti caaj peelh lhaôs, pa yit'esh: “Pa Lhcaanvacle yipe'ya ti nichiclafayish, lhe'naa ti nijutyam neelh yaôs”, pa lhqueyesh Simeón (nôque yich'e' Tsipe'ya).
34Pa caaj peelh lhaôs, ti yit'esh: “Nôqueesh tsen jayu jô na yich'acfa, lhayaash ti pu'jana napi yicleselh”, pa lhqueyesh Leví (nôque yich'e': Vanôôcfavach).
35Pa ve'lheesh peelh lhaôs lhpa Lea, ti yit'esh: “Vooy nôqueesh jôclôjey pa Lhcaanvacle”, pa lhqueyesh Judá (nôque yich'e: Vatôclôjech'esh). Lhechesh pa vô'mesh ti tactsôôy.
Currently Selected:
Génesis 29: NIVA
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.
Génesis 29
29
Pa Jacob ti yie' pa Harán
1Pa yich shta pa Jacob t'ajuyey pa cotsjaat lhum'ôcjinucjulh. 2Yiey pa joot yi'van lhpa ve'lha t'itsech shalheema pa yie'jop pava pu'janasham tashinshtas, lhayaash pava lhech tashinshtas ti yiyôjiin pa yinôôt lhpa t'itsech. Pa lhap'ot'esh lhpa uj utej. 3C'oya ti tc'a'eshvane lhacôm'a pava tashinshtas, papi lhavosesh pa yayjat'e lhpa utej pa yiyôjayansha'ne pava tashinshtas. Ti yivaclhitesh pa yip'oe shta lhpa t'itsech. 4Pa Jacob pa niy'ôs papi tashinshtas lhavos:
—¿Ta lhtôlhelhshi avaatsheelh, yic'utsfas?
—Jatô'lhelhey ja Harán —yit'esh ti yicuulh.
5—¿Natô'yelha avaatsheelh pa Labán, lhaôs pa Nacor? —ve'lheesh niy'ôs.
—Jech, tsitô'yelha —yicuulh ts'ivee.
6—¿Ampa ca nijumteej pa Labán? —niy'ôs pa Jacob.
—Jech, ampa ca nijumteey —yit'esh papi tashinshtas lhavos—. A'va anôcôôvjulh lha lhôse Raquel shi' nava lhclôy tashinshtas.
7Lhechesh pa yit'esh pa Jacob:
—Jôjjeclay nalhu'in pa tojquisham na jumcuclaay ca chinp'oeyshi nava tashinshtas, ¿Ta lhayaash naayôjayanelh ca achenelh ca natc'uutsha'ne?
8Taj ti yicuulh papi lhech:
—Sasjop ca yisnatshelh. Jaych'aneshelhjop ca tc'aavane lhacôm'a jant'ajô'jesh java tashinshtas shi' japi lhavosesh ca nayjat'e lha utej lhap'oot lha t'itsech, pa jaspa chiyôjayansha'ne jayu nava tashinshtas.
9Jôjjeclay tasinôyelh'in papi lhech ti namesh lhpa Raquel pava lhclôy pa lhtata, lhayaash ti lhavaatsha vanujumatsenesh. 10Lhfanishesh'in pa Jacob ti yi'van pava lhclôy tashinshtas pa lhatjooc Labán, yichey lhpa t'itsech pa niclan'e lhpa utej lhap'ot'esh pa yiyôjayansha'ne pava tashinshtas. 11Ti yivaclhitesh pa yicju' lhpa Raquel pa yifin shta, lhechesh pa yip'in. 12Ti nifaclem pa Jacob ti Rebeca lhaôs shi' ti lhatjoqu'esh pa Labán, pa vacumajey lhpa Raquel pa lhtata ti nifaclem.
13C'oya ti tpeeycheyesh pa Labán ti nam pa Jacob, lhch'injô lhaôs, lhechesh pa vacumajey pa yie'. Ti yamey pa yechepjalh pa yicju' yifin shta, pa yicha'jey pa lhajpôtich. Pa Jacob lhech'e ti nifaclem lhacôm'a pa lhjunash ti vaclanem. 14Pa yit'esha pa Labán: “Yijô' ti casve'lhach'e ti castatvelhavot.”
Pa Jacob t'acum'apee lhpa Raquel shi' lhpa Lea
Pa Jacob ve'lha jive'cala ti mônlhajop pa Labán. 15Ti nôjeshch'e côque pa yit'esha pa Labán:
—Tanca acumyam'in atesha lhama c'avelhtaj. Anfacyam pa ca t'ajôjach'e pa jajut'am.
16Pa Labán napu' papi lhcles: lhpa c'utsjaesh lhey Lea vooy lhpa taôvclajesh lhey Raquel. 17Lhpa Lea nitojach'e pa lhtôvat; vooy lhpa Raquel is, pa issha'ne shta pa lhavu'vat. 18Pa Jacob p'alha ti yen jum lhpa Raquel, pa yit'esh:
—Vooy lha Raquel, taôvclajesh ôse jaycum'apee jayu pava napu'yama yincôpes.
19Pa yicuulh pa Labán:
—Tajulhey ca jajut'ay, ojey pa tavujuya. Istaa ca amônlhaayijop.
20Pa Jacob napu'yama pava yincôpes ti t'acum'apee lhpa Raquel. Taj pa lhech ninayeemch'e pava nalhus, lhayaash ti uj ti yen. 21C'oya ti yôfisch'e pava napu'yama yincôpes pa Jacob yit'esha pa Labán:
—Anjut clap lha lhutsja ca yijayaeesh, lhayaash ti nôjeshch'e cava nalhus ti jetôn ca jaycum'apee.
22Pa Labán lhechesh pa tôney lhacôm'a papi lhchifas ti tc'aeshvane pa vatajayayash ti yisnatesh. 23C'oya ti tulh'in pa Labán yôôychi lhpa Lea pa yicha'jey pa Jacob. Pa yôjquenelhch'e pa Jacob. 24Pa Labán yijutem shta lhpa Lea lhpa ve'lha lhcavoque lhey Silpa, ca natcumem'in. 25Ti nich'a nalhu, pa yitô'ya pa Jacob ti yôjquenelhche lhpa Lea, pa yiyôjeeshaan pa Laban:
—¿She pa lhasnateshyam? ¿Nilhecha lhja Raquel ca yicum'apee'am? Nôqueesh; ¿ta lhayaash ti lhasjôtsôclôn'in?
26Pa yicuulh pa Labán:
—Yiey nôque nints'iyôyeshelh lhpa vatôse taôvclajesh ca nivatjutsa' ca nitajayayc'oya lhpa c'utsjaesh. 27Ôfisjach'e anôque semana ca ajayaeesh lha Lea, lhecheesh pa jajut'ay jayu shta lha Raquel, ca eetajeshelh ca acuumtajyam'in shta pava napu'yama yincôpes.
28Pa Jacob tajulhemey. C'oya ti tifeshch'e lhpa semana ti mônlhajop lhpa Lea, pa yijutem shta pa Labán lhpa lhôse Raquel ti lhjayaesh. 29Pa Labán yijutem shta lhpa Raquel lhpa ve'lha lhcavoque lhey Bilha ca natcumem'in. 30Pa Jacob lhjayaesh shta lhpa Raquel, pa uj ti yen a'lheesh lhpa Lea. Pa t'acumem'in shta pa Labán napu'yama pava yincôpes.
Papi lhcles pa Jacob
31C'oya pa Lhcaanvacle ti yivanesh pa Jacob ti niclafeesh lhpa Lea, pa yit'eshem ti caaj papi lhcles, vooy lhpa Raquel pa amem. 32Lhpa Lea yituma pa caaj pa lhaôs ti yit'esh: “Pa Lhcaanvacle tsivan ti jatacshin'in. Nôqueesh tsen jayu na yich'acfa”, pa lheyesh Rubên (nôque yich'e': A'va, caaj na yaôs).
33Lhpa Lea ti caaj peelh lhaôs, pa yit'esh: “Pa Lhcaanvacle yipe'ya ti nichiclafayish, lhe'naa ti nijutyam neelh yaôs”, pa lhqueyesh Simeón (nôque yich'e' Tsipe'ya).
34Pa caaj peelh lhaôs, ti yit'esh: “Nôqueesh tsen jayu jô na yich'acfa, lhayaash ti pu'jana napi yicleselh”, pa lhqueyesh Leví (nôque yich'e': Vanôôcfavach).
35Pa ve'lheesh peelh lhaôs lhpa Lea, ti yit'esh: “Vooy nôqueesh jôclôjey pa Lhcaanvacle”, pa lhqueyesh Judá (nôque yich'e: Vatôclôjech'esh). Lhechesh pa vô'mesh ti tactsôôy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.