Lucas 16
16
Mabu mekeshunikatũ hawẽ shanẽ ibu paranikiri miyuiwẽ yusĩnikiaki, na hãtxarã
1hanushũ fariseubũ nĩkariaibũ Jesusũ hawẽ tsumabu uĩkĩ haburi yusĩkĩ:
—Huni betsa mabuhairaya inũ bai itxapaya habu dasibi mekeshunika dayashũmiskiri matu yuinũ nĩkakãwẽ. Hawẽ dayashunikatũ kanekĩ hawẽ hamapai tibi pe mekeshunamakẽ haki txaniabu nĩkashũ 2hawẽ tsumapã kenashũ yuikĩ: “Mikiri yuiaibu ẽ nĩkairã, ikũmẽ? Ẽ pei inũ ẽ mabu mĩ ubisita wamiskiaki. Haskakẽ haska nuku deveabu conta tibi pewashũ ea inãtã ana ea dayashunama hanira kaĩrikaĩtãshãwẽ”, aka 3hawẽ mabu mekeshunikatũ xinãkĩ: “Ẽ tsumapã ea nitxĩainã, haskashãpa? Ẽ yura ma ẽ babu bai anu pukĩ ẽ dayatirumaki. Ha inũ, hamapai hatu ea abauni ẽ daketapakaũtirumaki, pei ea ikirã. 4Haskakenã, ẽ tsuma deveabũ hiwe anu ẽ ka hau ea merabewakĩ haibuwashanũbũ haska wakĩ ẽ hatu haibu watiru ẽ hatukiri xinaiĩ”, itã 5hawẽ tsuma deveabu tibi bestibu kenashũ ha dukũ hua bitxitã yukakĩ: “Ẽ tsumarã, hati hawẽ hawa mĩ deveamẽ?” aka 6ha deveatũ yuikĩ: “Hawẽ piti sheni 100 corote ẽ deveaki”, aka hawẽ mabu mekeshunikatũ haibuwakĩ yuikĩ: “Haki mĩ devea una conta bitani nenu tsaushũ ana bena wakĩ hawaira na habiatiã 50 corote besti keneriwe, mĩ devea sheni ana xinãmarã”, aka kaĩkainaya 7hanushũ ha katxu huari yukakĩ: “Ẽ tsumarã, Hati hawẽ hawa mĩ deveamẽ?” aka, “Shekiwã 1.000 saku ẽ deveaki”, aka: “Haki mĩ devea una conta bishũ ana bena wakĩ 800 besti keneriwe, mĩ devea sheni ana xinãmarã”, akĩ kaĩma kaya 8deveabu tibi habiaskas hatu wakẽ hawẽ tsumapã hawẽ aka haki txaniaibu unãtã haska nuitapatiruma haskai haibuyai hiweshanai unãtã hawẽ mabu mekenika txakabubia unãnepawẽ taeshũ kẽwãniki. Txanima mabuwẽ kemukĩ inãnãnaĩ hawẽ nuiama unãnepatã Deusunabumã haska wai hiwekĩ habũ Deus nĩkaibu hatu binumisbuki. 9Haskawẽ taeshũ mabuyatã mã haskakubaĩshanũbũ matu yusĩnũ nĩkakãwẽ. Mabuwẽ kemua mesebiakẽ ha mabu mã hayawẽ merabenãkĩ yurabu haibuwakĩ mã beyawatirurã, yurabube inãnãnaĩ pepashãkãwẽ. Matũ mabu keyuaya hanua mã ea txibãkĩ haska hatu ashũmiswẽ taea Deus matuwẽ benimakĩ nai anu hiweti kayabi inãkĩ matu manakushanikiki.
10Ha inũ, tsuabura mabu eskarabes haya pe mekemisrã, mabu itxapari hayakĩ itxapari pe meketirubuki. Hamẽ tsuabũra mabu eskarabes pe mekeismarã, itxapari pe meketirubumaki. 11Haskakẽ mai anua mabuwẽ kemukĩ mã pe meketirumakẽ Deusũ daya pepahaira matu yunuamari ishanikiki. 12Ha inũ, yura betsã mabu mã pe mekeshũtirumakẽ hawara Deusũ matu yubani matu inãmari ishanikiki. 13Ha inũ, haratura dayarũ hawẽ shanẽ ibu dabe dayashũkĩ merabewatirumaki, betsa abukĩ txibãkĩ betsa abuama danãkĩ nĩkamarã. Habiaskari wakĩ pei inũ Deusri xinãkĩ ha dabe haska washũ mã duawatirumaki— hatu waya
14fariseubu peiwẽ kemukĩ abumisbũ Jesusũ yusĩa nĩkakĩ kashe wakĩ usaĩbu 15Jesusũ hatu yuikĩ:
—Maturã, bemakis pepakĩ hunibu parãkĩ mã hatu kẽwãmamiski. Hakia Deusũ matũ xinã unãmiski. Ha inũ, kẽkĩ hawara yurabũ abuai Deusũ danãmiski— iwanã,
Deusũ hawẽ yusĩa hatu yununi tsuã betsa watimakiaki, na hãtxarã
16Jesusũ hatu yuikubaĩkĩ:
—Hamẽ Naximanika João huriama matũ itxati hiwe tibi anushũ Moisés yusĩni inũ Deusũ hãtxa yuishunikabũ yusĩpauni yusĩkubaĩkĩ Joãoki tekiwanibuki. Hanushũ Joãonẽ kaka pepa Deus shanẽ ibushanaikiri txaniaya itxapabũ abuhairai hanu hikinũ ika nashukunibukiaki. 17Habiaskabiakẽ Deusũ yusĩni daĩbainai keska wakĩ tsuã betsa watirumaki. Nai inũ mai yamashanai bikama keskaki. Hakia dasibi Deusũ Moisés yusĩa keneni hawa betsa teshe wama meneshanikiki, tsuã betsa watirumahairawẽ taearã.
Aĩbu henetimakiri Jesusũ hatu yusĩnikiaki, na hãtxarã
(Mt 19.1-12; Mc 10.1-12)
18Haskakẽ Deusũ Moisés yusĩa eskaki. Tsuãra hawẽ aĩ henetã aĩbu betsa bikinã, Deusũ hãtxa kanei txakabumisbuki. Ha inũ, aĩbu hawẽ benẽ henebaina huni betsã aĩwaĩnã, ha huni betsari hawẽ txakaburiaikiki, haska Deusũ Moisés yusĩa keneni kaneirã— iwanã,
Huni mabuhairaya inũ Lázaro nuitapanikiri Jesusũ hatu unãmanikiaki, na hãtxarã
19hanushũ Jesusũ hawẽ yusĩti betsawẽ hatu yusĩkĩ yuikĩ:
—Huni betsa mabuhairaya inũ bai itxapayatũ shanẽ ibukĩ tari pepas sawekĩ pei itxapa putashũ hawẽ haibuaibus pimai hatube beyusi nawai benimakũkainiki, hawẽ xinã betsa wamarã. 20Hamẽ habiatiãri huni betsa nuitapai txaminitũ Deus ikũwaĩ hawẽ kena Lázaro hawauma huni mabuhairayatũ hemaĩtĩ kene shui sheshekaiã hawenabũ hanatãtãmisbu 21piti teshe shanẽ ibũ putai pikĩ yani wanũ ika dakakẽ kamã beshũ hawẽ txami datashkubaĩmisbu 22hanua Lázaro nuitapai mawa hawẽ shenipabu Abraão anu hau pepa besti hiwenũ Deusũ nai tsumabũ hawẽ yushĩ iyuabu hanua hatiãra ha mabuhairayari mawa hawenabũ maiwabu 23hanu mawabu bumisbu anu huni mabuhairayaima nuitapai yumãkĩ uĩbaũkĩ txaikea Abraãonẽ Lázaro duawai betxitã 24sai ikĩ yuikĩ: “Epa Abraãoneẽ, ewẽ nuiwe. Txi here anua ẽ yumaiĩ. Ũpash metsabirã hau ẽ hana ea matsi wayunũ Lázaro ea yunushũwẽ”, aka 25Abraãonẽ yuikĩ: “Baa, eskaki xinãwẽ. Mĩ hiwearã, hawa bika teneama mabuhairaya mĩ hiwekũkainimaki. Mĩ haskaya Lázarorã, nuitapakĩ isĩ txakabu besti tenei hiwekũkainimaki. Hakia natiã Lázaro Deusũ duawakĩ mia kupiaiwẽ taea mĩ nuitapaii. 26Haskakẽ miauria ea anu hau tsua huyamanũ inũ ea anua mia anu hau tsua kayamanũ na kini keyatapahaira washũ Deusũ nemaniki”, aka 27-28mabuhairayaimatũ yuikĩ: “Haskakenã Epaã, ẽ mia yukaii. Ẽ mekẽ bestiti betsayaki. Nenu ẽ yumaĩ anu hau haburi beyamashanũbũ ẽ epabe hiweabu hau hatuki txanitanũ Lázaro ea yunushũwẽ”, aka 29Abraãonẽ ana yuikĩ: “Moisés yusĩa inũ Deusũ hãtxa yuishunikabũ yusĩa kenenibu minabu hayawẽ taeshũ hatũ yusĩa hau tapĩnũbũwẽ”, aka 30mabuhairayaimatũ yuikĩ: “Epa Abraãoneẽ, ikũki. Enabu Deusũ hãtxa hayabia tapĩsbumaki. Hakia huni mawa ana bestẽkaĩ hatuki txania hatũ xinã betsa watirubuki”, aka 31ana nemakĩ Abraãonẽ yuikĩ: “Moisés yusĩa txanima inũ Deusũ hãtxa yuishunikabũ hatu yusĩni hawa nĩkaisbumawẽ taeshũ huni mawa ana bestẽkaini kashũ minabu hatu yusĩbia hawa nĩkamari itirubuki”, akĩ Abraãonẽ nemaimaki— iwanã,
Currently Selected:
Lucas 16: cbsBR
Highlight
Share
Copy
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.
Lucas 16
16
Mabu mekeshunikatũ hawẽ shanẽ ibu paranikiri miyuiwẽ yusĩnikiaki, na hãtxarã
1hanushũ fariseubũ nĩkariaibũ Jesusũ hawẽ tsumabu uĩkĩ haburi yusĩkĩ:
—Huni betsa mabuhairaya inũ bai itxapaya habu dasibi mekeshunika dayashũmiskiri matu yuinũ nĩkakãwẽ. Hawẽ dayashunikatũ kanekĩ hawẽ hamapai tibi pe mekeshunamakẽ haki txaniabu nĩkashũ 2hawẽ tsumapã kenashũ yuikĩ: “Mikiri yuiaibu ẽ nĩkairã, ikũmẽ? Ẽ pei inũ ẽ mabu mĩ ubisita wamiskiaki. Haskakẽ haska nuku deveabu conta tibi pewashũ ea inãtã ana ea dayashunama hanira kaĩrikaĩtãshãwẽ”, aka 3hawẽ mabu mekeshunikatũ xinãkĩ: “Ẽ tsumapã ea nitxĩainã, haskashãpa? Ẽ yura ma ẽ babu bai anu pukĩ ẽ dayatirumaki. Ha inũ, hamapai hatu ea abauni ẽ daketapakaũtirumaki, pei ea ikirã. 4Haskakenã, ẽ tsuma deveabũ hiwe anu ẽ ka hau ea merabewakĩ haibuwashanũbũ haska wakĩ ẽ hatu haibu watiru ẽ hatukiri xinaiĩ”, itã 5hawẽ tsuma deveabu tibi bestibu kenashũ ha dukũ hua bitxitã yukakĩ: “Ẽ tsumarã, hati hawẽ hawa mĩ deveamẽ?” aka 6ha deveatũ yuikĩ: “Hawẽ piti sheni 100 corote ẽ deveaki”, aka hawẽ mabu mekeshunikatũ haibuwakĩ yuikĩ: “Haki mĩ devea una conta bitani nenu tsaushũ ana bena wakĩ hawaira na habiatiã 50 corote besti keneriwe, mĩ devea sheni ana xinãmarã”, aka kaĩkainaya 7hanushũ ha katxu huari yukakĩ: “Ẽ tsumarã, Hati hawẽ hawa mĩ deveamẽ?” aka, “Shekiwã 1.000 saku ẽ deveaki”, aka: “Haki mĩ devea una conta bishũ ana bena wakĩ 800 besti keneriwe, mĩ devea sheni ana xinãmarã”, akĩ kaĩma kaya 8deveabu tibi habiaskas hatu wakẽ hawẽ tsumapã hawẽ aka haki txaniaibu unãtã haska nuitapatiruma haskai haibuyai hiweshanai unãtã hawẽ mabu mekenika txakabubia unãnepawẽ taeshũ kẽwãniki. Txanima mabuwẽ kemukĩ inãnãnaĩ hawẽ nuiama unãnepatã Deusunabumã haska wai hiwekĩ habũ Deus nĩkaibu hatu binumisbuki. 9Haskawẽ taeshũ mabuyatã mã haskakubaĩshanũbũ matu yusĩnũ nĩkakãwẽ. Mabuwẽ kemua mesebiakẽ ha mabu mã hayawẽ merabenãkĩ yurabu haibuwakĩ mã beyawatirurã, yurabube inãnãnaĩ pepashãkãwẽ. Matũ mabu keyuaya hanua mã ea txibãkĩ haska hatu ashũmiswẽ taea Deus matuwẽ benimakĩ nai anu hiweti kayabi inãkĩ matu manakushanikiki.
10Ha inũ, tsuabura mabu eskarabes haya pe mekemisrã, mabu itxapari hayakĩ itxapari pe meketirubuki. Hamẽ tsuabũra mabu eskarabes pe mekeismarã, itxapari pe meketirubumaki. 11Haskakẽ mai anua mabuwẽ kemukĩ mã pe meketirumakẽ Deusũ daya pepahaira matu yunuamari ishanikiki. 12Ha inũ, yura betsã mabu mã pe mekeshũtirumakẽ hawara Deusũ matu yubani matu inãmari ishanikiki. 13Ha inũ, haratura dayarũ hawẽ shanẽ ibu dabe dayashũkĩ merabewatirumaki, betsa abukĩ txibãkĩ betsa abuama danãkĩ nĩkamarã. Habiaskari wakĩ pei inũ Deusri xinãkĩ ha dabe haska washũ mã duawatirumaki— hatu waya
14fariseubu peiwẽ kemukĩ abumisbũ Jesusũ yusĩa nĩkakĩ kashe wakĩ usaĩbu 15Jesusũ hatu yuikĩ:
—Maturã, bemakis pepakĩ hunibu parãkĩ mã hatu kẽwãmamiski. Hakia Deusũ matũ xinã unãmiski. Ha inũ, kẽkĩ hawara yurabũ abuai Deusũ danãmiski— iwanã,
Deusũ hawẽ yusĩa hatu yununi tsuã betsa watimakiaki, na hãtxarã
16Jesusũ hatu yuikubaĩkĩ:
—Hamẽ Naximanika João huriama matũ itxati hiwe tibi anushũ Moisés yusĩni inũ Deusũ hãtxa yuishunikabũ yusĩpauni yusĩkubaĩkĩ Joãoki tekiwanibuki. Hanushũ Joãonẽ kaka pepa Deus shanẽ ibushanaikiri txaniaya itxapabũ abuhairai hanu hikinũ ika nashukunibukiaki. 17Habiaskabiakẽ Deusũ yusĩni daĩbainai keska wakĩ tsuã betsa watirumaki. Nai inũ mai yamashanai bikama keskaki. Hakia dasibi Deusũ Moisés yusĩa keneni hawa betsa teshe wama meneshanikiki, tsuã betsa watirumahairawẽ taearã.
Aĩbu henetimakiri Jesusũ hatu yusĩnikiaki, na hãtxarã
(Mt 19.1-12; Mc 10.1-12)
18Haskakẽ Deusũ Moisés yusĩa eskaki. Tsuãra hawẽ aĩ henetã aĩbu betsa bikinã, Deusũ hãtxa kanei txakabumisbuki. Ha inũ, aĩbu hawẽ benẽ henebaina huni betsã aĩwaĩnã, ha huni betsari hawẽ txakaburiaikiki, haska Deusũ Moisés yusĩa keneni kaneirã— iwanã,
Huni mabuhairaya inũ Lázaro nuitapanikiri Jesusũ hatu unãmanikiaki, na hãtxarã
19hanushũ Jesusũ hawẽ yusĩti betsawẽ hatu yusĩkĩ yuikĩ:
—Huni betsa mabuhairaya inũ bai itxapayatũ shanẽ ibukĩ tari pepas sawekĩ pei itxapa putashũ hawẽ haibuaibus pimai hatube beyusi nawai benimakũkainiki, hawẽ xinã betsa wamarã. 20Hamẽ habiatiãri huni betsa nuitapai txaminitũ Deus ikũwaĩ hawẽ kena Lázaro hawauma huni mabuhairayatũ hemaĩtĩ kene shui sheshekaiã hawenabũ hanatãtãmisbu 21piti teshe shanẽ ibũ putai pikĩ yani wanũ ika dakakẽ kamã beshũ hawẽ txami datashkubaĩmisbu 22hanua Lázaro nuitapai mawa hawẽ shenipabu Abraão anu hau pepa besti hiwenũ Deusũ nai tsumabũ hawẽ yushĩ iyuabu hanua hatiãra ha mabuhairayari mawa hawenabũ maiwabu 23hanu mawabu bumisbu anu huni mabuhairayaima nuitapai yumãkĩ uĩbaũkĩ txaikea Abraãonẽ Lázaro duawai betxitã 24sai ikĩ yuikĩ: “Epa Abraãoneẽ, ewẽ nuiwe. Txi here anua ẽ yumaiĩ. Ũpash metsabirã hau ẽ hana ea matsi wayunũ Lázaro ea yunushũwẽ”, aka 25Abraãonẽ yuikĩ: “Baa, eskaki xinãwẽ. Mĩ hiwearã, hawa bika teneama mabuhairaya mĩ hiwekũkainimaki. Mĩ haskaya Lázarorã, nuitapakĩ isĩ txakabu besti tenei hiwekũkainimaki. Hakia natiã Lázaro Deusũ duawakĩ mia kupiaiwẽ taea mĩ nuitapaii. 26Haskakẽ miauria ea anu hau tsua huyamanũ inũ ea anua mia anu hau tsua kayamanũ na kini keyatapahaira washũ Deusũ nemaniki”, aka 27-28mabuhairayaimatũ yuikĩ: “Haskakenã Epaã, ẽ mia yukaii. Ẽ mekẽ bestiti betsayaki. Nenu ẽ yumaĩ anu hau haburi beyamashanũbũ ẽ epabe hiweabu hau hatuki txanitanũ Lázaro ea yunushũwẽ”, aka 29Abraãonẽ ana yuikĩ: “Moisés yusĩa inũ Deusũ hãtxa yuishunikabũ yusĩa kenenibu minabu hayawẽ taeshũ hatũ yusĩa hau tapĩnũbũwẽ”, aka 30mabuhairayaimatũ yuikĩ: “Epa Abraãoneẽ, ikũki. Enabu Deusũ hãtxa hayabia tapĩsbumaki. Hakia huni mawa ana bestẽkaĩ hatuki txania hatũ xinã betsa watirubuki”, aka 31ana nemakĩ Abraãonẽ yuikĩ: “Moisés yusĩa txanima inũ Deusũ hãtxa yuishunikabũ hatu yusĩni hawa nĩkaisbumawẽ taeshũ huni mawa ana bestẽkaini kashũ minabu hatu yusĩbia hawa nĩkamari itirubuki”, akĩ Abraãonẽ nemaimaki— iwanã,
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.