Lucas 9
9
Jesusũ hawẽ tsumabũ hau hatu yusĩtanũbũ hatu nitxĩnikiaki, na hãtxarã
(Mt 10.5-15; Mc 6.7-13)
1Hanushũ Jesusũ hawẽ 12 tsumabu kenashũ hatu itxawatã yushĩ txakabu betsa betsapa kaĩmati kuxipa inũ isĩ teneaibu hawẽ shushawati kuxipa hatu inãtã 2nitxĩkĩ yuikĩ:
—Haska Deus shanẽ ibushanaikiri yusĩkubaũkĩ isĩ teneaibu mã shushawatanũ ẽ matu yunuyuaii. 3Kairã, mã eskakaĩtanũ matu yuinũ nĩkakãwẽ. Mais butãkãwẽ, hawa buamarã. Mestẽti betsa inũ, kapãkã inũ, misi inũ, pei matũ txinesheketiki usua inũ, tima tari betsa buyamashãkãwẽ. 4Haska inũ, mae tibi anu bushũ yusĩ hiwe bestitxai anu hiweyushãkãwẽ. Hanushũ yusĩkĩ menetã mae betsa anuri bukubaĩshãkãwẽ. 5Haska inũ, hanishũra matu danãkĩ nĩkakatsi ikabumakẽ Deus hatuki sinatai unãti wakĩ hanua kaĩbaĩkĩ matũ tae anua mai kuru hatuki tabaĩshãkãwẽ, hau habiaskasi maninũbunã, hawa unãmarã— hatu wa
6mae tibi anu buake buakeshũ haska Deus shanẽ ibushanaikiri hatu yusĩkĩ isĩ teneaibu shushawakubainaibũ
Jesus tsuamẽ? ishũ Herodesĩ unãkatsis inikiaki, na hãtxarã
(Mt 14.1-12; Mc 6.14-29)
7-8hanu judeubũ shanẽ ibu Herodesĩ Jesusũ hawara akeakeaikiri nĩkaya betsabũ yuikĩ:
—João tenãbiaxinabu ma ana besteãmẽkaĩ— ikaibũ betsabũri yuikĩ:
—Elias Deusũ hãtxa yuishunika kabiani hawẽ yushĩ damimamẽkaĩ— iriaibũ betsabũri yuikĩ:
—Nukũ shenipabu Deusũ hãtxa yuishunika betsa mawanirã, ma ana besteĩmamẽkaĩ— ikeakeaibu Herodesĩ nĩkashũ xinaĩ: “Haratu ikũ kayabimẽ?” iwanã, 9yuikĩ:
—João hau teshtenũbũ eã ẽ hatu yunuimaki. Haskakẽ ha Jesuskiri yuiaiburã, tsuamẽ?— iwanã, Jesus uĩnũ ishũ manakubainikiaki.
Jesusũ 5.000 hunibu pimanikiaki, na hãtxarã
(Mt 14.13-21; Mc 6.30-44; Jo 6.1-14)
10Hanua hawẽ 12 kuxipayabũ Jesus anu txĩtũbirã haska waxinabu Jesuski txani meneabũ Jesusũ hawẽ tsumabu hanu tsua hiweabuma Betsaida dapi anu hatu iyuaya 11yurã kaiãnẽ unãtã Jesus txibaĩbu hawa hatuki sinatama hatu ikĩ pewashũ Deus shanẽ ibushanaikiri yusĩkĩ isĩ betsa betsapa teneaibu shushawabaiaya
12ma bari kaya hawẽ 12 tsumabu hawẽ kuxipawẽ yununikabu Jesus dapi bea itxashũ yuikĩ:
—Ma bari kaikiki. Nenu tsua hiweabumaki. Na yurã kaiãnẽ habũ hania pitirubumaki. Hau pitã huĩrukũri bunũbũ mae urama anu hatu nitxĩriwe— akabu
13-15Jesusũ hatu nemakĩ yuikĩ:
—Haska hatu wama, matũ hatu pimakãwẽ— hatu wa
5.000 hunibu mapuabuwẽ taea e itã Jesus yuikĩ:
—Mekẽ besti misi inũ baka dabe besti nũ hayaki. Nũ daka hatu piti bishuĩ kai?— akabu Jesusũ hawẽ 12 tsumabu yuikĩ:
—Ha basiki 50 tibi shukuakeakea hau tsaunũbũ hatu yunukãwẽ— iwanã, Jesusũ hatu yunua hawẽ tsumabũ hatu tsaumakĩ keyukẽ 16hanushũ Jesusũ ha misi mekẽ besti inũ baka dabe tsumashũ naiuri teskãshũ uĩkĩ pitikiri Deus kẽwãtã misi inũ baka tũke tũke apakekĩ hawẽ tsumabu inãkĩ hatu yunua ha yurã kaiã inãbaũkĩ keyuabũ 17dasibibũ yaniwai benimai pepeaibũ hanua ha misi mekẽ besti inũ baka dabe 5.000ti hunibũ pikĩ teshe wabu itxawakĩ 12 kuki mata wanibukiaki.
Mĩ nukũ Messiaski, akĩ Pedrõ yuinikiaki, na hãtxarã
(Mt 16.13-19; Mc 8.27-29)
18Hanua betsatiã hanu tsua hayamanu Jesus hawẽ tsumabube ka Deusbe hãtxai menetã Jesusũ hawẽ tsumabu yukakĩ:
—Yurabunã, ẽ tsua ekiri yuimisbumẽ?— hatu wa 19habũ yuikĩ:
—Betsabũ yuikinã: “Naximanika João ana bestẽxinaki”, mia wakanikiaki. Betsabũri yuikĩ: “Deusũ hãtxa yuishunika Elias ana huxiãki”, mia wariakanikiaki. Betsabũri yuikĩ: “Deusũ hãtxa yuishunika betsa ana besteĩmaki”, mia wamisbukiaki— akabu
20hanushũ Jesusũ haburi yukakĩ:
—Hamẽ matũ xinãkinã, ẽ tsua mã ea wamismẽ?— hatu wa
Pedrõ yuikĩ:
—Miarã, Deusũ yubani mĩ nukũ Messias Cristoki— akaya
Hawẽ tsuma kuxipayabu hawẽ mawashanaikiri Jesusũ yusĩnikiaki, na hãtxarã
(Mt 16.20-28; Mc 8.30–9.1)
21hanushũ Jesusũ hatu nemakĩ:
—Ẽ Messias Cristoki tsua banabimayamayushãkãwẽ— iwanã, 22ana hawẽ tsumabu hatu yusĩkĩ yuikĩ:
—Deusũ bake matũ Hutxi Kayabi Iuwarã, eki sinatakĩ ea itxakawakĩ nukũ shanẽ ibubu inũ Deusbe nukunabu hãtxashunika shanẽ ibubu inũ yusĩnanãmisbũ ea danãkĩ ea hatu tenãmabu mawa shaba dabe inũ besti kaya ẽ ana bestẽshanaii— hatu watã
23hanushũ yurã kaiã hatu itxawashũ hatu yusĩkĩ yuikĩ:
—Tsuabũra ea txibãkatsis iki ibubis hawenakiri haska xinãmis hau ana haska xinãyamakubainũbũwẽ. Haska inũ, “Bika tenei Jesuswẽ hawa dakeama ha keskai ẽ habe mawatiruki”, hau ikubainũbũwẽ. 24Hamẽ tsuabura hatũmebi mekei: “Ẽ mawakatsi ikamaki”, ikĩ xinãmisburã, eauma mawashãkanikiki. Hakia ea ikũwãkĩ ẽ kakape yuikĩ ea txibaĩwẽ taeshũ tenãbu ebe hiwekuĩshãkanikiki. 25Ha inũ, mabu mirimawẽ kemukĩ itxawashũ ea ikũwãkĩ txibãbuma hatũmebi hatũ hiwekuĩa benushãkanikiki, eauma mawakinã. 26Haskakẽ tsuabura eki inũ ẽ hãtxaki dakemisburã, ẽ Epã kuxipaya hawẽ nai tsuma pepabube hua habiaskariai ẽ hatuki dakeriashanaii— iwanã 27—Txanima ẽ matu yuiai nĩkakãwẽ. Betsabu na habia mã mapuaburã, mã mawariamakẽ Deus kuxipahairai shanẽ ibui taeai mã uĩshanaii— hatu wanikiaki.
Jesus damitã hatu uĩmanikiaki, na hãtxarã
(Mt 17.1-8; Mc 9.2-8)
28Hanua hãtxaxina oito dia shaba kasmai hatira kaya Pedro inũ Tiago inũ João Jesusũ hatu iyui kai Deusbe hãtxanũ ika kakĩ mati keyatapahaira hatube mapeketã 29hanua Jesus Deusbe hãtxaya ma besu betsai damia hawẽ tari hushupahairai txasha txasha ikaya 30-31Elias inũ Moisés habiaskariai ha daberi txashahaira pũte pũte iki mapushũ haska Jerusalém anua Jesus mawashanai yui habe hãtxaibu 32Pedro inũ Tiago inũ João yura datsupe ika ushakatsis ibia ushama Jesus inũ ha dabe habe mapuabu uĩaĩbũ 33ha dabetã Jesus ma dapashkabainaibũ shabakabi xinãma Pedrõ Jesus yuikĩ:
—Yusĩnaã, nũ nenu huarã, pehairaki. Peã shubu dabe inũ besti matu washũpa, betsa mina inũ, betsa Moisésna inũ betsari Eliasnarã?— ikaya 34-35hanua nai kuĩ bekĩ hatu bepuaya dateaibũ nai kuĩ anushũ hatu yuikĩ:
—Na ẽ bake ẽ Katunirã, nĩkairakubaĩkãwẽ— hatu waya 36hakimamari samama beru beru ikĩ Jesus besti nia uĩnibukiaki. Hanushũ haska hune uĩbiranimashũ tsua yuiyama iyukubainibukiaki.
Huni bake yushĩ txakabuya Jesusũ kaĩmanikiaki, na hãtxarã
(Mt 17.14-21; Mc 9.14-29)
37Mati anua Jesus damia uĩtã habianu niti ika hatube ushaxini penaya butubiranaibũ Jesuski dasitanũ ika yurã kaiã haki nukui buaibũ 38hanushũ huni betsa hatu naxui ikaina nishũ hui kuxipawẽ unãshubima Jesus yuikĩ:
—Yusĩnaã, ẽ huni bake bestitxaiyaki. Ea uĩshũwẽ. 39Yushinĩ atxishũ bis bis imakĩ dushku imakĩ kemu bus bus imakĩ itxakawakĩ heneismaki. 40Haskamiskẽ: “Hau yushĩ txakabu ea kaĩmashunũbũ ika”, mĩ tsumabu ẽ hatu xinãbiabirana tsuã hawa ea kaĩmashũtirubumaki— ikaya
41Jesusũ mapuabu dasibi yuikĩ:
—Ikũwaĩsbuma inũ txakabubuũ, hatiki matu merabewai ana ẽ matube hiweyushanai?— iwanã, ha huni yuikĩ: —Mĩ bake uĩnũ neri iwewe— aka
42iweaya yushĩ txakabũ Jesus betxitã ha huni bake dushku imakĩ maĩ tĩ imatã taka taka imaya Jesusũ uĩkĩ yushĩ kũyã akĩ kaĩmashũtã hawẽ epa yunuaya 43Deusũ pepa kuxipawẽ Jesusũ hatu uĩmakubainaiwẽ taea dasibi e iki “Habaa”! ike ikeaibũ
Mawashanaikiri Jesusũ ana hatu yuinikiaki, na hãtxarã
(Mt 17.22-23; Mc 9.30-32)
hanua “Habaa”! iki mapuabũ hawẽ tsumabu besti Jesusũ yuikĩ:
44—Eska ẽ matu yuiai nĩkatã hakimayamashãkãwẽ. Ea ẽ matũ Hutxi Kayabi Iuwarã, tsuãra ea hatu atximashanikiki— hatu waya
45haska Jesusũ hatu yuishu hau nĩkayamanũbũ Deusũ hatu nemaiwẽ taeshũ hawa nĩkamahaira hawa yuiai dabanẽ datekĩ Jesus hawa ana yukama inibukiaki.
Tsuãra hatu binũtirukiri Jesusũ hatu yusĩnikiaki, na hãtxarã
(Mt 18.1-5; Mc 9.33-37)
46Hanua Jesusũ tsumabu yuinamei: —Jesusbe shanẽ ibukĩ nukunã, haratu betsã nũ matu binũshanimẽkaĩ? En eamẽkaĩ?— ibirãkãshu 47unãtã hatu yusĩnũ, iwanã, bakeixta betsa ishũ 48hatu yuikĩ:
—Ea duawanũ, iwanã, na bakeixta keska wakĩ tsuara ẽ kenaya huairã, ikĩ ea akawakĩ mã duawatiruki. Habiaskari wakĩ ea besti duawama hatũ ea yununi Deusri habũ duawashãkanikiki. Haskakẽ tsuara hawa xinãma keãma dasibibu merabewakĩ ha kẽmisbu hatu binushãkanikiki— hatu waya
Tsuãra nuku danãma nukũ haibuki, anikiaki, na hãtxarã
(Mc 9.38-40)
49hanushũ Joãonẽ Jesus yuikĩ:
—Yusĩnaã, huni betsã mĩ kena kuxipa paewẽ yushĩ txakabu kaĩmai nũ uĩbirãxinaki. Nukubetã mia txibãmakẽ nũ nemakĩ beshtepaibia nuku nĩkama ixiãki. Haska wakĩ nũ nemaxinarã, pemẽ?— aka
50Jesusũ João yuikĩ:
—Nemakĩ mã hatu beshtetirumaki. Tsuara nukuki sinatamarã, nuku merabewaikiki— hatu wanikiaki.
Tiago inũ João nemakĩ Jesusũ hatu kũyã anikiaki, na hãtxarã
51Hanua hawẽ Epa anu Jesus kashanai kemaya dateama Jerusalém anu kai taekĩ 52hanu ushati hiwe hau unãti watanũbũ hawẽ hãtxa yuishunika bebũkiri hatu yunua bui Samarianawabũ mae anu hikishũ yukabu 53Jerusalém anu Jesus kaiwẽ taea hanu hau ushayamanũbũ hatu danãkãshu txanituxiaya 54Tiago inũ Joãonẽ nĩkashũ Jesus yuikĩ:
—Yusĩnaã, haska Eliasĩ ani keska wakĩ nai anua txi kawãkĩ hau Deusũ ha mae hatu yamawakĩ keyunũ Deus yukapa?— ikaya
55Jesus sinashũ hatu kũyã akĩ nemabaini 56mae betsa anu ushanũ ika bunibukiaki.
Jesus txibanũ, iwanã, yukanibukiaki, na hãtxarã
(Mt 8.19-22)
57Ana Jerusalémkiri bui bai tanabainaibũ huni betsã Jesus yuikĩ:
—Yusĩnaã, hanira mĩ kai ẽ mia txibãkatsis ikaii. Mibe kapa?— aka
58hawẽ huĩti pepamẽkaĩ, unãnũ, iwanã, Jesusũ yuikĩ:
—Kamã inu hawẽ kini hayaki. Peiyabu hawẽ na hayabuki. Hakia matũ Hutxi Kayabi Iuwa eã ẽ yusĩkubaĩmiswẽ taea hanu ushati hiwe ẽ hayamaki. Ea keskai mĩ hiwekũkaĩtirumẽ?— akĩ 59huni betsari Jesusũ yuikĩ:
—Tapĩkĩ ea txibãkubaĩwẽ— aka
—Shanẽ Ibuũ, ea heneyuwe, ha dukũ ẽ epa mawa maiwatã ẽ mia txipu txibãshanairã— aka
60nemakĩ Jesusũ yuikĩ:
—Haskamaki. Ikũwãma mawa keskabũ mĩ epa maiwatirubuki. Hakia mianã, na habiatiã ebe kai taekĩ Deus shanẽ ibushanaikiri yusĩkubaĩshãwẽ— akaya
61hanushũ betsãri Jesus yuikĩ:
—Yusĩnaã, eãri ẽ mia txibãkatsi ha dukũ ẽ hiweanua enabuki txaniyutãpa?— aka
62nemakĩ Jesusũ yuikĩ:
—Tsuabũra ea txibãbiakĩ hawẽ xinã dabewẽ unuri xinaĩ inũ unuri uĩaĩnã, haska Deus shanẽ ibushanai pe dayashũtirubumaki— anikiaki.
Currently Selected:
Lucas 9: cbsBR
Highlight
Share
Copy
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.
Lucas 9
9
Jesusũ hawẽ tsumabũ hau hatu yusĩtanũbũ hatu nitxĩnikiaki, na hãtxarã
(Mt 10.5-15; Mc 6.7-13)
1Hanushũ Jesusũ hawẽ 12 tsumabu kenashũ hatu itxawatã yushĩ txakabu betsa betsapa kaĩmati kuxipa inũ isĩ teneaibu hawẽ shushawati kuxipa hatu inãtã 2nitxĩkĩ yuikĩ:
—Haska Deus shanẽ ibushanaikiri yusĩkubaũkĩ isĩ teneaibu mã shushawatanũ ẽ matu yunuyuaii. 3Kairã, mã eskakaĩtanũ matu yuinũ nĩkakãwẽ. Mais butãkãwẽ, hawa buamarã. Mestẽti betsa inũ, kapãkã inũ, misi inũ, pei matũ txinesheketiki usua inũ, tima tari betsa buyamashãkãwẽ. 4Haska inũ, mae tibi anu bushũ yusĩ hiwe bestitxai anu hiweyushãkãwẽ. Hanushũ yusĩkĩ menetã mae betsa anuri bukubaĩshãkãwẽ. 5Haska inũ, hanishũra matu danãkĩ nĩkakatsi ikabumakẽ Deus hatuki sinatai unãti wakĩ hanua kaĩbaĩkĩ matũ tae anua mai kuru hatuki tabaĩshãkãwẽ, hau habiaskasi maninũbunã, hawa unãmarã— hatu wa
6mae tibi anu buake buakeshũ haska Deus shanẽ ibushanaikiri hatu yusĩkĩ isĩ teneaibu shushawakubainaibũ
Jesus tsuamẽ? ishũ Herodesĩ unãkatsis inikiaki, na hãtxarã
(Mt 14.1-12; Mc 6.14-29)
7-8hanu judeubũ shanẽ ibu Herodesĩ Jesusũ hawara akeakeaikiri nĩkaya betsabũ yuikĩ:
—João tenãbiaxinabu ma ana besteãmẽkaĩ— ikaibũ betsabũri yuikĩ:
—Elias Deusũ hãtxa yuishunika kabiani hawẽ yushĩ damimamẽkaĩ— iriaibũ betsabũri yuikĩ:
—Nukũ shenipabu Deusũ hãtxa yuishunika betsa mawanirã, ma ana besteĩmamẽkaĩ— ikeakeaibu Herodesĩ nĩkashũ xinaĩ: “Haratu ikũ kayabimẽ?” iwanã, 9yuikĩ:
—João hau teshtenũbũ eã ẽ hatu yunuimaki. Haskakẽ ha Jesuskiri yuiaiburã, tsuamẽ?— iwanã, Jesus uĩnũ ishũ manakubainikiaki.
Jesusũ 5.000 hunibu pimanikiaki, na hãtxarã
(Mt 14.13-21; Mc 6.30-44; Jo 6.1-14)
10Hanua hawẽ 12 kuxipayabũ Jesus anu txĩtũbirã haska waxinabu Jesuski txani meneabũ Jesusũ hawẽ tsumabu hanu tsua hiweabuma Betsaida dapi anu hatu iyuaya 11yurã kaiãnẽ unãtã Jesus txibaĩbu hawa hatuki sinatama hatu ikĩ pewashũ Deus shanẽ ibushanaikiri yusĩkĩ isĩ betsa betsapa teneaibu shushawabaiaya
12ma bari kaya hawẽ 12 tsumabu hawẽ kuxipawẽ yununikabu Jesus dapi bea itxashũ yuikĩ:
—Ma bari kaikiki. Nenu tsua hiweabumaki. Na yurã kaiãnẽ habũ hania pitirubumaki. Hau pitã huĩrukũri bunũbũ mae urama anu hatu nitxĩriwe— akabu
13-15Jesusũ hatu nemakĩ yuikĩ:
—Haska hatu wama, matũ hatu pimakãwẽ— hatu wa
5.000 hunibu mapuabuwẽ taea e itã Jesus yuikĩ:
—Mekẽ besti misi inũ baka dabe besti nũ hayaki. Nũ daka hatu piti bishuĩ kai?— akabu Jesusũ hawẽ 12 tsumabu yuikĩ:
—Ha basiki 50 tibi shukuakeakea hau tsaunũbũ hatu yunukãwẽ— iwanã, Jesusũ hatu yunua hawẽ tsumabũ hatu tsaumakĩ keyukẽ 16hanushũ Jesusũ ha misi mekẽ besti inũ baka dabe tsumashũ naiuri teskãshũ uĩkĩ pitikiri Deus kẽwãtã misi inũ baka tũke tũke apakekĩ hawẽ tsumabu inãkĩ hatu yunua ha yurã kaiã inãbaũkĩ keyuabũ 17dasibibũ yaniwai benimai pepeaibũ hanua ha misi mekẽ besti inũ baka dabe 5.000ti hunibũ pikĩ teshe wabu itxawakĩ 12 kuki mata wanibukiaki.
Mĩ nukũ Messiaski, akĩ Pedrõ yuinikiaki, na hãtxarã
(Mt 16.13-19; Mc 8.27-29)
18Hanua betsatiã hanu tsua hayamanu Jesus hawẽ tsumabube ka Deusbe hãtxai menetã Jesusũ hawẽ tsumabu yukakĩ:
—Yurabunã, ẽ tsua ekiri yuimisbumẽ?— hatu wa 19habũ yuikĩ:
—Betsabũ yuikinã: “Naximanika João ana bestẽxinaki”, mia wakanikiaki. Betsabũri yuikĩ: “Deusũ hãtxa yuishunika Elias ana huxiãki”, mia wariakanikiaki. Betsabũri yuikĩ: “Deusũ hãtxa yuishunika betsa ana besteĩmaki”, mia wamisbukiaki— akabu
20hanushũ Jesusũ haburi yukakĩ:
—Hamẽ matũ xinãkinã, ẽ tsua mã ea wamismẽ?— hatu wa
Pedrõ yuikĩ:
—Miarã, Deusũ yubani mĩ nukũ Messias Cristoki— akaya
Hawẽ tsuma kuxipayabu hawẽ mawashanaikiri Jesusũ yusĩnikiaki, na hãtxarã
(Mt 16.20-28; Mc 8.30–9.1)
21hanushũ Jesusũ hatu nemakĩ:
—Ẽ Messias Cristoki tsua banabimayamayushãkãwẽ— iwanã, 22ana hawẽ tsumabu hatu yusĩkĩ yuikĩ:
—Deusũ bake matũ Hutxi Kayabi Iuwarã, eki sinatakĩ ea itxakawakĩ nukũ shanẽ ibubu inũ Deusbe nukunabu hãtxashunika shanẽ ibubu inũ yusĩnanãmisbũ ea danãkĩ ea hatu tenãmabu mawa shaba dabe inũ besti kaya ẽ ana bestẽshanaii— hatu watã
23hanushũ yurã kaiã hatu itxawashũ hatu yusĩkĩ yuikĩ:
—Tsuabũra ea txibãkatsis iki ibubis hawenakiri haska xinãmis hau ana haska xinãyamakubainũbũwẽ. Haska inũ, “Bika tenei Jesuswẽ hawa dakeama ha keskai ẽ habe mawatiruki”, hau ikubainũbũwẽ. 24Hamẽ tsuabura hatũmebi mekei: “Ẽ mawakatsi ikamaki”, ikĩ xinãmisburã, eauma mawashãkanikiki. Hakia ea ikũwãkĩ ẽ kakape yuikĩ ea txibaĩwẽ taeshũ tenãbu ebe hiwekuĩshãkanikiki. 25Ha inũ, mabu mirimawẽ kemukĩ itxawashũ ea ikũwãkĩ txibãbuma hatũmebi hatũ hiwekuĩa benushãkanikiki, eauma mawakinã. 26Haskakẽ tsuabura eki inũ ẽ hãtxaki dakemisburã, ẽ Epã kuxipaya hawẽ nai tsuma pepabube hua habiaskariai ẽ hatuki dakeriashanaii— iwanã 27—Txanima ẽ matu yuiai nĩkakãwẽ. Betsabu na habia mã mapuaburã, mã mawariamakẽ Deus kuxipahairai shanẽ ibui taeai mã uĩshanaii— hatu wanikiaki.
Jesus damitã hatu uĩmanikiaki, na hãtxarã
(Mt 17.1-8; Mc 9.2-8)
28Hanua hãtxaxina oito dia shaba kasmai hatira kaya Pedro inũ Tiago inũ João Jesusũ hatu iyui kai Deusbe hãtxanũ ika kakĩ mati keyatapahaira hatube mapeketã 29hanua Jesus Deusbe hãtxaya ma besu betsai damia hawẽ tari hushupahairai txasha txasha ikaya 30-31Elias inũ Moisés habiaskariai ha daberi txashahaira pũte pũte iki mapushũ haska Jerusalém anua Jesus mawashanai yui habe hãtxaibu 32Pedro inũ Tiago inũ João yura datsupe ika ushakatsis ibia ushama Jesus inũ ha dabe habe mapuabu uĩaĩbũ 33ha dabetã Jesus ma dapashkabainaibũ shabakabi xinãma Pedrõ Jesus yuikĩ:
—Yusĩnaã, nũ nenu huarã, pehairaki. Peã shubu dabe inũ besti matu washũpa, betsa mina inũ, betsa Moisésna inũ betsari Eliasnarã?— ikaya 34-35hanua nai kuĩ bekĩ hatu bepuaya dateaibũ nai kuĩ anushũ hatu yuikĩ:
—Na ẽ bake ẽ Katunirã, nĩkairakubaĩkãwẽ— hatu waya 36hakimamari samama beru beru ikĩ Jesus besti nia uĩnibukiaki. Hanushũ haska hune uĩbiranimashũ tsua yuiyama iyukubainibukiaki.
Huni bake yushĩ txakabuya Jesusũ kaĩmanikiaki, na hãtxarã
(Mt 17.14-21; Mc 9.14-29)
37Mati anua Jesus damia uĩtã habianu niti ika hatube ushaxini penaya butubiranaibũ Jesuski dasitanũ ika yurã kaiã haki nukui buaibũ 38hanushũ huni betsa hatu naxui ikaina nishũ hui kuxipawẽ unãshubima Jesus yuikĩ:
—Yusĩnaã, ẽ huni bake bestitxaiyaki. Ea uĩshũwẽ. 39Yushinĩ atxishũ bis bis imakĩ dushku imakĩ kemu bus bus imakĩ itxakawakĩ heneismaki. 40Haskamiskẽ: “Hau yushĩ txakabu ea kaĩmashunũbũ ika”, mĩ tsumabu ẽ hatu xinãbiabirana tsuã hawa ea kaĩmashũtirubumaki— ikaya
41Jesusũ mapuabu dasibi yuikĩ:
—Ikũwaĩsbuma inũ txakabubuũ, hatiki matu merabewai ana ẽ matube hiweyushanai?— iwanã, ha huni yuikĩ: —Mĩ bake uĩnũ neri iwewe— aka
42iweaya yushĩ txakabũ Jesus betxitã ha huni bake dushku imakĩ maĩ tĩ imatã taka taka imaya Jesusũ uĩkĩ yushĩ kũyã akĩ kaĩmashũtã hawẽ epa yunuaya 43Deusũ pepa kuxipawẽ Jesusũ hatu uĩmakubainaiwẽ taea dasibi e iki “Habaa”! ike ikeaibũ
Mawashanaikiri Jesusũ ana hatu yuinikiaki, na hãtxarã
(Mt 17.22-23; Mc 9.30-32)
hanua “Habaa”! iki mapuabũ hawẽ tsumabu besti Jesusũ yuikĩ:
44—Eska ẽ matu yuiai nĩkatã hakimayamashãkãwẽ. Ea ẽ matũ Hutxi Kayabi Iuwarã, tsuãra ea hatu atximashanikiki— hatu waya
45haska Jesusũ hatu yuishu hau nĩkayamanũbũ Deusũ hatu nemaiwẽ taeshũ hawa nĩkamahaira hawa yuiai dabanẽ datekĩ Jesus hawa ana yukama inibukiaki.
Tsuãra hatu binũtirukiri Jesusũ hatu yusĩnikiaki, na hãtxarã
(Mt 18.1-5; Mc 9.33-37)
46Hanua Jesusũ tsumabu yuinamei: —Jesusbe shanẽ ibukĩ nukunã, haratu betsã nũ matu binũshanimẽkaĩ? En eamẽkaĩ?— ibirãkãshu 47unãtã hatu yusĩnũ, iwanã, bakeixta betsa ishũ 48hatu yuikĩ:
—Ea duawanũ, iwanã, na bakeixta keska wakĩ tsuara ẽ kenaya huairã, ikĩ ea akawakĩ mã duawatiruki. Habiaskari wakĩ ea besti duawama hatũ ea yununi Deusri habũ duawashãkanikiki. Haskakẽ tsuara hawa xinãma keãma dasibibu merabewakĩ ha kẽmisbu hatu binushãkanikiki— hatu waya
Tsuãra nuku danãma nukũ haibuki, anikiaki, na hãtxarã
(Mc 9.38-40)
49hanushũ Joãonẽ Jesus yuikĩ:
—Yusĩnaã, huni betsã mĩ kena kuxipa paewẽ yushĩ txakabu kaĩmai nũ uĩbirãxinaki. Nukubetã mia txibãmakẽ nũ nemakĩ beshtepaibia nuku nĩkama ixiãki. Haska wakĩ nũ nemaxinarã, pemẽ?— aka
50Jesusũ João yuikĩ:
—Nemakĩ mã hatu beshtetirumaki. Tsuara nukuki sinatamarã, nuku merabewaikiki— hatu wanikiaki.
Tiago inũ João nemakĩ Jesusũ hatu kũyã anikiaki, na hãtxarã
51Hanua hawẽ Epa anu Jesus kashanai kemaya dateama Jerusalém anu kai taekĩ 52hanu ushati hiwe hau unãti watanũbũ hawẽ hãtxa yuishunika bebũkiri hatu yunua bui Samarianawabũ mae anu hikishũ yukabu 53Jerusalém anu Jesus kaiwẽ taea hanu hau ushayamanũbũ hatu danãkãshu txanituxiaya 54Tiago inũ Joãonẽ nĩkashũ Jesus yuikĩ:
—Yusĩnaã, haska Eliasĩ ani keska wakĩ nai anua txi kawãkĩ hau Deusũ ha mae hatu yamawakĩ keyunũ Deus yukapa?— ikaya
55Jesus sinashũ hatu kũyã akĩ nemabaini 56mae betsa anu ushanũ ika bunibukiaki.
Jesus txibanũ, iwanã, yukanibukiaki, na hãtxarã
(Mt 8.19-22)
57Ana Jerusalémkiri bui bai tanabainaibũ huni betsã Jesus yuikĩ:
—Yusĩnaã, hanira mĩ kai ẽ mia txibãkatsis ikaii. Mibe kapa?— aka
58hawẽ huĩti pepamẽkaĩ, unãnũ, iwanã, Jesusũ yuikĩ:
—Kamã inu hawẽ kini hayaki. Peiyabu hawẽ na hayabuki. Hakia matũ Hutxi Kayabi Iuwa eã ẽ yusĩkubaĩmiswẽ taea hanu ushati hiwe ẽ hayamaki. Ea keskai mĩ hiwekũkaĩtirumẽ?— akĩ 59huni betsari Jesusũ yuikĩ:
—Tapĩkĩ ea txibãkubaĩwẽ— aka
—Shanẽ Ibuũ, ea heneyuwe, ha dukũ ẽ epa mawa maiwatã ẽ mia txipu txibãshanairã— aka
60nemakĩ Jesusũ yuikĩ:
—Haskamaki. Ikũwãma mawa keskabũ mĩ epa maiwatirubuki. Hakia mianã, na habiatiã ebe kai taekĩ Deus shanẽ ibushanaikiri yusĩkubaĩshãwẽ— akaya
61hanushũ betsãri Jesus yuikĩ:
—Yusĩnaã, eãri ẽ mia txibãkatsi ha dukũ ẽ hiweanua enabuki txaniyutãpa?— aka
62nemakĩ Jesusũ yuikĩ:
—Tsuabũra ea txibãbiakĩ hawẽ xinã dabewẽ unuri xinaĩ inũ unuri uĩaĩnã, haska Deus shanẽ ibushanai pe dayashũtirubumaki— anikiaki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.