Bikɔmɛli 1
1
Yesu Ayana oho Diko
1Njɛbɛ Teopilo; mokanda moboso mosɔnɔ mbi modaka a mojɔ mongando jisusu jibanga Yesu bokɔ na bokoja, 2oko a busa botombama yo oho Diko, yana apa yo mibeko ai bacingami bande bahɔmɔke oko na Mwembo Mosɛnɔke. 3Yana asia bodingoa bonde, asaneja ai bo oko mɔ, na bimbete binɛnɛ. Anɛnɛkɛ na bu masu domi-inɛi, na abatɔndɔkɔ mijɔ moBokumu boNjambe. 4Yana adaka yo na bu, ababekea bo batapeta donga a Yelusalema, na bo bambe njikano eSango. Abala na bu bo, Mbi mɛnɛ natɔndɔi no mojɔ momina. 5Mojɔ bo, Yoane #1.5 abokea adindeja.abatisa a madiba; ino ko ôbatisamani a Mwembo Mosɛnɔke, oko masu manɔkini manɛnɛ.
6Yana atitana bo a esika emɔci, bamohɔjɔ bo, Kumu, odi bosɔmbeja bokumu ai Yisalaele a ehole ye? 7Iyo abasɔmbeja bo, Mojɔ mobojeba bihole na bididi moditi nongo mojɔ monu; Njambe abikolea na kpaci ende mɛnɛ. 8Ino ko ôsɔni ngulu yana âdoa Mwembo Mosɛnɔke ai no. Na ôdani batati bambi a Yelusalema, a likota lisusu liYuda, a Samalia, oko a suka engondo. 9Abala yo boa, angɔjɔmɔ oho Diko, oko yana anjaka bo. Eyembi emosɔ, na baimonɛ koko. 10Akɛkɛ yo boa, oko yana akahoaka bo miso diko, bami babae baya balwaka bisenja bipu bama a dɔngɔ dibu. 11Ibo babala bo, Ino bami baGalile, okahoakani miso diko boa mojɔ moye? Iyo Yesu yona odaki na nu, yona otombami oho Diko, ahulabi koko boa, o amoni no akɛkɛ oho Diko.
Bacingami Basɔmbɔ a Yelusalema
12Ibo badonga a Mono moOlive, na basɔmbɔ a Yelusalema; mosiso momina moditi motutu, oko mwɛngi momongɔ mobusa boSabata pɛ. 13Amea bo oho, bakwea a ndako, oko a ekenge esamaka bo a mboba ediko. Badaka ena oko Pɛtɛlo na Yoane; Yakobo na Andalea; Pilipo na Toma; Balatelemi na Matayo; Yakobo mwana oAlape, Simona Selote, na Yuda mwana oYakobo. 14Ibo basusu, na bakina bali, na Malia nange eYesu, na bananango, bayeyoa a bonga na bingi na molema momɔci.
Matia Asangoa Esika eYuda
15Pɛtɛlo angɔ bokina busa a likita libaninga, (badaka baboli isa bato mokama na domi-ibae na dea) na abala bo, 16Baninga, Mwembo Mosɛnɔke mobala eyou na monɔkɔ moDawidi a mojɔ moYuda yona odaka kɛngi ebato baya bapea Yesu, na mosɔnɔ momina moikputoa nongo. 17Mojɔ bo adaka okina osu, na aci-ngamaka na su a elomu ye. 18(Moto omina asomba gbie na likonja lisɔ yo a mojɔmobobe bonde. Na yana akwa yo nase, mokuku monde mobatoa oko bobatoa, na sɔpɔ jinde jisusu jimana. 19Bato basusu baYelusalema bajeba mojɔ momina, na babakea gbie emina kombe Akeladama; cina ekombe emina edi Gbie eMakia.) 20Mosɔnɔmɔ a mokanda moNjembo bo,
Kina ndako ende edikae mopɔtu,
Bo moto atada nongo ena.
na
Kina moto otongo asangoe elomu ende.
21Bakina bami babanga bocingama na su a ehole ebatisimo eYoane, na bayeyoa na su ehole esusu edaka Yesu a bodala a tei esu, 22oko a busa botombama yo oho Diko, yana adaka yo a ndanda esu. Oko boa okina momi obu, yona odi monjɛnɛki obongɔ boYesu a bogwa, abwani bocingama na su. 23Bameja bato babae, Yosepa, kombe ende etongo Balasaba, na ekina kombe etongo koko Yuseto; na Matia. 24Na ba’nga bo, Kumu, wɛ yona ojebaka milema mibato basusu, apeja so moto ohɔi wɛ a tei ebu babae 25bo asangoe elomu eobwɛnji ekina Yuda yana akɛ yo a esika ende. 26Babɔ kombe emoto na bahɔ oko Matia, na yo akwea hoa a libondo libabwɛnji domi-na-omɔci.
Currently Selected:
Bikɔmɛli 1: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
Bikɔmɛli 1
1
Yesu Ayana oho Diko
1Njɛbɛ Teopilo; mokanda moboso mosɔnɔ mbi modaka a mojɔ mongando jisusu jibanga Yesu bokɔ na bokoja, 2oko a busa botombama yo oho Diko, yana apa yo mibeko ai bacingami bande bahɔmɔke oko na Mwembo Mosɛnɔke. 3Yana asia bodingoa bonde, asaneja ai bo oko mɔ, na bimbete binɛnɛ. Anɛnɛkɛ na bu masu domi-inɛi, na abatɔndɔkɔ mijɔ moBokumu boNjambe. 4Yana adaka yo na bu, ababekea bo batapeta donga a Yelusalema, na bo bambe njikano eSango. Abala na bu bo, Mbi mɛnɛ natɔndɔi no mojɔ momina. 5Mojɔ bo, Yoane #1.5 abokea adindeja.abatisa a madiba; ino ko ôbatisamani a Mwembo Mosɛnɔke, oko masu manɔkini manɛnɛ.
6Yana atitana bo a esika emɔci, bamohɔjɔ bo, Kumu, odi bosɔmbeja bokumu ai Yisalaele a ehole ye? 7Iyo abasɔmbeja bo, Mojɔ mobojeba bihole na bididi moditi nongo mojɔ monu; Njambe abikolea na kpaci ende mɛnɛ. 8Ino ko ôsɔni ngulu yana âdoa Mwembo Mosɛnɔke ai no. Na ôdani batati bambi a Yelusalema, a likota lisusu liYuda, a Samalia, oko a suka engondo. 9Abala yo boa, angɔjɔmɔ oho Diko, oko yana anjaka bo. Eyembi emosɔ, na baimonɛ koko. 10Akɛkɛ yo boa, oko yana akahoaka bo miso diko, bami babae baya balwaka bisenja bipu bama a dɔngɔ dibu. 11Ibo babala bo, Ino bami baGalile, okahoakani miso diko boa mojɔ moye? Iyo Yesu yona odaki na nu, yona otombami oho Diko, ahulabi koko boa, o amoni no akɛkɛ oho Diko.
Bacingami Basɔmbɔ a Yelusalema
12Ibo badonga a Mono moOlive, na basɔmbɔ a Yelusalema; mosiso momina moditi motutu, oko mwɛngi momongɔ mobusa boSabata pɛ. 13Amea bo oho, bakwea a ndako, oko a ekenge esamaka bo a mboba ediko. Badaka ena oko Pɛtɛlo na Yoane; Yakobo na Andalea; Pilipo na Toma; Balatelemi na Matayo; Yakobo mwana oAlape, Simona Selote, na Yuda mwana oYakobo. 14Ibo basusu, na bakina bali, na Malia nange eYesu, na bananango, bayeyoa a bonga na bingi na molema momɔci.
Matia Asangoa Esika eYuda
15Pɛtɛlo angɔ bokina busa a likita libaninga, (badaka baboli isa bato mokama na domi-ibae na dea) na abala bo, 16Baninga, Mwembo Mosɛnɔke mobala eyou na monɔkɔ moDawidi a mojɔ moYuda yona odaka kɛngi ebato baya bapea Yesu, na mosɔnɔ momina moikputoa nongo. 17Mojɔ bo adaka okina osu, na aci-ngamaka na su a elomu ye. 18(Moto omina asomba gbie na likonja lisɔ yo a mojɔmobobe bonde. Na yana akwa yo nase, mokuku monde mobatoa oko bobatoa, na sɔpɔ jinde jisusu jimana. 19Bato basusu baYelusalema bajeba mojɔ momina, na babakea gbie emina kombe Akeladama; cina ekombe emina edi Gbie eMakia.) 20Mosɔnɔmɔ a mokanda moNjembo bo,
Kina ndako ende edikae mopɔtu,
Bo moto atada nongo ena.
na
Kina moto otongo asangoe elomu ende.
21Bakina bami babanga bocingama na su a ehole ebatisimo eYoane, na bayeyoa na su ehole esusu edaka Yesu a bodala a tei esu, 22oko a busa botombama yo oho Diko, yana adaka yo a ndanda esu. Oko boa okina momi obu, yona odi monjɛnɛki obongɔ boYesu a bogwa, abwani bocingama na su. 23Bameja bato babae, Yosepa, kombe ende etongo Balasaba, na ekina kombe etongo koko Yuseto; na Matia. 24Na ba’nga bo, Kumu, wɛ yona ojebaka milema mibato basusu, apeja so moto ohɔi wɛ a tei ebu babae 25bo asangoe elomu eobwɛnji ekina Yuda yana akɛ yo a esika ende. 26Babɔ kombe emoto na bahɔ oko Matia, na yo akwea hoa a libondo libabwɛnji domi-na-omɔci.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo