Bikɔmɛli 3
3
Mondɔke a Tempelo
1Pɛtɛlo na Yoane bakɛ a tempelo a ehole ebo’nga, oko atrois heures. 2Okina momi adaka ena yona obotama mondɔke. Bamotombaka bo bamosambee masu masusu a modipe motempelo mua modaka na kombe Esɛngɔ; na angaka likonja ai bato baya bakweaka a tempelo. 3Yana anɛ yo bo Pɛtɛlo na Yoane bakɛkɛ akwee a tempelo, aba’nga likonja. 4Pɛtɛlo na Yoane bamonja ngbɛ; na Pɛtɛlo abala bo, Anja so! 5Iyo abanja boa, mojɔ bo adaka na njingo bo bamopɛ ekina eka. 6Pɛtɛlo ko abala bo, Mbi napeliti nongo likonja, pɛpɛ flanka, pɛpɛ pata; endele ko, mbi napaka wɛ oko lia lipeli mbi; a kombe eYesu Masiya oNasaleta, dala! 7Amopea na ebɔ ebami, amongɔjɔ, na yo asɔ ngulu bokpa a mako na a gaga. 8Ama mema, apimboa, abanga bodala, na akwea na bu a tempelo oko na bosakoa ai Njambe. 9Bato basusu bangando bamonɛ akadale na akasakoe Njambe. 10Bamombetea, na bajeba bo adi oko moto yona omaka da a modipe motempelo a mojɔ molinga; na bakamoa na bayegebana cina emojɔ mokɔɔmɔ na nde. 11Iyo ko aipala bokina Pɛtɛlo na Yoane, na bato basusu bapota, na batitana a Eseba eSɔlɔmɔ.
Eleho ePɛtɛlo
12Yana anɛ Pɛtɛlo mojɔ momina, abala na bato bo, Ino bami baYisalaele, okamoakani a mojɔ momoto yo cina eye? onjakani so ngbɛ mojɔ moye? Olɛkɛni bo so bodalejai moto yoyo na ejimeli na ngulu esu bɛnɛ? 13Njambe oAbalayama na oIsaka na oYakobo, Njambe obatata basu akumejai Mwana’nde Yesu. Ino omopani a mɔmɔ maPilato, na omolonani a boso bonde, yana ajima Pilato bo amocingoe. 14Olonani Yona Mosɛnɔkɛ, Yona oBodongo, na ohɔni bo bacingoe mobengo ai no. 15Owani Kumu oBomɔ; Njambe ko amongɔjɔ a bogwa, na so bodi banjɛnɛki bamojɔ momina. 16Edi oko kombe ende yena epi moto yoyo ngulu, cina eejimeli a kombe ende; omonɛkɛni na omojebakani no bɛnɛ. Edi oko ejimeli ai Yesu yena epi moto yoyo mokuku monjilake a boso bonu basusu.
17Baninga, mbi najebaka bo okɔni mojɔ momina a libumi linu, no bɛnɛ na bakumu banu pongono. 18Njambe ko ajebeja mojɔ momina eyou na minɔkɔ mibatɔndɔi basusu, bo Masiya onde adi bodingoa; na mojɔ momina mongami boa. 19Oko boa toma jasani dosa; toma hekojani milema, bo jibe jinu jihakoame, bo Kumu alomee no masu mabomɔ boyene, 20na alome Masiya yona ohɛngɛmɛ a mojɔ monu, oko Yesu. 21Iyo ko adi boyeyoa oho Diko oko a ehole ebohɔngeja ngando jisusu. Njambe atɔndɔ mojɔ momina ehele mɛnɛ na minɔkɔ mibatɔndɔi bande basɛnɔke. 22Mose yo mɛnɛ abala bo,
Kumu Njambe adi bongɔjɔ motɔndɔi ai no a tei ebaninga banu, o adi mbi. Toma hokeani mijɔ misusu mibalabi yo na nu.
23Moto na moto yona olonabí bohokea motɔndɔi omina adi bogwa a tei ebato.
24Samwele, na batɔndɔi basusu batongo baya badoa ngɔngɔ jinde, na babwɛnji koko, bajebeja mojɔ momasu mama. 25Ino odini bana babatɔndɔi, basangoli baMokongo mobakea Njambe na batata banu, yana abala yo na Abalayama bo,
Makota masusu mangondo majongoamabí a mojɔ mobana bawɛ.
26Njambe angɔjɔ Mwana’nde, na amolomea boso ai no a bojongoa no, na a bobuleja no basusu a jibe jinu.
Currently Selected:
Bikɔmɛli 3: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
Bikɔmɛli 3
3
Mondɔke a Tempelo
1Pɛtɛlo na Yoane bakɛ a tempelo a ehole ebo’nga, oko atrois heures. 2Okina momi adaka ena yona obotama mondɔke. Bamotombaka bo bamosambee masu masusu a modipe motempelo mua modaka na kombe Esɛngɔ; na angaka likonja ai bato baya bakweaka a tempelo. 3Yana anɛ yo bo Pɛtɛlo na Yoane bakɛkɛ akwee a tempelo, aba’nga likonja. 4Pɛtɛlo na Yoane bamonja ngbɛ; na Pɛtɛlo abala bo, Anja so! 5Iyo abanja boa, mojɔ bo adaka na njingo bo bamopɛ ekina eka. 6Pɛtɛlo ko abala bo, Mbi napeliti nongo likonja, pɛpɛ flanka, pɛpɛ pata; endele ko, mbi napaka wɛ oko lia lipeli mbi; a kombe eYesu Masiya oNasaleta, dala! 7Amopea na ebɔ ebami, amongɔjɔ, na yo asɔ ngulu bokpa a mako na a gaga. 8Ama mema, apimboa, abanga bodala, na akwea na bu a tempelo oko na bosakoa ai Njambe. 9Bato basusu bangando bamonɛ akadale na akasakoe Njambe. 10Bamombetea, na bajeba bo adi oko moto yona omaka da a modipe motempelo a mojɔ molinga; na bakamoa na bayegebana cina emojɔ mokɔɔmɔ na nde. 11Iyo ko aipala bokina Pɛtɛlo na Yoane, na bato basusu bapota, na batitana a Eseba eSɔlɔmɔ.
Eleho ePɛtɛlo
12Yana anɛ Pɛtɛlo mojɔ momina, abala na bato bo, Ino bami baYisalaele, okamoakani a mojɔ momoto yo cina eye? onjakani so ngbɛ mojɔ moye? Olɛkɛni bo so bodalejai moto yoyo na ejimeli na ngulu esu bɛnɛ? 13Njambe oAbalayama na oIsaka na oYakobo, Njambe obatata basu akumejai Mwana’nde Yesu. Ino omopani a mɔmɔ maPilato, na omolonani a boso bonde, yana ajima Pilato bo amocingoe. 14Olonani Yona Mosɛnɔkɛ, Yona oBodongo, na ohɔni bo bacingoe mobengo ai no. 15Owani Kumu oBomɔ; Njambe ko amongɔjɔ a bogwa, na so bodi banjɛnɛki bamojɔ momina. 16Edi oko kombe ende yena epi moto yoyo ngulu, cina eejimeli a kombe ende; omonɛkɛni na omojebakani no bɛnɛ. Edi oko ejimeli ai Yesu yena epi moto yoyo mokuku monjilake a boso bonu basusu.
17Baninga, mbi najebaka bo okɔni mojɔ momina a libumi linu, no bɛnɛ na bakumu banu pongono. 18Njambe ko ajebeja mojɔ momina eyou na minɔkɔ mibatɔndɔi basusu, bo Masiya onde adi bodingoa; na mojɔ momina mongami boa. 19Oko boa toma jasani dosa; toma hekojani milema, bo jibe jinu jihakoame, bo Kumu alomee no masu mabomɔ boyene, 20na alome Masiya yona ohɛngɛmɛ a mojɔ monu, oko Yesu. 21Iyo ko adi boyeyoa oho Diko oko a ehole ebohɔngeja ngando jisusu. Njambe atɔndɔ mojɔ momina ehele mɛnɛ na minɔkɔ mibatɔndɔi bande basɛnɔke. 22Mose yo mɛnɛ abala bo,
Kumu Njambe adi bongɔjɔ motɔndɔi ai no a tei ebaninga banu, o adi mbi. Toma hokeani mijɔ misusu mibalabi yo na nu.
23Moto na moto yona olonabí bohokea motɔndɔi omina adi bogwa a tei ebato.
24Samwele, na batɔndɔi basusu batongo baya badoa ngɔngɔ jinde, na babwɛnji koko, bajebeja mojɔ momasu mama. 25Ino odini bana babatɔndɔi, basangoli baMokongo mobakea Njambe na batata banu, yana abala yo na Abalayama bo,
Makota masusu mangondo majongoamabí a mojɔ mobana bawɛ.
26Njambe angɔjɔ Mwana’nde, na amolomea boso ai no a bojongoa no, na a bobuleja no basusu a jibe jinu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo