Luka 21
21
Epeeli eMwali-oBogwa
1Yesu angɔjɔ miso na anɛ konji baya basaka bipeeli bibu a nguku ebipeeli. 2Anɛ koko okina mwali-obogwa, moto obopu mɛnɛ, na yo asa sentini jibae. 3Na Yesu abala bo, Mbi natɔndɔkɔ no na soti bo, epeeli esi mwali-obogwa yo obopu enɔi bipeeli bibu basusu. 4Mojɔ bo, ibo basusu batongo bapi oko libondo likɛkɛ lilikonja libu linɛnɛ; yo ko, nongo adi yo na bopu mɛnɛ, asi likonja linde kanga lisusu mɛnɛ.
Ngando Jisuka
5Bakina bato babala a mojɔ motempelo, a mojɔ moeyoeli epele ematai na leka lopa bato a bobɔngeja tempelo. 6Yesu ko abala na bu bo, Onjakani leka lomina edɛye; bokina busa ko bodi bodoa yana âdumbama matai ma masusu, na pɛpɛ nongo litai limɔci lîdika a diko dilitai litongo. 7Ibo bamohɔjɔ bo, Mokoja, mojɔ momina môda a ehole eni? Mojɔ momina mokabenga bomea, embete êda bo? 8Yesu asɔmbeja bo, Toma nganjamani bo bato basaka laboja no. Mojɔ bo bato banɛnɛ bâdoa a kombe embi na bâbala bo, Mbi nadi yo; na, Ehole eba’i mea. Pɛ bosusani bato bamina. 9Oka’kani miako mibila na bijoki bibato, yɛni bobanga. Ngando ji jidi bopeta doa soti, suka ko etada bokpa.
10Abala koko na bu bo, Likota lîna na likota; bokumu bôna na bokumu; 11Majonga mangondo mâda manɛnɛnɛ, na manjale, na bego bimoya a bisika na bisika. Beeto, na bimbete binɛnɛnɛ ta busa, bîda pongono. 12Oko ngando jia jidoakini ko, badi bopeta pea no, badingoja no, bâgbula no a smagoge na a blɔkɔ; bâkɛ na nu a boso bobakumu na bajuji a mojɔ mokombe embi. 13Oko boa ôdani na njea a botɔndɔ mwako mosoti. 14Sabekeani ko bo otadani na mokakwano a mojɔ mobikenge bibosɔmbeja. 15Mojɔ bo mbi napa no bɛtɛ ebobala, na bowɛi a bogbokeja, na bodumba soki jinu jisusu. 16Baboti banu bɛnɛ, na banangwao, na mela manu, na binao, badi bokaba no, na bweja bakina banu. 17Bato basusu bâda na nu soki a mojɔ mokombe embi. 18Endele ko, pɛpɛ nongo moswe momɔci momelo minu modi bobeha. 19Okadani na lingbangba ôhelejani miembo minu.
20Omaka nɛni bo mandundu mabasoda bahiki Yelusalema, osa ko ojebeni bo etayeyoa a boda oko mopɔtu. 21Baya badi a Yuda aehole emina babwani bocia oko a meno minɛnɛnɛ. Baya badi a ngando babwani bodonga, na bato bakada a esika, babwaniti bokwea a ngando. 22Mojɔ bo, masu mamina mâda masu malikundu, na madi bongameja mijɔ misusu mia midi a Misɔnɔ. 23Bali ko baya badi na memi, na baya banungeaka, bâda na jɔɔlɔ a masu mamina. Mojɔ bo monɔngɔ monɛnɛ môda a ngondo; na likota di lînɛ kɛnjɔ. 24Badi bogwa bogwa boabɛnɛ. Bâbapea masungu, na bâkɛ na bu a makota masusu; na bapakano bâdɛhɛ Yelusalema oko a suka eehole ebapakano. 25Bimbete bîda a modika-busa, a songe, na a njɔtɔ. Makota masusu mangondo mâda na bɔ na maneene a mojɔ mokɛnjɔ emadiba-mamukwa, na a mojɔ momula. 26Bato bâsenjoa na bɔ, na maneene, a mojɔ mongando jia jîdoa a ngondo; mojɔ bo ngulu eDiko êdongosana. 27A ehole emina, bânɛ Mwana ’Moto akadoe a eyembi, na ndangasa na ekumu enɛnɛ. 28Omaka nɛni litanda lingando jimina, toma kahoani miso diko, na ninojani mɔli, mojɔ bo bosikoabonu bodi hulelu.
29Abala na bu mondɛ mu. Lɛni mojɔ molikɔkɔ na mele misusu. 30Mikameja kasa jiyene, ojinɛkɛ na ojebakani bo ehole engange edi hulelu. 31Oko boa koko, okanɛni bo ngando jimina jidoi, odini bojeba bo Bokumu boNjambe bobengi bomea. 32Mbi natɔndɔkɔ no na soti bo ngando ji jisusu jidi bongama oko elulu ye esiakini. 33Nongo Diko na Nase jikadimoa, bikenge bimbi bitadimoa.
34Toma nganjamani na nu bɛnɛ ko, bo milema minu misaka beha na magola, na malango, na mikakwano mingondo ye, bo osaka nɛni busa bomina mbalakaka; 35mojɔ bo bodi bodoa ai bato basusu baya badi a ngondo o abomeaka elambo. 36A mojɔ momina, toma sɛnjɛlɛni; mgakani bihole hisusu bo ngulu enu ebwane a mojɔ mobohela a ngando ji jisusu jia jidoaka, na a bo’Ina a boso boMwana ’Moto.
37Iyo adaka atempelo busa na busa a mojɔ mobokoja. Yana ko adipa busa, amana bo akahwɛe a mono mua modi na kombe Mono moOlive. 38Yana ahoa koko busa, bato basusu batitana ai yo a tempelo bo bamohokee.
Currently Selected:
Luka 21: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
Luka 21
21
Epeeli eMwali-oBogwa
1Yesu angɔjɔ miso na anɛ konji baya basaka bipeeli bibu a nguku ebipeeli. 2Anɛ koko okina mwali-obogwa, moto obopu mɛnɛ, na yo asa sentini jibae. 3Na Yesu abala bo, Mbi natɔndɔkɔ no na soti bo, epeeli esi mwali-obogwa yo obopu enɔi bipeeli bibu basusu. 4Mojɔ bo, ibo basusu batongo bapi oko libondo likɛkɛ lilikonja libu linɛnɛ; yo ko, nongo adi yo na bopu mɛnɛ, asi likonja linde kanga lisusu mɛnɛ.
Ngando Jisuka
5Bakina bato babala a mojɔ motempelo, a mojɔ moeyoeli epele ematai na leka lopa bato a bobɔngeja tempelo. 6Yesu ko abala na bu bo, Onjakani leka lomina edɛye; bokina busa ko bodi bodoa yana âdumbama matai ma masusu, na pɛpɛ nongo litai limɔci lîdika a diko dilitai litongo. 7Ibo bamohɔjɔ bo, Mokoja, mojɔ momina môda a ehole eni? Mojɔ momina mokabenga bomea, embete êda bo? 8Yesu asɔmbeja bo, Toma nganjamani bo bato basaka laboja no. Mojɔ bo bato banɛnɛ bâdoa a kombe embi na bâbala bo, Mbi nadi yo; na, Ehole eba’i mea. Pɛ bosusani bato bamina. 9Oka’kani miako mibila na bijoki bibato, yɛni bobanga. Ngando ji jidi bopeta doa soti, suka ko etada bokpa.
10Abala koko na bu bo, Likota lîna na likota; bokumu bôna na bokumu; 11Majonga mangondo mâda manɛnɛnɛ, na manjale, na bego bimoya a bisika na bisika. Beeto, na bimbete binɛnɛnɛ ta busa, bîda pongono. 12Oko ngando jia jidoakini ko, badi bopeta pea no, badingoja no, bâgbula no a smagoge na a blɔkɔ; bâkɛ na nu a boso bobakumu na bajuji a mojɔ mokombe embi. 13Oko boa ôdani na njea a botɔndɔ mwako mosoti. 14Sabekeani ko bo otadani na mokakwano a mojɔ mobikenge bibosɔmbeja. 15Mojɔ bo mbi napa no bɛtɛ ebobala, na bowɛi a bogbokeja, na bodumba soki jinu jisusu. 16Baboti banu bɛnɛ, na banangwao, na mela manu, na binao, badi bokaba no, na bweja bakina banu. 17Bato basusu bâda na nu soki a mojɔ mokombe embi. 18Endele ko, pɛpɛ nongo moswe momɔci momelo minu modi bobeha. 19Okadani na lingbangba ôhelejani miembo minu.
20Omaka nɛni bo mandundu mabasoda bahiki Yelusalema, osa ko ojebeni bo etayeyoa a boda oko mopɔtu. 21Baya badi a Yuda aehole emina babwani bocia oko a meno minɛnɛnɛ. Baya badi a ngando babwani bodonga, na bato bakada a esika, babwaniti bokwea a ngando. 22Mojɔ bo, masu mamina mâda masu malikundu, na madi bongameja mijɔ misusu mia midi a Misɔnɔ. 23Bali ko baya badi na memi, na baya banungeaka, bâda na jɔɔlɔ a masu mamina. Mojɔ bo monɔngɔ monɛnɛ môda a ngondo; na likota di lînɛ kɛnjɔ. 24Badi bogwa bogwa boabɛnɛ. Bâbapea masungu, na bâkɛ na bu a makota masusu; na bapakano bâdɛhɛ Yelusalema oko a suka eehole ebapakano. 25Bimbete bîda a modika-busa, a songe, na a njɔtɔ. Makota masusu mangondo mâda na bɔ na maneene a mojɔ mokɛnjɔ emadiba-mamukwa, na a mojɔ momula. 26Bato bâsenjoa na bɔ, na maneene, a mojɔ mongando jia jîdoa a ngondo; mojɔ bo ngulu eDiko êdongosana. 27A ehole emina, bânɛ Mwana ’Moto akadoe a eyembi, na ndangasa na ekumu enɛnɛ. 28Omaka nɛni litanda lingando jimina, toma kahoani miso diko, na ninojani mɔli, mojɔ bo bosikoabonu bodi hulelu.
29Abala na bu mondɛ mu. Lɛni mojɔ molikɔkɔ na mele misusu. 30Mikameja kasa jiyene, ojinɛkɛ na ojebakani bo ehole engange edi hulelu. 31Oko boa koko, okanɛni bo ngando jimina jidoi, odini bojeba bo Bokumu boNjambe bobengi bomea. 32Mbi natɔndɔkɔ no na soti bo ngando ji jisusu jidi bongama oko elulu ye esiakini. 33Nongo Diko na Nase jikadimoa, bikenge bimbi bitadimoa.
34Toma nganjamani na nu bɛnɛ ko, bo milema minu misaka beha na magola, na malango, na mikakwano mingondo ye, bo osaka nɛni busa bomina mbalakaka; 35mojɔ bo bodi bodoa ai bato basusu baya badi a ngondo o abomeaka elambo. 36A mojɔ momina, toma sɛnjɛlɛni; mgakani bihole hisusu bo ngulu enu ebwane a mojɔ mobohela a ngando ji jisusu jia jidoaka, na a bo’Ina a boso boMwana ’Moto.
37Iyo adaka atempelo busa na busa a mojɔ mobokoja. Yana ko adipa busa, amana bo akahwɛe a mono mua modi na kombe Mono moOlive. 38Yana ahoa koko busa, bato basusu batitana ai yo a tempelo bo bamohokee.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo