Luka 6
6
MoJɔ moSabata
1Bokina busa boSabata, Yesu alena njea egbie jilɔsɔ. Bacingami bande batwa jikina ngbɛlɛnga jilɔsɔ, baji’bɔ na mɔmɔ, na bayaka. 2Bakina BaPalusi babala na bu bo, Ino okɔkɔni boa mojɔ moye? Osopakani mobeko moSabata. 3Yesu abasɔmbeja bo, Ino olangakinini mojɔ mokɔ Dawidi yana akaka yo nja, yo mɛnɛ na bato baya badaka na nde? 4Iyo akwea a ndako eNjambe, atomba milɛmbɛ mimokako mia mihɛngɛmɛ oko ai nganga pɛ. Ayaka milɛmbɛ mimina, na amikaba na bato baya badaka na nde. 5Yesu abala na bu bo, Mwana ’Moto adi Kumu oSabata.
Yesu Aheleja Moto na Ebɔ Endɔke
6Yesu akwea a smagoge, na akoja bato bokina busa boSabata. Momi omɔci adaka ena, yona odaka na ebɔ endɔke. 7Basɔni na BaPalusi bamonja na bopipo, a bonɛ isa adi bosengoa a busa boSabata, bo bamodumbe na mojɔ momina. 8Yesu ko ajeba bilɛli bibu, na abala na moto yona odaka na ebɔ endɔke bo, Angɔ; ima ya a ndanda. Iyo angɔ na ama mema. 9Yesu abala na bato bamina bo, Mbi nahɔjɔkɔ no mojɔ; Njea eMibeko edi bo? Bobwani bokɔ bopele isa bobe, bobwani boheleja isa bowa, a busa boSabata? 10Abanja basusu a dɔngɔ na dɔngɔ, na abala na moto omina bo, Ninoja ebɔ ewɛ. Iyo akɔ boa, na ebɔ ende eninoa oko boninoa. 11Bato bamina ko bakɛnjɔ kɛnjɔ enɛnɛ, na babalana a boduka njea a bodumba Yesu.
Yesu Ahɔ Bacingami Domi-na-Babae
12Yesu akɛ bokina busa a mono a mojɔ mobo’nga, na ayeyoa na bulu bosusu oka a bonga Njambe. 13Yana ahoa busa, abolea bacingami bande. Ahɔ domi-na-babae a tei ebu, na ababakea kombe babwɛnji. 14Simona (amobakea koko kombe Pɛtɛlo), mwangwa ’nde Andalea, Yakobo na Yoane, 15Pilipo na Balatelemi, Matayo na Toma, Yakobo mwana oAlapayo, na Simona yona odaka na kombe Selote; 16Yuda mwana oYakobo, na Yuda Iskalio yona omokaba. 17Yesu atita na bu a mono, na ama a molaba. Bacingami bande banɛnɛ badaka na nde. Bato banɛnɛ batongo batitana ai yo bo bamoke, na bo bahele a bego bibu, bato bangando jisusu jiYuda na Yelusalema, na bato baTula na Sidona a dɔngɔ dimadiba-mamukwa. 18Bato baya badingoaka a mojɔ momiembo mibe bahela pongono. 19Bato basusu baemumu bakenga bomobɛnjɛ na momɔ, mojɔ bo ekina ngulu emanaka ai yo na ebaheleja basusu.
Yesu Akoja Bato
20Yesu anja bacingami bande, na abala bo,
Bojongoa ai no bato babokwali, mojɔ bo Bokumu boNjambe bodi ai no.
21Bojongoa ai no baya badi na nja edɛye, mojɔ bo ôgolani.
Bojongoa ai no baya bayeaka bio edɛye, mojɔ bo ôsepani.
22Bato bakalona no, bakabengana no, bakanɔngeja no, na baka-Pɔmbeja kombe enu a mojɔ moMwana ’Moto,—bojongoa ai no.
23Sepani a busa bomina; pimboani na enanga; ndese enu êda enɛnɛ oho Diko, mojɔ bo basangwa ’bu bakɔ koko boa na batɔndɔi.
24Bodingoa ko ai no konji; ino osini ndese enu.
25Bodingoa ai no baya badi na ligola edɛye; ino ôyeani bio na mbisoli.
26Bocingoa ai no yana asakoaka bato basusu no, mojɔ bo basangwa ’bu bakɔ koko boa na batɔndɔi babokosea.
27Mbi ko natɔndɔkɔ no baya ba’kaka mbi bo, Palakani soki jinu; kɔkɔni bopele ai baya balonaka no. 28Jongoakani baya balakejaka no; ingakani a mojɔ mobato baya banɔngejaka no. 29Moto akabimboa wɛ a mobanga momɔci, mohekoja yo mobanga motongo. Moto akakatoa kasaka ewɛ, t’ojume oko yo simisi ewɛ pongono. 30Moto na moto yona ongaka wɛ eka, mopa yo; na moto akatomba leka lowɛ, t’obee bko leka lomina. 31Kɔni ai bato batongo o apalaka no bo bakɔe ai no. 32Isa odini na epaeli oko ai bato baya badi na epaeli ai no, obwanini bosɔ ndese a mojɔ momina? Nongo bato babe bakɔkɔ boa pongono ai baya badi na epaeli ai bo. 33Okakɔni bopele oko ai bato baya bakɔkɔ bopele ai no, obwanini bosɔ ndese a mojɔ momina? Nongo bato babe bakɔkɔ boa. 34Okabekejani mbeka oko ai baya badi bosɔmbeja koko ai no, bopele bodi jɔ? Nongo bato babe babɔjɔnɔkɔ njabo bo bajisɛ koko. 35Ino ko, toma dani na epaeli ai soki jinu; kɔkɔni bopele; bekejani na t’odaeni oko na tɛndɛ ebosɔ koko, na ndese enu êda enɛnɛ, na ôdani bana baYona oBonɔ; mojɔ bo yo akɔkɔ monganji ai baya badi na lima, na ai bato babe. 36Ikeani bato wa o adi Sangwa’nu na wa. 37T’osambejaeni oko, na ôtasambani; t’odumbeni oko na ôtadumbamani; kinani jibe, na bâkina jibe jinu. 38Dani na likabo, na bâda na likabo ai no; bâhangoja libondo lipele a esei ewɛ; bâedɛhɛ na bâepukusa bo edae botɔ mɛnɛ; mojɔ bo bâ’ngɛ libondo liwɛ oko na mwɛngi mongɛkɛ na wɛ mɛnɛ.
39Abala na bu mondɛ bo, Moto yona ogwa miso abwani bopaka moto otongo yona ogwa miso bo amonejae njea? Ibo basusu babae batakwa a libɛngɛ? 40Moto yona okoaka adi ngɔngɔ jimokoja onde; akabɔngɔ ko na bokoa bonde, adi bobwana na mokoja onde. 41Onjaka mobumbu a diso limwangwao, pɛ bonɛ epaso yena edi a diso liwɛ mɛnɛ mojɔ moye? 42Obwani bobala na mwangwao bo, Mwangwa ’mbi, yɛ nahwɛ mobumbu mua modi a diso liwɛ, ena ko wɛ pɛ bonɛ nongo epaso yena edi a diso liwɛ mɛnɛ? Mokosei, peta hwa epaso a diso liwɛ mɛnɛ; oko boa odi bonɛ bohu a bohwa mobumbu a diso limwangwao.
43Mole mopele te mobotake mbuma jibe, na mole mobe te mobotake mbuma jipele. 44Odi bombetea mole oko na mbuma jimole momina. Te batwake mbunga a bolongo, na mamwe a likpanda. 45Moto mopele adi na ekɔmɛli epele mojɔ bo amejaka ngando jipele a molema monde; na moto mobe adi na ekɔmɛli ebe, mojɔ boamejaka ngando jibe a molema monde. Mojɔ bo monɔkɔ momejaka oko ngando jia jinɛngi a molema.
46Obeakani mbi Kumu, Kumu, mojɔ moye, pɛ ko bokɔ ngando jitɔndɔkɔ mbi no? 47Mbi nadi boneja no elimo emoto yona odoaka ai mbi na okɔkɔ ngando ji’kaka yo na mbi. 48Adi o moto yona opika ndako; alonga mombɔndɔ na ndinda, na ayoa eyoeli ecina a diko dilitai. Yana apetoa pela, mopimbola molakimea ndako emina, na moibwana boebuka, mojɔ bo edaka embilimake. 49Moto ko aka’ka pɛ nongo bokɔ, yo adi o moto yona opika ndako a diko dikpɔtɔ, te nongo a diko dilitai. Mopimbola molakimea ndako emina, na ekwa bokpa mɛnɛ. Ndako emina ebeha esusu, mojɔ monɛnɛ.
Currently Selected:
Luka 6: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
Luka 6
6
MoJɔ moSabata
1Bokina busa boSabata, Yesu alena njea egbie jilɔsɔ. Bacingami bande batwa jikina ngbɛlɛnga jilɔsɔ, baji’bɔ na mɔmɔ, na bayaka. 2Bakina BaPalusi babala na bu bo, Ino okɔkɔni boa mojɔ moye? Osopakani mobeko moSabata. 3Yesu abasɔmbeja bo, Ino olangakinini mojɔ mokɔ Dawidi yana akaka yo nja, yo mɛnɛ na bato baya badaka na nde? 4Iyo akwea a ndako eNjambe, atomba milɛmbɛ mimokako mia mihɛngɛmɛ oko ai nganga pɛ. Ayaka milɛmbɛ mimina, na amikaba na bato baya badaka na nde. 5Yesu abala na bu bo, Mwana ’Moto adi Kumu oSabata.
Yesu Aheleja Moto na Ebɔ Endɔke
6Yesu akwea a smagoge, na akoja bato bokina busa boSabata. Momi omɔci adaka ena, yona odaka na ebɔ endɔke. 7Basɔni na BaPalusi bamonja na bopipo, a bonɛ isa adi bosengoa a busa boSabata, bo bamodumbe na mojɔ momina. 8Yesu ko ajeba bilɛli bibu, na abala na moto yona odaka na ebɔ endɔke bo, Angɔ; ima ya a ndanda. Iyo angɔ na ama mema. 9Yesu abala na bato bamina bo, Mbi nahɔjɔkɔ no mojɔ; Njea eMibeko edi bo? Bobwani bokɔ bopele isa bobe, bobwani boheleja isa bowa, a busa boSabata? 10Abanja basusu a dɔngɔ na dɔngɔ, na abala na moto omina bo, Ninoja ebɔ ewɛ. Iyo akɔ boa, na ebɔ ende eninoa oko boninoa. 11Bato bamina ko bakɛnjɔ kɛnjɔ enɛnɛ, na babalana a boduka njea a bodumba Yesu.
Yesu Ahɔ Bacingami Domi-na-Babae
12Yesu akɛ bokina busa a mono a mojɔ mobo’nga, na ayeyoa na bulu bosusu oka a bonga Njambe. 13Yana ahoa busa, abolea bacingami bande. Ahɔ domi-na-babae a tei ebu, na ababakea kombe babwɛnji. 14Simona (amobakea koko kombe Pɛtɛlo), mwangwa ’nde Andalea, Yakobo na Yoane, 15Pilipo na Balatelemi, Matayo na Toma, Yakobo mwana oAlapayo, na Simona yona odaka na kombe Selote; 16Yuda mwana oYakobo, na Yuda Iskalio yona omokaba. 17Yesu atita na bu a mono, na ama a molaba. Bacingami bande banɛnɛ badaka na nde. Bato banɛnɛ batongo batitana ai yo bo bamoke, na bo bahele a bego bibu, bato bangando jisusu jiYuda na Yelusalema, na bato baTula na Sidona a dɔngɔ dimadiba-mamukwa. 18Bato baya badingoaka a mojɔ momiembo mibe bahela pongono. 19Bato basusu baemumu bakenga bomobɛnjɛ na momɔ, mojɔ bo ekina ngulu emanaka ai yo na ebaheleja basusu.
Yesu Akoja Bato
20Yesu anja bacingami bande, na abala bo,
Bojongoa ai no bato babokwali, mojɔ bo Bokumu boNjambe bodi ai no.
21Bojongoa ai no baya badi na nja edɛye, mojɔ bo ôgolani.
Bojongoa ai no baya bayeaka bio edɛye, mojɔ bo ôsepani.
22Bato bakalona no, bakabengana no, bakanɔngeja no, na baka-Pɔmbeja kombe enu a mojɔ moMwana ’Moto,—bojongoa ai no.
23Sepani a busa bomina; pimboani na enanga; ndese enu êda enɛnɛ oho Diko, mojɔ bo basangwa ’bu bakɔ koko boa na batɔndɔi.
24Bodingoa ko ai no konji; ino osini ndese enu.
25Bodingoa ai no baya badi na ligola edɛye; ino ôyeani bio na mbisoli.
26Bocingoa ai no yana asakoaka bato basusu no, mojɔ bo basangwa ’bu bakɔ koko boa na batɔndɔi babokosea.
27Mbi ko natɔndɔkɔ no baya ba’kaka mbi bo, Palakani soki jinu; kɔkɔni bopele ai baya balonaka no. 28Jongoakani baya balakejaka no; ingakani a mojɔ mobato baya banɔngejaka no. 29Moto akabimboa wɛ a mobanga momɔci, mohekoja yo mobanga motongo. Moto akakatoa kasaka ewɛ, t’ojume oko yo simisi ewɛ pongono. 30Moto na moto yona ongaka wɛ eka, mopa yo; na moto akatomba leka lowɛ, t’obee bko leka lomina. 31Kɔni ai bato batongo o apalaka no bo bakɔe ai no. 32Isa odini na epaeli oko ai bato baya badi na epaeli ai no, obwanini bosɔ ndese a mojɔ momina? Nongo bato babe bakɔkɔ boa pongono ai baya badi na epaeli ai bo. 33Okakɔni bopele oko ai bato baya bakɔkɔ bopele ai no, obwanini bosɔ ndese a mojɔ momina? Nongo bato babe bakɔkɔ boa. 34Okabekejani mbeka oko ai baya badi bosɔmbeja koko ai no, bopele bodi jɔ? Nongo bato babe babɔjɔnɔkɔ njabo bo bajisɛ koko. 35Ino ko, toma dani na epaeli ai soki jinu; kɔkɔni bopele; bekejani na t’odaeni oko na tɛndɛ ebosɔ koko, na ndese enu êda enɛnɛ, na ôdani bana baYona oBonɔ; mojɔ bo yo akɔkɔ monganji ai baya badi na lima, na ai bato babe. 36Ikeani bato wa o adi Sangwa’nu na wa. 37T’osambejaeni oko, na ôtasambani; t’odumbeni oko na ôtadumbamani; kinani jibe, na bâkina jibe jinu. 38Dani na likabo, na bâda na likabo ai no; bâhangoja libondo lipele a esei ewɛ; bâedɛhɛ na bâepukusa bo edae botɔ mɛnɛ; mojɔ bo bâ’ngɛ libondo liwɛ oko na mwɛngi mongɛkɛ na wɛ mɛnɛ.
39Abala na bu mondɛ bo, Moto yona ogwa miso abwani bopaka moto otongo yona ogwa miso bo amonejae njea? Ibo basusu babae batakwa a libɛngɛ? 40Moto yona okoaka adi ngɔngɔ jimokoja onde; akabɔngɔ ko na bokoa bonde, adi bobwana na mokoja onde. 41Onjaka mobumbu a diso limwangwao, pɛ bonɛ epaso yena edi a diso liwɛ mɛnɛ mojɔ moye? 42Obwani bobala na mwangwao bo, Mwangwa ’mbi, yɛ nahwɛ mobumbu mua modi a diso liwɛ, ena ko wɛ pɛ bonɛ nongo epaso yena edi a diso liwɛ mɛnɛ? Mokosei, peta hwa epaso a diso liwɛ mɛnɛ; oko boa odi bonɛ bohu a bohwa mobumbu a diso limwangwao.
43Mole mopele te mobotake mbuma jibe, na mole mobe te mobotake mbuma jipele. 44Odi bombetea mole oko na mbuma jimole momina. Te batwake mbunga a bolongo, na mamwe a likpanda. 45Moto mopele adi na ekɔmɛli epele mojɔ bo amejaka ngando jipele a molema monde; na moto mobe adi na ekɔmɛli ebe, mojɔ boamejaka ngando jibe a molema monde. Mojɔ bo monɔkɔ momejaka oko ngando jia jinɛngi a molema.
46Obeakani mbi Kumu, Kumu, mojɔ moye, pɛ ko bokɔ ngando jitɔndɔkɔ mbi no? 47Mbi nadi boneja no elimo emoto yona odoaka ai mbi na okɔkɔ ngando ji’kaka yo na mbi. 48Adi o moto yona opika ndako; alonga mombɔndɔ na ndinda, na ayoa eyoeli ecina a diko dilitai. Yana apetoa pela, mopimbola molakimea ndako emina, na moibwana boebuka, mojɔ bo edaka embilimake. 49Moto ko aka’ka pɛ nongo bokɔ, yo adi o moto yona opika ndako a diko dikpɔtɔ, te nongo a diko dilitai. Mopimbola molakimea ndako emina, na ekwa bokpa mɛnɛ. Ndako emina ebeha esusu, mojɔ monɛnɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo