Matayo 12
12
Busa baSabata
1Ekina ndɔndɔ, Yesu adala a busa boSabata, na alena njea egbie jibsɔ. Bacingami bande batwa jikina ngbɛlɛnga jibsɔ na bajiyaka, mojɔ bo badaka na nja. 2BaPalusi ko babanɛ, na babala na Yesu bo, Anja bacingami bawɛ! Akɔkɔ bo boa, basopaka mobeko moSabata. Yesu abasɔmbeja bo, 3Ino olangakinini mojɔ mokɔ Dawidi yana akaka yo nja, yo mɛnɛ na bato bande? 4Iyo akwea a ndako eNjambe na ayaka milɛmbɛ mimokako. Midaka oko a mojɔ mobo’nja pɛ; mihɛngɛmɛ oko ai nganga pɛ, na eibɔngɔ bo yo ayake isa bato bande. 5Olangakinini a Mibeko bo nganga batempelo basopaka mobeko moSabata a tei etempelo a busa boSabata, na baditi na lindo? 6Mbi nabalaka na nu bo mokina mojɔ modi jɔno mua monɔi tempelo. 7Akɔki no cingea ekenge yeye, ka odumbitini baya baditi nongo na mojɔ;
Mbi nasepaka oko na wa, te tito bamasiko.
8Mojɔ bo Mwana ’Moto adi Kumu oSabata.
Yesu aheleja Moto na Ebɔ endɔke
9Adonga yo a esika emina, Yesu akwea a sinagoge ebu. 10Okina momi adaka ena yona odaka na ebɔ endɔke, Bakina bahɔjɔ Yesu bo, Elomu esengo ebɔngi a busa boSabata? Babala boa cina bo badukaka na nde mojɔ. 11Yesu abasɔmbeja bo, Isa okina onu adi na bata omɔci, na yo akakwa ta mombɔndɔ a busa boSabata, otamopea bo omohwɛ a mombɔndɔ? 12Na moto, na bata, onɔi na bobuno nda, te moto? Oko boa, ebɔngi bo moto akɔe bopele a busa boSabata. 13Asi ko abali na momi bo, Ninoja ebɔ. Iyo aninoja ebɔ, na ebɔ ende esɔ nguli, na ebwana na ebɔ etongo.
14BaPalusi bamana, na babolea likita a bodumba ndungu bo bamowoe. 15Yesu ko ajeba mojɔ momina, na adonga a esika emina. Bato banenɛ bamosusa a njea, na abaheleja basusu a bego. 16Iyo ko abalemba na bopipo bo batameja mojɔ monde a bohu. 17Akɔ boa a bongameja ekenge ema bala motɔndɔi Yisaya bo,
18Anjani mokɔmɛli ombi. Mbi namohɔi;
Nadi na nde ngɛnjɔ.
Molema mombi mosepaka na nde,
Mbi nâmolwaja Mwembo mombi.
Iyo âjebeja makota mangondo mojɔ mobodongo.
19Ataswiana na moto; atabekoa na bopipo.
Pɛpɛ nongo moto odi boka monɔkɔ monde a licilinga.
20Atabuka hongo mongongo mua mokwei pola,
Na atadima nongo motanda momodidi,
Oko adi yo pɛ bopeta gbokeja na bodongo.
21Na makota mangondo mâda na njingo a kombe ende.
Mojɔ moMiembo Mibe
22Badoa ai yo na moto yona odaka na mwembo mobe; agwa miso, na adaka koko emimi. Yesu amoheleja; emimi abala na asɔ njɛnɛ ende. 23Bato basusu bakamoa bou; babala bo, Iyoyo, te Mwana oDawidi? 24BaPalusi ko, yana aka bo mojɔ momina, babala bo, Moto yo amejaka miembo mibe oko na kpaci eBalasebuba, kumu omiembo mibe. 25Yesu acingea bilɛli bibu, na abala na bu bo, Bokumu bokada na bobɔtɔ, bodi bobeha; na ngando ekada na bobɔtɔ, etayeyoa nongo. 26Oko boa, Satana aka’na na Satana, adi na bobɔtɔ, na bokumu bonde bodi boyeyoa na ye? 27Isa mbi namejaka miembo mibe na kpaci eBalasebuba, bana banu bamimejaka na kpaci enda? 28Isa mbi ko namejaka miembo mibe na ngulu eMwembo moNjambe, Bokumu boNjambe bodoi ai no. 29Moto amiti kanda moto mopipo mbɔci, adi bokwea a ndako emoto mopipo a bobeja leka londe? Akakɔ boa abwani bobeja leka londako ende. 30Moto yona oditi a dɔngɔ dimbi aloni mbi. Moto amiti kɔmeja mbi a bondoa, ananganejaka oko bonanganeja. 31A mojɔ momina, mbi nabalaka na nu bo boye bodi a mojɔ mojibe jisusu na matangola masusu. Moto ko akatangola Mwembo Mosenɔke, boye boditi nongo. 32Moto akadɔ Mwana ’Moto abwani bosɔ boye. Moto ko akadɔ Mwembo Mosɛnɔke, atasɔ nongo boyɛ, isa a ehole ye, isa a ehole yena ekadoe. 33Balani bo mole modi mopele, na mbuma jimole jidi koko jipele; isa bo mole modi mobe, na mbuma jimole jidi koko jibe. Ombeteakani mole oko na mbuma. 34Ino bana banjɔ! Adi no bato babe, odini bobala mijɔ mipele na ye? Mojɔ bo monɔkɔ mobalaka oko mijɔ mia minɛngi a molema, 35Moto mopele amejaka mijɔ mipele a ebombei ende epele, na moto mobe amejaka mijɔ mibe a ebombei ende ebe. 36Mbi natɔndɔkɔ no bo bato basambabí a busa boEsambi a mojɔ mobikenge bibu bisusu bibibalabala. 37Odi bolonga a mojɔ mobikenge biwɛ, na bikenge biwɛ bidi bodumba wɛ pongono.
38Bakina basɔni na BaPalusi babala na Yesu bo, Mokoja, iso bopalaka bo onejae so ekina embete. 39Yesu abasɔmbeja bo, Bato baelulu ye badi na posa a bonɛ embete; elulu ebe, elulu ebɔɔli! Batanɛ ko ekina embete etongo, oko embete eJona pɛ. 40Jona adaka a sɔpɔ jiswi monɛnɛ masu masato. Oko boa pongono, Mwana ’Moto âda masu masato a tei ekpɔtɔ. 41Bato baNinewe badi bo’ma a Esambi na elulu ye, na badumbabí elulu ye. Mojɔ bo, ibo bahekoja milema mibu a mojɔ momwako motɔndɔ Jona; okina ko yona onɔi Jona adi yaya. 42Kumu-mwali odɔngɔ disudo adi bo’ma koko na bato baelulu ye a Esambi, na abadumbabí. Mojɔ bo, yo adonga a suka engondo a bohokea bowɛi boSɔlɔmɔ; okina ko yona onɔi Sɔbmɔ adi yaya. 43Mwembo mobe mokamana ai moto, mokɛke adale lebaleba a bisika bikakanake a boduka bowi, pɛ ko botana bowi. 44Oko boa, modi bobala bo, Yɛ nasɔmbe a ndako ekini mbi. Mokamea ena, monɛke bo ndako edi ngasa, na edi embɔke na engebenɛke. 45A mojɔ momina, mwembo mobe mokɛke a boduka miembo mitongo sambo mia minɔi yo na bobe, na mikweaka a boda ena. Oko boa, moda mongɔngɔ momoto omina modi bonɔ moda monde moboso na bobe. Mojɔ moelulu ye modi koko boa.
Yesu na Nango na Bananango
46Nange eYesu na bananango bamea na ba’ma a sokolu yana abalaka yo na bato, na baduka njea bo babale na nde. 47Okina moto abala na Yesu bo, Ngwao na banangwao badi oho sokolu na bapalaka bobala na wɛ. 48Yesu amosɔmbeja bo, Ngwa’mbi nda? Banangwa’mbi banda? 49Aninoja ebɔ ende a dɔngɔ dibacingami bande, na abala bo, Anjani ngwa’mbi na banangwa’mbi! 50Mojɔ bo, moto na moto yona okɔkɔ bolulea boSangwa’mbi yona odi oho Diko, yo adi mwangwa’mbi, na ngɛnɛ embi, na ngwa’mbi.
Currently Selected:
Matayo 12: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
Matayo 12
12
Busa baSabata
1Ekina ndɔndɔ, Yesu adala a busa boSabata, na alena njea egbie jibsɔ. Bacingami bande batwa jikina ngbɛlɛnga jibsɔ na bajiyaka, mojɔ bo badaka na nja. 2BaPalusi ko babanɛ, na babala na Yesu bo, Anja bacingami bawɛ! Akɔkɔ bo boa, basopaka mobeko moSabata. Yesu abasɔmbeja bo, 3Ino olangakinini mojɔ mokɔ Dawidi yana akaka yo nja, yo mɛnɛ na bato bande? 4Iyo akwea a ndako eNjambe na ayaka milɛmbɛ mimokako. Midaka oko a mojɔ mobo’nja pɛ; mihɛngɛmɛ oko ai nganga pɛ, na eibɔngɔ bo yo ayake isa bato bande. 5Olangakinini a Mibeko bo nganga batempelo basopaka mobeko moSabata a tei etempelo a busa boSabata, na baditi na lindo? 6Mbi nabalaka na nu bo mokina mojɔ modi jɔno mua monɔi tempelo. 7Akɔki no cingea ekenge yeye, ka odumbitini baya baditi nongo na mojɔ;
Mbi nasepaka oko na wa, te tito bamasiko.
8Mojɔ bo Mwana ’Moto adi Kumu oSabata.
Yesu aheleja Moto na Ebɔ endɔke
9Adonga yo a esika emina, Yesu akwea a sinagoge ebu. 10Okina momi adaka ena yona odaka na ebɔ endɔke, Bakina bahɔjɔ Yesu bo, Elomu esengo ebɔngi a busa boSabata? Babala boa cina bo badukaka na nde mojɔ. 11Yesu abasɔmbeja bo, Isa okina onu adi na bata omɔci, na yo akakwa ta mombɔndɔ a busa boSabata, otamopea bo omohwɛ a mombɔndɔ? 12Na moto, na bata, onɔi na bobuno nda, te moto? Oko boa, ebɔngi bo moto akɔe bopele a busa boSabata. 13Asi ko abali na momi bo, Ninoja ebɔ. Iyo aninoja ebɔ, na ebɔ ende esɔ nguli, na ebwana na ebɔ etongo.
14BaPalusi bamana, na babolea likita a bodumba ndungu bo bamowoe. 15Yesu ko ajeba mojɔ momina, na adonga a esika emina. Bato banenɛ bamosusa a njea, na abaheleja basusu a bego. 16Iyo ko abalemba na bopipo bo batameja mojɔ monde a bohu. 17Akɔ boa a bongameja ekenge ema bala motɔndɔi Yisaya bo,
18Anjani mokɔmɛli ombi. Mbi namohɔi;
Nadi na nde ngɛnjɔ.
Molema mombi mosepaka na nde,
Mbi nâmolwaja Mwembo mombi.
Iyo âjebeja makota mangondo mojɔ mobodongo.
19Ataswiana na moto; atabekoa na bopipo.
Pɛpɛ nongo moto odi boka monɔkɔ monde a licilinga.
20Atabuka hongo mongongo mua mokwei pola,
Na atadima nongo motanda momodidi,
Oko adi yo pɛ bopeta gbokeja na bodongo.
21Na makota mangondo mâda na njingo a kombe ende.
Mojɔ moMiembo Mibe
22Badoa ai yo na moto yona odaka na mwembo mobe; agwa miso, na adaka koko emimi. Yesu amoheleja; emimi abala na asɔ njɛnɛ ende. 23Bato basusu bakamoa bou; babala bo, Iyoyo, te Mwana oDawidi? 24BaPalusi ko, yana aka bo mojɔ momina, babala bo, Moto yo amejaka miembo mibe oko na kpaci eBalasebuba, kumu omiembo mibe. 25Yesu acingea bilɛli bibu, na abala na bu bo, Bokumu bokada na bobɔtɔ, bodi bobeha; na ngando ekada na bobɔtɔ, etayeyoa nongo. 26Oko boa, Satana aka’na na Satana, adi na bobɔtɔ, na bokumu bonde bodi boyeyoa na ye? 27Isa mbi namejaka miembo mibe na kpaci eBalasebuba, bana banu bamimejaka na kpaci enda? 28Isa mbi ko namejaka miembo mibe na ngulu eMwembo moNjambe, Bokumu boNjambe bodoi ai no. 29Moto amiti kanda moto mopipo mbɔci, adi bokwea a ndako emoto mopipo a bobeja leka londe? Akakɔ boa abwani bobeja leka londako ende. 30Moto yona oditi a dɔngɔ dimbi aloni mbi. Moto amiti kɔmeja mbi a bondoa, ananganejaka oko bonanganeja. 31A mojɔ momina, mbi nabalaka na nu bo boye bodi a mojɔ mojibe jisusu na matangola masusu. Moto ko akatangola Mwembo Mosenɔke, boye boditi nongo. 32Moto akadɔ Mwana ’Moto abwani bosɔ boye. Moto ko akadɔ Mwembo Mosɛnɔke, atasɔ nongo boyɛ, isa a ehole ye, isa a ehole yena ekadoe. 33Balani bo mole modi mopele, na mbuma jimole jidi koko jipele; isa bo mole modi mobe, na mbuma jimole jidi koko jibe. Ombeteakani mole oko na mbuma. 34Ino bana banjɔ! Adi no bato babe, odini bobala mijɔ mipele na ye? Mojɔ bo monɔkɔ mobalaka oko mijɔ mia minɛngi a molema, 35Moto mopele amejaka mijɔ mipele a ebombei ende epele, na moto mobe amejaka mijɔ mibe a ebombei ende ebe. 36Mbi natɔndɔkɔ no bo bato basambabí a busa boEsambi a mojɔ mobikenge bibu bisusu bibibalabala. 37Odi bolonga a mojɔ mobikenge biwɛ, na bikenge biwɛ bidi bodumba wɛ pongono.
38Bakina basɔni na BaPalusi babala na Yesu bo, Mokoja, iso bopalaka bo onejae so ekina embete. 39Yesu abasɔmbeja bo, Bato baelulu ye badi na posa a bonɛ embete; elulu ebe, elulu ebɔɔli! Batanɛ ko ekina embete etongo, oko embete eJona pɛ. 40Jona adaka a sɔpɔ jiswi monɛnɛ masu masato. Oko boa pongono, Mwana ’Moto âda masu masato a tei ekpɔtɔ. 41Bato baNinewe badi bo’ma a Esambi na elulu ye, na badumbabí elulu ye. Mojɔ bo, ibo bahekoja milema mibu a mojɔ momwako motɔndɔ Jona; okina ko yona onɔi Jona adi yaya. 42Kumu-mwali odɔngɔ disudo adi bo’ma koko na bato baelulu ye a Esambi, na abadumbabí. Mojɔ bo, yo adonga a suka engondo a bohokea bowɛi boSɔlɔmɔ; okina ko yona onɔi Sɔbmɔ adi yaya. 43Mwembo mobe mokamana ai moto, mokɛke adale lebaleba a bisika bikakanake a boduka bowi, pɛ ko botana bowi. 44Oko boa, modi bobala bo, Yɛ nasɔmbe a ndako ekini mbi. Mokamea ena, monɛke bo ndako edi ngasa, na edi embɔke na engebenɛke. 45A mojɔ momina, mwembo mobe mokɛke a boduka miembo mitongo sambo mia minɔi yo na bobe, na mikweaka a boda ena. Oko boa, moda mongɔngɔ momoto omina modi bonɔ moda monde moboso na bobe. Mojɔ moelulu ye modi koko boa.
Yesu na Nango na Bananango
46Nange eYesu na bananango bamea na ba’ma a sokolu yana abalaka yo na bato, na baduka njea bo babale na nde. 47Okina moto abala na Yesu bo, Ngwao na banangwao badi oho sokolu na bapalaka bobala na wɛ. 48Yesu amosɔmbeja bo, Ngwa’mbi nda? Banangwa’mbi banda? 49Aninoja ebɔ ende a dɔngɔ dibacingami bande, na abala bo, Anjani ngwa’mbi na banangwa’mbi! 50Mojɔ bo, moto na moto yona okɔkɔ bolulea boSangwa’mbi yona odi oho Diko, yo adi mwangwa’mbi, na ngɛnɛ embi, na ngwa’mbi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo