Matayo 18
18
Yona Odi Boso a Bokumu boDiko
1Bacingami baYesu badoa ai yo a ehole emina na bamohɔjɔ bo, Odi boso a Bokumu boDiko nda? 2Yesu abea okina mwana mokɛkɛlekɛ, amodeja a ndanda ebu, 3na abala bo, Mbi natɔndɔkɔ no na soti bo omiti kindoani, bo odaeni o bana bakɛkɛlɛkɛ, otakweani nongo a Bokumu boDiko. 4Moto akasatiteja bo adae o adi mwana yoyo, yo âda boso a Bokumu boDiko. 5Iyona osɔkɔ okina mwana mokɛkɛlɛkɛ o adi yo, a kombe embi, asɔkɔ mbi mɛnɛ. 6Moto ko akasakeja okina obu bakɛkɛlɛke baya bajimeaka mbi, bopele bo bacingee litai linɛnɛ a dɔli linde, na bamodumbe a madiba mandinda.
7Monɔngɔ a ngondo a mojɔ momabaku! Mabaku madi boda soti. Monɔngɔ ko ai moto yona osakejaka batongo. 8Ebɔ ewɛ isa ebota ewɛ ekasakeja wɛ, tɛndɔ, na dumba ebɔ emina, isa ebota emina. Na bokwea a bomɔ na eyɛmɛ, isa na motɛngu, na bodumbama na mɔmɔ mabae, sa bibota bibae, a mosa mua modi na bosusu, enɔi na bopele bo moto akwee a bomɔ na eyɛmɛ na motɛngu. 9Okakɔ bobe a mojɔ modiso diwɛ, ihwa na dumba diso dimina. Na bokwea a bomɔ na diso limɔci, na bodumbama a mosa moGehena na miso mabae, enɔi na bopele bo moto akwee a bomɔ na diso limɔci. 10Nganjamani bo otasɛtojani okina obana ba bakɛkɛlɛkɛ. Mbi natɔndɔkɔ no bo babwɛnji babu oho Diko banjaka boso boSangwa’mbi yona odi oho Diko.
Monde moBata Molaboake
11Mwana’Moto adoi a boheleja yona odaka mobungake. 12Ino olɛkɛni bo? Isa moto adi na bata mokama, na okina obu akalaboa, moto omina atakina bata domi-libwa na libwa a meno, bo akɛe a boduka yona omɔci molaboake? 13Na akamoboloja, mbi natɔndɔkɔ no na soti bo, sepi ende a mojɔ mobata yona omɔci, edi bonɔ sepi ende a mojɔ mobata domi-libwa na libwa baya balaboiti. 14Oko boa pongono, Sangwa’mbi yona odi oho Diko atapalaka bo okina obu bakekɛlɛke abunge.
Boyɛ boJibe
15Mwangwao akakɔ wɛ bobe, ke abale na nde mojɔ momina oko no babae pɛ, Akahokea wɛ, oko boa osii mwangwao bosiili. 16Amiti hokea wɛ ko, bea bakina bato batongo, omɔci isa babae na dea, a bolena mojɔ na ebaeli ebanjɛnɛki babae isa basato. 17Akalona bobahokea, jebeja Denga mojɔ momina. Akalona koko bohokea Denga, yɛ adae o mopakano na moputejai otako a miso mawɛ. 18Mbi natɔndɔkɔ no na soti bo leka losusu lokandaka no ya nase, lôkandama oho Diko. Na okalolojani leka ya nase, lôlolojama oho Diko. 19Natɔndɔkɔ no koko bo, bakina banu babae bakada na molema momɔci ya nase a bonga mokina mojɔ, Sangwa’mbi yona odi oho Diko âkɔ mojɔ momina ai bo. 20Mojɔ bo, bato babae isa basato bakatitana a kombe embi, mbi mɛne nadi ena a ndanda ebu.
21Pɛtɛlo adoa ai yo na amohɔjɔ bo, Kumu, mwangwa’mbi akakɔ mbi bobe, nabwani bomoye bihole beka? Oko bihole sambo? 22Yesu abala na nde bo, Mbi nabalaka na we bo, Te nongo bihole sambo, oko bihole domi-sambo-sambo.
Mondɛ moMokɔmɛli Mobe
23Bokumu boDiko bodi o kumu omɔci yona opala bokokeleja mikanda mibakɔmɛli bande. 24Abanga yo bokokeleja, badoa ai yo na okina yona odaka na nongo ai yo, talenta koto domi. 25Iyo ko aidaka na likonia a bosieja nongo ende. Kumu onde ajima bo bangɛjɛe moto omina, na mwali onde, na bana bande, na leka londe losusu mɛnɛ, a mojɔ mobo’ta nongo. 26Mokɔmɛli omina atita na magbunda, na amongɔɔnɔ bo, Kumu, ambɛjɛ molema a mojɔ mombi. Nadi bo’ta kanga esusu mɛnɛ. 27Kumu omokɔmɛli omina amokea wa; amocingoa, na amokinea nongo emina. 28Mokɔmɛli omina ko, yana amana yo, asongana na okina mokɔmɛli otongo, yona odaka na nongo ai yo, flanka mokama. Amopea a ekoolo na abala na nde bo, Seja nongo ewɛ! 29Mokɔmɛli omina atita na magbunda na amo’nga bo, Ambɛjɛ molema a mojɔ mombi. Nadi bo’ta kanga esusu menɛ. 30Iyo ko aijima; akɛ na amosa ta blɔkɔ bo asiejae nongo. 31Yana anɛ bina’nde bakɔmɛli mojɔ momina, badaka na wa enɛnɛ, na bake a botɔndɔ kumu obu mojɔ mosusu. 32Kumu onde amolomeja, na abala na nde bo, Wɛ mokɔmɛli mobe! Mbi nakinei we nongo ewɛ esusu cina bo ongɔɔni mbi. 33Oko boa wɛ obwani bokea minao mokɔmɛli wa pongono, o akei mbi wɛ wa. 34Kumu onde aka kɛlɛ enɛnɛ, na amopa a mɔmɔ mabato bablɔkɔ oko adi yo pɛ bopeta sieja nongo ende esusu. 35Sangwa’mbi yona odi oho Diko adi bokɔ na nu koko boa, omiti yɛni moto na moto mwangwa’nde na molema monde mosusu.
Currently Selected:
Matayo 18: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
Matayo 18
18
Yona Odi Boso a Bokumu boDiko
1Bacingami baYesu badoa ai yo a ehole emina na bamohɔjɔ bo, Odi boso a Bokumu boDiko nda? 2Yesu abea okina mwana mokɛkɛlekɛ, amodeja a ndanda ebu, 3na abala bo, Mbi natɔndɔkɔ no na soti bo omiti kindoani, bo odaeni o bana bakɛkɛlɛkɛ, otakweani nongo a Bokumu boDiko. 4Moto akasatiteja bo adae o adi mwana yoyo, yo âda boso a Bokumu boDiko. 5Iyona osɔkɔ okina mwana mokɛkɛlɛkɛ o adi yo, a kombe embi, asɔkɔ mbi mɛnɛ. 6Moto ko akasakeja okina obu bakɛkɛlɛke baya bajimeaka mbi, bopele bo bacingee litai linɛnɛ a dɔli linde, na bamodumbe a madiba mandinda.
7Monɔngɔ a ngondo a mojɔ momabaku! Mabaku madi boda soti. Monɔngɔ ko ai moto yona osakejaka batongo. 8Ebɔ ewɛ isa ebota ewɛ ekasakeja wɛ, tɛndɔ, na dumba ebɔ emina, isa ebota emina. Na bokwea a bomɔ na eyɛmɛ, isa na motɛngu, na bodumbama na mɔmɔ mabae, sa bibota bibae, a mosa mua modi na bosusu, enɔi na bopele bo moto akwee a bomɔ na eyɛmɛ na motɛngu. 9Okakɔ bobe a mojɔ modiso diwɛ, ihwa na dumba diso dimina. Na bokwea a bomɔ na diso limɔci, na bodumbama a mosa moGehena na miso mabae, enɔi na bopele bo moto akwee a bomɔ na diso limɔci. 10Nganjamani bo otasɛtojani okina obana ba bakɛkɛlɛkɛ. Mbi natɔndɔkɔ no bo babwɛnji babu oho Diko banjaka boso boSangwa’mbi yona odi oho Diko.
Monde moBata Molaboake
11Mwana’Moto adoi a boheleja yona odaka mobungake. 12Ino olɛkɛni bo? Isa moto adi na bata mokama, na okina obu akalaboa, moto omina atakina bata domi-libwa na libwa a meno, bo akɛe a boduka yona omɔci molaboake? 13Na akamoboloja, mbi natɔndɔkɔ no na soti bo, sepi ende a mojɔ mobata yona omɔci, edi bonɔ sepi ende a mojɔ mobata domi-libwa na libwa baya balaboiti. 14Oko boa pongono, Sangwa’mbi yona odi oho Diko atapalaka bo okina obu bakekɛlɛke abunge.
Boyɛ boJibe
15Mwangwao akakɔ wɛ bobe, ke abale na nde mojɔ momina oko no babae pɛ, Akahokea wɛ, oko boa osii mwangwao bosiili. 16Amiti hokea wɛ ko, bea bakina bato batongo, omɔci isa babae na dea, a bolena mojɔ na ebaeli ebanjɛnɛki babae isa basato. 17Akalona bobahokea, jebeja Denga mojɔ momina. Akalona koko bohokea Denga, yɛ adae o mopakano na moputejai otako a miso mawɛ. 18Mbi natɔndɔkɔ no na soti bo leka losusu lokandaka no ya nase, lôkandama oho Diko. Na okalolojani leka ya nase, lôlolojama oho Diko. 19Natɔndɔkɔ no koko bo, bakina banu babae bakada na molema momɔci ya nase a bonga mokina mojɔ, Sangwa’mbi yona odi oho Diko âkɔ mojɔ momina ai bo. 20Mojɔ bo, bato babae isa basato bakatitana a kombe embi, mbi mɛne nadi ena a ndanda ebu.
21Pɛtɛlo adoa ai yo na amohɔjɔ bo, Kumu, mwangwa’mbi akakɔ mbi bobe, nabwani bomoye bihole beka? Oko bihole sambo? 22Yesu abala na nde bo, Mbi nabalaka na we bo, Te nongo bihole sambo, oko bihole domi-sambo-sambo.
Mondɛ moMokɔmɛli Mobe
23Bokumu boDiko bodi o kumu omɔci yona opala bokokeleja mikanda mibakɔmɛli bande. 24Abanga yo bokokeleja, badoa ai yo na okina yona odaka na nongo ai yo, talenta koto domi. 25Iyo ko aidaka na likonia a bosieja nongo ende. Kumu onde ajima bo bangɛjɛe moto omina, na mwali onde, na bana bande, na leka londe losusu mɛnɛ, a mojɔ mobo’ta nongo. 26Mokɔmɛli omina atita na magbunda, na amongɔɔnɔ bo, Kumu, ambɛjɛ molema a mojɔ mombi. Nadi bo’ta kanga esusu mɛnɛ. 27Kumu omokɔmɛli omina amokea wa; amocingoa, na amokinea nongo emina. 28Mokɔmɛli omina ko, yana amana yo, asongana na okina mokɔmɛli otongo, yona odaka na nongo ai yo, flanka mokama. Amopea a ekoolo na abala na nde bo, Seja nongo ewɛ! 29Mokɔmɛli omina atita na magbunda na amo’nga bo, Ambɛjɛ molema a mojɔ mombi. Nadi bo’ta kanga esusu menɛ. 30Iyo ko aijima; akɛ na amosa ta blɔkɔ bo asiejae nongo. 31Yana anɛ bina’nde bakɔmɛli mojɔ momina, badaka na wa enɛnɛ, na bake a botɔndɔ kumu obu mojɔ mosusu. 32Kumu onde amolomeja, na abala na nde bo, Wɛ mokɔmɛli mobe! Mbi nakinei we nongo ewɛ esusu cina bo ongɔɔni mbi. 33Oko boa wɛ obwani bokea minao mokɔmɛli wa pongono, o akei mbi wɛ wa. 34Kumu onde aka kɛlɛ enɛnɛ, na amopa a mɔmɔ mabato bablɔkɔ oko adi yo pɛ bopeta sieja nongo ende esusu. 35Sangwa’mbi yona odi oho Diko adi bokɔ na nu koko boa, omiti yɛni moto na moto mwangwa’nde na molema monde mosusu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo