Matayo 27
27
Bogwa boYuda
1Iyana ahoa busa, basuku banganga basusu na basuku bangando babalana bo baduke njea eboweja na Yesu. 2Bamokanda mbɔci, bakɛ na nde, na bamokina a mɔmɔ maPontio Pilato yona odaka gouveneur.
3Yana anɛ Yuda, mokabi onde, bo bama dumba Yesu, yo ajasa dosa, na asɔmbɔ na pata domi-isato ai basuku banganga na basuku bangando. 4Abala na bu bo, Mbi nakɔi mojɔ mobe. Nakabi mopindea. Bamosɔmbeja bo, Mojɔ mowɛ mɛnɛ, te mosu! 5Iyo adumba likonja lisusu a tei etempelo, amana, akɛ na asa’wa yo mɛnɛ na likimba. 6Basuku banganga bandoa likonja limina, na babala bo, Ebɔngiti bo bose likonja didi a nguku ebipeeli bitempelo, mojɔ bo lidi likonja limakia. 7Babalana mojɔ momina, na basomba mokpɔtɔ momobomi-oteni na likonja, bo bapusee bakɛndɛli a esika emina. 8A mojɔ momina, esika emina edi na kombe Mokpotɔ-momakia oko busa bu. 9Ekenge ebala motɔndɔi Yisaya engama na mojɔ momina. Iyo abala bo,
Batombi pata domi-isato; bamobuni oko na bobuno bomina.
Bana baYisalaele bajimi bobuno bomina a mojÉ” monde;
10Na bapi likonja limina a mojɔ momokpɔtɔ momobomi oteni,
O abali Kumu na mbi.
Yesu na Pilato
11Yesu adaka ami a boso bogouvemeur, na yo ahɔjɔ Yesu bo, Wɛ odi Kumu oBaYuda? Yesu amosɔmbeja bo, O abali wɛ. 12Yana ko abala basuku banganga, na basuku bangando mojɔ monde, Yesu aisɔmbeja nongo ekenge. 13Oko boa Pilato abala na nde bo, Wɛ t’okake ngando ji jinɛnɛ jibalaka bo a mojɔ mowɛ? 14Yesu ko aimosɔmbeja nongo ekenge, na gouverneur akamoa bou mɛnɛ a mojɔ momina.
15 Gouverneur adaka na ekina ekɔmɛli a kola emina, bihole bisusu. Acingoaka moto omɔci a blɔkɔ, oko moto ojimaka bato bangando. 16Okina moto ogala ebe adaka a blɔkɔ a ehole emina, kombe ende Balaba. 17Oko boa, yana adaka bo baboli, Pilato abahɔjɔ bo, Opalakani bo nacingoe nda? Balaba, isa Yesu yona odi na kombe Masiya? 18Mojɔ bo Pilato ajeba bo bama pea Yesu oko cina elisoki. 19Yana adaka Pilato a mongbɛlɛngɔ moesambi, mwali onde amolomea monɔkɔ bo, Pɛ bokɔ nongo mojɔ ai moto yona obodongo; mojɔ bo mbi nati njɔti a mojɔ monde, na nadi na monɔngɔ monenɛ a mojɔ momina busa bu. 20Basuku banganga ko, na basuku bangando bajimeja likita libato bo babee oko Balaba, na bo Yesu agwɛ. 21Gouverneur abahɔjɔ koko bo, Obu babae, opalakani bo nacingoe nda? Ibo bamosɔmbeja bo, Balaba. 22Pilato abala na bu bo, Oko boa êkɔ mbi ndeni na Yesu yona odi na kombe Masiya? Ibo basusu basɔmbeja bo, Yɛ agwɛ a mole-mobokea! 23Iyo abala bo, Boni; mojɔ mobe mokɔi yo nda? Ibo ko babekoa na bopipo bo, Yɛ agwɛ a mole-mobokea! 24Pilato anɛ bo mojɔ mobeha, na bo wokowoko ekɛke oko bohɛ. Oko boa yo atomba madiba, asosa mɔmɔ mande a boso bolikita, na abala bo, Lindo jimakia mamoto yo obodongo jiditi nongo ai mbi. Edi oko mojɔ monu. 25Bato basusu bamosɔmbeja bo, Yɛ makia mande madae ai so na bana basu. 26Oko boa yo acingoa Balaba ai bo. Atueja Yesu ko, na araopeja a mɔmɔ mabu bo bamobakee a mole-mobokea.
Bapɔmbeja Yesu
27Basoda bagouvemeur bakwea na Yesu a ndako eesambi, na babea basoda batongo bapɔlɔtɔ. 28Bahwa bisenja binde, na bamolwaja kasaka eyai ekpetu. 29Badinga likongo linjubɛ, na balibakea a molo monde. Basa koko mongendu a ebɔ ende ebami; batita na magbunda a boso bonde na bamopɔmbeja bo, Mbalea! Kumu oBaYuda! 30Bamotwea masɔi, bamokatoa mongendu, na bamobimboa ta molo. 31Aseja bo bomoko pɔmbɔli, bamohwa kasaka eyai, bamolwaja bisenja binde mɛnɛ, na bakɛ na nde bo bamobakee a mole-mobokea.
Bogwa boYesu
32Ama bo mana, ba’mi songana oko na moto omɔci oKulene, kombe ende Simona, na bamopea bo bamotombejae mole-mobokea moYesu. 33Amea bo a esika yena edi na kombe Gɔlɔgɔta, (cina emina edi Esika eEbebele) 34bamonusa vino yena eputoana na njɔngɔ. Iyo ko, yana alɛlɛ yo, alona bomwa. 35Bamobakea a molemobokea, baboma jonga a mojɔ mobisenja binde, na babikabana. 36Ngɔngɔ jimina, bada na mbondo oko ena bo bamonje. 37Babakea koko mosɔnɔ mu a diko dimolo monde a bojebeja mojɔ monde; IYO ADI YESU KUMU OBAYUDA. 38Babakea koko mibengo mibae a mele-mibokea a dɔngɔ dinde, okina a dɔngɔ diebɔ ebami, yona otongo a dɔngɔ diebɔ ebali. 39Bato baya badaka bakanɔe bamokotoa na bosɛtɔ. Babala bo, 40Saheleja wɛ mɛnɛ, wɛ yona obwani bobuka tempelo na boengɔjɔ koko na masu masato! Isa odi Mwana oNjambe, donga a mole-mobokea, na tita ya. 41Basuku banganga, na basɔni, na basuku bangando pongono, bamosɛkɛ oko bosɛkɛ. 42Babala bo, Iyo aheleja bato batongo; atahɔnɔkɔ ko bo asahelejae yo mɛnɛ. Isa adi Kumu oYisalaele, ye atite cdɛye a molemobokea bo bomojimee. 43Adaka na ejimeli ai Njambe. Isa Njambe amopalaka, yɛ amohelejae edɛye; mojɔ bo abali bo, Mbi nadi Mwana oNjambe. 44Mibengo pongono, baya badaka na nde a mele-mibokea, bamololea koko boa.
45Modidi modoa a ngondo esusu a ehole emidi, na moyeyoa oko a trois heures. 46Yesu abekoa na bopipo a ehole etrois heures bo, Eli, Eli, lama sabakatani? Cina emina edi, Njambe ombi, Njambe ombi, obulɛi mbi mojɔ moye? 47Bakina baya badaka ba’mi ena babala bo, Abeaka Elia. 48Oko boa okina obu apota bokpa, atomba limbusu, aligbɔmeja na vino ekpo, alihangea a mongendu, na amonusa. 49Batongo ko babala bo, Kina, bonje isa Elia adi bodoa a bomoheleja. 50Yesu ko abekoa koko na bopipo, na ameja mwembo monde. 51A ehole emina, esenja enɛnɛ yena ekabaka tempelo a tei o ekɔmɛli engbungbu, elea oko bo’lea, bikenge bibae, diko oko a nase. Ngondo ejonga pongono; matai manɛnɛnɛ malea; 52bisɛmɔ bidipoama, na mikuku mibasɛnɔke baya bama hwɛ mingɔ oko bongɔ. 53Bamana a bisɛmɔ yana angɔ Yesu a bogwa, bake a ngando esɛnɔke, na ba’nenɛ na bato banenɛ. 54Kapitɛni obasoda, na baya badaka na nde a bokɛngɛlɛ Yesu, yana anɛ bo bojonga bongondo, na mijɔ mia mitongo, bangbɛngbɛmɛ na bɔ. Babala bo, Moto yoyo adaki Mwana oNjambe soti! 55Bali banɛnɛ badaka ena pongono, oko bohali mweka a bonja, oko bali baya badonga na Yesu a Galile bo bamokɔmɛe. 56Bakina babu oko ba, Malia oMagadala, Malia nange eYakobo na Yosepa, na nange ebana baSebede.
Bapusea Yesu
57Iyana adipa busa, okina moto oAlimate amea, kombe ende Yosepa. Iyo adaka konji. Adaka koko mocingami oYesu. 58Iyo akɛ ai Pilato, na amonga mokuku moYesu. Pilato apa monɔkɔ bo bamopɛ ai yo. 59Oko boa Yosepa atomba mokuku, amobulaka na esenja eyai epu, 60na amosa ta esɛmɔ ende eyene, oko esɛmɔ ema yo tɔ a litai limono. Ahilingoja litai linɛnɛnɛ a monɔkɔ moesɛmɔ, na ayana. 61Malia oMagadala, na Malia yona otongo badika ko, na badaka bayɛli esɛmɔ.
62Ahua busa, oko yana asia busa boMosɛlingo, basuku banganga, na BaPalusi, bakɛ engbanga ai Pilato. 63Babala na nde bo, Kumu, iso bolɛkɛ mojɔ mobala mokosei yona, oko apetakini gwa. Abala bo, masu makasia masato, mbi nadi bongɔ koko. 64A mojɔ momina, bekea bo basɛnjɛle esɛmɔ na bopele mɛnɛ masu masato, bo bacingami bande batadoa a bomoba, na bâtɔndɔ bato bo angɔi a bogwa. Ekada boa, bokosea bongɔngɔ bodi bonɔ bokosea boboso na bobe. 65Pilato abasɔmbeja bo, Odini na basoda a bosɛniɛlɛ. Yanani; kɔni bo basɛnjɛle na tɔopele mɛnɛ. 66Oko boa bakɛ, badipa esɛmɔ na bopipo, babakea embete a diko dilitai, na bakina basoda ena a bosɛnjɛlɛ.
Currently Selected:
Matayo 27: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
Matayo 27
27
Bogwa boYuda
1Iyana ahoa busa, basuku banganga basusu na basuku bangando babalana bo baduke njea eboweja na Yesu. 2Bamokanda mbɔci, bakɛ na nde, na bamokina a mɔmɔ maPontio Pilato yona odaka gouveneur.
3Yana anɛ Yuda, mokabi onde, bo bama dumba Yesu, yo ajasa dosa, na asɔmbɔ na pata domi-isato ai basuku banganga na basuku bangando. 4Abala na bu bo, Mbi nakɔi mojɔ mobe. Nakabi mopindea. Bamosɔmbeja bo, Mojɔ mowɛ mɛnɛ, te mosu! 5Iyo adumba likonja lisusu a tei etempelo, amana, akɛ na asa’wa yo mɛnɛ na likimba. 6Basuku banganga bandoa likonja limina, na babala bo, Ebɔngiti bo bose likonja didi a nguku ebipeeli bitempelo, mojɔ bo lidi likonja limakia. 7Babalana mojɔ momina, na basomba mokpɔtɔ momobomi-oteni na likonja, bo bapusee bakɛndɛli a esika emina. 8A mojɔ momina, esika emina edi na kombe Mokpotɔ-momakia oko busa bu. 9Ekenge ebala motɔndɔi Yisaya engama na mojɔ momina. Iyo abala bo,
Batombi pata domi-isato; bamobuni oko na bobuno bomina.
Bana baYisalaele bajimi bobuno bomina a mojÉ” monde;
10Na bapi likonja limina a mojɔ momokpɔtɔ momobomi oteni,
O abali Kumu na mbi.
Yesu na Pilato
11Yesu adaka ami a boso bogouvemeur, na yo ahɔjɔ Yesu bo, Wɛ odi Kumu oBaYuda? Yesu amosɔmbeja bo, O abali wɛ. 12Yana ko abala basuku banganga, na basuku bangando mojɔ monde, Yesu aisɔmbeja nongo ekenge. 13Oko boa Pilato abala na nde bo, Wɛ t’okake ngando ji jinɛnɛ jibalaka bo a mojɔ mowɛ? 14Yesu ko aimosɔmbeja nongo ekenge, na gouverneur akamoa bou mɛnɛ a mojɔ momina.
15 Gouverneur adaka na ekina ekɔmɛli a kola emina, bihole bisusu. Acingoaka moto omɔci a blɔkɔ, oko moto ojimaka bato bangando. 16Okina moto ogala ebe adaka a blɔkɔ a ehole emina, kombe ende Balaba. 17Oko boa, yana adaka bo baboli, Pilato abahɔjɔ bo, Opalakani bo nacingoe nda? Balaba, isa Yesu yona odi na kombe Masiya? 18Mojɔ bo Pilato ajeba bo bama pea Yesu oko cina elisoki. 19Yana adaka Pilato a mongbɛlɛngɔ moesambi, mwali onde amolomea monɔkɔ bo, Pɛ bokɔ nongo mojɔ ai moto yona obodongo; mojɔ bo mbi nati njɔti a mojɔ monde, na nadi na monɔngɔ monenɛ a mojɔ momina busa bu. 20Basuku banganga ko, na basuku bangando bajimeja likita libato bo babee oko Balaba, na bo Yesu agwɛ. 21Gouverneur abahɔjɔ koko bo, Obu babae, opalakani bo nacingoe nda? Ibo bamosɔmbeja bo, Balaba. 22Pilato abala na bu bo, Oko boa êkɔ mbi ndeni na Yesu yona odi na kombe Masiya? Ibo basusu basɔmbeja bo, Yɛ agwɛ a mole-mobokea! 23Iyo abala bo, Boni; mojɔ mobe mokɔi yo nda? Ibo ko babekoa na bopipo bo, Yɛ agwɛ a mole-mobokea! 24Pilato anɛ bo mojɔ mobeha, na bo wokowoko ekɛke oko bohɛ. Oko boa yo atomba madiba, asosa mɔmɔ mande a boso bolikita, na abala bo, Lindo jimakia mamoto yo obodongo jiditi nongo ai mbi. Edi oko mojɔ monu. 25Bato basusu bamosɔmbeja bo, Yɛ makia mande madae ai so na bana basu. 26Oko boa yo acingoa Balaba ai bo. Atueja Yesu ko, na araopeja a mɔmɔ mabu bo bamobakee a mole-mobokea.
Bapɔmbeja Yesu
27Basoda bagouvemeur bakwea na Yesu a ndako eesambi, na babea basoda batongo bapɔlɔtɔ. 28Bahwa bisenja binde, na bamolwaja kasaka eyai ekpetu. 29Badinga likongo linjubɛ, na balibakea a molo monde. Basa koko mongendu a ebɔ ende ebami; batita na magbunda a boso bonde na bamopɔmbeja bo, Mbalea! Kumu oBaYuda! 30Bamotwea masɔi, bamokatoa mongendu, na bamobimboa ta molo. 31Aseja bo bomoko pɔmbɔli, bamohwa kasaka eyai, bamolwaja bisenja binde mɛnɛ, na bakɛ na nde bo bamobakee a mole-mobokea.
Bogwa boYesu
32Ama bo mana, ba’mi songana oko na moto omɔci oKulene, kombe ende Simona, na bamopea bo bamotombejae mole-mobokea moYesu. 33Amea bo a esika yena edi na kombe Gɔlɔgɔta, (cina emina edi Esika eEbebele) 34bamonusa vino yena eputoana na njɔngɔ. Iyo ko, yana alɛlɛ yo, alona bomwa. 35Bamobakea a molemobokea, baboma jonga a mojɔ mobisenja binde, na babikabana. 36Ngɔngɔ jimina, bada na mbondo oko ena bo bamonje. 37Babakea koko mosɔnɔ mu a diko dimolo monde a bojebeja mojɔ monde; IYO ADI YESU KUMU OBAYUDA. 38Babakea koko mibengo mibae a mele-mibokea a dɔngɔ dinde, okina a dɔngɔ diebɔ ebami, yona otongo a dɔngɔ diebɔ ebali. 39Bato baya badaka bakanɔe bamokotoa na bosɛtɔ. Babala bo, 40Saheleja wɛ mɛnɛ, wɛ yona obwani bobuka tempelo na boengɔjɔ koko na masu masato! Isa odi Mwana oNjambe, donga a mole-mobokea, na tita ya. 41Basuku banganga, na basɔni, na basuku bangando pongono, bamosɛkɛ oko bosɛkɛ. 42Babala bo, Iyo aheleja bato batongo; atahɔnɔkɔ ko bo asahelejae yo mɛnɛ. Isa adi Kumu oYisalaele, ye atite cdɛye a molemobokea bo bomojimee. 43Adaka na ejimeli ai Njambe. Isa Njambe amopalaka, yɛ amohelejae edɛye; mojɔ bo abali bo, Mbi nadi Mwana oNjambe. 44Mibengo pongono, baya badaka na nde a mele-mibokea, bamololea koko boa.
45Modidi modoa a ngondo esusu a ehole emidi, na moyeyoa oko a trois heures. 46Yesu abekoa na bopipo a ehole etrois heures bo, Eli, Eli, lama sabakatani? Cina emina edi, Njambe ombi, Njambe ombi, obulɛi mbi mojɔ moye? 47Bakina baya badaka ba’mi ena babala bo, Abeaka Elia. 48Oko boa okina obu apota bokpa, atomba limbusu, aligbɔmeja na vino ekpo, alihangea a mongendu, na amonusa. 49Batongo ko babala bo, Kina, bonje isa Elia adi bodoa a bomoheleja. 50Yesu ko abekoa koko na bopipo, na ameja mwembo monde. 51A ehole emina, esenja enɛnɛ yena ekabaka tempelo a tei o ekɔmɛli engbungbu, elea oko bo’lea, bikenge bibae, diko oko a nase. Ngondo ejonga pongono; matai manɛnɛnɛ malea; 52bisɛmɔ bidipoama, na mikuku mibasɛnɔke baya bama hwɛ mingɔ oko bongɔ. 53Bamana a bisɛmɔ yana angɔ Yesu a bogwa, bake a ngando esɛnɔke, na ba’nenɛ na bato banenɛ. 54Kapitɛni obasoda, na baya badaka na nde a bokɛngɛlɛ Yesu, yana anɛ bo bojonga bongondo, na mijɔ mia mitongo, bangbɛngbɛmɛ na bɔ. Babala bo, Moto yoyo adaki Mwana oNjambe soti! 55Bali banɛnɛ badaka ena pongono, oko bohali mweka a bonja, oko bali baya badonga na Yesu a Galile bo bamokɔmɛe. 56Bakina babu oko ba, Malia oMagadala, Malia nange eYakobo na Yosepa, na nange ebana baSebede.
Bapusea Yesu
57Iyana adipa busa, okina moto oAlimate amea, kombe ende Yosepa. Iyo adaka konji. Adaka koko mocingami oYesu. 58Iyo akɛ ai Pilato, na amonga mokuku moYesu. Pilato apa monɔkɔ bo bamopɛ ai yo. 59Oko boa Yosepa atomba mokuku, amobulaka na esenja eyai epu, 60na amosa ta esɛmɔ ende eyene, oko esɛmɔ ema yo tɔ a litai limono. Ahilingoja litai linɛnɛnɛ a monɔkɔ moesɛmɔ, na ayana. 61Malia oMagadala, na Malia yona otongo badika ko, na badaka bayɛli esɛmɔ.
62Ahua busa, oko yana asia busa boMosɛlingo, basuku banganga, na BaPalusi, bakɛ engbanga ai Pilato. 63Babala na nde bo, Kumu, iso bolɛkɛ mojɔ mobala mokosei yona, oko apetakini gwa. Abala bo, masu makasia masato, mbi nadi bongɔ koko. 64A mojɔ momina, bekea bo basɛnjɛle esɛmɔ na bopele mɛnɛ masu masato, bo bacingami bande batadoa a bomoba, na bâtɔndɔ bato bo angɔi a bogwa. Ekada boa, bokosea bongɔngɔ bodi bonɔ bokosea boboso na bobe. 65Pilato abasɔmbeja bo, Odini na basoda a bosɛniɛlɛ. Yanani; kɔni bo basɛnjɛle na tɔopele mɛnɛ. 66Oko boa bakɛ, badipa esɛmɔ na bopipo, babakea embete a diko dilitai, na bakina basoda ena a bosɛnjɛlɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo